المكيف الصحراوي مشاكل وحلول وخبرات

[لاتكب البيالة]

السلام عليكم

مساكم الله بالخير

اتوقع ما يخلو بيت بمنطقتنا الصحراوية الجافة من المكيف الصحراوي
ولا ينفع مع الحر الا هو لتبريد البيت بشكل كامل

طبعا كلنا عارفين ما للمكيف من مشاكل منها التمليح وعدم التبريد والصدأ وهالامور

طبعا انا حبيت اطرح هالموضوع مع دخلت الصيف وهو منكم واليكم اللي عنده افكار بالمكيف اللي عنده حل لبعض المشاكل اللي عنده اسئلة اللي عنده خبرات بخصوص المكيف الصحراوي يفيدنا بها

طبعا انا بضيف بعض الامور واتمنى تتحفونا باللي عندكم

اولا فيه فكرة صراحة اخبرن به احد الاخوان قبل سنتين تحل مشكلة التمليح وانقل لكم كلام الاخ
يقول(شريت مكيف صحراوي جديد ثلث حصان وجبته للبيت وفكيت المحرك والمضخة والقش اللي بالابواب وفككت جميع التوصيلات وشريت لي كم بخاخ قار ورشيت المكيف كاملا من الداخل وخليته فترة ينشف ورجعت جميع الاجزاء مكانه بعد كذا بدا هيكل المكيف ما يمسك الملح ابدا لانه الماء ينزل على طول وافتكيت من 90% من الملح وبرودة افضل)
ثانيا فيه فكرة طبعا معروفة للكثير للتخلص من الملح نطرحة للي ما يعرفه طبعا معروف ان فكرة المكيف الصحراوي ان الهواء يمر عبر الماء فيبرد واكيد الماء يسخن ويتبخر بعضه وهذا سبب كثرة الملح الماء يتبخر ويخلي ملحه:D والحل اننا نغير ماء المكيف كل فترة يعني نضع مكان فتحة التصريف بالمكيف بزبوز واذا بغينا نغسل الحوش يوم الجمعه عن البلدية:D نفرغ ماء المكيف ونغسل بوه وكذا نفتك من كثير من الملح

ثالثا فيه منتج جديد يغني عن مضخة الماء اللي اعطاله واجد وهو اقوى الا وهو غطاس صغير اطول عمر وافضل اداء واغلى سعر:D طبعا سعره من 70 او 80 وحوله وهذي صورته
http://photos-a.ak.fbcdn.net/hphotos-ak-snc1/hs004.snc1/2800_1163861616056_1213333130_452240_7916050_n.jpg (http://www.facebook.com/photo.php?pid=357952&id=1213333130)

رابعا قريت قبل فترة اختراع جديد لواحد سعودي يعطي المكيف الصحراوي برودة تنخفض 6 درجات (يعني ابرد ب6 درجات) الاختراع سهل بالحيل وهو انه يخلي القش صفتين بينهن 15 سم اتمنى نرى هالمنتج قريبا بالاسواق واللي يبي يسويه يخلي مكيف وسط مكيف :D ماعنده مشكلة

خامسا تبي المكيف تقل فريزر جب لك كيس ثلج وكبه بحوض ماء المكيف:D طبعا محد جايب كل يوم ثلج لكن ممكن يوم تحتاج براد غير العادة :D

في النهاية اقول انا الان اشتغل على مكيف صحراوي مخصص للبر على كهرب السيارة واحاول انه يظهر بطريقة عملية ويمكن الاعتماد عليها وغير مكلفة لذا ليت اللي عنده اقتراح يعطينا اياه وان شاء الله اذا اكتمل طرحناه لكم

هذا ما لدي واتمنى ان تزودوننا بخبراتكم وتقبلو تحيات اخوكم ابو زيد:D

[إلياس المطلق]

منتج جديد يغني عن مضخة الماء اللي اعطاله ,,
أين أجده ؟؟؟

[لاتكب البيالة]

حياك الله اخوي الياس

طبعا غطاس الماء تجده عند اكثر محلات الادوات الكهربية والسباكة وهو منتشر

وحياك الله

[لاتكب البيالة]

فيه نقطتين حبيت اضيفهن وهي توه تطري على بالي

اولا هناك نقطة مهمة تؤثر على اداء المكيف الا وهي اغلاق اي فتحات في المكيف ولو كانت صغيرة لان الهواء يبحث عن الطريق السهل فمثلا ماصورة تصريف الماء صحيح انه صغيره لكن يدخل معها كمية كبيرة من الهواء الجاف او احياننا ينزل القش قليلا بفعل ثقل وزنه فتكون اعلى الفتحات في ابواب المكيف سهلة لمرور الهواء الجاف

ثانيا اتصل بي احد الاصدقاء قبل كم يوم يقول انه شرى مكيف صحراوي لكن برودته ضعيفة وانا مريت الرجال وقلت ورنا المكيف لاحظت ان البنقالي ثور (اسمحولي على هالكلمة) اللي ركب كرسي المكيف ما وزنه يعني صار مايل وهذا يخلي المكيف مايل ولا يصل الماء الى بعض اجزاء القش وبعد تعديل المكيف ووزنه بميزان الماء طلع بارد ما مثله

[ملعقة2]

السلام عليكم فية طريقة مضمونة ركب اسفل المكيف مبخروخارج المكيف مكثف وكنبرسروترمستات بمعناتبريدمويةالمكيف وخذتبريدممتازوهذا ليغنى عن تغيير مأالمكيف بينا فترة واخرا

[العريني1]

ماشاء الله افكار جميله...
اسمح لي بالاضافه...
1- ضع لك طرمبه ثانيه يعني طرمبتين بدل وحده مع تزويد عدد ليات الماء اللي تصب على القش .
2- يقولون فيه حجر نوعيه خاصه يحطونه في المكيف وتقلل نسبة الملح لانه تسحب الملح .
3- فيه فكره تشيل الدينمو كامل والمروحه وتركب مروحة شفط حقت المطابخ ..طبعا كبيره تصير لان المطلوب دفع الهواء.
4- ضع لك دهن عود او ورد او ملطف جو يعطي رائحه جميله للبيت .
شكرا لك
ابوعلي

[العـربي]

طيب وش افضل الانواع

[بن نويشر]

1 - أهم شيء أخوأني عند عمل الصيانة اللازمة للمكيف الصحراوي قم بفصل الكهرباء من العداد الداخلي قبل أن تقوم بأي عمل .
2 - ولكي تفتك من الغبار المتجمع على المروحة ، قم بغسل المروحة جيداً بخرطوش الماء ، وقم بشفط الماء المتجمع في صندوق المروحة بواسطة المضخه حقت القاز أم ريالين .
3 - قم بتبديل الطرمبة وكذلك السير وحتى أن كانت حالتها جيده .

[قاصد الصمان]

بالنسبة للطرمبتين فالأن يوجد غطاس في شارع الريل عند محلات التبريد يغني عنهن في القوة وكيله( اليحيى)

اما بالنسبة للملح ليس هناك حل الا تغيير الماء باستمرار

اما المروحة وتغييرها لمروحة شفط فهذه ناجحة مع المكيفات ذات

الحجم الصغير اما الأحجام الكبيرة مثل 4/3 او الكامل فلا اظنها تنجح معها

[بدوي الرياض]

اضافه مهمه احب ان يستفيد منها الجميع
قبل كم يوم خرب على الدينمو حق المكيف وصلحته وبعدها بفتره قصيره خرب ثاني مره تدرون وش السبب؟؟؟؟؟؟؟؟؟؟؟؟؟؟؟؟؟؟؟؟؟

كنت شاد السير يغني لااااازم يكون السير (مرتخي) والا راح يخرب عليك الدينمو باستمرار

[الخالدي11]

ماشاء الله أفكار طييييييييييييييييييييييييييييييييييبه

جاااااري التجربه

[SE.3500]

ا

في النهاية اقول انا الان اشتغل على مكيف صحراوي مخصص للبر على كهرب السيارة واحاول انه يظهر بطريقة عملية ويمكن الاعتماد عليها وغير مكلفة لذا ليت اللي عنده اقتراح يعطينا اياه وان شاء الله اذا اكتمل طرحناه لكم




ممكن تحط لنا صورة المكيف يا حبيبنا خصوصا وحنا نحتاجه بطلعات الصيف والصيد
ومشكور على الموضوع المفيد

[لاتكب البيالة]

اشكر الجميع على الاضافة وصراحة ذكرتوا اشياء جديدة ان شاء الله نستفيد منه

السلام عليكم فية طريقة مضمونة ركب اسفل المكيف مبخروخارج المكيف مكثف وكنبرسروترمستات بمعناتبريدمويةالمكيف وخذتبريدممتازوهذا ليغنى عن تغيير مأالمكيف بينا فترة واخرا
اخوي الطريقة ناجحة جدا لكن اتوقع السلبي به صوتالكمبروسر و صرفية الكهرب واشكر اضافك


ماشاء الله افكار جميله...
اسمح لي بالاضافه...
1- ضع لك طرمبه ثانيه يعني طرمبتين بدل وحده مع تزويد عدد ليات الماء اللي تصب على القش .
2- يقولون فيه حجر نوعيه خاصه يحطونه في المكيف وتقلل نسبة الملح لانه تسحب الملح .
3- فيه فكره تشيل الدينمو كامل والمروحه وتركب مروحة شفط حقت المطابخ ..طبعا كبيره تصير لان المطلوب دفع الهواء.
4- ضع لك دهن عود او ورد او ملطف جو يعطي رائحه جميله للبيت .
شكرا لك
ابوعلي


اشكر اضافك ابو علي وفكرت التعطير طيبة وان شاء الله ابجربه وبالنسبة للحجر اللي يمنع الملح صراحة جربناه ولا شفنا نتيجة الا اذا فيه نوعية مخصصة


طيب وش افضل الانواع
الانواع واجد لكن نفس الشغل انا استخدم هاس ولا شفت به خلاف
وطبعا فيه مقاسات حسب حجم البيت والغرف



1 - أهم شيء أخوأني عند عمل الصيانة اللازمة للمكيف الصحراوي قم بفصل الكهرباء من العداد الداخلي قبل أن تقوم بأي عمل .
2 - ولكي تفتك من الغبار المتجمع على المروحة ، قم بغسل المروحة جيداً بخرطوش الماء ، وقم بشفط الماء المتجمع في صندوق المروحة بواسطة المضخه حقت القاز أم ريالين .
3 - قم بتبديل الطرمبة وكذلك السير وحتى أن كانت حالتها جيده .



