الى خبراء الاندكروزر الرجاء الفزعه أخوكم في عازتكم

[أبو مسعود]

السلام عليكم ورحمة الله وبركاته

يا شباب صار لي سالفة مع سيارتي الخميس الماضي كنت طالع من الرياض للنعيرية و بعد ما عديت محطة خزام معاد اشتغل أنبير السرعة طفا فجأة المهم قلت عادي واصلت طريقي وقبل ما اصل قرية طلع عندي في الطبلون علامة المحرك البرتقالية (شك انجن) و علامة الاوفر درايف تأشر مثل الفلاشر و بعد يومين اكتشفت ان الشمعة اليسرى مع الاصتب ما تشتغل

الرجاء من الجميع افادتي غفر الله لكم و لوالديكم

[سديراوي 13]

وعليكم السلام ورحمة الله وبركاته

العلامه اللى في الطبلون (شك انجن)
فيه امرين لازم تشيك عليهن :-
1- حساس منظم الهواء
2- حساس الزيت


لكن انبير السرعه وعلامهة الاوفر درايف
شيك على الفيوز يمكن واحد خربان

[مشتاق11]

علامة المحرك صلح العداد وتطفي لانها تشتغل ايذا فصلت العداد او خرب

[زاير الغيم]

أخوي ابومسعود..

أمرك بسيط بإذن الله

مشكلتك بالسلك الموصل بين القير والمكينة أحترق ويبغى له تغيير

وشغلته سهلة وقيمته حوالي 150 ولكن لابد من تركيبه عند الوكالة

لأنه يحتاج برمجة بعد التركيب..

طبعاً العداد مايشتغل -السرعة والكيلومترات- وأظن لو تلاحظ لمبات الريوس ماتشتغل..

إن كان من 2003 وتحت..

وسبب المشكلة أتوقع عندك تهريب زيت أسفل السيارة ومع الحرارة يسخن السلك ويحترق.


وهذا والعلم عند الله

[أبو مسعود]

بيض الله وجيهكم و عز الله ما قصرتم و الله يا شباب أني مني قادر وشلون أشكركم بس صحيح من لا ينفع الناس لن يجد من ينفعه لكم مني وافر الشكر الأحترام و دمتم بخير

[ناصر العدواني]

السلام عليكم ورحمة الله وبركاته
إخواني الأعزاء
أنا صار لي نفس الموقف أمس بالليل
وكنت داخل عشان أستفسر منكم بهذا الخصوص
ولقيت موضوع اخوي ابو مسعود
ولقيت عندكم ان شاء الله الجواب الشافي
بس عندي الشمعات والاصطبات شغاله
ولمبات الريوس شغاله ايضاً
بس عداد السرعه والكيلوات عطلانه
ولمبة المكينه البرتقاليه
وانا شاكر لكم ومقدر مساعدتكم
تحياتي لكم

[جساس1]

الحل زي ما قال الاخ زاير الغيم
انا صارت معي موديل 2007 ومشيت على السيارة قرابة 6000 كم بدون عمل صيانة لاني كنت في سفر خارج المملكة وبعدها قمت باصلاح الخلل في الوكلاة على الضمان

[أبو مسعود]

بارك الله فيكم جميعا

[براوننق]

طع شوري لا يهمك الوكاله نصابين رح لم صنا عيه النسيم عند الضحيان اطلق بالف مره من الوكاله ولا يقعدون يخربطون عليك ادخل ويعلمونك المشكله كم مره صارت لي والشغله مهيب غاليه

[أبو مسعود]

الله يجزاك خير و يرحم و الدينك يا براوننق أنت و جميع الشباب

[رومنسي غير]

ابو مسعود : أولا كيف الحال انشالله بخير .
ثانيا : تطمن مشكلتك بسيطة جدا ;) .
ثالثا : اخوي زاير الغيم قرب من حل المشكلة بس مو بالضبط :) .
رابعا : صارت معاي مشكلة نفس مشكلتك بالضبط والتمام اللهم بعض اللمبات ما تشتغل .
كان معاي في اكس آر 99 فل أوبشن . المهم جاي من مكة للرياض ، توي بدخل الرياض مع طلعة الجدية الا وانطفى العداد فجأة :confused: وطلعة لمبة الماكينة برضوا طلع لي لمبة اول مره اشوفها :j ولمبة الزيت برضوا .
المهم دخلت الرياض والحمد لله والسيارة ما فيها اي شي ابدا الا اللهم المبات اللي اشتغلت ، بعد ما نزلت الأغراض طلعت على طول لصناعية الدخل بين الدخل والسويدي عند هندي فنان جدا قلت له المشكلة علما بأني حاجز عن عبداللطيف جميل مخرج عائشة بس اللهم قلت خلني امر الهندي ممكن يعرف المشكلة ، والله يا ناس توي اقوله المشكلة قالي ,,,؟؟
وقف السيارة فوق الحفرة وناظر ورجع لي وقالي هذي قطة صغير في القير احترقت من الحرارة او من طول الاستخدام ( علما بأنها خربت مع طلعتي للجدية وضغط الماكينة ) قلت له كيف عرفت ، قالي %60 من الجيوب تخرب معاهم ولا يهمك وكالة ولا غير . المهم اشتريت القطعة من الوكالة ب 190 ريال إذا ما نسيت وركبتها عنده ب 50 ريال يعني 240 ريال( والشغل التركيب كله 3 دقائق فقط ) وعلى طول ركب معاي ورحنا ليماني بنفس الصناعية على البنشر وغيرنا زيت القير وقالي ترا الزيت يأثر برضوا على حرارة الحساسات يعني لازم يغير زيت القير كل 70000 الف كم . معلومة : الوكالة بعد ما سألت ( فحص 600 تركيب 300 المجموع 900 ريال والله حرام :no: . )
وبعدها والحمد لله انطفت الالمبات كلها وخاصة لمبة الزيت وتشييك ع الماكينة .
نصيحة لكل من يملك اللاند . لا يتسعجل ولا يوسوس وعلى طول الوكالة . والله يا ناس صح انهم يطلعون لك المشكلة بس بعد ما يفنش اللي في جيبك كله :no2: .
آسف جدا للإطالة ( ولاكن التفاصيل تفيد وتفاد )
تحياتي ,,, رومنسي غير

