ربي يوفق من يساعدني في إختيار جهاز.؟

[Arch]

السلام عليكم ورحمة الله وبركاته

كيف حالكم ان شاء الله بصحه وعافيه..؟

ناوي اشتري قارمن لكن ماادري وش اشتري بالضبط.؟

واشتريه من خرائط الصحراء ولا دار موجه.؟ وهل يجي معرب كامل قوائم الجهاز والخريطه


ناوي اسافر لأحد المدن لكن هل الجهاز يفيدني في تحديد أماكن المنتزهات في المدن الي اروح لها ؟؟

وهل اقدر احفظ مكان اقامتي على الجهاز ؟ واطلب من القارمن يوصلني له

وكيف احصل على احداثيات مكان معين؟

الله يوفقك من يساعدني ويرفع قدره

[abuthamer]

أستاذي Arch
من وجهة نظري أنا جوال نوكيا يقوم بالغرض . فقط نزل برنامج gmobilext وبالتوفيق

[Arch]

ماقصرت ياخوي لكن انا ابيه للسياره جهاز مستقل

[أبوعُمر]

نوفي 760
قمة في المواصفات و سهولة في التعامل

و من وجهة نظري الاعتماد على الجوال كجهاز ملاحة اختيار غير موفق .

[Arch]

اخوي ابو عمر الله يبيض وجهك لكن هل اشتريه من الصحراء ولا دار موجه؟

[عبدالله الدوسري]

ملحوظة/ الرد كتبته قبل ما أنتبه لرد أبو عمر...

إذا كان أغلب استخدامك للجهاز في المدن فارشح لك فئة النوفي
سواء 710 أو 760
أو غيرها
جهاز عربي
ويوجد له خرائط عربية سواء صحراء أو مدن
أما كلمة استخدم الجوال بدلاً عن الجارمن فأنا لا أؤيدها أبدًا
والدليل على هذا أنك ما تقدر تستخدم الجوال في تصفح النت بدلاً عن اللاب توب!!
:)

[أبوعُمر]

حياك الله أخوي
الآن الجهاز عند دارموجة 1280 أما الصحراء فلا أعلم .
و يباع بأقل من ذلك .

أخوي عبدالله

أحسنت

[Arch]

بيض الله وجهيكم ماقصرتوا

اخوي عبد الله استخدامي الغالب بيكون للمدن

وماقصرت يابو عمر انا بروح دار موجه وبشوف الأنواع والأجهزه .والله يكتب الي فيه خير

[Arch]

اتمنى الأخوان يفيدوني اللحين الصحراء ودار موجه تبيع نفس الجهاز لكن تختلف الخريطه ؟

[عبدالله الدوسري]

نعم
الجهاز موجود عند المعرضين (دار موجه وخرائط الصحراء) الفرق فقط في الخرائط الموجودة داخل الجهاز

[سيف الظفير]

276c ولا تاذخ غيره يا القرم للبر والديرة ولك وللزمن

[Arch]

ماقصرتوا الله يرفع قدركم جميعا

اخوي عبد الله الدوسري وش تنصحني آخذه من دار موجه ولا الصحراء.الله لا يهينك

[khandarees]

أخي العزيز . . . نوفي 760 . . . وبدون تفكير . ! !
للمناطق والصحاري والبراري وووو الخ . . .
وعن تجربة شخصية . . وقد حقق الجهاز نتائج منقطعة النظير بالفائدة .
والمثل يقول أسأل مجرب ولا تسأل طبيب .
هذا رأيي طبعا والقرار لك . . . وتسلم .

[Arch]

khandarees ماقصرت ربي جزاك كل خير

طيب وين تنصحني آخذه من الصحراء ولا در موجه

[Arch]

كلمت دار موجه وسألته عن

760

سألته الأفضل بالنسبه للميدل ايست قالي 715 ؟؟

وش رايكم

لأني بكره بإذن الله بروح اشتريه

[راعي سمنان]

اخوي انت حدد الجهاز حسب فلوسك

انا اقول واحد من اجهزه نوفي 760 او 715 او 775 كلهم عمليين ويقومون بنفس العمل المطلوب ولكن : -
760 تم ايقاف تصنيعه من الشركه وهو رخيص وجيد
715 جديد وفيه ميزه عرض الخرائط ثلاثي الأبعاد وهذا موجود في اوربا وامريكا فقط ومن الممكن بالمستقبل القريب يوجد للشرق الأوسط خرائط ثلاثيه الأبعاد ويكون جهازك يخدمك بالمستقبل عكس 760 تقنيه الخرائط القديمه
775 لايوجد فرق كبير بينه و بين 715 الا بالخرائط المجهزه معه من المصنع وعلى ما اعتقد الذاكره الداخليه اكبر

انا استغنيت عن 760 لأحد الأخوان و اشتريت 775 من 3 اشهر من دار موجه بـ 2200 ريال ( من الممكن يعطونك اقل من السعر هذا ) فيه زياده عن السعر بالنت حدود 100 ريال ولكن كسبت الضمان الصيانه لسنتين من الوكيل .

اسف على الأطاله ولكن لرغبتي المساعده والنصيحه .... بالتوفيق واذا فيه اي سؤال انا والأخوان هنا بالخدمه اخوي

[khandarees]

khandarees ماقصرت ربي جزاك كل خير

طيب وين تنصحني آخذه من الصحراء ولا در موجه

والله يا اخي انا من الكويت وليس لدي معلومات عن دار موجة او الصحراء

[khandarees]

كلمت دار موجه وسألته عن

760

سألته الأفضل بالنسبه للميدل ايست قالي 715 ؟؟

وش رايكم

لأني بكره بإذن الله بروح اشتريه

اسأل دار موجه : وش الأفضل في 715 عن 760 ؟
وعلى ضوء اجابتهم قرر انت .

[Arch]

ماقصرتوا يا أخوان والله يوفقكم

بإذن الله بروح وأشوف الأنواع والله يكتب الي في خير