دعوه في ظهر الغيب >>> ابي رايكم بالاسباني الهوائي <<<

[الجضعاء]

السلام عليكم ورحمه الله وبراكاته

كيف حال الاخوان ؟ ان شاء الله انكم دوم بخير وصحه وعافيه

اخواني اليوم جاي وابي اشاوركم
انا نويت اشتري ساكتون فايروخ 85 او 80
بس للاسف ما حصلتها لا في بن حميد الي بجده ولا الي برابغ :no2:
انا من سكان المدينه المنوره وصعب علي اضرب مشوار للرياض او القصيم
فا لقيت عندنا بالمدينه محل الفوزان يبيع ساكتون بس انه اسباني
ما عنده الماني وعلى كلامه ان الالماني الان منقطع من التصدير من المانيا اقل شئ 4 اشهر على بال ما يجي >> يعني يضيع عليك الخرشي :eek:

الساكتون الي عنده

85 اسبانيه قامو >> 1450 ريال

80 اسبانيه فايبر >> 1500 ريال

45 اسبانيه >> 1200 ريال

وعنده 28 و29 بس انها ضعاف

فا ابي رايكم وصيحتكم
تنصحوني اعزم على الاسباني
واذا عزمت اي نوع اخذ
على العلم انه صيدي كلها طيور قمري ( خرشي ) وسمان وحجل ومن هذي الطيور
ونادرا الضبان

نصيحكم يا اخوان وان شاء الله الله ما يحرمكم من الدعاء في ظهر الغيب

[ابو صاالح]

السلام عليكم مرحبا اخوي
بنظري لا يعلا على الألماني ال 80 فايروخ ولا يعيبها غير ثقلها ،،، الاسباني بالسعر الذي ذكرت احس انها غاليه شوي،، واعتقد ان المحل بالغ بالسعر ،،، أفدتك بما اعرف ،، وان شاء الله الاعضاء ما يقصرون

[القناص-sniper]

السلام عليكم ورحمه الله وبراكاته

كيف حال الاخوان ؟ ان شاء الله انكم دوم بخير وصحه وعافيه

اخواني اليوم جاي وابي اشاوركم
انا نويت اشتري ساكتون فايروخ 85 او 80
بس للاسف ما حصلتها لا في بن حميد الي بجده ولا الي برابغ :no2:
انا من سكان المدينه المنوره وصعب علي اضرب مشوار للرياض او القصيم
فا لقيت عندنا بالمدينه محل الفوزان يبيع ساكتون بس انه اسباني
ما عنده الماني وعلى كلامه ان الالماني الان منقطع من التصدير من المانيا اقل شئ 4 اشهر على بال ما يجي >> يعني يضيع عليك الخرشي :eek:

الساكتون الي عنده

85 اسبانيه قامو >> 1450 ريال

80 اسبانيه فايبر >> 1500 ريال

45 اسبانيه >> 1200 ريال

وعنده 28 و29 بس انها ضعاف

فا ابي رايكم وصيحتكم
تنصحوني اعزم على الاسباني
واذا عزمت اي نوع اخذ
على العلم انه صيدي كلها طيور قمري ( خرشي ) وسمان وحجل ومن هذي الطيور
ونادرا الضبان

نصيحكم يا اخوان وان شاء الله الله ما يحرمكم من الدعاء في ظهر الغيب


تبي العلم ولا ما تبيه ؟؟؟!!!

اقرط على ثوبك وانحش ولا تشاور ولا حتى تفكر في الاسباني فيبر ولا نيكل ولا مذهب ولا ببخور

لا يجي في بالك انك تشتريها من تجربه شخصيه شفها عندي
عالتني الله لا يعود الساعه الي شريتها فيها اول شي تنكسر الريشه الفسفورية وزنيتها اي كلام بعد فترة بسيطه تضعف الجلبه وتصير طلقتها ضعيفه

نصيحتي لك اخوي لا تاخذ غير الألماني اشوفها مع نسيبي لها يمكن حول 12 سنه ما شاء الله تبارك الله والله انك تقول انها جديده يالله مطلعها من المحل ان كان في الشكل وان كان في الرمي وان كان في الركاده لا تدور غير الألماني

تحياتي لك ولا تنسى دعوتك لي

[قناص طيبه]

السلام عليكم ورحمه الله وبركاته.

