اللى كييف شاهى يتفضل

[الكنور]

السلام عليكم ورحمة الله وبركاته

اخوانى الغالين اخوكم مدمن شاهى وابى اعلمكم عن سر حكرت الشاهى اللى كنه دم غزال

ومن كثر ما اعشق الشاهى بالعزبه ثلاثه اباريق شاهى واحد خصوصى لى وثنين للربع

والطريقه

1) حط السكر بالبريق وحسب مقاس الحلا اللى تبى البعض يحبه سكره قليل والبعض مظبوط والبعض زياده

2) حط ماء بارد عليه وخل الماء يقصر شوى لايمتلى علشان بعد مايفوح يتكبب

3) حطه على النار ولا تصير قويه علشان مايحترق السكر ويطعم بالشاهى

4) عقب مايفوح ويقلب له قلبتين ابعده عن النار وحط عليه الشاهى حسب مزاجك وخله على طرف النار

بحيث يجيه حراره قليله ولا يقلب ويطبخ ويملغ الشاهى

5) عقب خمس دقايق صب لك بياله منه ولا ترده وكان تبى تشربه حسب مزاجك علشان العبره بالبياله
الثانيه وانتبه لاترجه خله راكد وطقطق البريز حتى تدوخ

تحياتى

[المربد]

شميت ريحة الشاي من وصفك له ، ما شاء الله عليك .
بس ما تخاف السكر يحكك؟ يعني يحترق اذا حطيته مع ماء بارد؟

[الكنور]

هلابك وغلى اخوى المربد

تفضل تقهوا ونا اخوك خن ناخذ علومك

وانا اخوك السكر مايحكك ولايحترق اذا حطيته على نار هاديه واسئل خبير به هبله الشاهى هبل

تصدق يصكنى راسه اذا ابطيت ماطقطقت لى بريز وتصدق يوم غسلوة وراح السواد اللى عليه

زعلت بالحيل يازينه هو والسواد اللى محليه

تحياتى

[مهند]

ياسلااااااااااااااااااااااااااااااااااام:good:
موضوع محتاجينه من زمان

انا اهم شي عندي
ماهو افضل انواع الشاي في السوق؟
وهل التلقيمة افضل والا الاكياس؟؟؟
تكفا يالكنور نبي جوابك لانك باين راعي ذوق في الشاهي:)

تحياتي لك

[الكنور]

اخوى مهند لاتقول تكفى ثم اجيك على كفرين وجايب لك باعشن بكبره مورد الشاهى

اخوى بلا جدال ولو انه الكثير يعتبره غالى هو شاهى ابو جبل ورق تلقيمه والعلاقى هج مايصلح وكان

منول يجى بعلبه شاهى لورد وانقطع هالحين مظبوط بعد وخلك على ابو جبل وبس وتدعى لى بس انتبه

لاتكثر منه تراه احسن انواع الشاهى اللى يعطى قليله لون مظبوط وان كثرت منه صار الشاهى اسود

ومع التجربه تحصل على الخبره وخوك مايقدر يعطيك مقاس مظبوط علشان الأباريق اشكل وأحجام

مختلفه لا عدمتك وأحرص على البريق المعدنى وخلك من الغرش والستيل

تحياتى

[مهند]

يعطيك العافية على سرعة الرد

هل يوجد نوع تقليد من ابوجبل؟؟
لاني لقيت كرتون مكتوب شاي ابوجبل بس بيني وبينك الكرتون موب كشخة;)

وشلون اعرف الاصلي من التقليد؟ وان كان ماعليك كلافة تقول وين يباع في الرياض(شمال)
تكون كملت معروفك
وبيض الله وجهك

[حد السيف]