اشكر اضافك يالغالي والكهرب خطير خاصة مع الماء


بالنسبة للطرمبتين فالأن يوجد غطاس في شارع الريل عند محلات التبريد يغني عنهن في القوة وكيله( اليحيى)

اما بالنسبة للملح ليس هناك حل الا تغيير الماء باستمرار

اما المروحة وتغييرها لمروحة شفط فهذه ناجحة مع المكيفات ذات

الحجم الصغير اما الأحجام الكبيرة مثل 4/3 او الكامل فلا اظنها تنجح معها

اشكر اضافك يالغالي
والغطاس انصح به لقوته وشكله يصبر بعد


اضافه مهمه احب ان يستفيد منها الجميع
قبل كم يوم خرب على الدينمو حق المكيف وصلحته وبعدها بفتره قصيره خرب ثاني مره تدرون وش السبب؟؟؟؟؟؟؟؟؟؟؟؟؟؟؟؟؟؟؟؟؟

كنت شاد السير يغني لااااازم يكون السير (مرتخي) والا راح يخرب عليك الدينمو باستمرار



اشكر مشاركتك يالغالي
طبعا شد السير زياده على اللزوم يسبب زيادة حمل على المحرك وايضا اذا صار مرتخي لن تدور المروحة بالسرعة المناسبة لذا يكون وسط
وننتبه للمحرك لا يجيه رش ماء لانه يحترق على طول


ماشاء الله أفكار طييييييييييييييييييييييييييييييييييبه

جاااااري التجربه
حياك الله واتمنى تستفيد


ممكن تحط لنا صورة المكيف يا حبيبنا خصوصا وحنا نحتاجه بطلعات الصيف والصيد
ومشكور على الموضوع المفيد

ان شاء الله اذا انتهيت بالكامل احط لك صورة وبعد اعلمك وشلون تصلحه من أ الى y بس اصبر علينا

طبعا المكيف بيكون هيكله من الامنيوم لعدم الصدأ والمضخة ممكن تكون مضخة المساحات والقش بيكون خيش مدبول والمروحة اي مروحة سيارة صغيرة هذي الفكرة بإختصار

[ناجز]

وعليكم السلام ورحمة الله وبركاته
اشكرك اخي على طرح هذا الموضوع لانه فعلا مشكلة هذي الايام
في اختراع قديم وجدته بعد الكثير من العناء في البحث في صفحات المواقع وهو عبارة عن ماصورة تركب في الطرمبة او الغطاس ويشبك بها اللي الي يوزع الماء على القش وتزيل جميع الاملاح باذن الله عن طريق المغناطيس اتصلت بصاحب المنتج وكان الكلام في نهاية الصيف الماضي وقالي ان الماصورة سعرها 250 ريال ولك اربع اشهر اذامنفعت لك رجعها وخذ فلوسك وعليها ظمان عشر سنوات قلت صعبة اركبها وانا في نهية الصسف ونويت اركبها في بداية هذا الصيف واتصلت على الرجل وقالي ان سعرها صار ب 300 ريال والسبب في الزيادة غلاء المواد المكونة في هذا المنتج وباذن الله راح اشتريها اليومين القادمة عسى الله ان ينفع بها ونرتاح من مشاكل الصحراوي

[حق الفيتو]

عـندنا مكيف صحراوي مركبين فية مروحة الصراحه خيال

اول شي تحكم بقوة الهوى يعني تقصر باليل وتزود بالنهار



واهم شي عندي الهدوء هادي نوعا ما من المكيف العادي

مركبين له غطاس بحاول انزل له صور اذا لقيت شاحن الكام حقي < الشغاله مضيعته وقيمته حول الاربع مية < من القهر طلع برى الموضوع


وشمت يحطون صابونه حقت يدين بالحوض ع شان ما يلحة او ينفك الملح بسرعه

[NOYEB]

ميزة الصحرواي توفير كهرباء وهواء طيب ...ولكن بالمقابل يحتاج الى صيانة باستمرار

اشكرك اخي لاتكب البياله على الموضوع الهادف

[صلهامه]

بعد معاناة اربع سنوات مع مكيف الجزيره حجم حصان تم لطس فتحة المكيف بأربع بلكات وتم تلييص الجدار وذهب الى غير رجعه

وش اسوى ابى ارتاح غربلنا يا غبار والا متسدد ملح والا خربان

[لاتكب البيالة]

وعليكم السلام ورحمة الله وبركاته
اشكرك اخي على طرح هذا الموضوع لانه فعلا مشكلة هذي الايام
في اختراع قديم وجدته بعد الكثير من العناء في البحث في صفحات المواقع وهو عبارة عن ماصورة تركب في الطرمبة او الغطاس ويشبك بها اللي الي يوزع الماء على القش وتزيل جميع الاملاح باذن الله عن طريق المغناطيس اتصلت بصاحب المنتج وكان الكلام في نهاية الصيف الماضي وقالي ان الماصورة سعرها 250 ريال ولك اربع اشهر اذامنفعت لك رجعها وخذ فلوسك وعليها ظمان عشر سنوات قلت صعبة اركبها وانا في نهية الصسف ونويت اركبها في بداية هذا الصيف واتصلت على الرجل وقالي ان سعرها صار ب 300 ريال والسبب في الزيادة غلاء المواد المكونة في هذا المنتج وباذن الله راح اشتريها اليومين القادمة عسى الله ان ينفع بها ونرتاح من مشاكل الصحراوي

حياك الله اخوي ناجز
الاختراع اللي ذكرته سمعت عنه قبل فترة وفكرته عجيبة واذا كان يقطع الملح نهائيا فليس بغالي اتمنى تفيدنا عنه عقب التجربه

[لاتكب البيالة]

عـندنا مكيف صحراوي مركبين فية مروحة الصراحه خيال

اول شي تحكم بقوة الهوى يعني تقصر باليل وتزود بالنهار



واهم شي عندي الهدوء هادي نوعا ما من المكيف العادي

مركبين له غطاس بحاول انزل له صور اذا لقيت شاحن الكام حقي < الشغاله مضيعته وقيمته حول الاربع مية < من القهر طلع برى الموضوع


وشمت يحطون صابونه حقت يدين بالحوض ع شان ما يلحة او ينفك الملح بسرعه


والله المروحة منتازة لكن مثل ماذكرو الشباب للمكيفات الصغيرة
اشكر اضافك ولك كل الشكر


ميزة الصحرواي توفير كهرباء وهواء طيب ...ولكن بالمقابل يحتاج الى صيانة باستمرار

اشكرك اخي لاتكب البياله على الموضوع الهادف


حياك الله اخوي
كلامك بمحلة لكن الصيانة اعتقد مرة بالسنة كافية لك كل الشكر



بعد معاناة اربع سنوات مع مكيف الجزيره حجم حصان تم لطس فتحة المكيف بأربع بلكات وتم تلييص الجدار وذهب الى غير رجعه

وش اسوى ابى ارتاح غربلنا يا غبار والا متسدد ملح والا خربان


حياك الله يالغالي
لطست الجدار مرة وحدة :D
انا معك ان المكيف متعب احياننا لكن ممتاز ويستاهل ولا ينفع بجونا الا هو
ومن ناحية خربان وتسدد انا في بيت جدتي مكيف قييييييييييييم مرة ومصدي والبيبان متآكلة من الملح والصدى حتى اذا لمسته من برى ينفضك ويمكن ما غيرو له القش من 10 سنين:D لكن صراحة ما كد شفت زي براده ولا له صوت ابدا:D يعني الدعوة احياننا توافيق

[مدمن الشات]

أعزائي الأعضاء الصحراوي
يجيب الروماتيزم
:no2: :no2:

[ضاري كنعان]

مــتــابــع

[ضاري كنعان]

اذا تبي البراد ركب برادة قريبة من المكيف وخل المكيف يسحب الماء منها !!


بالنسبة للملح فيه حركة مسويها واحد اسمه ( ابو ميسم ) << بامكانك ان تبحث بقوقل عنه .. نرجع لموضوعنا الطريقة هي انك تركب طرمبة ماء اضافية و يكون الهدف منها هو اخراج الماء من المكيف طبعا بيكون تشغيله بمفتاح خارجي حسب ما تبي << يعني ما تشتغل دايم و يضيع الماء

[سرا]

السلام عليكم فيه احد الاصدقاء عنده مكيف صحراوي وماشاالله يبرد ويقول اذاتبغى الصحراوي يبرد اهم شي يكون في ضلال طول النهاروالصيانه السنويه واذاكان في الشمس تقوم وتحط فوق ظهرالمكيف لوح عازل حراري وتثبته لاتطيره الهبايب وامااجنابه الثلاث فتشتري سفنج خفيف مثل سفنج مكيف الفريون القديم ويوجدفي المكتبات كون الطالبات يعملن به اعمال وتلف السفنج على الاجناب وتثبتها جيدبسلاقون اواسلاك حديدرفيعه وهذه تمنع دخول الاتربه الى المكيف ومن ثم الى البيت واهم شي تخفف حراره الهواء المسحوب من خلال الابواب ويدخل الى البيت وهواكثربروده وتحياتي للجميع

[إلياس المطلق]

]السلام عليكم فية طريقة مضمونة[/size]
ركب اسفل المكيف مبخروخارج المكيف مكثف وكنبرسروترمستات بمعناتبريدمويةالمكيف وخذتبريدممتازوهذا ليغنى عن تغيير مأالمكيف بينا فترة واخرا

ممكن الشرح بالتفصيل مع الصور ,,
وشكرا لك

[اسهيل]

اخوتي الله يرحم ايام المكيف الصحراوي التنك كان يبرد مره وثلج حتى الابواب تنك يعني على كيف كيفك اما احين فكله صار الامنيوم مايبرد مره بس فيه ميزه مايصدي مثل التنك ايضاء ودي اسال هلا يركب بيبان التنك على الموديلات الجديدة
ايضا احب القول ان افضل شي هو الامريكي العيسى ايضا ترى الغظاس مقاسات يعني لا تاخذ كبير للصغيره
وشكرا

[عبد السلام ضيف الله الشلاش]

بسم الله الرحمن الرحيم
السلام عليكم ورحمة الله وبركاته

تحية لكم جميعاً
عندي لكم طريقة ممتازة تمنع نمو الطحلب داخل اللي الموصل بين مصدر الماء والمكيف , وتعرفون ان الطحلب ممكن يسد اللي او يعلق بالعوامة وهذه الطريقة سهله .

نأخذ اللي ونسحب فيه بنزين من السيارة , حتى يمتلى كله بالبنزين , ونترك البنزين داخل اللي لمدة خمس دقائق , ثم نتخلص من البنزين ونركب اللي في مكانه .

انا الآن عندي لم يطلحب منذ 3 سنوات , وهي طريقة ناجحة ميه بالميه , ولا اريد منكم الا الدعاء .
ومع هذه الطريقة تريح وتستريح

وهذه الطريقة توصلت اليها بالملاحظة , قبل حوالي 4 سنوات حيث ازدت طول اللي بقطعة طولها مترين , ولاحظت فيما بعد ان اللي كله مطحلب الا هذه القطعة التي ازدتها , فتوقعت ذلك من البنزين , ثم طبقت الملاحظة ونجحت 100 % .

بالنسبة لمانع تكون الأملاح انا مرة شفت بالرياض في دكاكين البطحاء يبيعون مادة توضع بالماء , وتمنع تكون الأملاح وهذا الكلام قبل 15 سنه لكنني لم اجربها ولا ادري توجد الآن او لا .

عكرش الثالث

[عوق الخريش]

يعطيك العافية أخوي الغالي على الموضوع المميز...لآهنتــــ
تحياتي لكـــ,,,,,

[eameh]

بالنسبة لمانع تكون الأملاح انا مرة شفت بالرياض في دكاكين البطحاء يبيعون مادة توضع بالماء , وتمنع تكون الأملاح وهذا الكلام قبل 15 سنه لكنني لم اجربها ولا ادري توجد الآن او لا .



