هل تقوم بتشغيل المكيف وقت تسخين السيارة أم تنتظر حتى تسخن ؟؟

[كنز المشاعر]

اول شي :

1/ شغل السيارة

2/ افتح جميع نوافذ السيارة (لدخول تيار هواء جديد في الصباح - دخول هواء يغير نسبة الحراره داخل السيارة وقت الظهيره)

3/ انزل من السيارة (اولا ليكون المكان مهيئ لك قبل الركوب مرة اخرى وذلك من الناحية الصحية حيث انك قمت بفتح النوافذ)

4/ قم بالصعود للسيارة واذكر اسم الله وشغل المكيف .

5/ قم بأغلاق جميع نوافذ السيارة .

6/ خذ لك غطه قبل تحرك وانتبه لاتروح عليك نوه :)

7/ سلاموااا عليكوووو

[VTC وبس]

السلام عليكم
من وجهة رضري القاصره
اذا كان مكيف سيارتك من النوع الاتوماتيكي شغله ماعليك لانه هو يبدر نفسه
اما من اذا كان لا يدوي شغل سيارتك شوي يعني 50 او 30 ثانيه عشان لاتجهد المكينه كما قال احد الاخوه

[دل البحار]

انني لست اقوم السير الابعد تسخين السياره حفاضا على محرك السياره

[sgl2002]

انا ماشغل مكيف السيارة ولا أدانيه الإ اذا سافرت او كنت بزحمه فقط لانه مرض

[فارس الحربي1]

الافضل انك تشغل السياره وااذا ارتفعت الحراره تشغل المكيف

[أبو عنود]

بالنسبة لي أشغل المكيف أول ماأشغل وأمشي بعد 10 ثواني على سرعة بطيئة جداً

[ماون ماركز]

المكيف مع التشغيل على طول .. يشتغل ويطفى مع المكينة ..
ولا أنتظر .. أعدل شماغي وأمشي بشويش لين أطلع للشارع العام ..

[ماهقيت]

ياشباب يالغالين الله يعطيكم العافيه
السيارات الجديده بخاخات مو كربريتر والمعنى ان البخاخ عد الى 10 وامش لان كثرة الوقفه تجمع الكربون ممايؤدي ضعف عزم السياره ... الكربريتر لازم نحميها الين ينزل الامبير فعلا.... البخاخ مثل ماقلت 10 عدات ثم تمشي من البيت الين توصل الشارع العام وانت على مهلك ثم تمشي عادي ...
والله ولي التوفيق

[نوماس1]

يا اخي اشغل السياره والقها على الربع ما تزال ساخنه من بعد مشوار الصباح الى الدوام
وتبيني انتضر بعد اصلها مولعه خلقه
شغل المكيف قبل تشغل السياره وما جاك عندي

[بري وبحري]

السلام عليكم ياكرام

اسخن السياره قبل لاامشي
ولكن المكيف خاصه وقت الحر والعائله راكبه السياره تشغيل وعلى اعلى حد وزين ينفع بعد

[سفير الشرقيه]

والله انا من عندي

احمي السياره لاني متعقد كان عندي جمس 2005 استخدام امريكي تمت واقفه 3 ايام تقريبا ( كنت مسافر) وجيت وشغلت السياره ومشيت على طول (مستعجل شوي) ومن بعدها اسمع صوت في المكينه صوت طقطقه قويه ورحت وديتها المكا نيكي وقالي يابوسالم عندم صبابات المكينه لييييييييييش؟!! قالي لانك مشيت ودعست على الموتر واهو بارد وقالي نصيحه !!ااذ وقفت السياره مده طويله لازم تعمل لها رياضه مو على طووول تجي وتعطي المووتر ريس وهذا نصيحه لكم من مجرب ولله ولي التوفيق

[أ ب و ع ل ي]

من وجهت نظري أنا أقوم بتشغيل السيارة والمكيف مهو علشان يسخن الموتر علشان تبرد السيارة وأنزل من الموتر لين يبرد وأمشي
هذا إذا كنت مني مستعجل

[فاقدالسيطره]

يدي من المفتاح ع المكيف على طول
السبب
لان السياره ايجار هع هع
-------------------------
ولاكن الحقيقه اشغل السياره ولا كن لا انتضر اكثر من عشر ثواني

[Vortech]

بسم الله الرحمن الرحيم



السلام عليكم ورحمة الله وبركاته ...


موضوع يخص تشغيل المكيف وقت تسخين السيارة


السؤال ...


