المساعد الشخصي الرقمي

مشاهدة النسخة كاملة : كم ريشه باقي لطيرك


طرح الشبك
03/05/2009, 12:02 AM
الواحد وقت المقيض مايهمه الا ان طيره يحذف بانتظام ولا يتاخر والله يوفق كل الطيور
بالنسبه للطيور باقي فيها اربع اربع ويالله التوفيق


وهذي قصيده نبي نهيضكم على نقله الطير




يامل قلبـن عذبـه زايـد الشـوق
يزاوره فـى كـل صبـح وعشيـه




اسج لـى سجـات وجـر طـاروق
كنى بعيـدن عـن جميـع البريـه





يامبـارك العينـان كنـى بصنـدوق
من يوم للمقنـاص ماشـوف نيـه





والله على اللى تو حطوبـه سبـوق
مطـروح بيـن الغانمـى والحنيـه





جابه طويرش لين سلمـه مـرزوق
وكل درابـه فـى خـلال أضحويـه





يوم اكشفو راسه وهوداخل السـوق
مثل الزبيـدى فـى فياضـن عذيـه





والوجه وجه اللى من الغيض مخنوق
والا الشجاع اللـى تنومـس بهيـه





اشعل ظهر خالى من الرش ودقـوق
هجـرن كراعـه والمثايـل رهيـه





كن المناكب عنهن الصـدر مفهـوق
ينشاف فى طيور ابـو خالـد حليـه





والله على اللى يوم تلوى وهى فوق
مثـل الشهـاب بليلتـن خرمسيـه





ترهى على الخرش المدابير بلحـوق
طرح الكويـت وجنسهـا فارسيـه





والله على قفر من الوسـم ماسـوق
متساوين عشـب الظهـر والشغيـه





ارضن قفر ماهو من الناس مطروق
مـاداج بـه راع التفـق والرعيـه





هذى شفوفى يـوم كـل ولـه ذوق
وخـوة مشاكيـل الاجاويـد لـيـه





غديت انا والطير عاشق ومعشـوق
مثل الكريـم اللـى يـدارى خويـه
ابوكميخ 911
03/05/2009, 03:13 AM
صح لسانك ...........
شلوان999
03/05/2009, 03:47 AM
جعل من جابك في الجنه والجميع على ذا النغمه اللي بتاخذ 5 شهور ماسمعناها
صاحب نوماس
03/05/2009, 08:50 AM
انا بالنسبة لطيوري باقي خمس خمس

وعسى الله يقدم اللي فية خير
كشات في مكشات
03/05/2009, 09:10 AM
صح لسانك اخوي
باقي اربع اربع
القحطاني
03/05/2009, 09:39 AM
صح لسانك

عندي اربعه كلها فروخ وقرناس
الاول: ثلاث وثلاث
والثاني : خمس وخمس
والثالث والرابع( القرناس) :اربع واربع

والله يوفق الجميع:good: :good: :good: :good:
مخاوي شيهانه
03/05/2009, 10:08 AM
صح لسانك يشاعر -الله يعدي المقيض على خير ويجعل اطيور العرب كلها مصفيه ابئذن الله تعالى
أبو رداد
03/05/2009, 11:03 AM
الله يحيك ياطرح الشبك
شي مبقي 3 في 3
وشي مارمى ولاريشه !!
وصح لسان الشاعر
ابوخالد المطيري
03/05/2009, 11:35 AM
صح لسان الشاعر
الي صفن شريت
سماء نجد
03/05/2009, 11:38 AM
الله كريم
الله يوفقنا وياكم
الطير سلطان
03/05/2009, 01:41 PM
صح لسانك
وبيض الله وجهك
بالنسبة لطيري سلطان اللي بالتوقيع باقي فيه( اربع /اربع)
وبالتوفيق للجميع



الطير سلطان
بو غازي
03/05/2009, 03:26 PM
السلام عليكم ورحمه الله وبركاته
عندي قرانيس2 القرناس الاول:اربع
القرناس الثاني: ثلاث
عسى الله يسهل علييها تقبل مرووري.
طرح الشبك
03/05/2009, 11:54 PM
اشكر كل من تفاعل مع الموضوع والله يعين الجميع على الربطه وعد ايامها
دهمان
04/05/2009, 12:48 AM
صح لسانك .......
ذراع الذيب
04/05/2009, 09:25 PM
السلام عليكم ورحمة الله وبركاته
صح لسانك..ويعطيك العافيه اشوف طيري تغلب على
الجميع قرب يصفي بقي ريشه ريشتين
ماشالله تبارك الله عقبال
طيوركم تصفي
((السنياري))
07/05/2009, 03:55 AM
صح لسانك

يا الله لك الحمد على كل حال ((ولا ريشه حذفها)) للعلم هسنه بس طير واحدالي ربطه والثاني جاي بدرب ان شاء الله
لعّاب المنايا
07/05/2009, 04:20 AM
*اربع اربع
*موس ونايفه موس ونايفه
قرناس ارامكو
07/05/2009, 04:33 AM
صح لسانك اخوي
ثلاث أطيور باقي اربع اربع
واحد صايم مايدري أن القرناس بدى ههههههههههه
عوق الخريش
08/05/2009, 01:50 AM
صح الله السانك وبيض الله وجهك أخوي الغالي : طرح الشبك وهيضتنا بعلومٍ خفية

القيض جنا يطرد البرد نارة ,,,, وشلون أبصبر يارفيقي عن الطير

تحياتي لك ولآتحرمنا من القصيداللي يشرح الصدر,,
عوق الخريش
08/05/2009, 01:52 AM
نسية اعلمك باقي فاالطير ثلاث ثنتين مدري ويش معجلة
شلوان999
20/05/2009, 12:22 PM
الخبتي باقي فيه 3

المزيونه باقي فيها 3
دهمان
20/05/2009, 12:57 PM
صح لسانك يا خوي باقي واحد من طيوري 3*3 والثاني 4*3
بدران123
20/05/2009, 03:06 PM
يعطيك العافيه اخوي طرح الشبك وبيض الله وجهك...

باقي فيه 2
وعسى الله يسهل ةيصفي ويغسل انشالله مع اول الطيوور ...

اخوك بدران
صياد ليبيا
20/05/2009, 04:06 PM
مشكور على القصيدة الجميلة
وعندنا بحرية ما رمت شى
وهذا عيبه دايما يتأخر
تقبل مرورى اخوى(طرح الشبك)

اخوك (صياد ليبيا)