شبر وشبر هقوتي به محاريه.....؟؟؟؟

[ابو ماجد 2]

السلام عليكم

شبرٍ وشبرٍ هقوتي به محاريه=ورع لأهل الكار يعرف بالاوصاف
مع عود فيه الأمن يامنتخي فيه=والعود من دونه من الكل ينعاف
وليابغيت الجسم وصفه تلاقيه=السمن في وسطه ودقه بالاطراف





تحيتي وتقديري

[راع الأوله 1]

صح لسانك ابوماجد
ما يكون ولد النجر

سمين في الوسط ومستدق من الطرفين والنجر بدونه ولاشيء وتقريبا شبرين وهو معروف عند اهل الكيف
واعتقد تقصد فيه الامن

الدخيل

او شربة الفنجال يقال من يشرب فنجال فلان

تحياتي

[خوي الساري]

يابوماجد اللغز هذا غامض جدا والمعنى مدفون ويرمي لعدة معاني حاولت كثيرا ولكن لم أستطع تحديد وجهة اللغز 000 تحيتي لك0

[ابو اسامه 2]

هلا بك يا ابو ماجد

وصح لسانك

وش رايك بـــ البندق والرصاص

تحياتي لك

[جرير]

صح لسانك ابوماجد
ما يكون ولد النجر

سمين في الوسط ومستدق من الطرفين والنجر بدونه ولاشيء وتقريبا شبرين وهو معروف عند اهل الكيف

تحياتي

مع راع الاوله

يد النجر

[جلمود الجبيرى]

اخوي ابو ماجد صح السانك يامال العافيه ويش رايك في مساعد السياره اللى يركب على الجموس او غيره يمنع انقلاب السياره في حال البنشر لك الشكر والتقدير

[فهد الهلالي]

ابو ماجد الله يعطيك الصحه والعافيه
وعلى البركه الفضي وتستاهل كل خير يابو ماجد
وسامك وسام لنا جميعا
عندي رمعه
مايكون الملبن المقاس بالتقريب شبرين
وعود التبن اكرمكم الله هوالامان حتى يتماسك الطين
والطين في وسطه سمين ودقاق بالاطراف
تحياتي

[ابو ماجد 2]

صح لسانك ابوماجد
ما يكون ولد النجر

سمين في الوسط ومستدق من الطرفين والنجر بدونه ولاشيء وتقريبا شبرين وهو معروف عند اهل الكيف
واعتقد تقصد فيه الامن

الدخيل

او شربة الفنجال يقال من يشرب فنجال فلان

تحياتي

صح بدنك يالغالي
يد النجر مالك لوى واليد تكون عريضه من اسفل وليست دقاقه
وما اسال عنه هو بالفعل فيه امان ومرافق للعود وللتوضيح ملتصق فيه
انتظر الرمعه القادمه

[ابو ماجد 2]

يابوماجد اللغز هذا غامض جدا والمعنى مدفون ويرمي لعدة معاني حاولت كثيرا ولكن لم أستطع تحديد وجهة اللغز 000 تحيتي لك0

حياك يالغالي واخويانا هنا الله يزيدهم يحدونك على عدم الاسهاب بالوصف لانهم ماشاء الله عليهم اللغز مايعوق معهم
وعلى العموم انا انتظر احد الزملاء يرمع واذا ماصارت رمعته قاتله ممكن ازيد فيه
بالنسبه لمطابقته لاشياء كثيره هذا محتمل ولكن ارمع يالغالي وحقك علي وليس تفضل مني ان اقول صح لسانك لاي رمعه مطابقه لوصفه
تحيتي لك وتقديري

[ابو ماجد 2]

مع راع الاوله

يد النجر

حياك الله يالغالي
مالك ولا له لواء
تحيتي لك وتقديري

[ابو ماجد 2]

اخوي ابو ماجد صح السانك يامال العافيه ويش رايك في مساعد السياره اللى يركب على الجموس او غيره يمنع انقلاب السياره في حال البنشر لك الشكر والتقدير

حياك الله اخوي جلمود
مالك لوى يالغالي وخلك بالتراث
تحيتي لك وتقديري

[ابو ماجد 2]

هلا بك يا ابو ماجد



وصح لسانك


وش رايك بـــ البندق والرصاص


تحياتي لك



هلا بك يالغالي وصح بدنك
والرمعه مالك لوى
تحيتي لك

[ابو ماجد 2]

ابو ماجد الله يعطيك الصحه والعافيه

وعلى البركه الفضي وتستاهل كل خير يابو ماجد
وسامك وسام لنا جميعا
عندي رمعه
مايكون الملبن المقاس بالتقريب شبرين
وعود التبن اكرمكم الله هوالامان حتى يتماسك الطين
والطين في وسطه سمين ودقاق بالاطراف

تحياتي


هلا بك يابو محمد والله يبارك بايامك ولياليك ووسامي الحقيقي هو التواصل مع حبايبنا شرواك بهالمنتدى الشامخ
الملبن ماك لوى يابو محمد وجميل منكالتوجه للتراث
تحيتي لك وتقديري

[فهد الهلالي]

ابو ماجد الله يطول بعمرك 000000 عندي سؤال 00000 اللي عمره مثلي 27 سنه يعرفه0000 يعني لحقناء عليه0 حنا يالشباب 000 او فقط الشياب اللي لحقوا عليه ونستفيد من رمعاتهم للتراث
حفظك الله من كل مكروه

[مسيرs]

السلام عليكم ورحمة الله وبركاته

يامال العافيه ياابو ماجد
لغزك سهل ممتنع قريب بعيد بل بعضها ماشاء الله عليك مثل السراب كل ماتقول إقتربت بعد عنك"
فخر الالغاز"
مجرد رمية " الفاروع ونصابه العصا