[رومنسي غير]

ابو مسعود : أولا كيف الحال انشالله بخير .
ثانيا : تطمن مشكلتك بسيطة جدا ;) .
ثالثا : اخوي زاير الغيم قرب من حل المشكلة بس مو بالضبط :) .
رابعا : صارت معاي مشكلة نفس مشكلتك بالضبط والتمام اللهم بعض اللمبات ما تشتغل .
كان معاي في اكس آر 99 فل أوبشن . المهم جاي من مكة للرياض ، توي بدخل الرياض مع طلعة الجدية الا وانطفى العداد فجأة :confused: وطلعة لمبة الماكينة برضوا طلع لي لمبة اول مره اشوفها :j ولمبة الزيت برضوا .
المهم دخلت الرياض والحمد لله والسيارة ما فيها اي شي ابدا الا اللهم المبات اللي اشتغلت ، بعد ما نزلت الأغراض طلعت على طول لصناعية الدخل بين الدخل والسويدي عند هندي فنان جدا قلت له المشكلة علما بأني حاجز عن عبداللطيف جميل مخرج عائشة بس اللهم قلت خلني امر الهندي ممكن يعرف المشكلة ، والله يا ناس توي اقوله المشكلة قالي ,,,؟؟
وقف السيارة فوق الحفرة وناظر ورجع لي وقالي هذي قطة صغير في القير احترقت من الحرارة او من طول الاستخدام ( علما بأنها خربت مع طلعتي للجدية وضغط الماكينة كان عالي ) قلت له كيف عرفت ، قالي %60 من الجيوب تخرب معاهم ولا يهمك وكالة ولا غير . المهم اشتريت القطعة من الوكالة ب 190 ريال إذا ما نسيت وركبتها عنده ب 50 ريال يعني 240 ريال( والشغل التركيب كله 3 دقائق فقط ) وعلى طول ركب معاي ورحنا ليماني بنفس الصناعية على البنشر وغيرنا زيت القير وقالي ترا الزيت يأثر برضوا على حرارة الحساسات يعني لازم يغير زيت القير كل 70000 الف كم . معلومة : الوكالة بعد ما سألت ( فحص 600 تركيب 300 المجموع 900 ريال والله حرام :no: . )
وبعدها والحمد لله انطفت الالمبات كلها وخاصة لمبة الزيت وتشييك ع الماكينة .
نصيحة لكل من يملك اللاند . لا يتسعجل ولا يوسوس وعلى طول الوكالة . والله يا ناس صح انهم يطلعون لك المشكلة بس بعد ما يفنش اللي في جيبك كله :no2: .
آسف جدا للإطالة ( ولاكن التفاصيل تفيد وتفاد )
تحياتي ,,, رومنسي غير

[الوسم]

القطعة هي ترس عداد السرعة اللي في القير

وغالباً تحترق بسبب دخول زيت عليها من القير أو من غيره

وانا قد غيرتها مرتين وقيمتها في حدود 80 ريال

السيارة Gx 99

[algreeb]

الله يعطيك خيره ويكفيك شرها

قبل كل شي تاكد من ان الفيش حق العداد راكب صح

[الكابتن]

;القطعة هي ترس عداد السرعة اللي في القير

وغالباً تحترق بسبب دخول زيت عليها من القير أو من غيره

وانا قد غيرتها مرتين وقيمتها في حدود 80 ريال

والافضل تذهب للبازعى

[STEVENS]

لا تخاف ولا شي
انا صارت معي قبل سنتين تقريبا كنت ماسك الخط ابروح للوجه وفجاه حسيت مثل النتعه بالسياره بعدها طاح امبير السرعه واذا اسرعت شوي ولعت لمبة المكينه واذا طفيت السياره وشغلتها ثانيه تطفي لمبة المكينه الين اسرع وتولع اضطريت اني ااخر روحتي ليوم علشان اصلحها وسالت واحد وقال لي كان مشيت هذي عايديه يقول ان لها 6 شهور بموتره ماصلحها وسببها ترس السرعه عطلان اللي بالقير وغيرته جديد ومشيت وله الان سنتين من احسن مايكون

,,,,, واسف على الاطاله

[aflaj12]

حصلت معي نفس المشكلة وصلحته عند ورشة الوعلان تقاطع النخيل مع حمزة بجانب مطعم تلال الطائف وسعر الحساس تقريبا خمسون ريال والسيارة gxr 2000

[أبو مسعود]

بارك الله فيكم جميعا