اقتراح اقوى شعلة على مستوى العالم ابي ارائكم ومقترحاتكم سرهيد ابو مها تعالو

[الستانس]

السلام عليكم


اخر تجربة لي اخذت قاذف اللهب حق الحطب وشبيته وحطيته على البريق وهو مليان والبريق مقاس وسط
وخلال 1:30 ثانية البريق يغلي واختصر مشوار الخمس دقايق وفوق كذا بعد ما توخر الشعله عنه يبقى البريق يغلي فتره ثم يهدي فجت ببالي فكرة ورسمت لها صورة توضيحية لأني اشوف انها حلوة للصاجات وخاصة الكبدة والمقلقل والحركات الحلوة وطبعا ان قدرت اشتري مكينة لحام كهرب بأسويها وازودكم بالصور ((ولكن ليس وعد)) بس في حال شريت اللحام
ويا ليت لو فيه احد له خبرة بالمجال او تجربه او اقتراح يفيدنا

والشي الثاني لو فيه احد يعرف اسعار مكاين الكهرب يعلمني ويعلمني وش الزين والرخيص

طبعا اقتراحات من الأخوة الي اعرفهم لما طرحت الفكره
1- اني ازودها بصاجه ونصحوني ان الصاجه تكون من علب البيبسي الحمها مع بعص بشكل دائري

2- الأقتراح الثاني اني ازود المركاب بحديد خفيف والفه عليها بشكل دائري عشان لما يحتمي ويحمر الحديد
يكون عندي حراره اعلى

3- الإقتراح الثالث اني اخلي القاذف متحرك يعني اقدر افكه وارجعه



http://www.mekshat.com/pix/upload03/images111/mk60272_aaa_640x408.jpg

[its right]

اذا كنت في الرياض ماله داعي تشتري مكينة لحام
فيه محلات تؤجر المكاين في الصناعية القديمة
بس السؤال
هل تعرف تلحم
معذرة على الرد لاني لا ابو مها ولا سرهيد

[الستانس]

الله يعطيك العافيه على الرد والتجاوب بالنسبه للأجار ما اتوقع اني احتاجه لأني احتاج اللحام بشكل دوري
بالنسبه اعرف اللحم : لا ولكن ما يمنع اتعلم

الشي الثالث احب اقولك يا هلا بك في الموضوع وحللت اهلا ومرحبا فيك
انا كتبت في الموضوع اني ابي ارائ سرهيد وابو مها عشانهم خاضو تجارب كثيرة ولا يهونون الجميع بالعكس يمكن يكون فيه احد اكثر خبرة منهم ويمكن تكون انت اولهم ولكن هذي الطريقه الوحيده عشان اجذبهم واشوف افكارهم


وشكرا على التعليق

[لاتكب البيالة]

اخوي الستانس
مساك الله بالخير

بالنسبة لفكرتك جيدة للصاجات وانا كد شفت كم فوال تكون ناره بهالطريقة يصلح عليه كبدة ومقلقل
نجي لمكينة اللحام شف المكينة اذا بغيته استخدام شخصي ويعني كل اللي بتلحمهن اشياء بسيطة خذ لك مكينة 140 او 160 امبير ممتازة فيه عندك نوعين صينيات هي اللي موجودة فيه نوع لونه احمر وله كفرات ونوع لونه حليبي انا جربت الحليبي وممتاز واعرف واحد عنه من سنين ما يمر اسبوع الا يستخدمه يعني كارفه وماشي معه
طبعا اسعارهن من 200 الى 300 ريال

[ERIC7]

اخوي انا صار عندي لبس في الموضوع
انت تبي مكينة اللحام ليش بتلحم الصاجه يعني اذا على كذا ماتسوى عليك لحمها عند اي محل وخلاص
اما بالنسبه لمكاين اللحام اذا انت تبي تشتريها لاغراض شخصيه من تلحيم مستمر راسلني على الخاص لاني مكانيكي ولاكني ما اتعامل مع اللحام كثير لاكن ربعي كلهم معلمين لحام واقدر استفسر لك منهم عن الانسب لك
اتمنا اني افدتك

[الستانس]

اخوي الستانس
مساك الله بالخير

بالنسبة لفكرتك جيدة للصاجات وانا كد شفت كم فوال تكون ناره بهالطريقة يصلح عليه كبدة ومقلقل
نجي لمكينة اللحام شف المكينة اذا بغيته استخدام شخصي ويعني كل اللي بتلحمهن اشياء بسيطة خذ لك مكينة 140 او 160 امبير ممتازة فيه عندك نوعين صينيات هي اللي موجودة فيه نوع لونه احمر وله كفرات ونوع لونه حليبي انا جربت الحليبي وممتاز واعرف واحد عنه من سنين ما يمر اسبوع الا يستخدمه يعني كارفه وماشي معه
طبعا اسعارهن من 200 الى 300 ريال


