يوسف الخليفة1
29/04/2009, 10:27 PM
http://www.mekshat.com/pix/upload03/images112/mk67513_gyrfalcon.jpg
يا من بغيت بيوت قافن عن الجير=حسب مجال البيت ابعطيك سيره
طيرن له رسومن بعلم الصقاقير=من جربه ما يطرب لصيد غيره
قصر الجناح وسرعتن تقل معصير=اليا لفح طعسن وشلع ذريره
موسيته ما وسروها بمسامير=ما كنها الا سيف قاضب جفيره
ما قيل بعرنان وبردن ولا النير=وما فرش الجنحان فوق الحفيره
ولا ذكر مغذاه بام المناشير=ما حام بالمظهور حول الزبيره
سلالة ديارن بعادن مزاهير=مقياله بذيك الثلوج المطيره
يعيش باشهوق الجبال المعاسير=والا الشجر ما حط فيها مصيره
مطعومه خرينق رعى بالعثامير=ولا يريد من الفرايس حقيره
اثنين وعشرين المقاس اكثر يصير=وما دون من عشر وثمانن قصيره
والوزن بالكيلو على اثنين تقدير=وما تحت الالف وست الاميه يصيره
ياتي ثلاث الوان يا هاوي الطير=هذا ثبات العلم في كل ديره
رمادي وابيض يشدي الفطر بالحير=والاسود اللي مثل حبشي سميره
ما ياضع البيضه على زبرة البير=ولا جعل فوق الشجاير صغيره
اليا بغا التفريخ فوق المزابير=اللي على روس الطوال العسيره
بيضاته اربع باللغوف المقاوير=اللي تعلت بالشطوب الخطيره
تحضنها الانثى ست وعشرين ما غير=ثم تفقس ويبدا الولد في صفيره
والانثى عند فروخها تبقى واتحير=خمسة عشر يومن ذكرها خبيره
من بعدها تكفخ مع الجو واتطير=اليا هوت ما فاد الارنب فريره
واما الذهاب لمبعدات الاقاطير=لحلت الهجره قريبن مسيره
يهاب لحتر الخلا كنه الكير=لحتميت الرمضا ونوخ بعيره
واستغفر الرحمن عن كل تقصير=وصلوا على الهادي سليم البصيره
( يوسف الخليفة )
يا من بغيت بيوت قافن عن الجير=حسب مجال البيت ابعطيك سيره
طيرن له رسومن بعلم الصقاقير=من جربه ما يطرب لصيد غيره
قصر الجناح وسرعتن تقل معصير=اليا لفح طعسن وشلع ذريره
موسيته ما وسروها بمسامير=ما كنها الا سيف قاضب جفيره
ما قيل بعرنان وبردن ولا النير=وما فرش الجنحان فوق الحفيره
ولا ذكر مغذاه بام المناشير=ما حام بالمظهور حول الزبيره
سلالة ديارن بعادن مزاهير=مقياله بذيك الثلوج المطيره
يعيش باشهوق الجبال المعاسير=والا الشجر ما حط فيها مصيره
مطعومه خرينق رعى بالعثامير=ولا يريد من الفرايس حقيره
اثنين وعشرين المقاس اكثر يصير=وما دون من عشر وثمانن قصيره
والوزن بالكيلو على اثنين تقدير=وما تحت الالف وست الاميه يصيره
ياتي ثلاث الوان يا هاوي الطير=هذا ثبات العلم في كل ديره
رمادي وابيض يشدي الفطر بالحير=والاسود اللي مثل حبشي سميره
ما ياضع البيضه على زبرة البير=ولا جعل فوق الشجاير صغيره
اليا بغا التفريخ فوق المزابير=اللي على روس الطوال العسيره
بيضاته اربع باللغوف المقاوير=اللي تعلت بالشطوب الخطيره
تحضنها الانثى ست وعشرين ما غير=ثم تفقس ويبدا الولد في صفيره
والانثى عند فروخها تبقى واتحير=خمسة عشر يومن ذكرها خبيره
من بعدها تكفخ مع الجو واتطير=اليا هوت ما فاد الارنب فريره
واما الذهاب لمبعدات الاقاطير=لحلت الهجره قريبن مسيره
يهاب لحتر الخلا كنه الكير=لحتميت الرمضا ونوخ بعيره
واستغفر الرحمن عن كل تقصير=وصلوا على الهادي سليم البصيره
( يوسف الخليفة )