شبيه تبع الشاهين <<< صورتين>>>

[501]

السلام عليــــــــكم ورحمة الله وبركاته
هذ الي عيناه اثنـــــــــــاء مقناصنا للقميري قبل 3 ايام
اول ما شفته حسبته تبيعه جبليه طارة وتركت العلف وعلفها حمامة بر
وشبكة حمامتها ورجعت على العلف وتم صيدها
الصور
http://up.stop55.com/upfiles/byt68555.jpg (http://up.stop55.com/)
http://up.stop55.com/upfiles/E6F68563.jpg (http://up.stop55.com/)


وهاذي حناء نسميها بالساحـــــل ابو طويـــــــق لوجود طوق في عنق الرقبه
وسريعة المناوره.
501

[مدرس الصقاره]

الناس هلايام هذه ماشافت خير وربي

حتى التبوع ماسلمت من يدينهم يعني هالطيره الي انت طارحها وش راح تصيد لك

الى اذا كان بتقنيص فيها عاصفير ودخل هذا شي ثاني

يالله انك ترحمنا برحمتك

[صاحب نوماس]

اخوي مدرس الصقارة الرجال صادها نقولة يفكها


ماشاء الله عليها تاكل من صيدها ان شاء الله

[حب الوطن]

الناس هلايام هذه ماشافت خير وربي

حتى التبوع ماسلمت من يدينهم يعني هالطيره الي انت طارحها وش راح تصيد لك

الى اذا كان بتقنيص فيها عاصفير ودخل هذا شي ثاني

يالله انك ترحمنا برحمتك


السلام عليكم اخوي 501 مشكور وماقصرت وسبحان الله على حسن خلقه والف شكر لك على ماطرحت من موضوع ....

اخوي مدرس الصقاره هد من روعك شوي لا يغرك اسمك وتتهور الرجال هذا الي نزل الموضوع ياليت تدخل ملفه الشخصي وتشوف بعض من مواضيعه اربها تهدي من كلامك الجارح له ....

وش ففيها ان طرح تبع لاهو الي بيصقره ولاهو محتاج يصيد عصافير وانا متاكد تمام الثقه ان 501 راح يعتقه لسبيله واراهن انه ماجلس عنده اكثر من اربع وعشرين ساعه ....

اخوي الغالي يالتيت ناخذ الامور ببساطه انت غالي وهو غالي ولا تربطني بكم معرفه وسامحني اذا احطيت عليك ...

تقبل مروري

اخوكم / حب الوطن

[أبو رداد]

الله يحيك اخوي
هذه في العراق نسميها جورة الشاهين والبعض يسموها ام طويق ايضا
تراها ممتعمه ... عندها السرعه والشجاعه
البعض يصقروها على المريعي والطيور الصغار
لكن احذر تضعها قرب الطيور ترى ياكلنها

[راعي مرقاب]

نفس ما قال أخونا بورداد

هذي تسمى جورة الشاهين

بس وش الي جابها في هالوقت من السنه؟؟

[@قرناص@]

..

لاهنت يآبوسعد ع الصوره..

ويآمدرس الصقاره 501 يعرف وش يسوي بـهآ..

[عزوزي07]

السلام عليكم

الطير هاذا يابوسعد شبيه الشاهين لاكنه اصغر منه بالحجم (جوره)

ويمدحونه للمريعي..

لاهنت ع الصور الطيبه..

تحياتي لك

[رامي التراب]

هذا الطير نسمية لوك

[مخاوي شيهانه]

هذا الطير نسميه--اجلميه--ونا اخوك منتى مستفيد منه اطلقه والله يرزك بطير يعشيك

[المريعي]

هذي حنا نقوله بكة

[الهواوي 502]

السلام عليكم

هاذا اول مرة اشوفه ونا اخوك

مدرس الصقارة هو وش قال قال شبيه تبع

ونت كليته

ونا متاكد انه مهب مصقرة

والله يرزقك

[هواي داورد]

هذا ماقد شفته بحياتي

اسمع فيه

[نبع الدموع]

هذي سلمك الله بكة تشبة الشياهين لاكن تشوفها مطوقة و في جرم الشبوط او اكبر بشي بسيط
هالسنة لاقي اكثر من عشر

[501]

ما قصرتـــــــــــو جميعا على ردودكم الطيبه والنصيحه لوجه الله
انا ما نزلت الموضوع هذا الا لشكل الطير و نوعيته
والطير هذ يعلم الله وين هو الان

ملاحظه : انا محترم المنتدى وجميع الاعضاء الي فيه انا يوم اني انزل الموضوع ما احتاج ردك يا مدرس الصقاره واعيد واكرر شكري لك على ردك وعلى مستوى صقارتك.

501

[بدران123]

حياك الله اخوي501 والمقصد انك اول شي علمت ناس يمكن تجهل هذا النوع وانا متاكد ان الطير قد اعفيته ...
ثاني .شكرا لاحترامك لمنتدى وطولت بالك .
وهذا من طبع اهل منتدى مكشات..

بالتوفيق ....

[501]

ما قصرتو على ردودكـــــــــــم الطيبه
و
اخص بذلك دون نقـــص بجميع الاعضاء الى حب الوطن على مستوى الرفيع من ناحية الاخلاق
والله يبيض وجه وجهكم .
501

[لعّاب المنايا]

علمك غانم يا 501

صوره طيبه وخل اللي مايعرفون انواع الطيور يتعرفون عليها

[501]

ما قصرتو على الردود الطيبه
501

[q82009]

الله يبارلك فيه

[ابو العطاوي]

يالربع لاهنتو استفسار هل الطير هذا يسمونه بكى ولا لا ابغى الاسم اللي دارج بالشمال