هل تقوم بتشغيل المكيف والسيارة لم تسخن بعد ؟ أم تنتظر حتى تسخن وبعدها تقوم بتشغيل المكيف ؟؟


إذا كنت تنتظر حتى تسخن فقل لنا ماهو السبب ؟؟


واذا كنت لا تنتظر حتى تسخن فقل لنا ماهو السبب ؟؟



عدة أسئلة واستفتاء لنرى وجهات النظر بينكم والخبرات الموجودة لديكم :)


وأيضاً للنقاش وتبادل الخبرات ...



بإنتظاركم ...




.


اشغل المكيفين والثلاجه تكون شغاله أصلاً على طول ...
والسبب انه اوقت حآر ولا انا بفاضي انتظره لين يسخن.

[wafi4sa]

اشغل السيارة
ثم بعدها مباشرة اشغل المكيف
هذة طريقتي مدري انا على صح او خطاء

[اسعاف1980]

:( من ناحيتي مايطفى المكيف أبد.
شغال 24 ساعه
من تدق سلف والمكيف شغال واذا طفيت الموتر طفى
ماأضغط off لمايدخل الشتاء....وما اصخن السياره على طول
وامشي بشويش لين اوصل التقاطع والحمد الله 2006 والكمبريسر ما اخترب واحيانن اشغل الكمبريسر على 180-190 السيارة افيو- والميزه انها لها حساس يفصل الكمبريسر اذا شدت النمرة يعنى موهيء لذالك على خلاف السيارات الثانية
توصيت الصانع الأمريكي فى برنامج اوتو كار فى الراديو97.50

[انتماء عربي]

أكييييييييييد أصلا شغال مع السوتش

[abdull_ah]

انا اشغل السيارة وانتظر دقيقتين او 3 وافتح الدرايش الشباك عشان اطرد الهواء الساخن او اجدد هواء السيارة وبعدين اشغل المكيف لمدة دقيقه ع درجه عالية وبعدين امشي شوي وانزل درجه المكيف ..

وذا يكون اول اليوووم يعني الصباح او اي وقت اطلع فيه يكون اول مررة اطلع بالسيارة في اليوم
لكن بعد كذا باقي اليوووم عادي انتظر دقيقه وامشي بس

[أبو غدي1432]

للمعلومية اليوكن والتاهو الجديد عند التشغيل عن بعد يشتغل المكيف معاه في وقت واحد ولو كان هناك مشكلة ما سوتها الشركة..

أنا عندي يوكن 2011 أشغل السيارة بالريموت أجي والسيارة باردة لأن المكيف يشتغل معاها على طول..

بس برضه مو مرتاح!!!

[أبو زيااد]

إذا كنت بشت تحمي السيارة ثم تشغل المكيف
وإذا بصيف ميحتاج تحمي شغل المكيف علطول

تفبلو مروري ...........

[كآسر الحووم]

لازم تسخن السياره وبعدين تشغل المكيف عشان مايسبب لك خرابات وانت ماتدري

[ديفون]

مجرد ما اشغل السيارة مفتاح المكيف شغال يعني المكيف يشتغل مع السلف واحمي وبعدها ادعس

[رآآعي دخنهـ]

انا شخصيا احمي السيارة حتى اشوف امبير الحراره يرتفع ولو شرطه وحده وانا ضد من يقول ان التحميه ماهي مهمه




:good2::good2::good2:

[mudhii]

السلام عليكم
الخبراء الألمان يقولون أن السيارة لا تحتاج الى تسجين وخاصة التي تعمل بواسطة البخاخات لأنه لا علاقة بإرتفاع الزيت بالتسخين والله أعلم

[مركز الثقل]

المهم بعد التشغيل مباشرة تخلي المحرك 30 ثانية ياخذ الزيت دورتة الكاملة في المحرك وبعدها ادعس وشغل المكيف

[وادي ملل]

الموضوع قديم مره بس برد ع الموضوع كيف اسخن السياره وشغل المكيف التسخين = ان الجو برد = ان ميحتاج تشغيل مكيف

الشئ اثاني اذا كنا بصيف يعني يوم الحراره صاكه 45 في اعتقادي ان اسيراه تدور تبريد مدور تسخين يعني صيف = السياره من حالها مسخنه = طق المكيف

نستنتج انه بلبرد يوم السياره تحتاج تسخين او في اصباح الباكر مع نسيم الصباح مراح تحتاج الي مكيف

في الصيف او في انصرافك من العمل السياره احتمار تلع من حالها يعني ميحتاج تسخين يعني شغل المكيف

وسلام عليكم ورحمة الله وبركاته

[SaMi83]

وعليكم السلام ورحمة الله وبركاته

انتظر دقيقه نص دقيقه اما تشغيل المكيف بعد ما امشي اشغله

تحياتي للجميع

[س.س.التميمي]

