أين سيكون قضاء إجازة اسبوع الفصل الثاني ؟؟؟

[سفير الجزيرة]

السلام عليكم

اتوقع الجميع مضبط إجازة للأسبوع القادم ليذهب مع أبناءه الطلبة وقضاء إجازة الاسبوع (( وهذه فرصة ما تتفوت ))

لكن السؤال ،، أي الاماكن افضل في مثل هذه الأوقات ؟

هل تتوقعون أبها جميلة وفيها أمطار وغيوم ،، أم برررررد قارس وسماء صافية ؟

الشرقية أجواءها حلوة جدا هذه الأيام على ما ذكره الأخوة ، لكن الله يعين اللي يروح على الزحمة !!

الشمال أتوقع اجواءه جميلة ، لكن هل يوجد أماكن للعوائل ؟؟ ما أدري !

،، ومكة أنا جايها قبل ثلاث أسابيع وزحمة توجع الراس ،، وشاهدوا صلاة العشاء اليوم في التلفزيون وتشوفون الزحمة صدق !!


والواحد محتار ما يدري وين يرووووح ؟

يا ترى وش الأنسب يا أخوة ؟؟؟

[شنفر]

انا من جدة وناوي اطلع الرياض بإذن الله لكن مادري كيف أجواء الرياض هالأيام

[سفير الجزيرة]

الاجواء عندنا غبار ، لكن درجة الحرارة معتدلة نوعا ما ،، والاجواء في الليل رائعة

لكن مدري عن جدة ؟ شكلها رطوبة وإلا !!

[PATROL 98]

أنا أبقضي الإجازة مع أبنائي الطلاب في الساحل الغربي ( الديسة - ينبع - قيال -...)

[كشته 111]

ان شاء الله ابروح للطيار او الصرح واحجز شقه حجز مؤكد مدفوع القيمة لي وللعائلة في الدمام او الخبر او في البحرين ، واروح وانا متطمن بالنسبة للحجز ،،،
هذا ما لدي يا سفير الجزيرة ،،، وسلامتكم ،،،



http://up.arab-x.com/pic/yw417212.jpg (http://up.arab-x.com/)

[عمر 960]

انا بروح لديرتي البدائع ,, لازم نريح الاعصاب من زحمة الرياض ودخاخينة

[شنفر]

لكن مدري عن جدة ؟ شكلها رطوبة وإلا !!

لا والله بالعكس الجو بالليل روعه لكن بالنهار شمس

[ابوبداح]

دعوة خاصة لأهل الرياض اللي ما راح يسافر


عليه بالشعبان اللي حوالين الرياض مثل شعبان صلبوخ وحريملاء وغيانه


وشعبان القويعية وشعبان الطوقي وغيرها


لكن اهم شي انتبهوا للعقارب والدواب الله يحفظ الجميع


اتمنى لكم سفرا ورحلات سعيده وعودة حميده

[@قرناص@]

بخصوص السفر,,

خلنا في ارضنا افضل لنا..!

زحمه و..

وان بغينا طلعات الحمدلله لزلفي وتمير وشراء والشعبان..

لاهنت

[سهيل تميم]

اييه الله يعين بس والله يهدي مديري ويخليه يوافق على اجازتي :(

والضاهر اني ابقضي الاجازه بالدوام :)

[بيق مان]

الا وش رايكم بشاطيء العقير؟
وكم يبعد عن الرياض؟
وهل ينفع في الاجازة؟
اللى عنده فكرة لا يبخل علينا جزاكم الله خير
مع الشكر لصاحب الموضوع أخوي سفير

[هدد688]

انا والله متكتك لي احلى اجازة

وسوف تكون ان شاء في الدوام وانكرف كرف .. الله يعين

[قلب الداهيه]

أقول يمدحون الدوام:(:mad:
لكن الله يعين معوضينها ان شاء الله بالصيفية..

[ابوصالح2010]

انا مادري وين اسافر في وقت الاجازة اقعد بديرتي افضل لي

بسبب ضروف العائلة واعيالي غير قادرين للسفر بسبب ضروفهم الصحية

وان شاء الله ان تحسن وضعهم الصحية اخذ من اجازة من العمل واسافر في وقت الدوام

ويصير الجو حلو باي مكان في ربوع بلادي اسافر انا واعيالي

القصيم ديرتي الحبيبه وانا في مدينة بريدة الغالية

[المنبسط]

السلام عليكم
وش راي الاخوان بينبع؟
سمعت ولا ادري يقولون ان الجو غبار في الفترة الحالية
انا من الرياض
وبالنسبة لـ الديسة - قيال أين تقع؟وكم تبعد عن الرياض؟

[صدى الحادي]

في الحقيقة .. أنا في انظري القاصر ..