أن كان انك تبي رايي ابعد عن الاسباني ولا تشري إلا الفايروخ 80 .

وأنا يالحبيب من المدينه ومشترى فايروخ 80 من المدينه.

من الجهني بالمصانع .سعرها 1500.

وشكرا

[الجضعاء]

يعطيكم العافيه اخواني وما قصرتو
وابشر والدعوه بين الاذان والاقامه


اخوي
قناص طيبه
اذا ما عليك امر توصف لي المحل الي شريت منه
في بالضبط

[شعب الحلاه]

السلام عليكم ورحمة الله وبركاته

عندي فايروخ80ماشاء الله تباركـ الله

خل الاِسباني ولاتفكر فيه

وارد ألمانيا وبس:good:

[أبوعبدالله566]

وعليكم السلام ورحمة الله وبركاته
تبي شوري
لا تدور غير.........................((الألماني)).......... ....................
متانه
ووزنية المنشاف تبتل على وزنته
وقوة رمي
وهذا العلم اللي عندي
وشكرا

[الجضعاء]

شعب الحلاه
الله يجزاك خير
ويوفقك

[المتنبي911]

بسم الله الرحمن الرحيم


السلام عليكم
نصيحة مجرب لاتقرب الاسباني انا شريتها من القصيم 1150والله ماكملت شهر الا بايعها جديده بزيوتها با600 ريال ماتنفع ابد عليك باللماني وانا اخوك

[hosam99]

السلام عليكم ورحمة الله وبركاته
اخوي انا عندي شادو 1000 اسبانية لها شهرين معي والله ماتنفع بريال وخسارة 1400 فيها اما القمري اغسل يدك انه تجيبه ؛ المشكلة انها فيبر لوكانت خشب سويت عليه براد شاي

[عابر الصحراء0]

السلام عليكم

عني انا عندي اسبانيه لها سنه و لا به شي ممتازه و لا عليها كلام

و الامانيه الجديده هي الي ما تنفع بريال

نصيحتي لك اخوي هناك قسم متخصص في البنادق الهوائيه في منتدى البواردي هم يفدونك و يعطونك العلم الشافي انشالله

و الله يوفقك يا عزيزي

تحياتي لك

[تايقر11]

وانا عندي اسباني قامو 85
مشاء الله لها حوالي 5 شهور من ابدع مايكون.... واصحاب المحلات تراهم يحذرون من الالماني الجديد
خذ العلم .. الالماني القديم والا بلاش

[الكركي الملكي]

وعليكم السلام :
أخي أنا جربت الألماني و الأسباني و الإنجليزى وأقول لك حرام تضع فلوسك من 1000 ريال وطالع في أسبانية لأنها ماتجمل.

أما من ناحية محل الفوزان يقول لك الألماني منقع فهذا غير صحيح ، إذا كنت تبي بنادق هوائيات ألمانيات فأذهب للرميح في الرياض وشوف بنفسك جميع أنواع الفايروخ.

ولا تحسب أنني أقول الرميح دعاية له يشهد علي الله أنني لا أعرف
صاحب محلات الرميح لا من قريب لا من بعيد.

[ابو صاالح]

انا اقولك الشباب يحسبون الألماني وااحد ،، ما يدرون انه شركات ،، يا اخي الالماني اشهر شيء موجود الديانا والفايروخ ،، الصناعات القديمه الديانا افضل من الفايروخ ،، اما الجديد تفوق الفايروخ ،، السبب هو ان الديانا اصبح بعض قطعها الداخليه (( بلاستك )) اما الفايروخ ما زال حديد في حديد ،، إلا اذا كان فيه شيء جديد ما ادري عنه . اما القديم هو الممتاز ،، وذا ترغب تشري قديم ،، عندك الألماني والأوميقا لا تتعداهن .