عكرش الثالث




بالنسبه للماده هذي انا سبق وان جربتها اكتشفت بعد مده انها تمنع الملح من المويه لاكن يلزق في بقية الاجزاء مثل البيبان والسقف حتى الدينو وصله الملح يوزع الملح بشكل غريب بس تبهذلت في ازالته من بقيه الاجزاء وقشر علي البويه لان الملح صار يابس وصرت اكسره من الاجزاء اللي كان ثابت فيها .. ولا انصح باستخدامها

[ابو انفال]

بعد معاناة اربع سنوات مع مكيف الجزيره حجم حصان تم لطس فتحة المكيف بأربع بلكات وتم تلييص الجدار وذهب الى غير رجعه




وش اسوى ابى ارتاح غربلنا يا غبار والا متسدد ملح والا خربان


ههههههههههه:D
اضحك الله سنك وعينك اخوي صلهامه

أعزائي الأعضاء الصحراوي
يجيب الروماتيزم


ممكن دليل او تفسير علمي وطبي يوضح العلاقه بين الروماتيزم والمكيف الصحراوي
****
الي ما يبغى الصدا يركب المكيف الصحراوي الي يجي فيبر وينسى الصدا واهم نقطه في المكيف الصحراوي يبي ضلال علشان يبرد اذا كان معرض للشمس 24 ساعه ما منه فايده

[ضاري كنعان]

واهم نقطه في المكيف الصحراوي يبي ضلال علشان يبرد اذا كان معرض للشمس 24 ساعه ما منه فايده
نعم هذي السنة ركبنا مظلة و تغير الوضع للأفضل بكثيييير خصوصا الظهر

[ابوفهد2001]

فيه فكره تشيل الدينمو كامل والمروحه وتركب مروحة شفط حقت المطابخ ..طبعا كبيره تصير لان المطلوب دفع الهواء.
المروحه جربناه وزينه بس والله ياهي لجه "ازعاج" يعني اغسل يدك تنام عند المكيف الصحراوي

[زايد بن بدران]

ياخوان انا تغير معي الوضع يوم غيرت الطرمبه ركبت اقوى واحده في السوق قويه مره وتغير الوضع
وعندي مكيف حديد من القديم تطكه الشمس على طول ولا فيه ضلال وبارد
ومكيف عليه مضله وبرودته اقل شوي

[احمد الاحمد]

الله يعافيكم على الطرح المفييد وعقبالي انشاااااااااااااااء الله بركب واحد
الي يقول الصابونه نعم ذكرلي اكثر من واحد انها عمليه وتعطي ريحه في البيت حلوه (حسب نوع الصابون)
وشكرا

[القطاوي 2008]

الله يعطيك العافية صراحة أستفدنا الكثير من موضوعك

[ahg55]

تحت التجربة

[لاتكب البيالة]

السلام عليكم
لرفع الموضوع لان جاء وقته واتمنى يستفاد منه

[عبد السلام ضيف الله الشلاش]

بسم الله الرحمن الرحيم

طريقة تساعد على تقليل صوت المكيف .

اي صوت سببه الأهتزاز , اذا حاولنا تقليل الأهتزاز معناه قللنا من قوة الصوت .

الطريقة نصبغ جميع اجزاء المكيف من الداخل والخارج , ولازم ننظف الحديد عن الغبار وغيره قبل صباغته , بعد كم ساعه نصبغ وجه ثاني وانتهت العملية .

كمثال على كلامي , اذا كان عندنا بابين واحد مصبوغ وواحد غبر مصبوغ , لاحظو فرق الصوت اذا ظربنا كل واحد منهما بالأصبع مثلاً , وهذا ينطبق على المكيف .

كان في السابق يجي مكيفات امريكيه ماركة آرتك سيركل , هالمكيفات حتى لو حطيت اذنك عنده ما تسمع الا صوت الهواء , والسر في هدوءها الحديد القوي التي صنعت منه فلا يهتز ولا يصدر صوت , وسلامتكم .

عبدالسلام ضيف الله الشلاش

[الكهربجي]

انا ناوي هالاسبوع اشتري مكيف صحراوي

ما افضل الانواع والسعر ؟؟

سمعت ان العيسى افضل من الجزيرة ؟

[اسهيل]

اخوي اشتري امريكي دورها بي مكان اهم شي لاتشتري العيسى خرابيط ولله ياخي الامريكي شي والله رحم ايام التنك شييييييييييييييييييي
براد وكل حاجه

[شاهد عيان]

بارك الله فيكم ..

وبعد معاناة مع المكيف الصحراوي أتجهت إلى مكيف السبلت دايكن لا صوت ولا غبار وتبريد يحبه قلبك ..

[الكهربجي]

اخوي اشتري امريكي دورها بي مكان اهم شي لاتشتري العيسى خرابيط ولله ياخي الامريكي شي والله رحم ايام التنك شييييييييييييييييييي
براد وكل حاجه


وين احصلة في الرياض ؟؟

وما اسم المكيف ؟؟؟

[دكتور بر]

الله يجزاك خير
استفدت والله من بعض التجارب على دخلة هالصيف
الله يجزى جميع من شارك وصاحب الموضوع خيراً

[ابن الفيحاء]

احب ا اناضيف من اسباب برودة الصحراوي هو ان تجعله شغال طوال الصيف اما تشغيله واطفائه فهذا يضعف التبريد ويزيد من مشاكله وهذا خاصة للمكيف الذي يكون للمنزل كاملا..... وكذلك مما يزيد التبريد وضع لوح خشب اووق عازل فلين فوق المكيف

[دمعه]

ياشباب أنا أشتريت مكيف صحراوي ( هاس ) متحرك220 فولت .بس صوته مزعج جدا جدا .
السؤال هل كلهن كذا صوتهن وهل إذا شبكته على كهرب 110 يضره لأن يخف صوته تمام " أرجو الإفادة "

[((( الحر)))]

ياشباب أنا أشتريت مكيف صحراوي ( هاس ) متحرك220 فولت .بس صوته مزعج جدا جدا .
السؤال هل كلهن كذا صوتهن وهل إذا شبكته على كهرب 110 يضره لأن يخف صوته تمام " أرجو الإفادة "

هلا وغلا اخوي دمعه:)

لايضر اغلب الاجهزه وخاصة المتحركه غسالات طواحين استشوارات مكيفات صحراويه دينموات اذا بدلت الفولت من 220 الى 110 ابدا ولكن تقل سرعتها.

اذا يناسبك هدوء المكيف الصحراوي وتبريده وقلة الهواء الخارج فتوكل على الله واستمر على 110.

انصحك تغير طرمبة رفع الماء الى 110 لانها تقل سرعتها اذا شبكتها على 110 وهي 220 ومع ذلك اذا هي تناسب استمر عليها افضل لانك قد تعود الى 220 وتحترق عليك وتقول الله يهديك يالحر غشيتني:)

اما اذا كان الجهاز 110 وشبكته على 220 الله يخلف عليك يروح فيها:D الله عليك عبقري

[دمعه]

يسلموو يالحر على الرد "
ومشكور ع الإفادة ..

[a1Ruwais]

يعطيك الف عافية

[مدورالصمان]

أيضاً مما يساعد على الهدوء ..تزييت ( وضع زيت ) أو شحم ( حق السيارات ) وليس من اللحوم :D..... على الرمانات اللتي تكون على الجنبين والمار فيهما عمود المروحه... لأن الرمان إذا لم يكن به زيت على طول يطلع صوت... وأنواع الصجة واللجة والحنة والرنة !!

[محب شبة النار ـــ بريدة ـــ]

موضوع جميل جدا

[متعب القويعي]

معناتة مافية حل لتراكم الأملاح الا تغيير الماء؟

[من البدائع]

المكيف الصحراوي

ما وراه الا الغثاء والغرابيل

[مغلي]

الي ما يبغى الصدا يركب المكيف الصحراوي الي يجي فيبر وينسى الصدا واهم نقطه في المكيف الصحراوي يبي ضلال علشان يبرد اذا كان معرض للشمس 24 ساعه ما منه فايده



كان عند اخوي مكيف امريكي 1/2 حصان
24 ساعه بالشمس
وطول الصيف شغال مايطفيه
وتبريده خيالي مثل الفريون ... ماشاء الله
.
.
.
انا شريت الجزيره الاقتصادي ب 1000 ريال ..... زفت وزباله وماينفع بريال
وجربت الريف ب 1000 ريال يعني اعطيه 50% او اقل شوي بالمقارنه مع الامريكي القديم

[مغلي]

اخوي اشتري امريكي دورها بي مكان اهم شي لاتشتري العيسى خرابيط ولله ياخي الامريكي شي والله رحم ايام التنك شييييييييييييييييييي
براد وكل حاجه



ممكن تحدد المحل وين بالرياض
واسم الماركه ايش
وشكله

[من البدائع]

فيه مكيف صحراوي نوعيه جيده صناعه استراليه كله فيبر جلاس ما يصدي

وارد السعيد وتبريده يكفي عن الفريون
عيبه سعره غالي وقطع غياره غايه
جربته في البيت ولا ندمت

الي يبي يطلع عليه اكثر ويبي معلومات اكتب له عنوان الوكيل

[مغلي]

^
^
ياليت تذكر كل حاجه عنه

[eameh]

شوفو هالتطوير كيف
مغير المروحه وحاطها كهرب
ومغير الطرمه وحاط غطاس
ومسوي له سباكه ومخرق له فتحات كثيره بدل اثنين في كل واجهه
بس باقي لو يحط كرتون اعتقد والله اعلم يصير ابرد
http://www.youtube.com/watch?v=4Kim6FQLU84

مع ان كثره المويه على القش تسوي رطوبه لاني دبلت الليات وحطيت طرمبتين مره وصار يعطي رطوبه ولا فيه بروده مثل اول يعني فكره ضغط المويه القوي ماهو صحيح واضفت بعد مره قبل القش خيش ولا نفع بالعكس كتم المكيف ولا صار يعطي قوه دفع هوا مثل اول جربت ضللته ولا فرق معي بس ودي اشوف اختراع السعودي اللي مكيف صحراوي جوا مكيف احس انه هو اللي بيصير ابرد لان المكيف اللي جوا بياخذ هوا بارد يعني وقت الظهر كانه في الليل فاكيد هو الحل الامثل ياليت احد يعلمنا اذا يعرف وين ينباع هالمكيف لانه هو الحل الاخير قريت عنه مره اختراع سعودي بس ما شفته بالسوق ابد

[كحيلان -1]

ماشاء الله أفكار طيبه

[حبة فستق]

أشكرك على طرح هذا الموضوع ,, أستفدت كثيراً حقيقة والمشاركات أكثر من رائعة ,,, أنا جربت الغطاس ورتحت ,, أنصحكم بتركيبة عاجلاً غير أجل والنقطة الثانية : يجب وضع المكيف الصحراوي تحت سقف أي لايتعرض للشمس مباشرة ,, وسوف تلاحظ الفرق... والله يوفقكم لكل خير ,,,

[حزوبر]

السلام عليكم
أشكر جميع المشاركين على ما أفادونا به من تجارب

أنصح بوضع طبقه من الخيش، الخفيف جدا" بين القش والشيك لكل باب من أبواب المكيف
وهذا الخيش تجدونه عند محلات أدوات البناء،ويباع بالمتر وبالطاقه
خذ ثلاث أمتار، وخليه يقصصهم حسب مقاس الأبواب (يعني على المتر)
ولا تنسى تولم البطانيه لأنك تبي تثلج:d
لا تنسونا من الدعاء

[ملعقة2]

