المساعد الشخصي الرقمي

مشاهدة النسخة كاملة : أهم مافي الكشته الطبخ واهم الشروط وهو كالأ تي :


شبث
25/05/2004, 03:27 PM
السلام عليكم ورحمة الله وبركاته........................................... .وبعد 1- ان يكون جميع الاكل طازج. 2- ان يكون اللي يطبخ راعي مزاج . 3- لا يقربك الكاتم ( شغل العجازين). 4-اخلط بهاراتك بنفسك بعد غسلها وتنظيفها ( لأنها سر الطباخ الماهر). 5-قابل القدر ورادوك جنبك ومخمخ . وفي الحلقه القادمه سيتم اعلامكم عن طريقت طبخ الهرفي كامل اومقطع باللبن مثل شغل اللأولين . طعم مهوب طبيعي ( فتنه) توجع المخ من زينه.
((( الحر)))
25/05/2004, 03:47 PM
بارك الله فيك اخوي ثبث على هالنصايح والي مهمه جداً جداً رغم اني اول مره اسمعها وخاصة شغلة الرادو...!!!

في انتظار الحلقة القادمة بشغف فلا تبطي علينا...!!!

تحياتي.............ابومحمد...!!!
شبث
25/05/2004, 04:43 PM
السلام عليكم ورحمة الله وبركاته . شكرا جزيلا وانشاء الله ساقوم بعدة حلقات للطبخ المميز اللى ورطني بالبيت خصوصا لاصار عند المعزبه عزيمه مايبون الا المندي بالخلطة السريه لاصارت حبة رز ابوكاس طول منقاش السنون واللحمه تقل زبده .وانشاء الله كان مالك كرشه الوعد قدام , بشرط تشتري ( رادو) .
مهيلان
25/05/2004, 06:02 PM
- ( قابل القدر ورادوك جنبك ومخمخ )
:p :p

على اي اذاعه يا شبث ( نسيم الصباح .. طبق اليوم )


مشكور على النصايح وفي انتضار المزيد

السلام عليكم ورحمة الله وبركاته
المربد
25/05/2004, 06:12 PM
إيه تعجـبـني يا بعدهم.

والله اخوي شبث انا ما احب الكاتم ولا عمري استعملته.
وفعلا انا استعمل الرادو .

بس ما اعرف اخلط بهاراتي.
رجاء لا تبطي علينا
المربد
28/05/2004, 01:28 PM
لا زلنا بانتظارك يا شبث
شبث
29/05/2004, 02:30 PM
السلام عليكم ورحمة الله وبركاته. اسف جدا للتاخير وعدم الرد بسرعه . تعرفون اجازة نهاية الاسبوع وماحولي جهاز كاشتين بهالحر الله يرحمنا برحمته . اليوم الحلقه الاولى كما وعد تكم: اللحم باللبن والرز. المقادير: 1- لحمة طازجه غنم والا حاشي. 2- لبن طبيعي بالزبد. 3 - ملح + بهار + بصل + ثوم. ملعقه صغيره سمن بري. شب ضوك حط المركابه اضبط الد له وبريق الشاهي وطرفهن على الجمر عدل النار بحيث تكون جمرفقط حط قدرك واحمس البصل والثوم مع السمينه (والبهار حسب الرغبه) دقيقتين حسب الكميه المرغوب فيها مع اني شخصيا احب اكثرالبصل والثوم اطيب للطبخ , حط لحمك واحمسه مع البصل خمس دقايق, خض اللبن زين وصبه على اللحم حتى يغطيه بقفلتين اصبع وخله يطبخ وزد على النار شوي وحاول تقلبه كل خمس دقايق, قرب الدله والتمر( وشغل الرادو) وتقهو وعين مالله خير حتى تستوي اللحمه حسب نوعيتها واذا قلة المرقه زدها شوي مويه حاره , اوزن الرز واغسله ونقعه بمويه حاره فايحه لمدة عشر دقايق وبهالوقت صبلك بيالة شاهي وغير بقنوات الرادو . نشف الرز من الماء وحطه بقدر وكب عليه المرقه حتى تغطي الرز وزياده قفلة اصبع وخله على نار هاديه ( جمر خفيف ) وارجع لرادوك ودور اخبار, وقبل مايستوي الرز بعشر دقايق حطلك راسين ثوم كامله داخل الرز وحط اللحمه فوق الرز الين يستوي , بعدين حط النعمه وادعلي ولاتنسى الثوم اللي حطيته كامل وسط الرز هذا اسمه مايونيز الكبسه مايع ولا هناريحه .. وبالف عافيه انشاء الله.
مهند
29/05/2004, 02:55 PM
:D :D شبث وطباخ ومبدع ومعه رادو:D :D

وش بقا:p
معمرها
29/05/2004, 03:08 PM
......)(بسم الله الرحمن الرحيم)(........



.............)(السلام عليكم ورحمة الله وبركاته )(.............


ــــــــ:: يعطيك ألف عافيه اخــي



(((( شبث ))))



شـــكـــراُ
الكنور
30/05/2004, 08:58 AM
السلام عليكم ورحمة الله وبركاته

شبث الله يرج عدوك كنى اشوفك تطبخ ولابس طربوش فليفل تسلم ياغالى وتراى مانسيت كبسه الحد

على الهريفى اويه كل ماذكرتها دخت

ياعرزى النابض ياشبثون

تحياتى
غـريـب
31/05/2004, 08:40 PM
السلام عليكم ورحمة الله وبركاته

هلا والله باخيي شبثون ( دلع شبث) من هالموضوع قمت ابلع ريقي وتذكرت اخر مره ومن بكرا مرقة ضبان

اللمهم ابي اضيف شي انك وانت تطبخ معلقن كبس ابو ثلاث انوار براسك( منه تازن طبخك وتعمي عيونا)
والرادو على قناة الكويت


وبعدين وشلون تكذب وتقول ماتطبخ بالكاتم وانت طابخ كراوين وارانب ؟؟ يالسذوب ( وهقتك)

الكنور هلا بك وحشتنا يالدبدوب ( كن كرشك كابر هاليومين )


تحياتي للجميع

ولي عوده انشاألله
شبث
01/06/2004, 10:51 AM
وعليكم السلام والرز والايدام والعذرا أم وشام. لاتحرمن من مشاركاتك لأ ني اعرف مشاركاتك اذا الله امرك ( مونتازه بالميه ميه) مثل مرقة القطا مع الفقع.
راعي الغــتمه
02/06/2004, 09:03 PM
يعطيك العافيه

بصراحه انك جوعتنا

ولا تحرمنا من خبرتك
الضاري
06/06/2004, 05:44 AM
در دب .. ( واحد مطبق عليهم )

.... وش تعملون هنا ..

مشاء الله .. تطبخون ولا تعلمونن ..:D

وين الهرفي ؟؟

لا يكون أكلتوة لحالكم .. والله لعلم عليكم المشرفين .. ما عزمتوهم.. ياويلكم ..:D

مشكور أخي العزيز .. على هذة النصائح .. ولو أني ما أتفق وياك على القدر الكاتم .. لأنة أزين خوي معي بالطلعات ..


تحياتي
شبث
07/06/2004, 08:53 AM
والسلام عليكم ورحمة الله وبركاته. عنوان الطبخه القادمه ( مندي مزاج لحم والا د جاج ) تعديل بسيط وفرق كبيربالطعم والشكل والرائحة .................................................ت ذكرته وقطر سعبولي مع اني توي مصبح.