أنا معي جيب لكزس اشغله الصبح وانا بالفراش وهو بالبايكه طبعن المكيف شابك صيف إشتاء مايضر

[الحر503]

من زمان وكانت ذي العاده بي,,المكيف دايما على التشغيل يشتغل مع الموتر ويطفى مع الموتر ولا لي علاقه به الا اذا بغيت ازيد قوته ,, بس الحين الحمدالله تعدل طبعي وصرت احمي السياره لين ماترتفع عن الشرطه واتوكل على الله وبعد ما امشي بشوي اشغل المكيف

[راعي الفتك1]

مع الاسف المكيف مع السلف ..

[GX8v]

من ناحيتي ادق سلف وجلس دقيقه فقط ومشي حتى لوني في عز المربعانيه ولله الحمد ماعمري شفت شي تغير على سيارتي مع العلم اني استخدمها لي اكثر من ٩ سنوات

[العد]

اصلآ المكيف شغال من اول ما اشتريت السيارة... فقط اشغل السيارة واطفيها وهو شغال

وفي البرد وهو شغال احطه على الحار

[الحاكم000]

شغل المكيف وماجك علي مهب حر عندنا نيران ملتهبه

[abo mani3]

انا اصلا ما احمي موتري الى نص دقيقة بالكثير

اصلا مذكور بكتلوج سيارتي ان التحمية تاخذ من 10 الى 20 ثانية

[ب ن ن 4363]

أنا من نحيتي اسخن السيارة وأبدا اشغل المكيف اذا سخن الموتر

[أبو تميم 506]

صراحة انا ما امشي اغلب الاحيان لين يرتفع الانمبير ، يقولون اذل ما حميت عقب فترة يتفتف الموتر وتحسنه متهرقل ، المكيف اشغله عقب ما يحتمي الموتر

[أبو حمد 700]

أنا في الصيف أشغله أول ما أشغل الموتر وأحيان وأنا داق السلف أشغله

في الشتاء ما أذكر أني شغلة

[تميم2222]

انا اشوف لو فيه مشكله .. كان سوت الشركه فصل الكتروني من الوكاله نفسها .. وهم اخبر مننا في هالامور

[كاشت بالبر]

نعم أنتظر

احس اريح للمكينة وافضل من جميع النواحي ( ما عدا اني انشوي بالحر واتصبب عرق :D :mad: )

ولو اشغل المكيف على طول تنتفض السيارة أو تطفى

لكن بعد التسخين

اذا شغلت المكيف تنتفض شوي وتروح الانتفاضه :D

اللي يقول ما يحتاج تسخين

انا مجرب كنت مستعجل بروح للمستشفى ومشيت بدون ما احمي
احس السياره ماش لك عليها

اللي يشغل ويمشي على طول تنعدم المكينه
على الاقل انتظر شوي نص دقيقه أو دقيقه
عشان يتوزع الزيت بالكامل على المكينه وتسخن شوي

و امش شوي شوي أو عادي بس لا تسرع الا بعد ما تحتمي السيارة بالتدريج

اصلا المكيف معروف انه يثقل على المكينه ويقلل عزمها بشكل ملحوظ
وش عاد وقت التسخين !!

صح نسيت اقولكم معلومه مهمة

لا تشغل المكيف وانت مسرع عشان ما يخرب كمبروسر المكيف غالي

يعني اذا تبي تشغل المكيف هد السرعة وشغله وبعدين اسرع


لا تشغل وتمشي على طول
ولا تبالغ بالتسخين

خير الامور اوسطها , و اي شيء اذا زاد عن حده انقلب ضده

[ابو الجموس]

انا من تدور المروحة اول دورة علطول المكيف لاكن على اخف شي عشان مع الوقت يبرد المكيف علي

[خيال المفخره]

انا مافي امل أني الصخن بالصيف درجه الحرارة تأصل عندنا 50 واصخن بعد اشغلها وافتح الشباك وأشغل المكيف
اما في الشتا اول ماقوم من الشباك اشغلها
مع العلم معي مفخره 2011

[تساهيل1]

بالنسبه لي

المكيف والسلف مع بعض

ماضنتي يبي يضر المكينه كلها كلتش يشبك ولا فيه اي جهد

وشكرا

[س.س.التميمي]

بالصيف علي طول اليد اليمين تشغل السياره واليسار علي المكيف
ولو هناك ضرر كان ماخترعو هالطريقه في اللكزس او ماتشغله يشبك المكيف

[ولد بطنها]