السلام عليكمااضا فت تجهيزات للمكيف كماوردبردى السابق تكلفت الكهربا لا تقارن من حيث الفءدةوالمشكلةفى الملوحة وهاذةعندخبرا الكيميا بماأن المالح اخف من الحلوياليت يعمل تجارب على ازالتهامن سطح ماءالمكيف واللة الهدى الاسوا السبيل

[عبار1]

:)

السلام عليكم ورحمة الله
أشكر الأخ كاتب الموضوع على هذا الطرح المفيد
وجزاكم الله خير جميعاً لقد استفدة كثيراً مماطرح
واتمنى ابداء رأيكم بخصوص بعض الشركات الموجوده بالسوق من حيث الجوده والسعر وهدواء الصوت

1- الجزيرة
2- الراجحي
3- العيسى
4- آرتك سيركل امريكيه ( نأمل ممن لديه فكره عن عنوانهم أو اسعار أن يقدمها لنا )
5- مكيفات استراليه ( نأمل ممن لديه فكره عن اسمها و عنوانهم أو اسعار أن يقدمها لنا )
وذلك لتكتمل الصورة عند اتخاذ قرار الشراء لدى الأعضاء الكرام
والسلام عليكم ورحمة الله
حاولت اضع استفتاء ما بين معي رابط ممكن أحد يعمله لنا
جزاه الله خير
;)

[اسهيل]

اخواني هل احد جرب وضع كبرسر براده صغيره ومد الاصياخ النحاسيه ووضعها في حوض الصحراوي حيث سمعت ذلك واتصور انها جيده فبدل ماتلف الاسيام على حوض البراده تقوم بلفه في حوض الصحراوي وبكذا يبرد الماء ويبرد اكثر

[بن قاسم 1]

[quote=ملعقة2;4660937]السلام عليكمااضا فت تجهيزات للمكيف كماوردبردى السابق تكلفت الكهربا لا تقارن من حيث الفءدةوالمشكلةفى الملوحة وهاذةعندخبرا الكيميا بماأن المالح اخف من الحلوياليت يعمل تجارب على ازالتهامن سطح ماءالمكيف واللة الهدى الاسوا السبيل

ياحبي لك يالملعقه ماعندك أي أخطاء املائيه :good2:

[الخفاره]

السلام عليكم اما من ناحية القش ماينفع(من تجربتي)الافضل منه الكرتون يجي طبقات كرتون متعرجه ومظغوطه لاتمسك الملح ولا تتسكر من الشوائب وعندنا فالكويت يفصلون القالب الخارجي من الفيبر ومجاري الماء من الالمنيوم يعني مايصدي مدى الحياه وعليه كفاله سنه وانتو عارفين جو الكويت وحرارته وتبريده ممتاز جدا جدا

[ابو عزام2001]

ماقصروا الشباب ولكم كل الشكر

لكن لو تمد لي ماء المكيف الى الفلتر (الصفاي) حق البرادة

يخفف عليك الملوحة بشكل كبير

اما بالنسبة للتبريد خل المكيف في مكان مضلل يعني ماتضربه الشمس

وراح تشوف الفرق

[بلقيس]

شــكرآ على هالمعلومــات الـمفيده


واللي يقولون الصابون المعطر يعطي ريحه حلوة .. إحنا إشترينـا مكيف صحراوي
وقالوا لنا حطوا صابون معطر :eek: حطينـــا الصابون وياااااليتنا ماحطينــاه :no: بدى الصابون يعمل رغوة :mad:
وتزيد الرغوة وتزيد وتزيد وووو ... لين تعبى المكيف كله رغوة وبدت تطلع من فتحة التهويه :j
إضطرينا نغسل الصابون مرة ومرتين وثلاث ( صارت ليلتنا كلها غسيل ) :looney:


نصــيحه لتعطير المكيف الصحراوي اعتمدوا على الماء المعطر:D وإياكم تحطوا صابون معطر :no2:

[عود رمث]

السلام عليكم

فاصل قبل ما أبدا :)

أرجو من الي حاط مقطع صوتي إيقافه حيث أنه إزعاج للمتصفح ويحتوي على موسيقى ويشتغل إجباري
وليس من الذوق العام أن تجبر الناس على سماع ما تحب دون اختيارهم

هالحين نخش للمكيف الصحراوي

عندي واحد الله يصلحه له ما يقارب 11 سنة ولله الحمد مثل الجديد ماغيرت به شيء إلا :
القش تقريبا سنويا
وغيرت الطرمبة مرتين وبعدين حطيت غطاس له تقريبا سنتين :good:
وغيرت السير :p
وغيرت الماطور بكبره مرة واحدة فقط :)

ما بقي إلا المروحة والبدي

المهم أشغله مايقارب 16 ساعة باليوم ولله الحمد

تبريده بالصيف الحار جدا مقبول جدا ( يلطف ) مع إنه بالشمس بدون مظلة

وبالشتاء خذ ولد ( يجمد ) ونشغل الدفاية من شدة برده .. وأحيانا نضطر نطفيه :)

إيييه نجي للعلة المطاولة .... الماء والملح ....

أول ماركبته تفننت وخليته على الماء الحلو .. والماء الحلوا أعبي بالسنة وايت واحد .. وبعد السيد صحراوي صرت أعبي بالشهرين وايت .. لكن شغل نظيف بدون ملح

لكن قلت بلاش حلو .. ياليتنا نشربه عاد نبي نتبرد به ;) حولت للماء المر ومشت الأمور تمام لكن الملح بالكوم يسد القش ويقشر البوية

لذلك انصح باستخدام الماء الحلو إن قدرت عليه لأنه يحافظ على القش والبدي ... وممكن الرجال الملئ يستخدم أجهزة التحلية ويعبي حوض المكيف منها ..

وسلامتكم

[بن جعيثن]

جزاكم الله خير

[ضاري كنعان]

مــ ـتــ ـا بــ ـع

[سوبر152]

هواء متجدد وبرودة ممتازة مع مكيف هاس الصحراوي منذ 12سنة
غطاس ابو 80ريال مع تبديل بكرة الدينمو بأكبر من الأولى قليلا
مع تغيير القش والصيانة الكاملة كل عام
هاااااااااااااااااااااام جدااااااااااااااااا
كي لا تحترق عليك الأجهزة بعد الوقوف الطويل ورطوبة الشتاء اتبع الأتي :
(بعد فكه من مكانه)غسل الدينمو كل بداية صيف بسفن وتدويرة أولا باليد مع صب السفن عليه ثم غسله بالماء وتنشيفه بالهواء ثم تزييت عيون الزيت بالزيت العادي ويكون الزيت جديد
كذلك الغطاس تنظيفه وتحريكه يدويا وصب السفن عليه ثم غسله بالماء مع تحريك المروحة ثم صب الزيت على مروحته التي تسحب الماء وبهذا لاتخسر الأجهزة كل عام
وانا لاافضي الماء منه إلا عند دخول الشتاء لأن الماء المالح قليلا تكون نسبة التبريد منه أكبر من تبريد الماء الحلو
لاتقترب من الكنديشة وهي مشبوكة بالكهرباء
أرجو منكم الدعاء لي رعاكم الله

[wafi4sa]

المكيف الصحراااوي بصراحة يبي له صيانة دائمة
وانا اهم شي عندي كل اسبوعين افرغ ماء الحوض تماما
وهي اهم خطوة عندي تقلل الملح بشكل ماتخيلة ولا تغير القش كل سنة
والشي الثاني بعد الصيف مفصل لة شراع اغطية تغطية ممتازة يحمية من الغبار
ولا يسرب هواء بارد بالشتاء لداخل البيت
وسلامتكم

[الوافي.]

ما مثل تغيير الماء كل اسبوع

مجربه لي خمس سنوات والحمد لله على هالطريقة

[خليف حمود]

الموضوع مفيد واكتسبت منه الكثير



اخواني هل احد جرب وضع كبرسر براده صغيره ومد الاصياخ النحاسيه ووضعها في حوض الصحراوي حيث سمعت ذلك واتصور انها جيده فبدل ماتلف الاسيام على حوض البراده تقوم بلفه في حوض الصحراوي وبكذا يبرد الماء ويبرد اكثر

الفكرة فعلا تستحق التطبيق واتوقع ان تنجح بشكل ممتاز

[ابوتركي qaz]

السلام عليكم جميعا / الخلاصة مما قرأت 1- لايوجد حل جذري لمشكلة التمليح 2-فك الطرنبة وتزيتها من الداخل وكذلك الماطور والمروحة بزيت مكينة سيارة جديد 3-تغيير القش والسير كل سنة 4- افضل وقت لعمل الصيانة هو نهاية الصيف * تنظيف وتزييت وتغييروتركيب * ثم تغطية المكيف كاملا حتى بداية الصيف القادم 5-اسرع طريقة لازالة الملح من الابواب غسلها بالماء الحار جدا 6- من المهم جدا اغلاق اي فتحة في المكيف حتى فتحةالتنظيف لمنع الغبار 7- تغطية المكيف من الاعلى 8- تغطية الارض تحت المكيف لان الاملاح تكسر وتدمر البلاط 8- حاول انا يكون سرعة المكيف منخفظة 9- لاتطفىء المكيف ابدا كامل الصيف 9- مهم جدا ان تكون احد النوافذ مفتوحة الى الربع اواكثر من نا فذة ( والله الموفق )

[majed_sg]

السلام عليكم و رحمة الله و بركاته


إخواني الأعزاء في مكشات .. حبيت أستفيد منكم و من تجاربكم مع المكيفات الصحراوية المتنقلة..


هل هي مجدية في الصيف ؟؟ داخل الخيام .
هل تزيد برودتها إذا كان الماء أبرد؟
ماهي الأنواع الجيدة؟ وماهو متوسط أسعارها؟
وهل تستهلك كهرباء بشكل كبير؟

أفيدوني بما عندكم و جزاكم الله خير .




تحياتي لكم ,,
ماجد

[بر الوالدين]

وشريت لي كم بخاخ قار


هالبخاخ هذا وووووووووين نلقاهـ

[مكـ كيف شات]

طريقة التخلص من الملح
نجيب عين تنقيط (زراعي)صغيرة جداًجداً
ونفك راس العين
نحكه بالمبرد شوي
نجيب لي مكيف معقم بالبنزين:good2:
ونركبه بعين التنقيط
نركب عين التنقيط باللي الي طالع من الغطاس:D
ونطلع طرف اللي للنخلة :lr


وماتحتاج تسقي النخلة ولا تجيب سماد:D
وكل اسبوع تذوق الماء اللي طالع:p
ويمكن تكسر اللي شوي إذا زاد الماء الطالع وانعدمت الملوحة
وحقوق الملح محفوظة(للطعام):good2:

[عود رمث]

طريقة التخلص من الملح
نجيب عين تنقيط (زراعي)صغيرة جداًجداً
ونفك راس العين
نحكه بالمبرد شوي
نجيب لي مكيف معقم بالبنزين:good2:
ونركبه بعين التنقيط
نركب عين التنقيط باللي الي طالع من الغطاس:D
ونطلع طرف اللي للنخلة :lr


وماتحتاج تسقي النخلة ولا تجيب سماد:D
وكل اسبوع تذوق الماء اللي طالع:p
ويمكن تكسر اللي شوي إذا زاد الماء الطالع وانعدمت الملوحة
وحقوق الملح محفوظة(للطعام):good2:


شكرا على الفكرة

لكن لو فيه صور كان أوضح

لأن الشرح غير مفهوم

يعني وين نشبك لي المكيف ؟

وش الجزء اللي نبرده ؟

وكيف يشبك بالغطاس ؟

وووووووو

وجزاك الله خير

[راعي الرائد]

الاملاح نتيجة عملية تبخر الماء ومعالجتها بتبديل ماء المكيف كل اسبوع وماعدا ذلك فلاتتعب نفسك وتخسر مالك وشكرا للجميع

[majed_sg]

ياليت لو تفيدونا عن المكيفات الصحراوية المتنقلة ..



