ماذا تفضل في المقناص

[هداج1]

بسم الله الرحمن الرحيم
السلام عليكم ورحمة الله وبركاته
اخواني اعضاء وزوار منتدى الجميع منتدى مكشات
اليوم عندي موضوع متعلق بالمقناص الله يعيده علينا وعليكم بكل خير واحب التفاعل من جميع الاعضاء


وارجو من الي يجاوب ان يكون مقتنع من اجابته وان يذكر السبب لاختياره وان تكون الاجابه محصوره بين الاجابتين


((الموضوع))
اذا خيروك اقتناء طير واحد في مقناص مثل مقناص العراق او المقانيص الخارجيه الاخرى
فماذا تفضل ؟
1_الطير الطلاع (ويكون طياره زين يعني شي يصيده وشي يروح)
2_الطير اللحاق(يكون موقف مايروح عليه شي:D )
ارجو التفاعل من الجميع
السبب من طرح مثل هذا الموضوع نبي نعرف وجهات النظر من بين الصقاقير
نبي اجابه واحده فقط
آآآسف على الاطاله

[المان العرب]

مرحبابك ياهداج
والله ودي بطير لحااااق الي مايروح عليه شي
وان حصل اثنين ابرك

[سلطان 1]

ارحب يا هداج 1
والله وانا خوك ابي الطير اللي اليا شفتها يضيق عليها الوسيعه 0
مابي واحد يطلع عليها وتروح سبق هنيا القهر 0

[ابوكميخ 911]

السلام عليكم .......والله ودي بالطير اللحاق اذا انا برا السعوديه .....

[بدران123]

ارحب ياخوي هداج تراحيب المطرر...

موضووع شيق بارك الله في ك بالنسبه لي احب الطلاع واللحاق..

الطلاع لاسباب معروفه والحاق كذالك..

لكن اللحاق يطلق الوجه في مواقف وربك يعين..

بالتوفيق اخوك بدران

[ابوخالد المطيري]

السلام عليكم
حياك ياهداج1
اللحاق هو الي ابختاره السبب الحباري واجد ودي استانس

[صاحب نوماس]

لاوالله ابي اللحاق هو اللي بيوسع صدك
اما اذا طلع عليها وراحت علية تبي تنغبن............



صاحب نوماس

[كشات في مكشات]

الله يعطيك الف عافيه ع الموضوع الرائع
وكاد الطير اللحاااااق الي مايروح عليه شي لانك بارض فيها حباري واجد
ومنت بحاجه للطلاع

[لوقه]

ابغى طيري الله يباركبه يطلع ولا يروح عليه شي بحول الله

[مخاوي شيهانه]

السلام عليك--اخ هداج1 -اشكرك على الموضوع الكثر من رائع-بنسبه لي اختار -اطير الطلاع -الحباره واجد في العراق والي رايح العراق يبقي الوناسه يكفيك انك شفتها وهديت طيرك عليها اذ مصاد طيرك ابتلقاء غيرها اكثير وتهد مره ثانيه وبيصيد انشاء الله-بنسبه لطير الطلاع يبي يوفر عليك كثير من العناء-وكلهم خير و بركه-تقبل مروري -يا اخ هداج1-

[زايــ ابومحمد ــد]

الطلاااااااااااااااااااااااااااااااااع00

http://www.mekshat.com/pix/upload/sign/images/mk118917.gif

[أبو رداد]

الله يحيك يهداج
خلها تروح ولاشافتها عيني
عليك بالي يرفع الراس لياصار الهدد
السبوق ....... أتعب عليه يصير طلاع
لكن الي جناحه ردي ............ ماله طب
وطلعه عذاب في عذاب في عذاب
وسلامتك

[الطير سلطان]

اخوي هداج 1
انا اختار اللحاق هو اللي يبري الكبد وينومسك والطلاع ماني محتاجه في الخارج لان الحباري واجد
ولو على كيفي اخذ طيري ويكفي ....



