وداعا للدرابيل

[هملان]

السلام عليكم ورحمة الله وبركاته
اخواني هناك انواع كثيره من الدرابيل (المنضار) منها زايس وغيره من الانواع الكثيره
واسعار البعض منا مرتفعه وتصل الى 8000 الاف ريال
ولان في الوقت الحاضر نزل كميرات فيديو ذات زوم عالي وتكاد تكون افضل من احسن الدرابيل
وكمره سوني الجديده صغيره الحجم وزوم عالي وترى حتى في الظلام وتستفيد منها ايضا في
تصوير رحلاتكم يعني حج وقضيان حاجه انتم معي وش رايكم
تحياتي

[خشم الحصان]

الاخ الغالي
هملان
السلام عليكم
اخي الحبيب كلامك صح بنسبه للتقريب بي يالغالي وش تسوي مع هالغبار والحراره وبعدين كثرة فتح واستعمال الكمره يوثر عليها واذا فضة البطاريه وش نسوي عموم مالك عن الدربيل غنات ولا انا مخطي
اخوك
خشم الحصان

[ابو شكاع]

يا اخوان انتم ماشفتوا اللي انا شفت؟؟

3x1

دربيل+ كاميرا رقمية + وشو الثالث ياربي ؟؟؟؟؟؟؟؟؟؟

ايه صح اثره 2x1 مهوب 3 في واحد

هذا يقول لك دربيل وبنفس الوقت كاميرة رقمية ,,,,,, ويقرب لك مسافات بعيدة يعني اكثر من الكاميرة العادية ويصور

طبعا هذا واحد مسوي له دعاية ويبيع الواحد منهن ب 2000 ريال

وانا امس شفت دعاية لواحد مثله في جريدة رقمي اللي تجي مع جريدة الجزيرة وسعره 149 دولار .......... تقريبا 650 ريال بس يمكن هذا اقل امكاينات

ويمكن انه نفس ا الإمكانيات لكن هذاك يتضرب بالناس .......

العلم يتطور

والقادم مذهل اكثر

شكرا لك ولاهنت

[خشم الحصان]

الاخ الغالي
ابو شكاع
السلام عليكم
ابو شكاع بسم الله عليك اخيي وش بك من تالي قمة تقط خيط وخيط
ماقول الا الله هم لك الحمد والمنه يالربع احد منكم فهم شي برحي +سكري+حبحر= ابو شكاع ÷خذرفه
الله يرحمك يامحمد علي سندي يومه يقول (مابال مجنون ليلي قد جن بعض جنوني)
اخوكم
خشم الحصان

[ماجلان]

ما أعتقد أنه فيه كاميرا فيها زووم بصري مثل اللي بالدرابيل صحيح أن الزووم الرقمي يوصل لدرجات زووم خياليه بس اذا الزووم البصري محدود فالصوره الناتجه محدوده الجوده
فيه أحد عنده خبره بالدرابيل ومجرب يفيدنا؟

[ابو شكاع]

سلام عليكم


لا لا لا منب مخبط ياخشم الحصان

تذكرت ابشرك ................. هماي هالحين شربت بايسن وتذكرت

3 في واحد ............ دربيل+ كاميرا رقمية +دربيل ليلي

تصدقون عاد ان لي شوي احوس ادور الموقع ولا لقيته خابره بالمفضلة :(

ان لقيته ابجيبه

انت توحي يخشمشم ................ :)

عاد اللي يبيع هالدرابيل قال لي انه يجيبهن من بريطانيا وانه هالحين موجود هناك وانه يبي يجيبهن معه وهن صناعة امريكية ...... عاد انا ما استعجلت ........ لاني تعلمت من درس كاميرة الفديو اللي شريت

سمعت عنه هرج ومدح ما صار ولا استوى ......... ويوم جت واثره ما تسوى ولا 20 ريال .......... هي صحيح انه رخيصة مع انه كاميره فديو وكاميره رقمية ومسجل صوت رقمي ولكن صناعة صينية بائسة

وما صدقت على الله اني افتك منهن <<<< شاري ثنتين

لذلك انا تبت ................ وماهنا ازين من انك تشري الشي على الشوف

الظاهر اني خربطت واجد مير سامحون ياخييني

[الضاري]

بزعمي والله أن الدربيل أفضل من الكميرة لأنة يتحمل أكثر من الكميرة وسهل وسريع الأستخدام.. لكن تفرق عنة الكميرة بتصوير الشيء الذي تدربل علية..

أخي خشم الحصان ..

ابوشكاع هو ملح المنتدى مذرور علية شوي حبحر.. :D

الله لا يحرمنا منه ومن مواضيعة ..

تحياتي للجميع

[نقا هشال]

اخوي هملان هلابك

ولاكن الكمره حساسه

وليست عمليه

[هملان]

السلام عليكم ورحمة الله وبركاته
اخواني الكرام اشكركم على تفاعلكم مع الموضوع
والسبب للموضوع انه كان عندي كمره وانكسر فيها زرار ولا عاد تصور وصرت استخدمها دربيل
والورعان الله يصلحهم يرمونها ويلعبون فيها ولا جاها الا العافيه واستفدت منها بدل مارميها
تحياتي للجميع