مشكورين جميعا .

[مكـ كيف شات]

0


]شكرا على الفكرة (عفواً ياعود الرممممث

لكن لو فيه صور كان أوضح(للاسف عليمي بالنت مافي معلوم طريقة)

لأن الشرح غير مفهوم(ركز وشغل الحاسة السادسة والسابعة:Dتخيل وجرب)

يعني وين نشبك لي المكيف ؟(تدخل عين التنقيط بعد الحك في لي المكيف)

وش الجزء اللي نبرده ؟(تبرد عين التنقيط بعد ماترمي الغطاءبالزبالة:eek:)

وكيف يشبك بالغطاس ؟(تجيب مخراز(مسمار)وتخرق اللي الطالع من الغطاس وتكبس عين التنقيط مكانه:good2:)

وووووووو(هههههههه)

وجزاك الله خير[/quote]وإياك والسامعين:Dوالقارين

[مكـ كيف شات]

الاملاح نتيجة عملية تبخر الماء ومعالجتها بتبديل ماء المكيف كل اسبوع وماعدا ذلك فلاتتعب نفسك وتخسر مالك وشكرا للجميع
اتحداك:D
الطريقة السابقة نفس الفكرة
لكن بشكل يومي وبمقدار بسيط:mad:

[وسيـع البـنايد]

أكـثر من 80 رد وللأسف مافيه حـل جـذري مـجرب ومضمون ..
يعني نـبدأ بالتجارب يمكن ويمكن لا ! عموما ً كل الشكر للأخوان على إجتهادهم

عندي كذا سؤال
أفضل غطاء لسطح المكيف الصحراوي بدون تكلفة عالية ( مظلة أو غيره )
يعني هل قطعة الخشب تفي بالغرض وياليت المجرب يشرح طريقة وضعها
لأني جربت وضع قطعة من الأسفنج القصديري ( اللباد ) المخصص للموكيت
وللأسف فشل في الإختبار خلال شهر مع حرارة 45 درجة مئوية

بالنسبة للملح انا سمعت عن منتج مصنوع لهذا الغرض وهو يعلق داخل المكيف لتخفيف الملح
هل أحد جرب هالمنتج وانا للأسف ماشفته ولكن على كلام أحد الرجال في مجلس وقال إنه موجود
في السوق في محلات السباكة ومواد البناء ..

مازال البحـث جاري

[مكـ كيف شات]

جربت هذا الجهاز
والذي يقوم على اساس تأيين الأملاح كما يقولون
ولكن للأسف مافيه فايدة
لكن انا مارجعته عليهم

[من البدائع]

بالنسبه للملح غير ماء المكيف كل عشر ايام مع غسل القش تلاحض بعد هالعمليه الملح خف 80%


بالنسبه افضل ضل للمكيف هو الغطاء الا خضر الي يستخدمونه راعين المشاتل بأ ستعماله تلاحظ زياده في برودة المكيف
مع ملاحظة رفعه عن المكيف قرابة مترين وكذلك يكون زائد عن جوانب المكيف
وهالطريقه اكثر فائده من وضع مظله واخف تكلفه

وارجع واقول المكيف الصحراوي مامنه الا الغثاء والغرابيل

[عاشق المطاريش]

اشكرك اخوي على هذه المعلومات ، ولاكن اتوقع ان المكيف الصحراوي خراباته قليله جدا ً ، وعلى فكره انا عندي مكيف صحراوي للبيع بحاله جيده جدا ً له تقريبا ً 3 سنوات ويعمل بشكل جيد وسبب بيعه ان البيت الشعبي شلناه من الحوش وضايقنا المكيف ،، من له نضر في شرائه ؟؟؟

[آمري يا كامري]

نقطه مهمه / بعد إ نتهاء الصيف لابد من تفريغ المكيف من الماء حتى لايصدأ

[تقنيتي]

موضوع ممتاز.. بارك الله فيكم.. سؤال: أحد يعرف ورشة بالرياض تعمل أبواب للمكيف الصحراوي؟

[لاتكب البيالة]

السلام عليكم
اخواني الكرام كم يسعدني ان هالموضوع جمع من التجارب والخبرات والنصايح الشي الكثير

[الحر 55]

هل المكيف الصحراوي افضل من مكيفات الشباك ؟

[محمد-الرس]

هل المكيف الصحراوي افضل من مكيفات الشباك ؟

والله اذا كان مكيفك مضبوط والله كأنك بماليزيا رطوبة +براد منعش ما يوذي

[محمد-الرس]

أستخدموا موية عذبة من الوايت وخلصنا ....... يبيلها شي؟؟؟؟؟؟؟؟؟؟؟؟

[محمد-الرس]

وغيروا القش كل صيف

[العاذر]

انا اكب في الحوض ديتول منها يقضي على البكتريا والروائح الكريهه ومنها ريحته حلوه باعتباره مطهر

بالنسبه لفصل الشتاء يفرغ تماما من الماء ويطربل باشراع لعدم دخول الاتربه للبيت وللمكيف

ولاتنسون التزييت ضروري جدا

[مكـ كيف شات]

اخواني هل احد جرب وضع كبرسر براده صغيره ومد الاصياخ النحاسيه ووضعها في حوض الصحراوي حيث سمعت ذلك واتصور انها جيده فبدل ماتلف الاسيام على حوض البراده تقوم بلفه في حوض الصحراوي وبكذا يبرد الماء ويبرد اكثر

ضع قالب ثلج داخل المكيف وجرب بتعرف الفرق ومافية داعي للتوهق والخساير وإذا نفعت نفذالفكرة:good2:

[أبوالجوهره]

أفضل طريقت لتخفيف الملح

تضع في المكيف صابون مع الماء

بيخف عندك الملح إن شاء الله

[من البدائع]

لو تحسب تكاليف المكيف الصحراوي تكاليف صيانته والغثاء من وراه يطلع المكيف الفريون اقل تكلفه واقل غثاء حتى لو تشغله اربع وعشرين ساعه

كل يوم طالع لي مشكله وروائح الكريهه الي يجيبها من برا وصيانته الدائمه بالاضافه الى الغبار

اسبلت افضل تبريد واقل مصروف

[نجم99]

السلام عليكم
شريت لي مكيف صحرواي 2 حصان وصار مافيه الا سرعة وحدة دفعها قوية مرة
فهل يوجد حل لتقليل السرعة؟

وجزاكم الله خيرا

[الهواويه]

جزاك الله خير

[eameh]

السلام عليكم
شريت لي مكيف صحرواي 2 حصان وصار مافيه الا سرعة وحدة دفعها قوية مرة
فهل يوجد حل لتقليل السرعة؟

وجزاكم الله خيرا

كانه 220 اشبكه في 110 بس انتبه للطرنبه غيرها ل 110 علشان ماتضعف المويه على القش
الطريقه الثانيه شف لك كهربائي يخلي الدينمو يشتغل على ديمر

[eameh]

طريقة التخلص من الملح
نجيب عين تنقيط (زراعي)صغيرة جداًجداً
ونفك راس العين
نحكه بالمبرد شوي
نجيب لي مكيف معقم بالبنزين:good2:
ونركبه بعين التنقيط
نركب عين التنقيط باللي الي طالع من الغطاس:D
ونطلع طرف اللي للنخلة :lr


وماتحتاج تسقي النخلة ولا تجيب سماد:D
وكل اسبوع تذوق الماء اللي طالع:p
ويمكن تكسر اللي شوي إذا زاد الماء الطالع وانعدمت الملوحة
وحقوق الملح محفوظة(للطعام):good2:

والله صراحه فكره ممتازه بس كيف ازرع نخله في السطح ولا انزل المكيف للحديقه وامد دقت للسطح

[مكـ كيف شات]

eamah
اسعدني مرورك
وأعتقد زراعة نخلة بالسطح افضل!
إذا استخدمت التقنية الحديثة يمكنك زراعة حديقة في السطح
وإذا استخدمت التقنية القديمة يمكنك مد لي المكيف إلى طوطا

[abdulaziz_1414]

الله يعطيك العافيه

[t3ebt]

اشباب انا ماخذو واحد ربع من الجزيرة تبريده لا باس به خاصه اني حاطه للجلسه في الحوش لكن مشكلته

صوته مزعج ودي اقلل الازاعاج وللعلم توه جديد ماله الا 3 شهور

[من البدائع]

تراكم الملح على المكيف يزيد في التبريد

لاحظوا عند تغيير الغش يقل التبريد

ومع الايام يزيد تبريده بسبب تكاثر الملح

[mosager]

تغيير الماء ضرور كل اسبوعين لان مع تشغيل المكيف تزداد ملوحة الماء الموجود مع التبخر
لاحظ عند تغيير الماء تجده اكثر ملوحة من اول مرة تمت التعبئة
مع ازدياد فترة عدم تغيير الماء يصبح اكثر فاكثر ملوحاً لذا عند عدم تغيير الماء لاكثر من شهر اوشهرين لا تستطيع نزع الاملاح من على ابواب المكيف بسهولة مما يجعلك تستبدل القش مع الماء مع تكسير الملح.

[ابو سلطان 6]

معلومات جيدة الله يعافيكم ويسعدكم

[هبوب]

طق سبلت وريح راسك من قش وماء

[تناهيت]

بالنسبه للمكيف الصحراوي مفيد جداً للبيوت الكبيرة اللي يصعب تبريدها بمكيفات مركزيه بسبب استهلاكها العالي للكهرب
أما بالنسبه للبيوت الصغيره والشقق ما انصح بتركيبه لأن يبيله صيانه دائمه واللي مايعرف لصيانته بنفسه وكل مره بيجيب سباك يصلحه سوف يخسر الكثير من المال فلو شراء اسبلت وشغله 24 ساعه اوفر بكثير مادياً.

نرجع لموضوع الملح حتى الآن مافيه حل للتخلص من الملح الا تركيب فلتر قبل المكيف ...

