ممكن قوارب بالريموت كونترول؟

[lebman]

اخواني مشرفين واعضاء المنتدى الأعزاء
السلام عليكم ورحمه الله وبركاته
اذا ممكن اي احد يفيدني من وين اقدر احصل واشتري قارب بالريموت كونترول ولكم مني جزيل الشكر
http://www.mekshat.com/pix/upload03/images111/mk75528_f.jpg

[غاوي الصيد]

السلام عليكم أخوي تشتري هذه القوارب من مركز ألعاب اسمه
تويز أر أص

[ولد طيبة]

خخخخخخخخ
تصدق ذي تنفعك وقت المد
وبالذات لما تصيد من سيف خخخخخ

[accentkool]

يمكن تحصلة عند نادي الالعاب

او تويز ار اص

[lebman]

مشكورين شباب على المعلومات بس انا بالدمام وما بعرف وين مكانه بالضبط وبالفعل انا ناوي استخدمه في ارسال الطعم الى ابعد مدى وانشالله اذا صار بخبركم بالنتائج

[A B D U L L A H]

يالغالي انا من الجبيل

ومعاي خويي ومن شهر واحنا نحاول ( نخترع طرآد صغير )

كل شوي نركب ونفك ونجرب ونركب ونفك ونجرب

مره تصيب ومره تخيب

بس نبي الشغل يكون مضبوط

عندنا الدينمو والمرآوح والخشب والفلين

بس نحتاج طريقهـ تخلي في الطراد زي الدركسون يلف وين مانبي ... ؟؟

يعني ممكن نتشارك بالآفكار والآرآء ونطلع بنتايج :)

[sniper112]

فكرة حلوة يا شباب وتحياتي لكم طال عمركم

[lebman]

حياك الله اخوي عزازي 22 والله فكرتك جميلة بس انا قبلك حاولت وفشلت وقلت اخذها من قاصرها واشتري سبيد بوت بالريموت واريح دماغي وشفت واحد من الأخوان طالع دبي وقال بيعرف وين يحصله وانا منتظره لما يرجع ونشوف انشالله يصير خير واعلمك لو حصل اي جديد ودمتم سالمين

[khayyal]

مرحبا اخواني

طبعا افضل مكان انصحك فيه وقريب منك هو البحرين .. في محل في السيف للسيارات والقوارب اللي بالبنزين وقويه .. يعني تصلح لشغلة بحر بس اظن غاليه.

محلات مطار البحرين فيها وبعد .. اهم شي يبي لك نوعيه قويه شوي عشان الموج و تقدر تبعد شوي ويكون الرموت يوصل لمسافات يعني مو يبعد الطراد ولا عاد يرجع :)

جاتني الفكره زمان بس احترت شلون يكون في الرموت زر عشان يرسل للطراد يترك الحبل . . احترت ونسيت الفكره ..

عاد لما تجربها لاتنسى تقول لنا النتايج :)

[shaheenshah]

شفتها في سوق التنين في دبي بسعر 250 درهم

[محب صيد السمك]

هذي مواقع ممتازة لبيع هذه القوارب وجميع انواع الريموت كنترول
http://www.towerhobbies.com/
http://www.chiefaircraft.com/rcmsec/Models/Model.html
http://www.horizonhobby.com/

[سمك سماك]

Srn6 Hovercraft Rc Model
انسخ والصقة في اليوتاب وسوي بحث وشوف الناس كيف تفكر صح

[lebman]

مشكورين مشكورين يا شباب يا طيبين والله ما قصرتو جميعا وانشالله بعلمكم اذا صار واشتريت

[غريب حبيب]

كنت في ماليزيا قبل سنتين وأردت شراء قارب مثله لنفس الغرض ولكن اتضح ضعف هذه القوارب في الموج وعدم مقاومتها الكاملة للماء, يعني ممكن تروح فلوسك, وبعدين
لو تحمست وارسلته لمدى أبعد من الإرسال سيتحول لمجرد شيء طاف

[عمير]

أخوي خذ وصف المحل اللي يبيع الشغلات هذي من سيارات وقوارب وطيارات بالريموت

الخبر شارع الظهران بعد مجمع الرحمانية أول لفة على اليمين مباشرة من الإشارة

بتكون في شارع الملك خالد من بدايته من شارع الظهران

ثاني تقاطع خذ يمين لين يجيك ميوزك ماستر على يسارك دور لك موقف(الله يعينك) و شوف المحل على يمينك

والله ناسي أسمه لكن دقق ترى ماهو مبين لكن بتشوف الألعاب من القزاز الخارجي

هذا من أقدم محلات الألعاب في الخبر وعنده أنواع الألعاب والمجسمات وشغله شغل محترفين

على فكرة

أمس الصبح كنت في كورنيش الخبر في الواجهة وشفت فلبيني مسوي نفس فكرتك وكانت ناجحة جداً


أتمنى أكون أفدتك

[smg1390]

السلام عليكم ورحمة الله وبركاته
أخي حياك الله وبياك
أنا عندي كمية من هذه القوارب فإذا أردت فهذا جوالي
0507987770