السلام عليكم

انا سيارتي تاهو ltz ومثل ما تعرفون ان الشركه حاطه ميزه تشغيل عن بعد

لو تشغل السياره عن بعد التكييف يشتغل معاها , ان كان الصيف المكيف صار بارد واذا الشتاء صار المكيف حار

حسب درجه حراره الجو يعطيك الكمبيوتر بالسياره درجه المكيف اذا يخليه حار او بارد

عشان جذي عرفت ان المكيف ما يضر ان شغلته بالبدايه او النهايه لأن المصنع نفسه اللي مسوي السياره

واللي يبخص اكثر مني بسيارته اهو بنفسه يشغل المكيف مع دقه السلف

يعني انا بحط راسي براس جنرال موتورز وبقول لالالا مو زين تشغيل المكيف على طول

الشركه تشغله قبل تحط المفتاح بمكانه و مع دقه السلف عن بعد


اما اني انتظر السياره تحتر عشان احرك , ان كان الجو بارد انتظر لين توصل ربع لأن حراره سيارتي الطبيعيه نص

والتاهو بشكل عام بسرعه توصل الحراره ربع , يعني اقل من نص دقيقه

عندي برادو قبل موديل 2003 , مااذكر اني حررته

عاش معاي 5 سنوات و بعته جديد , المكيف مع دقه سلف و ما احرره ابد

[شايف نفسه]

تحمية السيارة

انا ما احمي السيارة اشغل وانتظر من دقيقة الى دقيقتين

لان السيارات الجديدة ماتحتاج تحمية مو مثل سيارات الكلبليتر تحتاج تحضير قبل التشغيل

واصلا الحرارة هي حرارة الاديتر

تتنظر دقيقة حتى يبدأ زيت السيارة يدور بالمكينة

وتمشي بدون ضغط دواسة البنزين

عاد بالنسبة للمكيف اشغله على طول لان درجات الحرارة

بالرياض توصل 50

[SHUGE]

المكيف مع المفتاح مره مرتبيطن مع بعض في الصيف ما اطفي المكيف شغال على طول مع السوتش ويطفى معه مباشرة بلا تحمية بلا نيله 30 ثانية في الصيف إلى 60ثانية في الشتاء وقت ما دهن يدي ووجهي بأي كريم ترطيب اضيع فيه وقت التحمية وغير كذا يفتح الله وسيارتي ماشية زي اللوز اللهم لك الحمد

[الميمووني]

لاوالله مع هالحر الالا ع طوول اشغل المكيف
ماانتظر الحراه ترتفع خاصتن بالصيف

[قنااااص]

بالنسبة لي انا لازم أخلي الموتر يحتر ويتحرك امبير الحراره وبعدين اشغل المكيف

تعودة على هالطريقه ,,,

[لهيب الشوق]

ننتظر لمدة دقيقة واحدة ثم يتم تشغيل المكيف في الصيف

[صيد الرس]

اتوقع بالبرد منتب محتاج مكيف

والحر ما تحتاج تسخن السيارة:d

لذا شغل وامش لكن ارفق

[مدهوش]

انا احمي السياره إلى ان تاصل الحراره لبعد خط السي يعني ترتفع شوي مهوب لزم تاصل لطبيعي واذا مشيت امشي بهدوء حتا تاصل الحراره الطبيعيه والمكيف التشغيل وانا بمشي اولعه والتحميه ضروري انتي تقيس حرارت الجو الارجيه بس المكينه تحت كبوت وحديد يعني تحصله بظلال يعني اقل حراره خارجيه

وانت الصادق المكينه تحت لهيب الكبوت ومحافظه على حرارتها ما تدري هي تحصل الحراره من الجو او من الحديد :f:f. :D

على العموم ما ازيد على كلام اخواني لكن اللي اعرفه ان زر المكيف على التشغيل بشكل مباشر من شهر 4 ميلادي حتى اواخر شهر 9

اما بخصوص التحميه بشكل عام بإعتقادي الجازم ان السيارات من فوق موديل 2000 (تقريييبآ) لا تحتاج للتحميه بشكل عام لأن اغلب السيارات اختلف مفهوم تقنيتها الميكانيكيه ..
ومن واقع تجربة لدي اثنين من الأقارب معهم سيارتين مختلفتين الأولى شاص 2003 والثاني في اكس آر 2002 والشاهد بالموضوع انهم مستحيل صيف او شتاء يقومون بتحميه سياراتهم يعني يد على مفتاح التشغيل والثانية على القير من يوم تقوم المكينه السيارة ماشية وحسب نقاشي معهم الشاصي ماشي 500000 الف ولم يسبق ان فكت مكينته والفكسار ماشي قرابه 580000 وايضأ لم تفك مكينته (قولو ما شاء الله عشان ما نبلاهم :D:D) . بإختصار شغل وتوكل على ربك