[ابو ماجد 2]

ابو ماجد الله يطول بعمرك 000000 عندي سؤال 00000 اللي عمره مثلي 27 سنه يعرفه0000 يعني لحقناء عليه0 حنا يالشباب 000 او فقط الشياب اللي لحقوا عليه ونستفيد من رمعاتهم للتراث


حفظك الله من كل مكروه


ههههههههههههههههههههههههههه
هلا بك يابو محمد نعم اللي عمره 72 مثلك اكيد شافه بس هل انتبه له هذا هو المهم واعتقد انه مازال موجود عند ناس لهم كارهم في العود والورع جزء من العود

[ابو ماجد 2]

السلام عليكم ورحمة الله وبركاته

يامال العافيه ياابو ماجد
لغزك سهل ممتنع قريب بعيد بل بعضها ماشاء الله عليك مثل السراب كل ماتقول إقتربت بعد عنك"
فخر الالغاز"
مجرد رمية " الفاروع ونصابه العصا

وعليكم السلام ورحمة الله وبركاته
كلامك فخر لي وتاج على راسي اتمنى اني استحقه
الفاروع ومايتعلق فيه مالك لوى
وعلى شان هالمديح نبي نعطيكم بيت يوضحه اكثر
وفي الحقيقه كنت انتظر مرماع برق القصيم والسبب .؟؟؟؟؟؟؟؟؟
ولكن اخشى ان يتأخر

[ابو ماجد 2]

السلام عليكم

اليكم زيادة بيت لعله يحصر الرمعات ويضيق نطاقها


شبرٍ وشبرٍ هقوتي به محاريه=ورع لأهل الكار يعرف بالاوصاف
مع عود فيه الأمن يامنتخي فيه=والعود من دونه من الكل ينعاف
في جنب عوده ماسكه مايخليه=وبالجنب الآخر لانخيناه ينشاف
وليابغيت الجسم وصفه تلاقيه=السمن في وسطه ودقه بالاطراف

[ابو اسامه 2]

الحل يا ابو ماجد من عندي مصور=صورة هي تعني كل ما قلت
إن كان حلّي صح خلني اتصور=وإن كان ما هو صح فيا شين ما جبت



.
.
.
.
.


http://up.x333x.com/uploads/7fe7109a3b.jpg (http://up.x333x.com)

[راع الأوله 1]

ابو ماجد يازعيم ان كان الشيخ وهو عمرة بس :D 27 يمكن شافه بس ما انتبهله
علينا السلام:p


عموما شفت الصورة وتسلم ويسلم كاتم
وعساكم على القوة

تحياتي

[ابو ماجد 2]

الحل يا ابو ماجد من عندي مصور=صورة هي تعني كل ما قلت
إن كان حلّي صح خلني اتصور=وإن كان ما هو صح فيا شين ما جبت



.
.
.
.
.




http://up.x333x.com/uploads/7fe7109a3b.jpg (http://up.x333x.com)



هلا بك يالغالي
وتشكر على الابيات وعلى الصوره ومايجي منك الا الزين حتى ولولم تصيد الحل
الرمعه مالك لوى
ولاتسى ماسك بجنب العود واذا نخيناه مسك بالجانب الآخر
تحيتي لك وتقديري

[ابو ماجد 2]

ابو ماجد يازعيم ان كان الشيخ وهو عمرة بس :D 27 يمكن شافه بس ما انتبهله
علينا السلام:p


عموما شفت الصورة وتسلم ويسلم كاتم
وعساكم على القوة

تحياتي

الله يرضى عليك استر ماشفت واثرك مع الجهتين يالغالي ههههههههههههههههههه
تقبل تحيتي وتقديري

[ضاري خان]

السلام عليكم ورحمة الله وبركاته

صح لسانك يازعيم
رمعة بريك السياره
وتقبل تحياتي

[ضاري خان]

رمعه ثانيه يازعيم
الكر
وتقبل تحياتي

[جرير]

نبي نفحط مع الشباب
تونا وصلنا الخمسين
مايكون
.
القير والدبل
.
قل تم يابو ماجد
.

[ابو ماجد 2]

رمعه ثانيه يازعيم
الكر
وتقبل تحياتي


http://www.alrassxp.com/uploaded2/6888/91218588021.jpg

اخوي ضاري خان

هو اللي يكون بآخر الكر قطعة خشب عملها قفل الكر ليتمكن من اراد الصعود للنخله من الصعود بأمان وواضح بالصوره عند ذراع الرجل اليسرى

صح لساك ملايين يالغالي

بيض الله وجهك

[ابو ماجد 2]

نبي نفحط مع الشباب

تونا وصلنا الخمسين
مايكون
.
القير والدبل
.
قل تم يابو ماجد

.


هلا بمشرفنا الغالي
خمسين يالغالي وتقول تونا شف الشيخ مسكين 27 مع ذلك مايقول تونا هههههههههه الله يعطيك طولة العمر بالصحه والطاعه
الحل يالغلي عند اخونا ضاري خان

[جرير]

ماني قايلك اني من جنبها
ارحمونا يابو ماجد عطنا لغز شبابي
حنا يالشباب مانعرف هالاشياء
الكر والكر
واللي ماله بالنخل
اول عمره دنينه ونبيطه
واخره جيب شاص 93 وخلفه ونص
وثلاث مواعز
ووحده شكلها تبي تفطس اشوفها مدنقه

امزح :j
لغز جامد من خبير واللي جابه خبير
تسلمون وعساكم على القوه
طج الثاني