السلام عليكم ورحمة الله وبركاته
الشكر لمن وضع هذا الموضوع
زميلنا الغالي
على اني ما احب الشاهي
الا ان هناك طريقة ما تخلي الشاهي يثقل ولا يعقد
وهي ان لاتملا البريق بل الى النصف وتغلية يغلي جيدا بعدها ضع السكر ثم ورق الشاهي اي نوع
وبعد ان يغلي ويقلب
تضيف الماء المغلي لتكملة ملىْ الابريق وبهذا لن يثقل او يعقد وبهذا يصبح دم غزال
وبالهنا والعافية
وصفة لكل كييف شاهي


محبكم اخيكم

[فـ(الجـوف)ـتى]

تسلم والله اخوى على هذا الموضوع وعلى كاست الشاهي الرائع

تحياتي لك 0

[ابو ســــاره]

ابو جبل شاهي كايف بس مهوب كل واحد يبي يزبط خدردته يبيلها رواقه وتكته وانا الصراحة رجالً عجل وما اصبر عليه بس اذا بغيتو الشي الي علي كيفك خدرة كايفة وسريعة وانت عجل شاهي تلقيمه لبتون روس النمل الي يجي حبوبه كنه روس نمل عليه طعم وخدره لا تفوتكم وتراي مجرب كل انواع الشاهي .
واذا انت تبي شاهي اكياس لا يفوتك ابو كبوس توه طالع من تالي بس عليه طعم كايف .
وسلامتكم ،،،

[هواوي]

السلام عليكم ورحمة الله وبركاته
اخواني كييفه الشاهي
صراحه موضوع رائع واحب اضيف نوع من انواع الشاهي ابيكم تجربونهوهو توه جديد وبدا ينتشر ابيكم تجربونه وتحطون النتيجه هنا في الموضوع هذا

اسم الشاهي كبوس
مكتوب على العلبه احسن شاهي في العالم ((طبعا من الدعايه تعرف انه من اليمن ))

هو شاهي كيني تغليف اليمن وصراحه انه افضل شاهي جربته

والشاهي الي معك اذا كان ربيع اكياس وتبي طعمه يزيين شله من علبته وحطه في علبه ثانيه جوى كيس واحكم اغلاقها بتلاحض انه كل ما طالت مدة تخزينه يكون طعمه افضل لدرجه ان ودك تاكله ما تشربه

وللجميع التحيه واحتساء(((( قدحا من ابريقاً اسوداً اصبح كالفحمه من كثره الاستعمال ))))من الشاهي مع بسكون بدره او اولكر الفرنسي

[الكنور]

الله يعافيك اخوى مهند

وابو جبل الأصلى يجى بكرتون اغلبه أحمر غامق واصفر فاتح وموجود فى اسواق الجمله فى اسواق

الشمال وأطلب الأصلى ويعطونك التقليد:D

تحياتى

[الكنور]

وعليكم السلام ورحمة الله وبركاته

وكل الشكر لك بمشاركتك الرائعه اخوى الغالى حد السيف

وانا اخوك كل الطرق جربتها والطريقه اللى ذكرتها تخلى الشاهى مالغ ولا تتلذذ بطعم الشاهى وهذا

من واقع تجربه ونا اخوك وكل له ذوقه لاعدمتك


تحياتى

[الكنور]

الله يسلمك اخوى فـ(الجـوف)ـتى وكل الروعه بتواجدك ومرورك على الموضوع ياغالى

[الكنور]

حياك الله اخوى ابو ســــاره

وانا اخوك راعى المزاج لازم يوسع صدره علشان يعدل مزاجه ببراد شوهى مظبوط وابو جبل يفى بالغرض

وابو كبوس وارد اليمن ماعليه زين وكذالك اللبتون ابو حبيبات بس لو ظبطت من كل نوع براد كان تشوف

الفرق الشاسع

تحياتى

[الكنور]

وعليكم السلام ورحمة الله وبركاته

حياك الله اخوى هواوى ومعلومه لحفظ الشاهى نبى نجربه كم تفضلت بس عسان نصبر شوى ولا ندرع به

وشاى كبوس جربته وما عليه واضبط لك رادين واحد كبوس والثانى ابو جبل بالطريقه اللى ذكرته من قبل

وتشوف الفرق ياغالى

وللجميع التحيه واحتساء(((( قدحا من ابريقاً اسوداً اصبح كالفحمه من كثره الاستعمال ))))من الشاهي مع بسكون بدره او اولكر الفرنسي


:D :D

لا معه بعد كليجا وبسكوت ابو ميزان او مينو :good:

[al-nashmi]

السلام عليكم ورحمة الله وبركاته

اخونا الكنور.........