[سليمان9870]

اتوقع بالبرد منتب محتاج مكيف

والحر ما تحتاج تسخن السيارة:d

لذا شغل وامش لكن ارفق

ههههههههههههاي الله يسعدك عزالله انك حليت الموضوع

[krk]

وعليكم السلام ورحمة الله وبركاته

كل سياراتي اللي امتلكتها واضع المكيف على الاوتوماتيك من اشغل السيارة اشتغل المكيف الأمامي والخلفي على اعلى درجه الا ان تبرد السياره من الداخل ثم اخف عليه الى النصف

ولله الحمد ما قد تعطل عندي المكيف او الكومبريسر وهذا الكلام على مدى 10 سنين واكثر

[Mnaady]

السلام عليكم هذي اول مشاركه لي في هذا الصرح الرائع وحبيت اذكر الاخوان ان السيارات التي يتم تشغيلها عن بعد يشتغل مكيفها معها وهذا من مصنعها فلو فيه ضرر مااعتقد انهم بيخلون المكيف يعمل مع تشغيل السياره اما عني دق سلف وتوكل على الله

[WAW]

المكيف يشتغل قبل السيارة

يعني على طول المكيف على وضع ( ON )

تشغل السيارة يشتغل وسلامتكم

[ابونومان]

نصى دقيقه وحط رجلك

[$ نقيب الجنوب$]

والله على حسب اذ كنت مستعجل دق سلف ومشي وبعدة بشوي شغل المكيف وانت مهدي واذ ماوراي شي اول ما يطلع انبير الحرارة شغل المكيف وامشي

[رسام القلوب]

السلام عليكم يالربع
ترا والله ضعنا
نحمي السياره ولا مانحميها
اخر كلام وش

[نصوب المنشى]

اشغل السياره والمكيف مع بعض واحيانن اطفي السياره والمكيف شغال


واشغل السياره والمكيف يكون شغال معها

[0راعي الجبيل0]

السلام عليكم هذي اول مشاركه لي في هذا الصرح الرائع وحبيت اذكر الاخوان ان السيارات التي يتم تشغيلها عن بعد يشتغل مكيفها معها وهذا من مصنعها فلو فيه ضرر مااعتقد انهم بيخلون المكيف يعمل مع تشغيل السياره اما عني دق سلف وتوكل على الله

صحيح كلامك
عندي سيارتي فيها تشغيل عن بعد
واذا شغلتها والمكيف على وضع التشغيل
بعد ماتشتغل السيارة بحدود 20 ثانية يشتغل المكيف

[ابونايف311]

انتظر دقيقه تقريباً ثم اشغل المكيف واحول للقير على طول

[FJ3230]

أكيد انتظر

بس تجيك بعض الأوقات السيارة تغلي مثل النار وتشغله على طول

[راعي الريده]

مع دقة السلف

[Assim]

أنا شخصياً أدعو إلى قراءة دليل المالك بالسيارة, وذلك حتى نتفادى الظن والتخمين, وحتى يكون كلامنا جميعا على بينة ومن ثم نرتقي بطريقة التفكير.

وفق الله الجميع,,,

[فراس1]

السلام عليكم سؤالي الدبل للسيارة تاهو صالون هل يكون على وضع اوتو أو H2 راخل المدينة اشتريت الموتر قبل يومين موديله2007وجزاكم الله خير ارجو الردسريعا

[السارحي]

من عرفت العلم وانا اشغل السياره والمكيف وادعس بنزين وبدون تسخين صيف شتا والحمد لله ما اشتكيت او سبب لي اي مشكله وللعلم انا اسوق اكثر من عشرين سنه

اللي يقول انطر الزيت يرتفع واللي يقول عشان ما ترتفع الحراره بشكل مفاجئ على المحرك وكلام ماخوذ خيره

انا اقول بدل زيت بانتظام وصلح الاعطال البسيطه قبل لا تزيد وقبلها توكل على الله

[أب رحي]

وعليكم السلام ورحمة الله وبركاته

نعم ياأخي الغالي أنتضر حتى تسخن السياره....
أولا لكي لاتتقطع سيور المكينه....
ثانينا حتى يتحرك الزيت في داخل المكينة حيث أن الزين يتجمع في أسفل المكينة بينما هي مغلطة....

ملاحضة :
لاأشغل المكيف حتى تتحرك السياره وتتهوى المكينة من وتسحب جزء من الهواء وتخرجه
في نضري هذا أفضل....

تقبلو مروري.