بروح انشاء الله بكرة شارع الريل ولا ساكو وبأشوف ها الصينيات اللي تقولهن لأن والله استخدامي مهب اسبوعي إلا شهري بس تطري علي اشياء زي كذا والنقاليه مغلين الشغلة


وشاكر لك على المعلومات


اخوي انا صار عندي لبس في الموضوع
انت تبي مكينة اللحام ليش بتلحم الصاجه يعني اذا على كذا ماتسوى عليك لحمها عند اي محل وخلاص
اما بالنسبه لمكاين اللحام اذا انت تبي تشتريها لاغراض شخصيه من تلحيم مستمر راسلني على الخاص لاني مكانيكي ولاكني ما اتعامل مع اللحام كثير لاكن ربعي كلهم معلمين لحام واقدر استفسر لك منهم عن الانسب لك
اتمنا اني افدتك


هلا اخوي لا ابي المكينة للإستعمال الشخصي لأني زي ما ذكرت للرد على لا تكب البيالة تطري علي افكار ولكن دايمن يعيقني موضوع اللحام فأنساها وتروح من بالي

وفوق كذا لو تروح لأي حداد يغلون الشغله ويعطونها اكثر من حقها بواجد
وآخر مره لحمت بـ50 ريال وشغله بسيطة والله
قاعدة المساعد منكسرة ولحمها بـ50 ريال يعني والله ما تسوى وهذا ارخص واحد غيره يقول بـ100 ريال عشان كذا جت في بالي اشتر مكينة لحام

والله اخوي ياليت تسأل ربعك عن المكينة اللي تنفع لي وبالسعر المناسب وياليت يكون موضوعنا على العام عشان لو كان فيه احد يبي لحام لينه يستفيد


وشاكر لك على المساعدة

[سطام vip]

هلا بك اخوي والفكره حلوه بس ما تشوف انها قويه بزياده

يعني قاذف لهب كوفيا انا استخدمه واذا وجهنه على صاجه او حديده

كلها كم ثانيه وتصير نااااااااااار (يحمر الحديد يجمر)

يعني يبيلك تنتبه للصاجه او المقلاه الي بتستخدمها من شدة اللهب

وعلى فكره في احد واحد من الاعضاء مسوي هالطريقه وطرح عنها موضوع

بس يبيله بحث وانا اتصالي ضعيف في المزرعه

ان شاء الله احد الاخوان يذكر الموضوع ويجيب لك رابطه

بس اذكر انه ملغي دبه كوفيا وموصل للقاذف لي (هوز) ويشبكه على الدبه الزرقاء

والله يوفقك اخوي ويسهل امرك

تقبل مروري والرد

ودمت بحفظ المولى

[الستانس]

هلا بك اخوي والفكره حلوه بس ما تشوف انها قويه بزياده

يعني قاذف لهب كوفيا انا استخدمه واذا وجهنه على صاجه او حديده

كلها كم ثانيه وتصير نااااااااااار (يحمر الحديد يجمر)

يعني يبيلك تنتبه للصاجه او المقلاه الي بتستخدمها من شدة اللهب

وعلى فكره في احد واحد من الاعضاء مسوي هالطريقه وطرح عنها موضوع

بس يبيله بحث وانا اتصالي ضعيف في المزرعه

ان شاء الله احد الاخوان يذكر الموضوع ويجيب لك رابطه

بس اذكر انه ملغي دبه كوفيا وموصل للقاذف لي (هوز) ويشبكه على الدبه الزرقاء

والله يوفقك اخوي ويسهل امرك

تقبل مروري والرد

ودمت بحفظ المولى



يا هلابك اخوي سطام وانا صراحه من اشد المعجبين بمواضيعك




بالعكس يمكن كلامك صحيح ان النار قويه بس ممتازه للتحميه والحمس السريع

فياليت لو تقدر تتذكر اسم الموضوع عشان استوحي منه افكار


ويعطيك الف عافيه

[ابوفهيدان]

اخي الكريم اعتقد ان النار او اللهب راح يكون متركز علي مكان واحد يعني وسط الصاجه حامي والاطراف ماحولها ضو
وعتقد لو ترهمها علي القز الصيني العادي بيكون عملي اكثر

[سطام vip]

بسم الله الرحمن الرحيم

وهلا بك اخوي الستانس واشكر لك كلامك وشهاده اعتز فيها

والحمد لله ان مواضيعي نالت الاعجاب

المهم يالغالي هذا الرابط يعلم الله اني جلست ابحث لحد ما حصلت الموضوع

في تقريبا 30 صفحه في المنتدى بس تستاهل

http://www.mekshat.com/vb/showthread.php?t=178427

والله يوفقك ويسهل أمرك

وان شاء الله نشوف المنتج الاخير منك وبالتوفيق

[its right]

نبي نشوف العمل بعد الانتهاء منه

[سرهيد]

السلام عليكم

حذور متأخر بس اعذرني

ما شاء الله

طبعا انا من محبي الابتكارات والسؤال قبل البدء فيها : كم كلفتها ..