الطير سلطان,,,,

[هداج1]

هلا بجميع الاعضاء ومشكورين على الردود واشوف الاغلبيه مايل للحاق انا اكيد اعرف السبب بس نبي مشاركات اكثر
اخوي لوقه الله يبارك بطيرك
الطير سلطان الله لا يحرمك من طيرك

[@قرناص@]

2_الطير اللحاق(يكون موقف مايروح عليه شي:D )

لان حبآرى العرآإقـ والخارجيه ماليه الارض ومايحتاج طلآإع

لاهنت

[بو غازي]

السلام عليكم ورحمه الله وبركاته
ابي الحاق والله الحباري انا بطلعها بس ابي لامنها قامت تجلد وانا اشووف شوي الا هو راده وانا واقف محلي ماعشقت :)

[الفيتو]

بسم الله الرحمن الرحيم
السلام عليكم ورحمة الله وبركاته
مساء الخير ياخوي / هداج 1
افضل الطير الطلاع .. مقناص بدون طير طلع مثلوم ومهوب لازم يصيدها
اهم شي يوسع خاطري كل شوي تال سبقه وانا اتبعه بالموتر على هوني
مره القى قدامه خمس ومره عشر ومره وحده .. يصيد اللي يصيد
ويروح اللي يروح .. اهم شي اني في ديرة اجناب وكل شي
محسوب واهمها عطال الموتر .
*
والسلام
الفيتو
الحجاز
8/5/1430هـ

[هداج1]

مشكورين على الردود وفي انتظار المزيد
اخوي الفيتو حتى في ردودك مشيق وحلو تصويرك للطلاع

[مدماك]

اللحاق ومافيها كلام الي تشوفها تبشربها......ويازنها الين اجتمعو في وااحد ...

[ahmedq8]

مع حتارامي لكل من قال الطير اللحاق
العراق ودول اللي مثلها اذا انت رجال على قد حالك
انت قانص وربعك قانصين
والله لينشف حلقك ماصدت حبارى اذا ماعندك طير يطلع
اما اذا انا رجال ميسور الحال ومعاي عشر سيارات تحلحل القاع قدامي
عشر مثلها فيها ناس تقص
وبعد عشر مواتر تسبر اصيد
واهل ديره تعرف انه لا جا بلغ عن احبارى بلاقي المقسوم
لا والله ابي والحش اللي ماقلبه صقار قبلي اللي مثايله تاخذ قلب الصقار

[طرح الشبك]

اول شي والله الطير الطلع مثل الخوي الي يبشرك بالجره
ثاني شي على حسب المنطقه الي انت قانصها اذا انت من اهل الشرقيه فحباري الشرقيه واحد بالميه الي تعزم والباقي بالقاع اما اذا انت بالشمال يازين الي طياره باطراف جنحانه تقول الحبارى موقفه له بالجو
واعيد واقول الطير الطلع خوي خوي خوي كن بالموتر ثلاث رجال

[ahmedq8]

انا بعد ذان المشرفين بعطي دليل على كلامي
هذا من مقناص سنه هذي
عينو الجره وطلعو طير
وتل سبقه الله ابارك فيه يوم جا وضايف
شوفو الموقف مثل هل الحبارى وللوحش وللطير اللاحق اللي ما تقدر طلع فيه
كان لحباره هذي عادها مفليه الى اليوم :)
http://www.you tube.com/watch?v=AOSTqciwRPg

[محب الخيال]

الله يعطيك العافيه تقرير جميل مشكور

[أبو فيصل]

أحب الطلع وأن حصل لحوق كمل الزين ... ولكن الوكاد أذا ما عندك طلع بتصير حدود مقناصك الجغرافيه محدوده بالأرض القصص الي ماهي ممطوره و لاجاها سافي

ولكن أذا الطلع مامن لحوق ... خل عندك طير تلحيق قريب منك و سبوقه مفكوكه على طول

معلومه : أعجبني رد أبو صالح

[هداج1]

اخواني مشكورين على الردود
واشوف كن الكفه بدت ترجحت شوى للطلاع
وعز الله ان الاثنين يكملون لبعض
في انتظار المزيد

