المساعد الشخصي الرقمي

مشاهدة النسخة كاملة : اذا اشرت باصبعك للنجوم ؟؟؟ تهتك بك الثواليل !!


tarheen
27/05/2004, 12:15 PM
السلام عليكم ورحمة الله وبركاته

هل هذا الكلام صحيح ؟

انة اذا اشرت باصبع واحد على النجوم تصاب بالثواليل ؟

قالها لي احد اصدقائي وانا اشرح له عن نظيم الجوزاء ... وقال بل يجب ان تشير بيدك واصابعك مجتمعة

هل هذا صحيح ؟؟

تراة يحب قعدات العجز ... . الله يخليهن لنا ويحرمهن عن النار
المسفهل
27/05/2004, 12:57 PM
هذا من خرافات العوام والاعتقادات السائدة عند بعض الجهال ..
أبدا أخي الكريم tarheen أشر بأصبعك وإن أصابك شيء فأنا المسؤل .
خشم الحصان
27/05/2004, 10:30 PM
الاخ الحبيب
tarheen

السلام عليكم
اخيي الله يغفرلك ذكرتني منول يوم حنا صغيرين ونرقد في السطح في البيوت الطين في الديره اذا انسدحنا
قمنا منول نبل الاصبع ونشر علي النجم ثم نعد والتفاله الي في الاصبع نحطها علي اليد ونحدد مكان معين
علشان يطلع لنا ثوليل وقضا التفال ولا طلع شي مانيب اقولك انها خذرفه بس وش نسوي بعد مانصل في العد
50 تسمع شخرينا تقول جموس مسحبه الشخال اترك عنك ولا تصير مصدق ديم اثر قليبك ابيض الله يغفرلك ويرفع من قدرك :D :D .
اخوك
خشم الحصان
tarheen
28/05/2004, 06:04 PM
الأصل كُتب بواسطة المسفهل
هذا من خرافات العوام والاعتقادات السائدة عند بعض الجهال ..
أبدا أخي الكريم tarheen أشر بأصبعك وإن أصابك شيء فأنا المسؤل .

اخوي المسفهل

الف شكر على المرور

الله يجزاك خير ويحرمك عن النار .. انا والله قارصني قلبي بس قلت ابا اتاكد


الأصل كُتب بواسطة خشم الحصان
الاخ الحبيب
tarheen

السلام عليكم
اخيي الله يغفرلك ذكرتني منول يوم حنا صغيرين ونرقد في السطح في البيوت الطين في الديره اذا انسدحنا
قمنا منول نبل الاصبع ونشر علي النجم ثم نعد والتفاله الي في الاصبع نحطها علي اليد ونحدد مكان معين
علشان يطلع لنا ثوليل وقضا التفال ولا طلع شي مانيب اقولك انها خذرفه بس وش نسوي بعد مانصل في العد
50 تسمع شخرينا تقول جموس مسحبه الشخال اترك عنك ولا تصير مصدق ديم اثر قليبك ابيض الله يغفرلك ويرفع من قدرك :D :D .
اخوك
خشم الحصان

اخوي خشم الحصان

انا والله قارصن قلبي ولا صدقتة بس قلت يمكن .. كل بندق به رميه

الحمدلله اني كتبت هالموضوع .. والله انك وسعت صدري ورجعتن صدق الهاك الصطوح واللواوين

الله يرحم والديك ويحرمك عن النار وكل من قرى وسمع
فـ(الجـوف)ـتى
28/05/2004, 09:35 PM
ههههههههههههههه

اخوى الغالي هذه كما قالوا اخواننا انها من الخرفات 0
الضاري
29/05/2004, 12:00 AM
هذا نتيجة التكثير من الجلسات عند العجز..

تحياتي
أبو تركي القطامي
31/05/2004, 01:58 PM
الأصل كُتب بواسطة خشم الحصان
الاخ الحبيب
tarheen

السلام عليكم
اخيي الله يغفرلك ذكرتني منول يوم حنا صغيرين ونرقد في السطح في البيوت الطين في الديره اذا انسدحنا
قمنا منول نبل الاصبع ونشر علي النجم ثم نعد والتفاله الي في الاصبع نحطها علي اليد ونحدد مكان معين
علشان يطلع لنا ثوليل وقضا التفال ولا طلع شي مانيب اقولك انها خذرفه بس وش نسوي بعد مانصل في العد
50 تسمع شخرينا تقول جموس مسحبه الشخال اترك عنك ولا تصير مصدق ديم اثر قليبك ابيض الله يغفرلك ويرفع من قدرك :D :D .
اخوك
خشم الحصان
هملان
01/06/2004, 01:32 PM
السلام عليكم ورحمة الله وبركاته
اخي الكريم هذه خرافه قديه تذكرني بخرفه اخرى
قديما ونحن صغار يقولون من هم اكبر منا رددو هذه الكلمات عشر مرات وتدخلون الجنه وهي
(بنات نعش ناقلات نعش من باب نعش لباب نعش من عد عشر ورد الجنه) وكنا نرددها طمعا بالجنه
ولا نعرف معناها
تحياتي
خشم الحصان
02/06/2004, 12:05 AM
الاخ الغالي
هملان
السلام عليكم
اخيي هملان بسم الله عليك مامدنا نفك عقدة الاخtarheen الا طلعة علينا بوحده تسايده ولا هذي يبيلها جلسات مهوب عجز
او شيبان في عاير هذي يالله كوي وعساها تنفع مع حالتك الا مير ابنشدك منول يومك ترقد في سطح بيتكم ترقد جنب الدرجه او حول الاجدار بس ابي اعرف يمكن حالتك فيها نوع من الجاثوميه تدرون يالربع انا اطالب من المشرف العام وهالسنه ان يعينو طبيب نفساني في هذا المنتدي ياكثر المصاخين كثره بعذرنا نحب البر
من كثر الملفات القديمه الي مخزنه في نهاية المخيخ وخاصه القرويه من امثالي وغيري


اجل اخاف باسر يجي واحد ويضغط زر الملفات القديمه وهو نايم ويضهر له ملف المسلسل والسعلوه والشيفه وحمار القايله(الله يكرمكم) ثم نلاحقه في هالمنتدي مثل المهبول اقول ياحقين مستشفي الطائف احجزو غرف جوكم المكشاتيه
اخوك
خشم الحصان
تبريزة
02/06/2004, 10:24 AM
السلام عليكم ورحمة الله وبركاته



انا احب ادلو بدلوي


بالنسبة للثئاليل

هذولي امهاتنا الله يجزاهن خير ويطول باعمارهن ويخليهن لنا يقولن لا تعدون النجوم على شان مايطلعلك ثواليل والسبب انه تبيك تنام بدري ولا تفتح وتقعد تناظر السماء
وهذي يندرج تحته سالفت ام العنزين و فلان والعوافي الله .....الخ

هذي مداخله بسيطه ارجو قبولها مني ودمتم


اخوكم
تبريزة
Khalid AlGhamdi
06/06/2004, 12:12 PM
الأصل كُتب بواسطة الضاري
هذا نتيجة التكثير من الجلسات عند العجز..

تحياتي


خخخخخخخخخخخ والله انك جبتها :D