1- تغيير المويه كل شهر يحمي المكيف من الملح بنسبه 70-80%
2-تفريغ المويه في فصل الشتا يحمي المكيف من الصداء .
3-رش بطن المكيف بقار يحميه من الصداء .
4- المكيف الكرتون افضل بكثير من القش لكن باختيار النوع الأفضل في السوق وهو الادميرال الامريكي مقاوم للصداء .
(عندنا واحد له 8 سنوات ماغيرت كرتونه االا هالصيف )
5-الغطاس او الطرمبه لهم مروحه صغيره تجيم وبعضهم يغير جديد وانا اقول لا حاول تفكها من تحت وتحرك المروحه بمفك وهي مشبوكه على الكهرب وراح تدور واذا دارت زيتها وطبق الغطاء .
6-اغلب الصحراويات يجي فيها التماس والسبب هو عدم توصيل الأسلاك بشكل جيد واستخدام تيب موب اصلي وقرب الأسلاك من مجاري المويه يعرضها للملح .
7- في كل مره تغير القش او تنظف المكيف طك على الدينمو بشاكوش خفيف لأن الاسلاك الداخليه تكون مشبعه بالملح وهذي الطريقه تزيد من عمر الدينمو.
8- تزييت المروحه والرمان بلي شهريا على الاقل يحميها والدينمو من التجييم .
9- وضع مظله معزوله او غطاء من الخشب يزيد من التبريد .
10-تفصيل غطاء للبيبان ووضعه في فصل الشتا مفيد جدا لحمايه البيت من دخول البراد والاتربه وايضا يكون جاهز لفصل الصيف بدون ما تنظفه .
11- لا تتعبث بالمكيف الصحراوي وهو مشبوك بالكهرب الا اذا كان عندك خبره كافيه فمن المعروف ان قوه الكهرب تتضاعف مع المويه فالحذر الحذر ...
12- تركيب مروحه شفط حل مفيد يقلل من صيانه المكيف


تحياتي

[O.S.7]

يعطيك الف عافية

[عمران المسافر]

السلام عليكم ..
سؤالين :
1- وين ألقى مكيف العيسى؟
2- كيف أرش المكيف بقارررررررررررر ؟؟؟؟!!!!!!

[حرماوي.نت]

يعطيكم العافية

[البرفسر]

مشكلة المكيف الصحراوي صيانته غثاء خرب الدينمو وشوي خربت العوامة وإلا غير القش او تسدد من الملح


يعني مشاكل مالها اول ولا تالي .

[محمد الدوسري ٢٠٥]

جزاك لله خير

[اصدق المشاعر]

لي اكثر من شهر ابحث عن المكيفات الصحراويه الكبيره وماحصلت مواضيع عنها
قلت اطرح الموضوع هنا يمكن الاقي حل
عندي مكيف صحراوي ٢ حصان ،، ممدين له دكت بالجبس ،، لكن للاسف دفعه ضعيف جدا ،، المكيف من الجزيره
تبريده مو قوي الا وقت البراد
الآن تكسرت كم شريحه داخل المروحه (( مع الف علامة تعجب عن سبب تكسرها )) شي عجيب
اقدر اركب مروحة الشفط اللي قلتوا عليها ؟؟
واذا ماتنفع ايش حلولكم الله يسعدكم لأن مليت من هالمكيف وتمديدات الدكت مكلفه علي

[مكـ كيف شات]

لي اكثر من شهر ابحث عن المكيفات الصحراويه الكبيره وماحصلت مواضيع عنها
قلت اطرح الموضوع هنا يمكن الاقي حل
عندي مكيف صحراوي ٢ حصان ،، ممدين له دكت بالجبس ،، لكن للاسف دفعه ضعيف جدا ،، المكيف من الجزيره
تبريده مو قوي الا وقت البراد
الآن تكسرت كم شريحه داخل المروحه (( مع الف علامة تعجب عن سبب تكسرها )) شي عجيب
اقدر اركب مروحة الشفط اللي قلتوا عليها ؟؟
واذا ماتنفع ايش حلولكم الله يسعدكم لأن مليت من هالمكيف وتمديدات الدكت مكلفه علي

السلام عليكم
اقترح عليك
1تأخذ بكلام الأخوة في التنظيف والصيانة(ارجو أن تراجع الموضوع من الأول)
2ترهم مراوح شفط في كل فتحة من فتحات الدكت (بحيث تكون المروحةنفس مقاس الفتحة تماماًتماماً ولايقنص ولا مليمتر واحد)
3لاتركب مروحة شفط:no2: بدل المروحة الأم لأن مروحة الشفط بتكون أضعف وانت مو ناقص:looney:
4 اتمنى ان تفيدنا بما تتوصل إليه
موفق بإذن الله

[سامي المعاني]

السلام عليكم ورحمة الله وبركاته

ان كنت تعاني من تجمع الأوساخ والتراب في غلاف المروحه الدافعة للهواء فانك لن تستطيع تنظيفها بالسهوله وان تم فلن يكون 100%

لكن لكم هالحل من فكرتي ونفذتها ونظفت الغلاف
طف الكهرب عن المكيف الصحراوي واخبر اهل البيت انك تشتغل فيه وضع تيب على المفتاح من الداخل وللتذكير اكتب ورقه يجب عدم تشغيل المكيف
والآن ناتي للخطوات
اولا
خذ فرشه خشنه ونظف الريش واستعمل يدك لتدوير المروحه وتمرير الريش لتنظيفها تم طقطقها على خفيف ليتساقط ما بها في حوض المروحه
:)
ثانياً
جب دريل ومن تحت اخرم حوض المروحه في مكان مناسب مسنتر (في الوسط) ولتكن الفتحه نص بوصه حتى لايبقى رواسب
http://im29.gulfup.com/2012-05-18/1337349271801.jpg

:)
ثالثا
اغسل المروحه مع التدوير يدويا ليبلغ الماء كافة الريش وسيخرج جميع ما في حوض المروحه وسترى العجب
http://im29.gulfup.com/2012-05-18/1337349271642.jpg

:)
رابعا
بعد الغسيل انتظر قليلا ثم اغلق الفتحه بسدة نص بوصه
http://im29.gulfup.com/2012-05-18/1337349271323.jpg


اخيرا اتمنى التوفيق للجميع

[وطن6001]

موضوع يستحق الشكر والتقدير لكل المشاركين فيه

[فهد2012]

هالموضوع مهم عن الصحراوي لما فيه من معلومات مفيده تغنيك باذن الله عن الوقوف كل فتره لاعطال الصحراوي ..

لفت انتباهي رد رقم 70 وهو يقول غسل الدينمو والغطاس او الطرمبه كل بداية صيف بالسفن ؟!!!! قصده السفن اب ؟!!! تركيزي على الدينمو شلون نغسله بالسفن اب !!!!!!!!!

وكذلك قضية تزييته ؟!!! الي اخبره انه مولد كهربائي وبالتالي لا يجب دخول اي سائل عليه ؟!!!

والمشكله ما حد علق على هذا الرد ؟!!!

[فهد2012]

هالموضوع مهم عن الصحراوي لما فيه من معلومات مفيده تغنيك باذن الله عن الوقوف كل فتره لاعطال الصحراوي ..

لفت انتباهي رد رقم 70 وهو يقول غسل الدينمو والغطاس او الطرمبه كل بداية صيف بالسفن ؟!!!! قصده السفن اب ؟!!! تركيزي على الدينمو شلون نغسله بالسفن اب !!!!!!!!!

وكذلك قضية تزييته ؟!!! الي اخبره انه مولد كهربائي وبالتالي لا يجب دخول اي سائل عليه ؟!!!



والمشكله ما حد علق على هذا الرد ؟!!!

يا ناس ما احد رد على استفساري ؟!!!

[ضاري كنعان]

بالنسبه للمكيف الصحراوي مفيد جداً للبيوت الكبيرة اللي يصعب تبريدها بمكيفات مركزيه بسبب استهلاكها العالي للكهرب
أما بالنسبه للبيوت الصغيره والشقق ما انصح بتركيبه لأن يبيله صيانه دائمه واللي مايعرف لصيانته بنفسه وكل مره بيجيب سباك يصلحه سوف يخسر الكثير من المال فلو شراء اسبلت وشغله 24 ساعه اوفر بكثير مادياً.

نرجع لموضوع الملح حتى الآن مافيه حل للتخلص من الملح الا تركيب فلتر قبل المكيف ...

1- تغيير المويه كل شهر يحمي المكيف من الملح بنسبه 70-80%
2-تفريغ المويه في فصل الشتا يحمي المكيف من الصداء .
3-رش بطن المكيف بقار يحميه من الصداء .
4- المكيف الكرتون افضل بكثير من القش لكن باختيار النوع الأفضل في السوق وهو الادميرال الامريكي مقاوم للصداء .
(عندنا واحد له 8 سنوات ماغيرت كرتونه االا هالصيف )
5-الغطاس او الطرمبه لهم مروحه صغيره تجيم وبعضهم يغير جديد وانا اقول لا حاول تفكها من تحت وتحرك المروحه بمفك وهي مشبوكه على الكهرب وراح تدور واذا دارت زيتها وطبق الغطاء .
6-اغلب الصحراويات يجي فيها التماس والسبب هو عدم توصيل الأسلاك بشكل جيد واستخدام تيب موب اصلي وقرب الأسلاك من مجاري المويه يعرضها للملح .
7- في كل مره تغير القش او تنظف المكيف طك على الدينمو بشاكوش خفيف لأن الاسلاك الداخليه تكون مشبعه بالملح وهذي الطريقه تزيد من عمر الدينمو.
8- تزييت المروحه والرمان بلي شهريا على الاقل يحميها والدينمو من التجييم .
9- وضع مظله معزوله او غطاء من الخشب يزيد من التبريد .
10-تفصيل غطاء للبيبان ووضعه في فصل الشتا مفيد جدا لحمايه البيت من دخول البراد والاتربه وايضا يكون جاهز لفصل الصيف بدون ما تنظفه .
11- لا تتعبث بالمكيف الصحراوي وهو مشبوك بالكهرب الا اذا كان عندك خبره كافيه فمن المعروف ان قوه الكهرب تتضاعف مع المويه فالحذر الحذر ...
12- تركيب مروحه شفط حل مفيد يقلل من صيانه المكيف


تحياتي

اضافة رائعة

[مغلي]

الحل

مكيف صحراوي امريكي 100%

لكن ... وين تلاقيه ؟؟؟

المكيفات الوطنيه الملفقه ... كلها خرابات ومشاكل

[خوي مخباته]

هـــــلا بـــــــــك اخوي الغالى والله الاخوان ماقصررو بشئ بيض الله وجيههم علمهم طييب
ودي ادلى بدلوي بهالموضووع ان كان سمحتولى واضيف نقطتيين في بحكم اني عندي مكييف صحرواي وانا وياهه عشرتً عمر,
.................................................. ..............................................
اولاً ...... لاجاء فصل الشتاء وبغيت تستغني عن المكييف على طوول فرغوه من الماء ونظفوه ونشًـــــفه وبـــــــــعدين جب لك من البلاستيك الى عند محلات السباكه ومحلات البويه الى على شكل اطوال تلقاه بوسطه عشرين متر همن كفن المكييف تكفيين من علوه الى اسفلوه
ثانياً...... لاتنســــــــــــــــــى ركيبات المرووحه { المحاوررر } لازم لازووم انك تشحم من يم المرووحه و من برا يعني مع الجهتيين نسيت قول قبل هذا تجيب مزيل الصدا وتبخ داخل الجخورر المزايت اليين ينظفن ,
ثالثاً ...... انا من يدخل الصييف الين يبي يطلع وهو شغال وبها الطريقه لمني جيت ازيته
الاقي صعوبه ماودي اطفييه لذالك مدخل ليات ليات الماء حقاته في المزايت مثبتها في اثم المزيتـــــــه الى بالركبه وخارق لهن في البدي ومطلعه على بــــــــــــرا وبهطريقه ازيته وهو شغال ولا اضًطر اني اطفيه اواني افًتح البيبان ,,,,,,,,,
............. ارجو ان اكون وفقت وافدت واستفدت ومعذًره يمكن اكون طولت الرد ..........