[محمد الشامان]

2_الطير اللحاق(يكون موقف مايروح عليه شي:D )
هذااا الطير الطيب
الي مايروح عليه شي

[دباس2007]

السلام عليكم يا الربع

بنسبه للموضوع أنا ايد السبوق لن حباري العراق مخروشه

وبنسبه للطلع ينفع في الخليج لن الحباري في الخليج قليله

ومع كذا أنا ابي ما يروح تعبي خساره وشكرآ

ومشكور يا هداج 1 على الموضوع

أخوكم :دباس 2007

[وكر 111]

[quote=هداج1



بصراحه موضوع يستحق المشاركه





الطير اللحاق(يكون موقف مايروح عليه شي:D )








هذا اختياري



وللناس فيما يعشقون مذاهب

[فارس 74]

قنصت اربع مرات للخارج

وكان صيد الطيور الطلاعه اكثر من صيد الطيور اللي تلحق وفرصته بالصيد اكبر
الطير الطلاع يقنصك ويقنص خوياك

وكم طير طلاع قنص السيارات اللي معه كلها اما استثنوه وهدوا غيره ولا هدوه وطلع علي ثلاث ولا اربع
وكتب الله للطيور الثانيه هدد سبب طلعه

الطلااااااااااع ما مثله واللي يقنص ما معه طلع عزي له

[قرناس ارامكو]

مرحبابك ياهداج
والله ودي بالطير اللحااااق الي مايروح عليه شي
لكن وين المقناص الزين

[هداج1]

نشكر جميع الاخوان على الردود اما انت يا قرناس ارامكو الله يرزقك بالمقناص الطيب اللي لا جا المضحى معاد تعين من طيورك اللي عاد فيه حيل للهدد من غير قصور فيها!!!
ونشكر المشرفين اللي عطونا النجوم على الموضوع
مع انه اول موضوع لي وهذا يدل على التشجيع
وياليت يسوون الموضوع على شكل استبان
على شان يبين من الفايز لانها مسابقه بين النوعين من الطيور
وفي انتظار المزيد من المشاركات

[((السنياري))]

اما بنسبه لي ودي بطير الي يطلع طلع مغاليس هذا الي يبي يمتعك وينومسك بلمقناص بس بقاع حبارى

[عوق الخريش]

وعليكم السلام ورحمة الله وبركاتة :

يعطيك العافية أخوي الغالي // هداج على الموضوع المميز والرائع ,,, لآهنتــ ياذيبان ..باالنسبة للموضوع

الطيور ونا خوك الحاقة غلاها بسبب قلة الحباري وليس بكثرة الحباري ولوالحباري كثيرة محد همه الطير

السبوق يهد على 20 يصيد 10 ويروح 10 ياسلام المهم الصيد والهدد مومهم يروح ولامايروح حتي الحاق

يبايروح علية حباري وحتي من دون ترديد والطير الطلاع باالنسبة لي أنا لاصرت فاالخارج أكيدة أعشقة أكثر

من الحاق لأن الطلع كل أشوي طالع هذي يصيدها وهذي تروح وهذي يخمها فاالقاع وتروح وهذي تطملة

وألى أخر وأما الحاق تبا تقنصلة ولاحصلت أحبرا بة أنة يرددها لين يقلعا عنك أويصيدها عندك ولاكن الطير

الحاق فاالخارج يتعب ويمل أكثر من الطلاع لأن الحاق يجيب عمرة كلة لصيدة واما الطلاع لأ يروح لصيدة

بمخ وليس بجهد وتعب ...... يعني خلاصة كلامي لاصرت فاالسعودية والحباري قليلة أكيد ابغاء لحاق لأن

الحباري قليلة يمكن ماتحصل ألاوحدة وتبغاء تصيده بس لاصار معك طلاع ويش يطلع علية فاالسعودية ماغير

جراذي وحمام ولاحصلت أحبارا راحت مالك ألالحاق ينومسك مع ربعك ,,,, والخارج العكس؟

تحياتي لك وشكرا,,,,,,,,,,