ممكن استفسار يا صيادي السمك بالشرقيه

[طير حر]

السلام عليكم ورحمة الله وبركاته

الاسبوع هذا انشاء الله الطلعه لراس ابو علي لصيد السمك وهذي اول مره اروح لها

فارجو ارشادي الى المواقع التي يمكنني ان اجد الصيد فيها وانواع السمك

تحياتي

:confused: :confused: :confused:

[طير حر]

ما يصير ياشباب

الطلعه بكره ولا واحد فزع لي

عمومأ الله يعطيكم العافيه ويوفقكم بالصيد الوفير

تحياتي

[ana_boss]

هلا اخوي
في مكان قبل سكن ارامكو على اليمين و باقي الاماكن ما اعرف كيف اوفها لك لاني اروح مع الشباب و ما ادل عدل فيها

[هوا بحري]

حياك الله أخونا العزيز
بخصوص ابو علي حنا جربنا فيه المدود والغزول فقط ولم نجرب شي غيره
لان المنطقة الي نروح لها ضحلة جداً وليست عميقة واذا كانك تبي تحط غزول
او مدود هذا وصف المنطقة ... اذا تعديت تفتيش حرس الحدود تمشي لين يجيك
مجمع على اليسار وفيه مسجد بعده راح تشوف حضرات لصيد السمك بين الحضرات
راح تشوف منطقة مفتوحة وجيده للصيد (هذي وحده) والمنطقة الثانية تتعدى هذي
المنطقة بمسافة لين يجيك شبك على اليسار داخل شوي وفيه منشاة ومباني فيه دخله
قبل الشبك ادخل وروح خلف المنشاة هذي منطقة جيده للصيد ايضاً وجربنا في المنطقتين
خصوصاً المدود وأغلب ما يضرب عليها السبيطي وكان الطعم جواف(يواف) على فكرة
تحتاج لدخول جزيرة ابو علي لتصريح وانت وحضك اذا مشوكم حرس الحدود وبخصوص
المنطقة الثانية ترى فيها أمن المنشات يمكن يجيكم ويطلب أثباتاتكم
... فيفضل أنك تحط غزول ومدود في المنطقتين مع بعض والثانية حط المد او الغزل وتخليها
ولا تجلس بالمنطقة وارجع شيك على المد او الغزل وغادر المنطقة ، وبخصوص مناطق الحداق لا اعرفها
تحديداً لكن سمعت أن فية منطقة جيده عند الفرضة في أخر ابو علي
هذا الي اعرفه واتمنى لك التوفيق

تحياتي

[عاشق الشعري]

اخوي هوا بحري ما خلا شي كفى ووفى

[المجنوني]

؟؟؟؟؟؟؟؟؟؟؟؟؟؟
ايش اقدر اخدمك ما اقدر انا في الغربية
تقبل تحياتي يا حـــــــــــر

[طير حر]

الله لا يخليني منكم

بيض الله وجيهكم كفيتو ووفيتو لاكن وش تقول للحظ بالرغم من انه معي تصريح لمدة 3 شهور من حر س الحدود.

ذهبت لراس ابو علي يوم الخميس وما خليت محل الا ورميت فيه لين وصلت راس الفرضه

وكانت الحصيله كم حبة قرقفان بحجم الكف

عموما كانت تجربه ممتعه وانشاء الله سوف اقوم بالزياره الثانيه واجرب المحلات التي وصفتوها لي

تحياتي لكم جميعاً