×(طريقة طبخ آلـ ضب)×(منكم نستفيد!

[@قرناص@]

×(..السلام عليكم ورحمة الله وبركاته..)×


وش علومكم واخبآركم ان شاء الله الجميع بخير ..


انا عندي مجموعة من الضبان عددها 20..;)


وناوي اطبخ منها واعزم الربع..:D


وبغيت اشوف الطبخه الانسب والافضل لضبان بالتفصيل الممل!:good:


ولاهنتم يالربع


ابوخالد

[تمياط]

يفيدونك الاخوان

[satam1389]

ياقرناص
تعال عندي نطبخ لنا كم واحد طبخة يحبها قلبك وتشوف الطريق بالتفصيل ثمن تروح لربعك وتقعد تتفلسف عليهم في طريقة الطبخ هههههههههههههههههههه

[الخالدي11]

والله ياطويل العمر عليك بالكبسة اكتم اللحم في قدر تربو 15 دقيقة طبعا بعد ماتحمس البصل والطمام وتحط الملح والبهارات والحركات
ثم طلع اللحم وحط الرز على المرق و 15 دقيقة وبالعافية

[@قرناص@]

..

الموضوع للآفآده فقط..

والسوآليف مكانها..

قل خير او اصمت!

الخالدي لاهنت.. ننتظر رد البقيه..

[satam1389]

..

الموضوع للآفآده فقط..

والسوآليف مكانها..

قل خير او اصمت!

الخالدي لاهنت.. ننتظر رد البقيه..

اخوي وراك معصب هد اعصابك طبخ الضب مثل اي طبخ
اللي يعرف يطبخ دجاجه يعرف يطبخ ضب سسسسسسسسسسسسسسسسسسسسسلام

[ذgggق]

بالنسبه لي اسويها كالاتي:


اذا عندك قدر ضغط حط الضبان اللي تبي تطبخها في قدر الضغط وامله ماء وخله " يغلي" نص ساعه او اقل ثمن طلع الضبان وشيل القشره الصفرا اللي عليها ونظفها (فيه ناس تصلخ الضبان وانا والله اكره هالحركه لان الضب يطلع ماله طعم)..

الوكاد ضبط الكشنه في قدر او في نفس القدر حق الضغط وغسل ضبانك ونظفها ثمن حطها وكمل عاد كأنه لحم .. بس ترا مايبطي بعد ماتحط الضبان والكشنه يعني ممكن النص ساعه او اقل تضبطه
.

.
ملاحظه: فيه ناس تصفي الماء حق الضبان وتحط الكشنه عليه وتكمل طبخه.. وفيه ناس تصب ماء جديد وشغله جديده.. انت شف اذا بعد ماتطلع الضبان من الماء لاول مره ان الماء زين ومافيه قشر كثير صفه بمشخال واكبس عليه وان كان الماء كدر حط ماء غيره



سلاااام

[@قرناص@]

مانيب معصب..


لاكن الظاهر اني كاتب بالموضوع ومنكم نستفيد..


وانت ماجيت تفيد..!


بخصوص طبخه مثل طبخ الدجاج..


مالك لوآ نبي شيئ جديد وله مذآق خآص..


وليس اي طعم؟


اشكرك ع مداخلتك تحياتي


ابوخالد

[@قرناص@]

لاهنت يالذوق ع الرد وصدق اسم ع مسمىى

وننتظر البقيه,,

[satam1389]

مانيب معصب..



لاكن الظاهر اني كاتب بالموضوع ومنكم نستفيد..


وانت ماجيت تفيد..!


بخصوص طبخه مثل طبخ الدجاج..


مالك لوآ نبي شيئ جديد وله مذآق خآص..


وليس اي طعم؟


اشكرك ع مداخلتك تحياتي



ابوخالد


ابو خالد بارك الله فيك
انا رديت في البدايه على شكل دعابه وانت اخذتها جد ولكن حصل خير وانا لازلت عند رأيي مثل طبخ الدجاج
له عدة طرق وكلن على مزاجه
وهذه طريقتي :
اصلخ الضب وانظفه زين واشلوط العكره على النار ومن ثم انظفها زين واخذ
بعض (الثروب )شحم ا لضب ولها عدة اسماء واحمسها مع البصل ومن ثم اضع اللحم والبهورات واقلبها قليلا ثم نضع عليها الماء والملح طبعا انا طريقتي في قدر كاتم ثم نتركها حوالي 25 دقيقه ثم اكبس الرز على المرق
وبالهناء والعافيه
تحياتي ابو سلطان

[@قرناص@]

جزاك الله خير,,

[@قرناص@]

ننتظر البقيه لرفع لرفع

>>><<<

[@قرناص@]

الربع جو وللحين ماطبخت الضبآإن..

مهنا وصف زين لطبخ غير الي قآلوه الشباب والا نتوكل ونطبخ؟

[لبن العصفور]

أخي الفاضل @قرناص@
السلام عليكم ورحمة الله وبركاته
بالنسبة لطبخت الضب المفضلة لدي فهي الآتي:
1_ نقوم بعملية تذويب السلايق.
2_ نبدأ بعملية نتظيف الضب من القشرة وذلك بعمل شلوطه بالنار ( حسحاس ).
3_ بعد ذلك نقوم تقطيع الضب حسب مانريده ومن ثم نقوم بتفويحه فقط بالماء لمدة 10 دقائق.
4_ نقوم بعملية غسل الضب وتنظيفه بعد التفويح الأول.
5_ نكرر عملية التفويح مرة أخرى والتنظيف.
6_ بعد عمليات التنظيف نكون قد جهزنا الكشنه مع السلايق بعد ذلك نقوم بطبخ الضب في القدر الكاتم لمدة25 دقيقه وبعد ذلك نكبس عليه الرز مع إضافة نصف إصبع زبده ونتركه على نار هادئه لمدة 15 دقيقه:good: .
أتمنى أنني أوضحت لك الطريقه التي نستخدمها في الموضوع نفسه
وتقبل خالص تحياتي تحياتي،،،،،،،،

[خوي الساري]

أنا أقولك جب 2كيلو طماط وقطعه زي تقطيع السلطه أو أكبر شوي وقطع معه من خمس الى ست حبات بصل متوسطو الحجم وحط الضبان بالقدر الكاتم بعد تنظيفها وتقطيعها وكب المقادير المذكوره عليها وحط الملح والبهارات وإكتم القدر وشب عليه النار وبدون إضافة أي قطرة ماء وبعد نص ساعه نزل القدر وصف المرق الناتج واضف اليه شوي مويا بعد ماتطلع اللحم برا وسو الكبسه كالعاده وشف الفرق0000000000

[دهران]

http://www.mekshat.com/pix/upload02/images97/mk17809_sahamtahat.gif


الرجاء قراءة هذا الموضوع قبل كتابة أي مشاركة .

(http://www.mekshat.com/vb/showthread.php?t=139477)