اخي الكريم...ولا يهنون باقي الربع..

انا ازعم اني متذوق جيد للشاهي ولا اجزم...
وطريقتي لتصليح الشاهي....

طبعا ببريق معدن هندي اصلي شاريه من السباله....

البريق الان تقل سيفون زيت كرولا.... اسيود معفط من كل محل.... بس رهييييييب

الطريق...
. -حط الماء ووزنه تحت العروه
-شب النار ويفضل جريمات رمث
-حط البريق على النار وخله لين يغلي الماء بدون سكر
- حط السكر على مزاجك ولا تخليه يطبخ كثير قلبتين اوثلاث لين يذوب السكر فقط
- حط الشاهي ولا تخليه يطبخ قلبه او ما تخليه يقلب بعد .. ووخره عن النا ر وخله على جنب على صالي النار وتركه خمس دقايق ولا تقلبه ..ويفضل ان يترك حتى ينزل ورق الشاهي في اسفل قاع البريق..

وبالعفيه...وقرب..... و........

الشاهي المفضل لدي....
.
رقم 1 ..ابو جبل
2 ..ربيع ورق ( ماهو ستوكات) المغلف ....
___________________________________________
فقط لا غير واترك عنك الباقي
وشاهي سيلاني يصنع خاص معرف اسمه وبالاصح ناسي اسمه ... جابه لي مره واحد جاي من سيلان
هبال ماهو صاحي..... ولون ورقه اشقر يميل للسواد.....على طعم ونكهه غير طبيعيه


الله يجيب الشتا وتزين الطلعات وتزين ضبطت الشاهي..

محبكم النشمي

[الكنور]

وعليكم السلام ورحمة الله وبركاته

اخوى الغالى النشمى حياك الله ياغالى وعز الله انك كييف شاهى

وانا اخوك طريقتك مثل الطريقه اللى ذكرتها وترا سر النكهه والطعم بعدم وضع البريق على النار بعد وضع

الشاهى وجرب وعطنا رئيك ياغالى تبى تتذوق نكهه وطعم تخليك ماعاد تعدا غيرها وبريقك ما تعطينى

فيه دوره اسوى فيه لو مرة شوهى اخوك بريقه غسلوه وضاق صدرى والظاهر انى اصبغه اسود:D

[راعي الغــتمه]

يعطيك العافيه

ولو تجرب انك بعد مايطبخ السكر
تطفى عنه وتحط الشاهي وتتركه من 2الى 3 دقايق
وشف كيف يصير الشاهي
وترى شاهي ربيع الى يجي علبه حديد ماهو سهل ولا شاهي كيني

وتقبل تحياتي
اخوك

راعي الغــتمه

[غـريـب]

هلا والله باخوي الحبيب

هلا والله باسرع واحد ينزل الحطب ويشب الضو ويصلح الشاهي

حبوبنا الشاهي اللي تسويه طعمه باول بيالتين خيال بعدين يثقل لانك تكثر الورق
لكن اللي يشرب ابريق كامل يبيله اخف ورق.

في امان الله وحبلي راس صغيرتك

[الكنور]

الله يعافيك اخوى راعي الغــتمه

وياسلام يطلع خادر ومضبوط يعدل المزاج ياغالى

تحيات وأشكرك لتسجيل حضورك

[الكنور]

هلا عد ماذعذع الريح وماعليك زود اخوى الغالى غريب وإلى هالحين انت تحب المرقه:D

وحبك الله وأبشر بسعدك

تحياتى

[بركان]

يا سلام

الاخ/ هوواوي اختار الشاي اللي انا بحبه!!! شاي كبوس يا هو شاهي فعلا لذيذ ورايق

والاخ /النشمي ماشاء الله عليه كييف شاهي طريقته في عمل الشاهي هي افضل طريقه على الاطلاق!!!