هي ناحية

ناحية ثانية اقترح عليك تمر الحراج وبتلقى قاذفات لهب مستخدمة وانواع رائعة بامكانك ان تشبكها على برميل الغاز او دبة الغاز الزرقاء وفي هذا التقليل من تكلفه صرف الغاز لانك تخبر ان هذا النوع اللي تتحدث عنه يصرف ومخصص لشبة النار فقط وشبة النار ما تاخذ دقايق

لذا اقترح ان تضع قاذف يعمل على الغاز اللي تعبيئة انت

كذلك قد اكون مع استخدامه للكبدة مثلا اما للشاي قد يكون قوي جدا ومؤثر

رأي قابل للرد

ولي عودة لمتابعة الامر

واعذرني على حضوري المتأخر

تقبل احترامي

اخوك

ابو عبدالله

[كوكيان]

السلام عتيكم اعضاء مكشات الاعزاء
إن كان المطلوب قادف لهب تري متوفر بالسوق بكل الاحجام مثل هدا





[url="

[أبو مها]

السلام عليكم


اخر تجربة لي اخذت قاذف اللهب حق الحطب وشبيته وحطيته على البريق وهو مليان والبريق مقاس وسط
وخلال 1:30 ثانية البريق يغلي واختصر مشوار الخمس دقايق وفوق كذا بعد ما توخر الشعله عنه يبقى البريق يغلي فتره ثم يهدي فجت ببالي فكرة ورسمت لها صورة توضيحية لأني اشوف انها حلوة للصاجات وخاصة الكبدة والمقلقل والحركات الحلوة وطبعا ان قدرت اشتري مكينة لحام كهرب بأسويها وازودكم بالصور ((ولكن ليس وعد)) بس في حال شريت اللحام
ويا ليت لو فيه احد له خبرة بالمجال او تجربه او اقتراح يفيدنا

والشي الثاني لو فيه احد يعرف اسعار مكاين الكهرب يعلمني ويعلمني وش الزين والرخيص

طبعا اقتراحات من الأخوة الي اعرفهم لما طرحت الفكره
1- اني ازودها بصاجه ونصحوني ان الصاجه تكون من علب البيبسي الحمها مع بعص بشكل دائري

2- الأقتراح الثاني اني ازود المركاب بحديد خفيف والفه عليها بشكل دائري عشان لما يحتمي ويحمر الحديد
يكون عندي حراره اعلى

3- الإقتراح الثالث اني اخلي القاذف متحرك يعني اقدر افكه وارجعه



http://www.mekshat.com/pix/upload03/images111/mk60272_aaa_640x408.jpg

مرحبا أخي وأنا أسف جدا على تأخري بالرد
والبركه بالاخوان ماقصروا.


أخي الحبيب اعلم رعاك الله تعالى إن الغاز يخرج
بارداً قبل الاشتعال ولابد أن يكون هناك جسم يصطدم به ويتوزع
كما هو معمول في مواقد البنزين والقاز وبعضها يعمل على الغاز
والفكرة بسيطة جدا وغير مكلفه ولكنني لم أجربها وهي مجرد فكرة:
http://www.mekshat.com/pix/upload03/images112/mk41982_image007777777777777001.jpg


وأتمنى أن تحوز هذه الفكرة على إستحسانك
أخوك
أبو مها

[الستانس]

اخي الكريم اعتقد ان النار او اللهب راح يكون متركز علي مكان واحد يعني وسط الصاجه حامي والاطراف ماحولها ضو
وعتقد لو ترهمها علي القز الصيني العادي بيكون عملي اكثر


اخوي ابو فيدان ابو مها حلها في رده الله يعافيه

الله يعافيك اخوي صطام وصراحه انا استفدت من الرابط الله يعطيك العافيه


طبعا انا من محبي الابتكارات والسؤال قبل البدء فيها : كم كلفتها ..

اخوي ابو عبد الله اعتقد كلفتها ما تتعدى 30 ريال


ناحية ثانية اقترح عليك تمر الحراج وبتلقى قاذفات لهب مستخدمة وانواع رائعة بامكانك ان تشبكها على برميل الغاز او دبة الغاز الزرقاء وفي هذا التقليل من تكلفه صرف الغاز لانك تخبر ان هذا النوع اللي تتحدث عنه يصرف ومخصص لشبة النار فقط وشبة النار ما تاخذ دقايق

اوافقك الراي
اللحين انا اللي يبيلي تعذرني لأني تأخرت كثير في الرد

اخوي كويكيان
المقصود مهو مثل ما ذكرت قاذف اللهب المقصود تعديله عشان يصير موقد


اخوي ابو مها شكرا عل الفكره وكانت الفكره في بالي وقالو لي الأخوان زي ما تشوف في الردود ان النار بتطلع قويه على القدور ولكن ما كانت عندي فكره عن الطريقه زي ما تقول مقعر ولا كنت اعرف ان الغازي يطلع بارد


وشاكر لك عل الفكره الجميله


وشكرا لردودكم جميعا وننتظر متابعاتكم