المساعد الشخصي الرقمي

مشاهدة النسخة كاملة : يالربع الفزعة ابي فني تكييف ممتاز


الطيار2000
25/04/2009, 02:20 PM
السلام عليكم

يالربع سيارتي باترول 2002 بهذلني مرة يبرد ومرة لا وعبيته فريون ا صلي ولا فاد ياليت احد يعرف فني مكيفات فاهم ونصوح في الرياض ولكم دعوة في ظهر الغيب
تيتشر
25/04/2009, 02:30 PM
حبيبي
الصناعيه القديمه ,, اذا تعرف محل السالم حق قزاز السيارات خله على يمينك واتجه شمال باتجاه الكوبري ,, فيه قبل الكوبري بنك الراجحي على يمين لف مع اللفه اللي بعده مباشرة ويجيك أول تقاطع شوف المحل قدامك على يمين وانت واقف عند التقاطع اسمه الناصريه ,, فيه صاحب الورشه اسمه عبدالله انسان فاهم ونصوح بس تراه غويلي شويتين .
الطيار2000
25/04/2009, 03:48 PM
شكرا اخوي جمل الله حالك وبيض الله وجهك
وضح النقى
25/04/2009, 07:56 PM
البلبيسي في الصناعية القديمه بس غالي مره لكن خذ شغل :good:

وفيه واحد مقابله اسمه ابو بدر شغله طيب بعد وأسعاره أقل من البلبيسي

ورشهم على الشارع اللي يربط بين الصناعية القديمه وصناعية العويضه
الطيار2000
26/04/2009, 02:11 PM
اخوي وضح النقا الله يجزاك خير ليتك توصفلي الورشة
وضح النقى
27/04/2009, 09:31 PM
أخوي الطيار أعتذر عن التأخر في الرد
الصناعية القديمة
الإشارة اللي عليها السالم للزجاج تلف من عندها يمين وانت جاي من الجنوب وتخلي السالم على اليسار والحمرور لقطع غيار المتسوبيشي على اليمين
تمشي على طول إلين ينتهي الرصيف اللي في الوسط ويجيك ورش حداده على اليسار تديور من عندها وأول شارع يمين تدخل معه ( تراك يالله تلاحظه ضيق مره ) ثم يمين بعد ما ينتهي الشارع بحرف Tثم يجبرك الشارع يسار
ثم يجيك مباشرة على يمينك شارع مسارين لف معه يمين وامش مسافة 300 متر (في حدودها ) يجيك أبو بدر على اليمين لوحته صفرا أذكر مكتوب عليها الحارثي سابقا
جوال ولده بدر 0507259887
والبلبيسي بعده على اليسار بين اليوتيرن الاول والثاني لوحته أزرق مع أحمر واضحه
عذرا على الإطالة
وتقبل تحياتي
راعي المجهم
27/04/2009, 09:45 PM
أخوي الكريم تنظيف دائرة التبريد من

لديتر المكيف الأمامي + دبة الفريون + تنظيف

الثلاجة الي تحت الدرج + تعبئة فريون أصلي = 150 ريال تزود 10 تنقص 10

حسب المحل وحسل دلاخة الزبون

وأنا أضمن لك إذا سويت تنظيف كامل لدائرة التبريد مع تغير فلتر المكيف

وتسكير جميع التهريبات راح تنعم بتكيف زي الوكالة
قناص خلاوي
28/04/2009, 12:45 AM
حبيبي
الصناعيه القديمه ,, اذا تعرف محل السالم حق قزاز السيارات خله على يمينك واتجه شمال باتجاه الكوبري ,, فيه قبل الكوبري بنك الراجحي على يمين لف مع اللفه اللي بعده مباشرة ويجيك أول تقاطع شوف المحل قدامك على يمين وانت واقف عند التقاطع اسمه الناصريه ,, فيه صاحب الورشه اسمه عبدالله انسان فاهم ونصوح بس تراه غويلي شويتين .

عز الله مانصحك الا بالطيب
الناصرية معاملهم من ايام مديل 99 وللحين
شغل طيب وذمه لكن بهم شوي حرارة بالسعر
صايدهم
03/05/2009, 03:40 AM
مشكور على المعلومات