يا اخوان كل انواع الشاهي ما عدا الكبوس تغيرت واصبحت تجاريه بحته خذ مثلا شاي ابو جبل كان الشاي الذي لا يعلى عليه الآن شاي عادي جدا.

[الكنور]

حياك الله اخوى بركان

صدقت ياغالى والعوض ولا القطيعه والشوهى اللى يحبها قلبك وانواع واشكال وجدتها فى ألمانيا

محل مساحته ميه متر يوجد فيه جميع انواع الشاهى وطب وأختار


تحياتى

[شبث]

صبحك الله بالخير . بعدين وش لون تقول ان بريق النحاس احسن من الغضار ؟ مالك حق هذا وانت كييف شاهي ماهو ( قعوسي) . بعدين الله يعينك على تغيير كفراتك اللي اعرفه ان كفر الكنور الواحد بقيمة جيب جديد ...................؟ :looney:

[الكنور]

صبحك الله بالنور ياشبثون

ونا اخوك الغضار ما أدانيه وانت مزاجك الغضار ماتشوف انى اجيب بريقى معى دايم وأضبط السليمانى

وكان تبى كفر ماعندى مانع خل موترك يصير كنه صومعه:D

[بروق الوشم]

الأصل كُتب بواسطة فـ(الجـوف)ـتى
تسلم والله اخوى على هذا الموضوع وعلى كاست الشاهي الرائع

تحياتي لك 0

[راشد ابراهيم]

الاخوه الكرام
السلام عليكم ورحمة الله وبركاته
كنت في سرلنكا قبل عامين لمهمة عمل ومررت بحقول الشاي والتي تصدر الشاي لدول العالم،
االملاحظات في الزيارة تلك
- جني المحاصيل بطريقه بدائيه وغير صحيه ،حيث انها في الغالب من مياة مستنقعات تتكاثر فيها انواع المكروبات.لذلك انصح بغسل الشاي قبل وضعه في الابريق.

-يوزع المحصول الى 7 اقسام من المتسخ(الذى فيه شوائب)الى النظيف جدا ،والاربعة انواع الاولى تصدر الى الدول الفقيرة والى الدول العربيه (وتعتمد على ذمة التجار لدينا)

-الثلاثة انواع الاخرى للدول الاوربيه والامريكيه لانهم يدفعون ويشرفون على الانتاج بواسطة مندوبين خاصين لهم في سرلنكا وغير سرلنكيين لعدم ثقتهم فيهم ويتابعونها حتى تشحن .لان بلدانهم فيها هيئة مواصفات ومقاييس تهتم بصحة المواطن

-الشاي الطبيعي هو الشاي الاخضر

الخلاصه

وللاسف واقولها وانا حزين ،الذى ياتي عن طريق الدول الاوربيه،ويباع لدينا في المحلات الكبرى هو الشاي النقي مع ان سعرة غالي الا انك تضمن الجودة والنكهه ،وقد جربت ان احضرت شاي من لندن وكان هناك فارق كبير بين الانواع الموجودة لدينا في بلادنا.

ايضا للماء المستعمل في طبخ الشاي اثر في الطعم واللون

والحمد لله على نعمة الكثيرة التى لاتعد ولاتحصى

[alberk]

السلام عليكم ورحمة الله وبركاته

أنا أشهد انت كيييييف شاهي

المعلومة اللي محدن يبي يقتنع فيها ان طبخ الشاهي او اي نوع من انواع ثاني مثل البابونج، الكركديه النعناع ، الزعتر....الخ، خطأ فادح لأن هذي الأعشاب لما تطبخ تروح الفايدة منها، و اما بالنسبه للشاهي فطبخة يزيد كمية الكفايين فيه و يخرب طعمه

