ابي حل الله لايهينكم

[قناص الخبر]

مساكم الله بالخير يا رجال انا عندي ذيخ الله يعزكم وانا قانص فيه وفعله طيب وعمره سنتين بس الحين صاير يخاف من كل شي واول انا معلمه يركب بالحوض ويحول ماعنده مشكله بس الحين يركب مايحول الا اذا فتحت له الباب وعندي بالعزبه ماطور واذا شغلته خلاص ماتلقاه تكفون وش الحل ؟؟؟؟؟

[KOOOOKA]

قناص الخبر اكيد هو خايف من شي


يمكن احد من الشباب او انت جادعوه من العوض


المهم اربط فيه حبل وحطه بالحوض وقله حول اذا ماحول ارفع صوتك عليه


واذا ما نفع جر الحبل خله يحول ونفس الطريقه بصعود


كررها اربع مراح


وشف النتيجه

[abo fahd 06]

نعم الراي
بس انتبيه لا يصير مريض

[ذيب عتيبه]

حياك الله يالغالي


السلق اروآح طآل عمرك وتتأثر بالي يصير لها واللي تشوفه


بالنسبه لسلوقيك فمبدأيا أقول يمكن أحد من أخوياك قد رماه رمي من الحوض وتعور لكن مسأله ان الماطور اليا اشتغل يخاف فهذا شي ثاني

اتوقع طآل عمرك ان قبل الخوف هذا قد سمع صوت رمي فالمقناص ونادر السلق اللي ماتخاف من صوت البندق

كانوا شيباننا أول ولها الحين يجمعون السلق ويطلعون بها للخلا ويرمون والسلوقي اللي ينحاش مايعود معهم


مالك االا تجريه وتزرع قوه قلبه وهذا بيطول لكن ان كنت صامل بيننا الخاص



والعذر على الاطااله

[أبوسعود711]

اخوي ذيب عتيبه ما يقصر

[قناص الخبر]

لا هنتوا يا رجال والله يعافيكم

[تركي1127]

هلا اخوي
خذ معك سلق مدربة واطلع الي البر
وخلة يشوفهن وهن يركن السيارة
ويطردن الجراببع وخلة يركب معن وينزل
اكثر من مرة
واذا ماعندك سلق مدربة انا عندي ومستعد
اروح انا وياك انا في الرياض
ارسلي علي الخاص

[الدرب البعيد]

اخوي قناص الخبر
الاخوان مشاء الله ماقصرو قالو اللي فيه الخير
ولكن انا لي وجهة وهي :
اولا ان السلق تعرض لموقف عنيف مثل ماقالو الاخوان
ولمعالجة مثل هذه الصدمه يجب عليك ان تعالجه بالرفق واللين وليس بالقوه والضرب ولتكن مثل الطبيب النفسي . والطريقه قم بتجويعه وخذ وصلة لحم بيدك واطلب منه الصعود للسياره وحاول ان تلاطفه اذا صعد .
بعد ربع ساعه اطلب منه النزول من السياره واغريه بالاكل حتى ينزل بنفسه وإذا لم ينفذ الامر قم بوضع الاكل في لارض وهو يراه واتركه ليحاول التغلب على الخوف ومن المؤكد انه سيتغلب على ذلك .
حاول ان تكرر هذه الخطوات اكثر من مره وفي النهايه سوف يكسر حاجز الخوف الذي تولد لديه .
ومعالجة الخوف من الماطور :
قم بتجويعه ومن ثم اربطه بالقرب من الماطور وقم بتشغيل الماطور لمدة خمس دقائق ويجب ان يرى الماطور . بعد ذلك قم بإطفائه وقم بوضع الاكل له بجانب الماطور وحاول ان تناديه ليأتي إليك من تلقاء نفسه .
اتركه سوف يأتي إليك ويقوم اولا بشمشمة محتويات الماطور ليتعرف عليه انه ليس خطر .
حاول ان تكرر هذه الخطوات وسوف ترى النتيجه المرضيه بإذن الله
اعيد واكرر الكلب تعرض لصدمه كبيره جدا جدا الله العالم وش هي .:confused:

[قناص الخبر]

ماقصرتوا يارجال وكلن باسمه الذيخ انا ماطلع فيه الا ومعه سلق مدربه ويشوفهن بس ماحولك احد راسه يابس والبارح يوم وصلت للعزبه ونزلو السلق من الحوض هو مانزل مع اني جحدته ورحت وجيته الا هو رابض بالحوض وبالنسبه لكلام اخوي الدرب البعيد اذا حطيت له الاكل والماطور شغال انسى انه ياكل الا اذا طفى الماطور

[الصارم1]

والله الاخوان ما قصرا



بس الظاهر انه يعاني من حاله نفسيه

[بحر القصيد]

مساكم الله بالخير يا رجال انا عندي ذيخ الله يعزكم وانا قانص فيه وفعله طيب وعمره سنتين بس الحين صاير يخاف من كل شي واول انا معلمه يركب بالحوض ويحول ماعنده مشكله بس الحين يركب مايحول الا اذا فتحت له الباب وعندي بالعزبه ماطور واذا شغلته خلاص ماتلقاه تكفون وش الحل ؟؟؟؟؟

اخوي انا اخاااااااااااااااااااااااااااالف الشباب كلهم في آرائهم

كلبك ((((((مطروووووووووووووووود)))))) طاردينه بسياره

وعشان كذا جفل من الموتر والركوب فيه او النزول منه + خوفه من اصوات المحركات

حاول تخليه يتجرا على الماطور بتقريب الأكل من الماطور تدريجيا ً
او تحط أكله جنب السياره والسياره شغاله وكل يوم قرب المسافه اقرب شوي شوي لين يزول خوفه وكذا يبزول خوفه تدريجيا ً وممكن هو يرجع من نفسه يركب وينزل
من السياره

اما من ناحية تعليمه الركوب والنزول على طول///////// اعتقد اكبر غلط تحاول تعلمه الركوب والنزول وهو بالأساس هااااااااااااايب من السيارات واصوات المحركات




تحيتي لك

[الموج الهادر]

هلا خوي قناص الخبر اصبر عليه 10-15 يوم وهو ينسى الخوف اهم شي الحين لاتغصبه عشان مايخاف اكثر وان كان عندك ضاريه خلها معاه اكم يوم بالشبك وخل الموتر مفتوح وحين يلعبو يصعد معاها الموتر وتقبل مروري

[الشيرازي]

ماشاء الله الاخوان ماقصروا

[قناص الخبر]

ماقصرتوا يارجال ويعطيكم العافيه

[عاشق الصمان1]

الله يرجعه لك واخواني افادوك