[رحال الجوف]

اولا السلام انا عندي بارود هوائي
مقاس 80اسبانيه اقولك كويسه لمدة
سنه امابعدها اشترلك نبيطه افضل
منها بكثيرررررررررر اسئل مجرب
ولا تسئل طبيب انصحك بل الامانيه
القديمه 36 وبس اطيحلك الحوام

[جـرح الشمـال]

انا عندي قامو 85 صراحة ابداع وقوة مامر علي مثلها حتى بالالمانيات والراي يرجع لك

[قناص طيبه]

آسف على التأخير.

شف المصانع جنب الحرم تبي بالظبط.

خل سوق البدر على يسارك يعني بالطريق النازل امش لين تجيك إشاره امش طوالي تجيك إشاره ثانيه اللي يسير النقل على يسارك امش طوالي بعد تجيك إشاره ثالثه اللي كان فيه الساعه قدامك رح يسار وامسك الخدمه المصانع تجيك على يمينك امش شوي ادخل بالحواري واسئل عنه.

المحل اسمه الجهني يبيع أسلحه هوائيه وأدوات رحلات ويبيع بعد بطاطين وفرش.قديم المحل.

سلاحي شريته العام زي ذا الوقت.

أتمنى اني افدتك.
وشكرا .
قناص طيبه.

[الجضعاء]

ما قصرتو ويعلم الله اني دعيت لكم

وبالنسبه للمحل رحت له اسمه ( عبدالله صلاح الجهني )
بس للاسف يقول ما عنده >> هذا الكلام قبل اسبوع تقريبا
واتصلت على بن حميد
وقالي بتجي بعد شهر تقريبا نوع الماني مقاس 350
على كلامه يقول انها اقوى وافضل
قلت مالي الا خوياني يفدوني لو يعرفون عنها شئ

واكرر شكري لكم وانا اشهد ما قصرتو

[omar salman]

إسأل طبيب ولا تسل مجرب
جاك الخبير هههه اسمع يا أخي :
اذا انت صيدك حاجات أكبر من الحمام
ومن مسافات بعيدة فأنت تحتاج إحدى هذه البنادق :
1 - باتريوت من ويبلي الإنجليزية .
2 - ماقنوم 350 من ديانا الألمانية .
3 - الهنتر 1250 من قامو الأسبانية .
كل هالثلاث سرعتهن حوالي 360 متر في الثانية
والمجربين يقولون الصتم حجم 5,5 هو الأفضل للبنادق
عالية السرعة والباتريوت أسرعهن وقد تصل سرعتها 375 متر
في الثانية ولها ميزة تتمتع بأقوى وأمتن سستة على الإطلاق في عالم
الساكتون مما يجعلها مستمرة بنفس القوة لسنوات طويلة بعكس أختيها
فالزبدة انك لن تحتاج لهذا النوع من البنادق الهوائية لصيد الطيور الصغيرة .
وأصحاب الكشتات هواة صيد الأرانب والبط والوبر والحجل والضبان يقولون
استغنينا عن الخرازات مع هالهوائيات العملاقة وعيبهن كلهن الثقل والطول وقوة الرجف .
وبالنسبة للحجم الأقل وهو المناسب للحمام بأنواعه وما دونه أو لما هو أكبر من
الحمام ولكن ليس من مسافات بعيدة فأقول عندك ثلاث بنادق لا تتعداهن
1 - 85 فايروخ 2 - 80 فايروخ ( يعيبها الثقل نسبياً ) 3 - شادوا من قاموا
وانت لك كامل الحرية والصتم الصغير طبعاً أفضل لهذه الموديلات .
والله أعلم .

[محب الفتك]

نصحية لوجه الله
غير الالماني لا تقرب ، ولو بريال .
اللي يجرب الألمانية ، ثم يشوف الاسبانية يحس أنها لعبة مهب ساكتون .