لالالالالا هنت على الشاهي


http://www.mekshat.com/pix/upload/sign/images/mk8653.gif

[Khalid AlGhamdi]

وعندك واحد شاااااي حبر وصلحووووووووووه
:D

يعطيكم العافية :good:

[المسفهل]

أشكر أخي الكنور على طرح هذا الموضوع المهم فالكشتة
لا تحلو إلا بهذا المشروب بعد القهوة وجلسة السمر لا تطيب
إلا والمجموعة تحتسي إبريقا من الشاي السيلاني الممتاز
والطريقة المثلى في اعتقادي هي على نحو ما ذكر النشمي مع بعض التعديل :
1 - حط الماء الصافي وخله تحت العروة .
2 - شب النار ويفضل جريمات رمث يا سلام .
3 - حط البريق على النار وخله لين يغلي الماء بدون سكر
4 - حط السكر على مزاجك ولا تخليه يطبخ بل احركه بعصا من الخيزران لين
يذوب لأنه لو تركت السكر يغلي على النار لتأكسد السكر وسبب ضررا بالغا .
5 - حط الشاهي ولا تخليه يطبخ وخله على جنب .. على صالي النار وتركه
خمس دقايق ولا تقلبه ..ويفضل ان يترك حتى ينزل ورق الشاهي في اسفل البريق..
وبعد ذلك تمتع بالمذاق والنكهة ولا تنس أن تدعو لي :D
وأفضل شاي عندي هو شاي مكتوب علية ( هاي تي ) يأتي بعلب
ابلاستيكية شفافة ولها غطاء أحمر وهي بمقاسات مختلفة .

[الجيب الربع]

الله على شبة الرمث والبريق على جنب ذكرتونا ذيك الليالي ياشباب ((( إلا على طاري ذيك الليالي, أحد شاف أخونا نفل أختفى مع جية القيض الله يذكره بالخير هو ونقا هشال))) والله ودويت عن سالفتكم يالله نعود لها

بالنسبة لموضوع أن الشاهي يثقل مع الوقت فهذي حلها سهل هناك عند ساكو وبعض محلات الأواني المنزلية كورة ستيل فيها شقوق صغيرة وسلسله تفتح الكورة وتحط فيها كمية الشاي المناسبة لبريقك وتسكرها وتعلقها بالسلسله في عروة البريق وترميها بالمويه وبعد ما يجي الشاهي على مزاجك تسحبها من البريق وكيف راسك الى آخر جغمه من بريقك الأسود والا الغضار والا النحاس وهي توجد بأحجام مختلفه وأسعارها تبدأ من 4 ريال

وين أهل الشاهي المضبووووووووووووووووووووووووووووووووووط

تحياتي

[القناص]

شكرا لكم اجمعين

الا وش رايكم في شاهي كبوس
تراه شاهي جديد ويمدحونه والا انا ما جربته

[هلابي]

جاك راعي الكيف الثاني



شف أبوجبل وبس


وإن كنت منزنق خذلك الربيع شوي تتعبربه


وإحذر من كل خيط يملاك بغباره لولا غباره تسان ماخلاه الطير >>>>> أنواع الرقيع :D



بصراحه



غير أبوجبل والربيع مافيه شاهي كيف



وكل شي ردي اللي من أنواع الخيوط سواء الربيع أو الوزة أو غيره


أما اللبتون :mad:



ماذبحنا إلا هالهنود الله لا يتسثرهم




وأما من ناحية أنك تصلح نصه وعقب تزوده ماء هذا أنواع المطرسه >>>>>> معليش:p





وطريقة أخوي كنوز زينه بس أنا طريقتي هي :-

أحط السكر ثم الماء وأخليه يغلي ثم أحط عليه ابوجبل وأول مايقلب له قلبه على طول طلعه وركه لك 10 دقايق حول النار ( لا يقلب ) ويكون السكر مزيود عليه ومن حق إما مسكت دروب الشمال من قعدتك




وسلملي على الفاهمين يا بوكنوز >>>>>>> متى نتقهوى عندك :D












هلابي




(((______(1م

[الكنور]

