المساعد الشخصي الرقمي

مشاهدة النسخة كاملة : سؤاااال لاهل الخبره واصحاب الجيوب....؟


السحابة
22/04/2009, 08:31 PM
السلام عليكم ورحمة الله وبركاته
مساكم الله بالخيرات والمسرات يالربع انا عندي سوووال عن الفرارات اللي تركب على الجيوب وش فايدتها ووش انواعها وش افضل نوع من الانواع .
اللي عنده علم لايبخل علينا يالربع تكفوووون الله لا يهينكم ...
بانتظار ردودكم .
بنوتميم
22/04/2009, 09:46 PM
يا هلا اخوي السحابه
الفرارات اشوف الي يركبها عشان الرجه
وهي تفصل الدبل بالكامل على ماأظن
واحسن نوع عند السليماني الي في حي الملك فهد بالرياض
سعرها بـ550ريال مع التركيب
ولو موترك باترول يحتاج فرارات
وارجو اني افتك
وسلام عليكم
ملف علاقي
22/04/2009, 10:31 PM
تحياتي للأخ السحابه اعتقد ان الأخ بنوتميم اجابك إجابه مختصره وشافيه علي العموم للفايده فإن الفرنس الأمامي والعمود وتروس الدبل تكون بحركه مستمره مع حركة السياره حتي لو الدبل مفصول وهذا الي مع مرور الوقت يسبب تخلخل امافي تروس الدبل اوالعمود اوعكوس الدفرنس لذلك ينص بإستعمال الفرارات والتي تسمي (تروس التفاضل الحركي ) لأيقاف حركة المجموعه كامله مما يساعد في خفة حركة السياره ونعومة صوته في السرعات العاليه وتخفيف صرفية البنزين وفيه نوع من الفرارات يجي اتماتك وهذايريحك من النزول لتشبيك او الفصل ويمكن تلقاهاعند السليماني اوتطلبها من شركه امريكيه اسمها( مايل مارك)0 ارجو اني وفقت في التوضيح وشكرا 0
السحابة
22/04/2009, 11:11 PM
الله يعطيكم العافية ياخوي بنو تميم واخوي ملف علاقي ومشكورين على المرور والايضاح ولاكن واخوي بنو تميم يقول اذا كان موترك باترول مايحتاج وانا موتري جيب ربع باترول 2006 ممكن توضح لي السبب ليييه الباترول مايحتاج بالذات ؟؟
انتظر المزيد من الردود.
دله وفنجال
22/04/2009, 11:30 PM
السلام عليكم...

اخوي الغالي السحابة الفرارات مايركبونها الا الي يعانون من ازعاج الدفرنس الامامي خاصة في السرعات العالية وكذلك الي يبي يقول اني أبخفف من صرف البانزين وهذي لي ملاحظة عليها لاني كنت مركب على باترول 97 ولا لاحظت شي مع انه كلبليتر ونت بخاخ...
والي يقول اخف كذلك مافية فرق يذكر يستاهل انك تدفع فية 450 ريال عند السليماني (شامل التركيب) ...

وموترك جديد فهل انت تعاني من ازعاج يسببه لك الدفرنس ؟؟؟

والباترول دفرنساته تروسها كبيرة ووتحمل اكثر من غيرها من الجيوب وقليل ماتصدر صوت في اثناء السير عليها علشان كذا الشباب يقولوك الباترول مايحتاج اتركبله...

هذا والله اعلم...

ارجو اني افدتك...
مواسي الطعوس
23/04/2009, 12:22 AM
الموضوع طويل عريض يحتاج توضيح , ويلزم التجارب علشان يقتنع الكل .


** الباترول سنضع التجارب عليه سنتكلم عن الموتر بدون تركيب فرارات ماذا يحصل ؟؟؟ واذا ركبنا ماهو الاستخدام السليم والاستخدام الخاطئ ؟؟؟؟؟؟؟؟؟؟؟؟؟؟


1/ الباترول بدون فرارات مارايح يكون فيه صوت لكن يكون اثقل واقل سرعه وفيه فرق بسيط بالبنزين .

2/ اذا ركبت فرارات وتركتهن مفصولات في الخط والبر وتشبكهن في النفود فقط رايح يكون معك حره وصوت في الخط خاصه بعد سرعة 130 كم .

3/ اذا ركبت فرارات وفصلتهن في الخط فقط واذا طلعت للبر شبكتهن ((بدون شبك الدبل))يعني كانه شد بلد هذا مارايح يتاثر معك الموتر اطلاقا ولا يكون فيه صوت لو اسرعت في الطريق .

** لانه اذا كان مفصول وانت تمشي في البر ومع مطبات وبطناج يهتز العمود قليلا ومع كثرة الخروج للبر والفرارات مفصوله تزيد الفضاوه ثم تحدث الاصوات .


اتمنى اني افدتك (( كل شي مع الا ستخدام السليم يعيش عمرك كله))