[أبو جراح11]

لبرودة المكيف خذ لك برادة مستعملة ب70ريال واشبكها على الصحراوي ولا تحط ثلج ولا تتعب
========
مروحة الشفط تغنيك عن الدينمو والمروحة وكثرة خرابتهما
تمديد الماء يفضل تغييرة بتميدة بهوز زراعي بوصة
يفضل ان يكون المكيف بعيد ويتم توصيلة للمراد تبريدة بخراطيم زئبقية

[فل اوبشن]

الغريب يأخوان الى الان مافيه شركة عملت المكيف الصحراوي من قالب بلاستيك بدل الحديد ومشاكل الصداء

مع العلم عندنا مكيف العيسى له يمكن عشرين سنه وهو كل صيف شغال ماشاء الله تبارك الله

لكن شاهدت عند بعض الزملاء مكيفات ما اعرف صناعتها لكن لاعب فيها الحلى

[نمر بن حثلين]

الاخوان الي يشتكون من كثرة صيانة الصحراوي

علشان ترتاح من الصحراوي اتبع معه سياسة : تغدا به قبل يتعشا بك :D

قبل تفتحه ببدايه الصيف سو له صيانة ((((((((( شاملة ))))))))))

بدل السير - الغطاس ( واحرص على النوع الي وكيله اليحيى تراه ممتاز وفيه بعد باشماخ مهب شين ) - العوامة -


لان قطع الصحراوي الاستهلاكيه صناعتها رديئة وكثر خيرها الي تكمل سنه

لذلك حتى لو قالك العامل ما يحتاج القطع شغاله لاتطيعه واجبره على التبديل

ولا ترا بيشغلك الصحراوي اسبوع ينقطع عليك السير والاسبوع الي بعده الغطاس يطفى والاسبوع الي بعده العوامه تصدي !!



وان صار الصحراوي عندك يخدم مساحة صغيره وبدون دكت طويل

بدل الدينمو بمروحة شفط حديد حقت مطبخ
صح ان الصوت بيصير اعلى شوي ويضعف دفع الهوا ولكن عزالله ترتاح من مشاكل الدينمو

الي لو ينقص جهد الكهربا شوي او يطفى الكهربا ويرجع على طول احترق عليك الدينمو ورح بدله ب350 ريال !!
والمشكله الدينمو الي يباع مهب مثل شد البلد يعني حده سنه ورح دور غيره !

[شنطة عده]

اشتريت واحد(ربع) من محلات الجزيرة لصناعة المكيفات والبرادات
وفي سنتين ثلاث دينموات الله يخلف ومع دخول الصيف هذا فكيت كل ما في بطنه من حديد وخليته غرفه
فاضيه
وركبت مروحة شفط وغطاس صيني ولكنه ممتاز
والله يعطيك العافيه
براد يطرب والصوت هادي

[أبو جراح11]

وبخصوص الآملاح اعتقد لو ركبنا فلتر راح يريحنا كثير

أي فلتر المهم يمسك الأملاح00

[مثالي نجد]

يا جماعة الخير انا عندي مكيفين صحراويه.... نافعتني مره بس اتعبتني بالملح وكل شوي السير ينقطع..
وانا ابحث عن فني يغير لي المروحة الاصليه ويرهم لي بمروحة شفط. فاللي يعرف فني في الرياض كويس ومجرب في هالشغلة يدلني عليه ولا يرسل لي رقمة ، ولكم مني جزيل الشكر وخالص الدعاء..

[أبو سهيل]

يا جماعة الخير انا عندي مكيفين صحراويه.... نافعتني مره بس اتعبتني بالملح وكل شوي السير ينقطع..
وانا ابحث عن فني يغير لي المروحة الاصليه ويرهم لي بمروحة شفط. فاللي يعرف فني في الرياض كويس ومجرب في هالشغلة يدلني عليه ولا يرسل لي رقمة ، ولكم مني جزيل الشكر وخالص الدعاء..


اذا عندك جلد للشغل تراها سهلة
عندي ثلاثة مكيفات صحراوية بدلتها بنفسي
مروحة 15 إنش
تحتاج شاكوش كبير وأزمير تجلد حلق المروحة القديم الين تفك البراشيم ثم اخرجه من بطن المكيف
يفضل توسيع فتحة التهوية في جسم المكيف بحجم مروحة الشفط حتى لا تحدث صوت عند التشغيل
تخرم بالدريل اربعة خروم بحجم زوايا المروحة وركبها باربعة مسامير واشبكها وقضي الأمر
يفضل وضع سيلكون على جوانب المروحة لمنع تسرب الهواء
البعض يفضل وضع مفتاح حق ثرية على شان تتحكم في سرعة المروحة

[مثالي نجد]

الله يعطيك العافية اخي ابو سهيل... ياجعل عمرك طويل على الطاعه... والله من ناحية الجلد عندي جلد لكن اوخيك تعبان ولا اقدر اجهد نفسي. عشان كذا جالس ادور لي فني يصلحها لي....
ان كانك تخبر لي محل تدلني عليه اكون شاكر وممنون لك ...

[صصعفق]

لبرودة المكيف خذ لك برادة مستعملة ب70ريال واشبكها على الصحراوي ولا تحط ثلج ولا تتعب
========
مروحة الشفط تغنيك عن الدينمو والمروحة وكثرة خرابتهما
تمديد الماء يفضل تغييرة بتميدة بهوز زراعي بوصة
يفضل ان يكون المكيف بعيد ويتم توصيلة للمراد تبريدة بخراطيم زئبقية




طريقه الثلاجه مجربها وحاط المواسير نحاس وكل ماسوره لها 3 فتحات

بالطريقه هذي يبيلك تنزل لسوق الزل تشتري للعائله فروات:l:l عن البرد:l:l

هههههههه

[الولد الطيب]

خامسا تبي المكيف تقل فريزر جب لك كيس ثلج وكبه بحوض ماء المكيف:D طبعا محد جايب كل يوم ثلج لكن ممكن يوم تحتاج براد غير العادة :D


ثلج ماء عادي إذا عندك فريزر
كنت أحط طاسة كبيرة الصبح قبل أروح للدوام وأجي الظهر القاها ثلج
ايام الصحراوي الكبير

سؤالي يا أخوان
عندي مكيف صحراوي هانيويل 20 لتر
الي على كفرات يستخدم داخل البيت شاريه من ساكو..

طفيته ولا عاد اشتغل؟
أبغى محل صيانة متخصص بهذه النوعية من المكيفات الصحراوية.

[متقاعد ومرتاح]

السلام عليكم ورحمة الله وبركاته فيه مكيفات صحراويه فيبر مافيها حديد عندي في البيت ثلاث سرعات متنقل على عجلات مايأخذ حيز في المكان وريش الوجه عند التشغيل تلف يمين وشمال أوتماتيك

[Hossam3]

السلام عليكم
اشكر كل من ساهم باقتراح أو معلومة

وأحب أضيف نقطتين
بالنسبة لسير المروحة أنا أخذت السير ورحت فيه لقطع غيار السيارات وأخذت حق سيارة بنفس المقاس
والحمدلله له ثلاث سنوات

وبالنسبة للاملاح افضل شي تغيير الماء كل عشرة أيام أو اسبوعين بالكثير
مجربة وناجحة الى حد كبير

[بوعزة]

ماشاء الله الموضوع رائع ويعتبر مرجع وملخص لكثير من الخبرات
بالنسبة لي عندي مكيف العيسى حجم نصف، خدم عندي 16 سنة حتى ضعف الدينمو يعني صار ضعيف ولكن مازال يشتغل ومازالت البوية ماسكة في أكثر من 90% بدون ما أحافظ عليه وتغيير الموية كل سنة.
وعندي 3 مكيفات الجزيرة، طبعا لا تقارن بالأمريكي غيرت قاعدتها بالإضافة إلى تغيير ديمنمو أكثر من مرة
وأخيرا رهمت عليهم جميعا مراوح شفط TAT
وإليكم النصائح بعد قراءة وبحث عن أفضل المراوح وطرق تركيبها
1- قبل تركيب المروحة هل تريد سرعة واحدة أو سرعات مختلفة، فيه مراوح تقبل السرعات وذلك بتركيب ديمر، مراوح ويندو أو ويندي تقبل السرعات بعد التجربة والعجيب أنه ليس أي ديمر يضبط عليها جربت أفضل الماركات ما ضبطت وجرب أرخص نوع صيني وضبط وبما أن الديمر غير مخصص للمراوح يفضل اختيار ديمر قدرته أكثر من ألف واط بالنسبة لمروحة مقاس خمسين عندي مروحة 140 واط وديمر 500 واط للأسف ما شغلها صح
2- قبل شراء المروحة أقرأ المكتوب عليها راح تشوف رقم وجمبه m3/min وهذا كمية الهواء اللي تدخلها المروحة في الدقيقة، هذا في حال إذا تبي تقارن بين المراوح
3- بالنسبة للشركات أفضل شركة بلا منازع KDK ولكن مشكلتها سعرها غالي بزيادة مثلا مقاس 50 ب 600 ريال! بينما نفس المقاس من شركة TAT 210 ريال وشركة ويندي 250 ريال
4- يفضل اختيار مروحة ألمنيوم علشان ضد الصدأ
5- يفضل وضع ربل حق أبواب السيارات اللي يستخدم لتنسيم الهوا موجود في محلات زينة السيارات يكون على حواف المروحة عن نفسي ركبته ووجدت اختلاف خفيف في الصوت
ملاحظات بعض الشركات تلغي ضمان مروحة الشفط في حال استخدام الديمر
أسأل قبل شراء المروحة هل المروحة تقبل السرعات، على أن البعض ركب بدون ما يسأل وأموره تمام
مروحة الشفط تخرب عندما تضع الديمر على أضعف شيء لتطفئ المروحة وتظن أنها على أوف
يفضل تجرب المروحة في المحل أو في مقر الوكيل على سبيل المثال في شارع الكهرب بالملز المراوح معروضة وتقدر تشغل اللي تبي
6- بإمكانك تشيل شبك المروحة لتقليل الصوت
7- كل ما كان قدام المروحة أشياء راح يزيد الصوت مثلا وجه أو شبك أو ...الخ
8- تأكد من أن المروحة لا تسحب ماء من الأبواب، بما أن مروحة الشفط غير مخصصة لذلك فلابد من التاكد بنفسك ﻷنه أحيانا يكون سحب المروحة قوي خصوصا إذا كان توزيع الماء بطريقة الشلال وهذا حصل معي وعالجتها ببعض التوزين
9-وأخيراً عيب مراوح الشفط الوحيد الصوت لذلك ما ركبتها إلا في الممرات يعني في غير أماكن الجلوس، للأسف بعد محاولات فاشلة ما لقيت حل للصوت ولكن أعتقد أن كل ما زادت شرايح/ريش المروحة قل الصوت
نصيحتي: أنصح بمراوح الشفط في غير أماكن الجلوس أو بشرط أن لا تكون قريبة منك وإذا كان صوتها ما يفرق معك توكل على الله :-)
انتهينا من المراوح
نجي لموضوع توزيع الماء
راح أعرض التجربة وكل ياخذ منها اللي يفيده
ركبت أنابيب/مواسير بلاستيك لتوزيع المياه لمكيف نصف ولكل باب 12 ثقب يسمى هذا بالشلال المهم للأسف صار المكيف يعطي هوا رطب أكثر من البرودة المطلوبة ومن ثم قللت الفتحات من 12 ثقب إلى 6 فتحات ولله الحمد صار بارد جدا
لمن يريد التوليف والترهيم وجدت قبل فترة شركة أو مجموعة نجد العالمية عندهم براءات اختراع وينفذون أي تصميم في بالك بالإضافة إلى أنك تقدر تجيب لهم المروحة اللي تبيها ويركبونها لك مباشرة على المكيف هذا في حال انك تبي تشتري مكيف جديد وعندهم ابتكارات لا بأس بها
والمعذرة على بعض الأخطاء الإملائية والترتيب ﻷني أكتب من جوال وأردت أن أفيد بما أن الأعضاء ما قصروا بالمعلومات

