سؤال عن صيد الفري

[falcon 1]

السلام عليكم كيف حالكم

عندي سؤالين ..من وين احصل جهاز صوت الفري بالكويت وعلى كم اسعارهم
وشنو افضل شوزن (يفضل ام خمس) لرمي الفري


تحياتي فالكون 1

[طرزان الرياض]

السلام عليكم

ام خمس تفرق بمجمل الطلقات ولها قوه ولاكن لاتزود على ام وحده الا با الطلقات

اتمنى ان ترميها بم وحده او ام خمس لاكن رصاص رقم 36 - 6

اخوك طرزان الرياض

[تركي الرماي]

السلام عليكم

والله ياخووك جهاز الفري متواجد في كل محلات السلاح

في محل البوري في الفحيحيل

وفي محل الهدف في المنقف

في محلات داخل الكويت كثير وتحصل انوااع اجهزه

اسعارهم في الي على 50 دينار كويتي وفي على 70 و 80 دينار

والفشق 24 قرام رقم 9 او 9 ونص و28 قرام ممتاز ولا تاخذ فشق اقوى من هذا

وبالنسبه اي بندق من الشوزن ماعليه بس في انوااع ممتازه مثل فابارم بالقناص في الفحيحيل

وبراونق في البوري في نفس المنطقه


وارجوو اني افدتك

[تركي الرماي]

السلام عليكم

ام خمس تفرق بمجمل الطلقات ولها قوه ولاكن لاتزود على ام وحده الا با الطلقات

اتمنى ان ترميها بم وحده او ام خمس لاكن رصاص رقم 36 - 6

اخوك طرزان الرياض

الله يصلحك اخوي شلون ترمي فري ب 36 رقم 6

اخاف ترمي قطا ولا بط وانا اخووك كذا تقطع الفري

وافضل فشق للفري 24 و28 قراام

[FA_123_FA]

تحصل في محل رمادان للوازم البر في الجهراء .... قد شفت اجهزه جديده جايبينها ...

[أبو طلال-نقوه]

أخي العزيز,
معظم صيد الفري عندنا ب24جرام 7أو9, لكن برأي أن أفضل شئ هو 28 و 30 جرام رقم 7أو9 و حد أقصى 32 هذا إذا يمرك بعيد. والأجهزه روح شهر 8 عند نيشان, جهازه ممتاز وسعره 60 و معظم محلات الأسلحه عندها أجهزه, "لكن في البعض ليس إيطالي" وإذا تبي شئ رخيص و زين روح للبيعات في كبد تحصل ناس تبيع أجهزه مستعمله و رخيصه. "في أجهزه مكتوب عليها إنه إيطالي لكن هو لبناني أو صيني" والصراحه سمعة عن جهاز كويتي و يقولون ممتااااااااااااز لكن ما أدري وين!!! والشوزن أي نوع يمشي, من أم بطن أو بطنين أو أم خمس وهذا يعود للشخص نفسه. وإذا كان سؤالك أنه إذا في شوزن مخصصه للفري فهذا غير صحيح, لأن كل الشوازن تأدي الغرض. ويقولون شهر 6 يفتح محل المزين وعنه أجهزه ممتازه.

[ابو زمه]

ياعمي سجل صوته بجوالك وخلااااااااااص >>مجرب بس النغمه واضحه بالحيل

[العود&& الازرق]

الجهاز ممتاز اخوي

[ابوفهيدان]

ميلتي ساوند افضل جهاز ومضمون للفري ولونه اسود وهو ايطالي نادرا تحصله متوفر
وافضل فشق للفري 24 جرام رقم 9 حتي ال 28 جرام قوي للفري

[منتظر الجديد]

والله الفري مش بطال

[gabo0o0n]

الهدف الى بالفروانية عنة انواع من اجهزة الاصوات
والفشق الزين 24 غرام او 28 غرام 7.5 او 9

[لاح البرق]

السلام عليكم ,, حبيت اعطيك رقم تليفون محل كشته للرحلات بحفر الباطن لأنه انا شاريه من عندهم و ممتاز جدا بس اللي عندي 8 اصوات و لونه أخضر غامق لكنه جدا ممتاز من ناحية الصوت و الذبذبه وواضح من مسافة كيلو و اكثر وهذا رقمهم (037235161)وأنشاءالله أني افدتك,, وحبيت اقولك اني جربته للكراوين بالليل ويوم اصبحت لقيت الكراوين عنده و ذبحناها كلها و كانت 9 كراوين و كانت من السبق و أيضا يوم حطيناه انا وواحد من الشباب على سفح ضلع وشغلناه على صوت الوبر ماأخذنا شوي إلى وهو طالع من مابرته ...
وتقبل مروري

[قناص شدا]

اهم شي بصيد الفري (الشوك) لاترمي بتشوك ضيق لان الرمي بيكون من قريب جرب رقم 3 و4 و5 حسب الشوزن اللي عندك وان شاء الله بتطيح على مرماها

بالنسبة للفشق عليك 24 او 28 او 32 رقم 7.5 او 9 ولاتتعداها

اما بالنسبة للاجهزه فيه انواع كثيره وافضلها الايطالي ويجي منه انواع

تحياتي للجميع

[hunter73]

بعد هالمعلومات من الشباب ما أعتقد إني أقدر أزيد ، لكن أهم شي الفشق تكون نوعيتة جيدة ، ترى المظروب زايد.والاجهزة بالكويت بس باقي البقالات تبيعها ، نزل الصوت من النت وحطة بجهاز mb3 وشغلة على مسجلة السيارة ولا مسجلة عادية ، وهذا أسهل شي بدال لا تدفع فلوس زايدة.

[تاميلون]

بعد هالمعلومات من الشباب ما أعتقد إني أقدر أزيد ، لكن أهم شي الفشق تكون نوعيتة جيدة ، ترى المظروب زايد.والاجهزة بالكويت بس باقي البقالات تبيعها ، نزل الصوت من النت وحطة بجهاز mb3 وشغلة على مسجلة السيارة ولا مسجلة عادية ، وهذا أسهل شي بدال لا تدفع فلوس زايدة.



بصراحه فكره حلوه
ممكن بالله اذا عندك رابط لتحميل الاصوات فأكون لك من الشاكرين