اخوى الغالى بروق الوشم

الله يسلمك من كل شر وتسلم على مرورك العطر


تحياتى

[الكنور]

حياك الله اخوى راشد ابراهيم

وصدقت ياغالى واللى يبى الدح مايقول اح واللى يبى يكيف مزاجه يدفع ولا يسئل


تحياتى

[الكنور]

وعليكم السلام ورحمة الله وبركاته

حياك الله اخوى alberk

وصدقت ياغالى والله انه اذا صار مطبوخ اتطعمه ولا استسيغه يابو الكيف كله

تحياتى

[الكنور]

حياك الله اخوى MaxPower

وابشر بسعدك وفله الحجاج


تحياتى

[الكنور]

شكراً لك اخي الكريم على هذا المقال اخوى الغالى ومشرفنا المميز المسفهل


وطريقتك وطريقتى ما يفرق بينهن غير الكييف وكلهن رايقات وعلى كيفك


تحياتى

[الكنور]

حياك الله اخوى الجيب الربع

بس وانا اخوك يصير للشاهى نكهه غريبه شوى وما مثل الفنان الكايف اللى يزن الشاهى على مزاجه


تحياتى

[الكنور]

حياك االله اخوى القناص

ولولا إختلاف الأراء لابارت السلع بس اهم شى الطريقه يارعى المعناء

تحياتى

[الكنور]

هلابي وهلا بك اخوى الغالى

وبشر بسعدك وقدرك ماهوب بريق شاهى انت أجزم وبشر بسعدك ياغالى


تحياتى

[الضاري]

والله ياشكلك .. دميغ شاهي .. ياكنوز

ملاحظة مهمة للأخوان ..

رحت أنا للتختور بالمستوصف ..

قلت ياتختور أبي شي يسمنن ( زولي الله يستر علي تقل مسواك من النحف )..

يا أقبلت علي العجاجة مليت مخابي ثوبي من الرمل والحصى .. علشان ما أطير مع العجاجة ..:D

المهم قال لي التختور .. لاتشرب شاهي بعد الأكل.. لمدة ساعة .. علشان المعدة تمتص الفائدة من الطعام ..

.وأذا شربت شاهي بعد الأكل مباشرة ..يكصم الشاهي الحديد الموجود في الطعام ويحوس فائدة الطعام كلة ..

قلت .. طيب أنا مدمن شاهي بعد الأكل .. يعني لازم أشرب شاهي بعد الأكل ..

قال ..أجل لاتخلي الشاهي يغلي لأن الشاهي تخرج منة مادة مضرة بعد الغليان...

تحياتي لأصحاب الكيف..

[الكنور]

ارحب ارحب اخوى الغالى الضاري


خلك على نحفك وانا اخوك السمنه مرض ويصير الرجال تقل باص إذا بغا يديور بالصاله

كنه باص لازم يروح للمجلس يديور ويرجع

وصدقت ياغالى كما تفضلت سمعت كثير ان شرب الشاهى عقب الأكل مباشره يشفط

الحديد

تحياتى لك

[هلابي]

والله إن تسانه ينحف فلوعد أنا وياك يالكنوز في مصر عند الصعيد عند الشاهي الثقييييييييييييييييييييييييل وعاقد علشان نرجع مساويك :D





ومن ناحية إنه يكسر الحديد فهذا صحيح



ولكني سمعت واحد يقول أن الجبير يقول الشاهي زين للقلب لأنه يغسل الدهون بعشرة ريال :D





والله أعلم



(((______(1م




هلابي

[الكنور]

اخوى الغالى هلابى

ياخوفى نطيح فى الطعميه والفول ونرجع كل واحد منا كنه راويه:D:bounce:

تحياتى لك ولمرورك

[* ضب *]

يا ولد عطنا بيالة .. نجرب الشاهي ذا اللي طارو به الشباب ..
--عندك واحد بيالة شاي الكنور وصلحوا
7
7
شاهيك هذا شكله يسبب ادمان
لذك انصح بالابتعاد عنه (واحد ناوي يفتح بوفيه جمبه)