أنسب شي لنا (( أهل الرياض )) هو أنك تروح لديرتك (( سدير - القصيم - المحمل - الوشم - الشعيب )) وتجلس فيها إجازتك مع عيالك في المزرعة .. وكل يومين تطلع لك منا ولاّ منا تصيد ضبان وتتمشى في هالشعبان .. خاصة وأنه بإذن الله ،، وحنا نرجو رحمة الله .. أن وقت الإجازة بتكون مطيرة بإذن الله والله كريم .. فأنصح أهل نجد ما يتعدون ..

واللي على قولتهم طالع طالع ,, الله لا يعوق بشر .. يروح للشمال الغربي ,, يمر على القصيم وديارها ثم حايل وديارها .. وتبوك وديارها .. ثم الديسة والساحل الغربي ومدائن صالح .. من ذيك المناطق ,, ويرجع ..


هذا أنسب شي في نظري ..

والله يكتب اللي فيه الخيره ..

[أنا المسلم]

آه يا الزلفي كم أنا مشتاق لكي حال بين وبينكم الوظيفة ما هي إلا أيام قلائل إن شاء الله وأنا بين أحضانك كم أنا مشتاق

[grdan]

الجو هذه الأيام لايمكن التنبؤ بما يحصل فيه من حر ولا عج ولا سيل ويمكن يجن جميع مع بعض ، لهذا الحل سيكون بحيرة الكسر والشعبان القريبة

[سحاب بقعاء]

اييه الله يعين بس والله يهدي مديري ويخليه يوافق على اجازتي :(

والضاهر اني ابقضي الاجازه بالدوام :)

الله يعينك :no:
بين ان مديرك شديد مايبي احد ياخذ اجازه :D

[سفير الجزيرة]

مشكورين على المرور

اشوف اغلب الاخوة بنصح بعدم السفر ، او يروح الواحد لديرته ويرتاح من الزحمات والإزعاج

[العزوم]

موضوع جميل

بالنسبه لي ان شاء الله ناوي على فرسان انا ومعي ثنين من الشباب

اللي بيخاوينا الله يحييه

[عشق البداوه]

انا من تبوك الى المدينة والقصيم

[يحيي بن حمد]

ان الله يسر مكه شرفها الله

[صقر نجد99]

وينك يا سندباد الخليج تراي جاهز والعزبة جاهزة وين تبينا نروح

[بن نويشر]

الحقيقة ناوي أخذ المعزبه والعيال برحله بحرية على الهافمون، ليلتين نخيم بالليل ونمرح وفي الظهيره نظف وندخل نتمشى في الدمام والخبر وعند نزول الليل على البحر واللهم لك الحمد . والشقق بتلقاها نار الله الموقده ، وإستغلال ما بعده إستغلال . والحقيقة ملينا من جلسة البيوت . و سويتها العام الماضي وكانت من أروع ما يكون .

المهم جهز نفسك تمام (( رواق ، حمام بلاستيك ، تانكي ماء وافر ، عزبة الطبخ والقهوه ، ثلاجة ، محول كهرب على البطارية )) وصدقوني يا جماعة الخير ... كانت في غاية الروعة ..

وأي إستفسار أنا جهاز ..

[راعي النص]

والله في الصالة!
وإذا بغيت أغير أروح للمجلس؟!؟
أما شم الهواء نروح للسطح

[الكابتن]

والله في الصالة!
وإذا بغيت أغير أروح للمجلس؟!؟
أما شم الهواء نروح للسطح:D :D :D :good:

[فيصل التميمي]

الاجازة سوف تكون على كرسي الدوام والله يعين

[دليله]

شعيب دقله نزلت عنه تقرير قبل فتره فهو وبحق أجمل مكان للتنزه والاستجمام قرب الرياض فهو لايزال يمشي الى الآن بالإضافه الى تجمعات الماء الكبيره والزرقاء النضيفه والاشجار وافرة الضلال والخضرة الناصعه..ولاتنسى ملابس السباحه..

[الكيان]

في منزلنا العامر متقلبا بين رحلات اخوتي في مكشات لكل كشات على العالم الافتراضي

[العزوم]

موضوع جميل

بالنسبه لي ان شاء الله ناوي على فرسان انا ومعي ثنين من الشباب

اللي بيخاوينا الله يحييه



الحمد لله تمت رحلتنا وعدنا بالسلامه

انتظرو تقريرها بالقريب العاجل