المساعد الشخصي الرقمي

مشاهدة النسخة كاملة : رجه بالسيارة مدري من وين؟؟؟!!!


بو خالد77
05/05/2009, 12:28 AM
السلام عليكم..

انا مطلع موتري وكالة مافيه شي زي الحلاوة

وبعد فترة غيرة الجنوط لاكن اللي ركبهم لي ماظبطهم...كان فيهم رجه قويييه...

المهم اضطريت اني امسك عليهم خط رغم الرجه اللي فيهم ...رجعت له يوم ثاني وسوالي ترصيص بس باقي فيه رجة بسيطة وصارت قوية مع الوقت ورجعت سويت لهم ترصيص ومرة ثانيه مع الوقت رجعت الرجه..

فــ شلتهم ورجعت جنوط الوكالة لكن مع الوقت صار عندي رجه مع البريك ومع الوقت تقوى...

قالوا لي يبغالها خرط هوبات وفعلا اختفت الرجه اللي مع البريك لاكن باقي رجه بسيطه اذا مشيت ...
رحت بسوي لها ترصيص قالي الفلبيني الجهاز يقول الكفرات مافيها رجه مره وماتحتاج ترصيص...!!

وانا احترت:confused: ... مادري من وين المشكلة؟؟؟!!!

...اسف على الاطالة...
التعـ King ـديل
05/05/2009, 03:14 AM
كانك من الرياض سير على ميزان المجد وان شاء الله بتلاقي عندهم الحل لان تخصصهم

وزن وتصليح الرجات
راعي طويلات
05/05/2009, 07:33 AM
وعليكم السلام
أخوي وش نوع السيارة؟
واذا أنت من الرياض عندك ميزان العضيب بالصناعية القديمة بيطلعون علة الموتر لك واحتمال يحتاج ميزان ارضي
أو مثل ماقال أخوي عسول ميزان المجد مع اني انصحك بالعضيب لاني قد جربت شغلهم
shaheenshah
05/05/2009, 11:23 AM
يمكن الكفرات فيها مشكله ويبي لها تغيير
العود&& الازرق
05/05/2009, 11:29 AM
اقول غير مساعد الذراااع وانشاء الله تروح
ابوشجاع911
05/05/2009, 11:46 AM
اعتقد ان سيارتك امريكية
انا معي سيارة امريكية وعيبها الرجة ولعلمك الورش بتخسرك وبتبقى الرجة الى ماشاء الله
قالك عضيب قالك مجد من اول ماتدخل عندهم بقولون لك غير وغير وغير وفي الاخير اذا خذوا المقسوم منك صرفوك وما اسهل منها
نصيحتي لك اذا انت مطلع السيارة وكالة ولاجاها صدوم ولا ضربت رصيف وموديلها حديث رح للوكالة وقل وخلهم يشتغلون ولا تدفع لين يضمنون لك الاصلاح تماما
اما اذا السيارة جايها صدوم فمالها الا الحراج ولاتغش احد والعوض على الله
بو خالد77
05/05/2009, 01:38 PM
انا موتري مازدا3 (ياباني) مطلعه وكالة موديل 2008 له حوالي سنه وشهرين ولا جاه لاصدمات ولا شي الحمد للة

بس ان رحت الوكالة بيصلخوني ,,,معروفة وكالة مازدا..وانا من اهل الخبر...

شاكر لكم على ردودكم وتفاعلكم...