[الشنه]

رأي شخصي
وقناعه
بعد تجاربي مع هالنوع من المكيفات
ما تنفع في البيوت وخاصه في المدن الكبيره
لعدة اسباب
بعد فتره من التشغيل يصير البيت رطوبه
المويه تسرب ومويه مالحه
تعدم السقف
تحتاج الى صيانه ومتابعه
وقت الغبار تجمعه ويصير حوظه كله طين

في استراحات و في القرى و في المزارع
هذا هو مكانها الطبيعي وخذ تبريد

[كــحــيــلان]

السلام عليكم ورحمة الله و بركاته
أسعد الله أوقاتكم بالخيرات

المكيف الصحراوي لا غنى عنه في مثل بيئتنا الصحراوية الجافة جداً جداً:s
و النظر إلى منافعة على المنزل و سكانه يجعل الصبر على سلبياته سهل جداً:good2:

بشرة الواحد صارت مثل صنفرة الحديد من الجفاف:eek:

الزين قيمته فيه كما ذكر الأخوان المكيف المصنوع من شركة محترمه يعيش مع الصيانة المستمرة :good:

يجب أن تتعلم عمل الصيانة له بنفسك هذا الأمر سيريحك كثيراً من أستغلال العمالة السايبة ، يغير لك القش فقط ب 50 ريال:mad: هذا اذا ما خرب شيء ثاني :confused:

تحياتي للجميع:heart:

[الستانس]

السلام عليكم

حبيت اشارككم بتجربه لان اشوف بعض الردود يطلب شبك الصحراوب ببراده او وضع فريون
عندي طريقة مجربه ونافعه جدا بدون اي تكاليف اضافيه
المطلوب ٤ قطع رصيف قرميد توضع في الحوض ويكون الغطاس بالنص بينها وشرط تكون جهة من القرميد في الهواء ويكفي ١سم


الهدف القرميد يحفظ البروده وتزيد برودته مع مرور الهواء على سطحه وغالبا المكيفات الصحراويه برودتها ممتازه الا وقت الظهر بسبب حرارة الشمس وباستخدام القرميد بتكون بروده المكيف منعشه وقت الظهر

[راجي_خير]

ماشاء الله الموضوع رائع ويعتبر مرجع وملخص لكثير من الخبرات
بالنسبة لي عندي مكيف العيسى حجم نصف، خدم عندي 16 سنة حتى ضعف الدينمو يعني صار ضعيف ولكن مازال يشتغل ومازالت البوية ماسكة في أكثر من 90% بدون ما أحافظ عليه وتغيير الموية كل سنة.
وعندي 3 مكيفات الجزيرة، طبعا لا تقارن بالأمريكي غيرت قاعدتها بالإضافة إلى تغيير ديمنمو أكثر من مرة
وأخيرا رهمت عليهم جميعا مراوح شفط TAT
وإليكم النصائح بعد قراءة وبحث عن أفضل المراوح وطرق تركيبها
1- قبل تركيب المروحة هل تريد سرعة واحدة أو سرعات مختلفة، فيه مراوح تقبل السرعات وذلك بتركيب ديمر، مراوح ويندو أو ويندي تقبل السرعات بعد التجربة والعجيب أنه ليس أي ديمر يضبط عليها جربت أفضل الماركات ما ضبطت وجرب أرخص نوع صيني وضبط وبما أن الديمر غير مخصص للمراوح يفضل اختيار ديمر قدرته أكثر من ألف واط بالنسبة لمروحة مقاس خمسين عندي مروحة 140 واط وديمر 500 واط للأسف ما شغلها صح
2- قبل شراء المروحة أقرأ المكتوب عليها راح تشوف رقم وجمبه m3/min وهذا كمية الهواء اللي تدخلها المروحة في الدقيقة، هذا في حال إذا تبي تقارن بين المراوح
3- بالنسبة للشركات أفضل شركة بلا منازع KDK ولكن مشكلتها سعرها غالي بزيادة مثلا مقاس 50 ب 600 ريال! بينما نفس المقاس من شركة TAT 210 ريال وشركة ويندي 250 ريال
4- يفضل اختيار مروحة ألمنيوم علشان ضد الصدأ
5- يفضل وضع ربل حق أبواب السيارات اللي يستخدم لتنسيم الهوا موجود في محلات زينة السيارات يكون على حواف المروحة عن نفسي ركبته ووجدت اختلاف خفيف في الصوت
ملاحظات بعض الشركات تلغي ضمان مروحة الشفط في حال استخدام الديمر
أسأل قبل شراء المروحة هل المروحة تقبل السرعات، على أن البعض ركب بدون ما يسأل وأموره تمام
مروحة الشفط تخرب عندما تضع الديمر على أضعف شيء لتطفئ المروحة وتظن أنها على أوف
يفضل تجرب المروحة في المحل أو في مقر الوكيل على سبيل المثال في شارع الكهرب بالملز المراوح معروضة وتقدر تشغل اللي تبي
6- بإمكانك تشيل شبك المروحة لتقليل الصوت
7- كل ما كان قدام المروحة أشياء راح يزيد الصوت مثلا وجه أو شبك أو ...الخ
8- تأكد من أن المروحة لا تسحب ماء من الأبواب، بما أن مروحة الشفط غير مخصصة لذلك فلابد من التاكد بنفسك ﻷنه أحيانا يكون سحب المروحة قوي خصوصا إذا كان توزيع الماء بطريقة الشلال وهذا حصل معي وعالجتها ببعض التوزين
9-وأخيراً عيب مراوح الشفط الوحيد الصوت لذلك ما ركبتها إلا في الممرات يعني في غير أماكن الجلوس، للأسف بعد محاولات فاشلة ما لقيت حل للصوت ولكن أعتقد أن كل ما زادت شرايح/ريش المروحة قل الصوت
نصيحتي: أنصح بمراوح الشفط في غير أماكن الجلوس أو بشرط أن لا تكون قريبة منك وإذا كان صوتها ما يفرق معك توكل على الله :-)
انتهينا من المراوح
نجي لموضوع توزيع الماء
راح أعرض التجربة وكل ياخذ منها اللي يفيده
ركبت أنابيب/مواسير بلاستيك لتوزيع المياه لمكيف نصف ولكل باب 12 ثقب يسمى هذا بالشلال المهم للأسف صار المكيف يعطي هوا رطب أكثر من البرودة المطلوبة ومن ثم قللت الفتحات من 12 ثقب إلى 6 فتحات ولله الحمد صار بارد جدا
لمن يريد التوليف والترهيم وجدت قبل فترة شركة أو مجموعة نجد العالمية عندهم براءات اختراع وينفذون أي تصميم في بالك بالإضافة إلى أنك تقدر تجيب لهم المروحة اللي تبيها ويركبونها لك مباشرة على المكيف هذا في حال انك تبي تشتري مكيف جديد وعندهم ابتكارات لا بأس بها
والمعذرة على بعض الأخطاء الإملائية والترتيب ﻷني أكتب من جوال وأردت أن أفيد بما أن الأعضاء ما قصروا بالمعلومات

خلاصة تجربتكم مفيدة ... زادكم الله توفيقاً وباركم فيكم .

[mohammad1988]

السلام عليكم
حسب تجربتي مع مكيف نص حصان كرتون
ركبت تحلية على خزان ماء يغذي المكيف الخزان ١٥٠٠ لتر
الملاحظة
سحب كمية كبيرة من الماء
ولكن بعد تركيب برادة قل صرف الماء
السبب اذا الماء الداخل للمكيف حار يتبخر بسرعة واذا كان بارد يتاخر
مشكلة تجمع الرمل يكون سحب الرمل كل نهاية الاسبوع بشفطة بمكنسة خاصة لشفط الماء والتراب

[ابو الجموس]

انا عندي مكيف صحراوي فقع قلب بتغيير القش والسير شغلته قبل ساعتين سمعت صوت طقطقة مدري سامري:D المهم كلش فيه تمام عدا الصوت اللي ذكرت واكتشفت اني مطفي البزبوز حق لي الماء اللي يوصل للمكيف واللي شغال والماء يمشي وفيه ملح يجيله طنين ثلاثة

[عبدالتواب]

ممكن تحط لنا صورة المكيف يا حبيبنا خصوصا وحنا نحتاجه بطلعات الصيف والصيد
ومشكور على الموضوع المفيد
مصرى يريد منك طريقة صناعة المكيفات الصحراويه حيث اننى قمت بعمل مكيف صغير
ولكنى فشلت لان الهواء ليس به تبريد لذا اطلعت على خبرتك فى هذا المجال وارى انك خير مساعد
لى عندى البودى بلاستيك واستعملت قش الارز ولدى مضخه جيده لكن المروحه ضعيفه واخاف ان
استبدلها بواحده شديده فأشل مرة اخى لان المروحه الموجوده الان لاتخرج هواء بارد فلو اخرجت
هواء بارد لقمت على الفور بشراء مروحه قويه
الرطوبه فى مصر تصل الى 70 هل هذا هو السبب
اخى ماهو المكثف فى المكيف
كيف تضع القش وهل يكون متلاصق مع جسم المكيف من الداخل
ام انه يبعد عن جسم المكيف ومانوع القش الذى تستعمله
اكون شاكر لو افدتنى مع تمنياتى بالسعاده
ممكن ترسل لى اى شئ عن المكيفات الصحراويه على abdaliabdali115@gmail.com \
اخوكم فى الله عبدالتواب

[عبدالتواب]

ممكن تحط لنا صورة المكيف يا حبيبنا خصوصا وحنا نحتاجه بطلعات الصيف والصيد
ومشكور على الموضوع المفيد
مصرى يريد منك طريقة صناعة المكيفات الصحراويه حيث اننى قمت بعمل مكيف صغير
ولكنى فشلت لان الهواء ليس به تبريد لذا اطلعت على خبرتك فى هذا المجال وارى انك خير مساعد
لى عندى البودى بلاستيك واستعملت قش الارز ولدى مضخه جيده لكن المروحه ضعيفه واخاف ان
استبدلها بواحده شديده فأشل مرة اخى لان المروحه الموجوده الان لاتخرج هواء بارد فلو اخرجت
هواء بارد لقمت على الفور بشراء مروحه قويه
الرطوبه فى مصر تصل الى 70 هل هذا هو السبب
اخى ماهو المكثف فى المكيف
كيف تضع القش وهل يكون متلاصق مع جسم المكيف من الداخل
ام انه يبعد عن جسم المكيف ومانوع القش الذى تستعمله
اكون شاكر لو افدتنى مع تمنياتى بالسعاده
ممكن ترسل لى اى شئ عن المكيفات الصحراويه على abdaliabdali115@gmail.com
اخوكم فى الله عبدالتواب