تحياتي لك

[الكنور]

السلام عليكم ورحمة الله وبركاته

اخوى الغالى ضب ارحب ياغالى

ونا اخوك طالبك طلبه تشوف الطريقه اللى كاتبها وتسوى لك براد وتجربه وتحكم

وبياله الشاهى اللى تبين أصبها لك على الطيب ماهيب مكفيتك ياكود براد الغرش حق العروس

تحياتى

[كوال]

السلام عليكم

هذا الموضوع عن الشاهي....طيب والقهوة ماله موضوع لاني مدمن قهوة...!:)

واشكركم على وصف الشاهي

[كاتم اللهب]

تشكر يا الكنور على موضوعك ولاعدمناك














تقديري.000000

[الكنور]

وعليكم السلام ورحمة الله وبركاته

ياهلا وغلى بخوى الشمالى والقهوه ونا اخوك مابها طقت عصا أكيد ان احد الأعضاء كتب عنها بس

يبى لها بحث بالمواضيع

شكرآ لحضورك

[الكنور]

لاخلا ولا عدم اخوى كاتم اللهب


والشكر لك لتصفح ومرورك ياغالى

تحياتى

[ابو ماجد]

اخوي الكنور
السلام عليكم ورحمة الله وبركاته

اخوك من كييفين الشاهي , وش رايك بشاهي لبتون ورق؟

ودمتمممممممممممم ابو ماجد

[الكنور]

وعليكم السلام ورحمة الله وبركاته

حياك الله اخوى الغالى ابو ماجد ونا اخوك شاهى لبتون الورق يجى حبيبات والكثير يفضله حسب مزاجه

واخوك مايحرص عليه وشاهى ابو جبل هوا مزاجى وهو اللى يكيفنى يخوك فيه نكهه مالقيتها فى جميع

الأنواع ماعدا نوع فى ألمانيا ومنتج كينى ولا اعرف اسمه


تحياتى لك

[ساري5000]

السلام عليكم ورحمة الله وبركاته
يليت هذه المقادير علي عرق رمث رمث رمث رمث
وتعال ناضر الشاهي وشبصير :good:

[الكنور]

حياك الله اخوى ساري5000

وش بقي ياسارى الشاهى على نار الرمث مامثله يطرب الكيف

تحياتى

[متاخر]

مشالله عليك كيييف شاهي ولو ان لي سنع بوزارة الخدمه المدنيه كان احطك على وظيفة مصلح شاهي بالمرتبة الخامسه عشر :D

طريقتك متتازه وعندي اضافه صغيره عليها

اذا حطيت الشاهي وقبل تحط البريق على جال النار ناظر دخان حطبك وين رايح وحط البريق باتجاهه وافتح غطا البريق شوووي خل الدخان يدخل
وبعد خمس دقايق ذق الشاهي وانتبه للبياله لا تشربه وانت ما تدري ( من زين الشاهي ) :D


وعلى طاري التلقيمه احد الاخوان اثار مشكله دايم تحصل مع شاهي التلقيمه
وهي انك اذا كثرت الورق اول بيالتين على الكيف والباقيات تقل شاهي صعايده :mad:
واذا قللت الورق قعد نص ساعه وهو ما لون :mad:

لذلك عطونا وزنه مظبوطه للقياس ( داري ان البرقان تختلف لكن كل واحد يقول وزنته وحجم بريقه كم لتر عشان نوارب الدعوى )


وتشكري وتقديري لك يا الكنور على هذا الموضوع الحلو :good:

[الرماي]

مشكور على هذا الموضوع

[الكنور]

اخوى متاخر بيض الله وجهك وتعطى المجاهيم لاعدمتك

وانا اشهد انك كييف شاهى

تحياتى

[الكنور]

كل الشكر والأمتنان على مرورك وتسجيل حضورك اخوى الرماى

تحياتى