الشناذر هل يزرع بالطير العذاريب

[طرح الشبك]

صبحكم الله بالخير
الشناذره هل صارت عاده يستخدمها كل صقار عندما ينقل الطير من المربط من دون الحاجه لها
العام الماضي نقلت طيري حر من المربط وكان الطير ثنو قلت خلني اشنذر الطير سنتين ما شنذرته اخاف من الشماته ولا شي مع العلم ان الطير شره مره على العلف وحار حتى وقت الربطه المهم (جيت ابي اكحله واعميته ) يوم شنذرت الطير ويزيد شراهته وحرصه على العلف فوق المطلوب صار اذا مريت من عنده وهو مبرقع يطب عليك ويشبطك واذافتحت باب المجلس طب من على وكره وقام يكفخ يبي العلف حتى وقت العصر بالسياره قام يتهبد تخاف لا يشبط اي طير حوله واذا علف بالدس وبرقعته مستحيل يفك الدس مستحيل

انا والعياذ بالله من كلمه انا اقول ماهو كل طير يستاهل انك تشنذره الطير اذا تغيرت نفسه عليك وقله رغبته ذاك الوقت شنذره هاذا الي صار معي العام الماضي وش رايكم يالربع نبي نسمع ردودكم حتى يستفيد الكل

[سلطان 1]

طرح الشبك ياهلا وغلا 0
اما الشناذر ما تعطى الا للطير اللي نفسه عفنه واليا هديته على الصيده كانها صعبه ما اتعب روحه وراها هذا وانا خوك اللي تشنذره وتسنعه الشناذر غصب 0
اما الطير اللي نفسه زينه وعلى الهدد حار هذا ما يشنذر 0
وقتنا الحاضر كل يسمع بالشناذر صارت موضه ان ما شنذرت طيرك منت صقار

[نايف الخالدي]

رعي فاروق ماقصر قال الكلام الصحيح
فيه طيور تجبرك انها تتشنذر وفيه طيورلا والله شرهه وماعنده خلاف

[دهمان]

يفيدونك الاخوان ان شاء الله .

[مخاوي شيهانه]

اشباب ومقصرو

[بدران123]

ارحب ياطرح الشبك مثل ماذكروا الاخوان الطير اللي نفسه زينه مايحتاج لكن الطير اللي يجبرك وتصير نفسه ثقيله لا بالله عطه...
(( فيه ناس حتى الفرخ يشنذرونه اتوقع صارت موضه ))

بالنسبه لي اذا كانت نفسه حلوه ماشنذره العام شنذرت واللي قبله ماشنذرت والحمدلله لقينا اللي يرضينا........

بارك الله فيك اخوي طرح الشبك على هالموضوع.....

اخوك بدران

[فتى آل مرة]

ما تزرع في الطير أي عذاريب بس مهب على أي وقت تعطيه والطير ما يعطا شناذره ألا إذا كان مريض ما يلحق الصيد خشمه مسكر بالوسخ ولا أي شيء مثل كذا.
أخوك- فتى آل مرة

[قرناس ارامكو]

رعي فاروق ماقصر قال الكلام الصحيح

[قشاع الرمث]

السلام عليكم ورحمة الله وبركاته

بالعكس الشناذر امر مهم جدا واعتقد
الطير الي ما بشنذر مثل السكين الي تبي سن .

وانا بالنسبه لي اشنذر الحرارا الوحوش فروخ وقرانيس
والشياهين بعد .

[صقار شياهين]

السلام عليكم ورحمة الله وبركاته

بالعكس الشناذر امر مهم جدا واعتقد
الطير الي ما بشنذر مثل السكين الي تبي سن .

وانا بالنسبه لي اشنذر الحرارا الوحوش فروخ وقرانيس
والشياهين بعد .
:good: :good: :good: :good: :good: اوافقك الرأي لان الصيدة ماتعترض مرتين اذا ماكنت مجهز طيرك مية مية تبي تقول ليتني سويت وفعلت والطير مايصيد لك يصيد لنفسه ودمتم

[قرناس حائل]

مساكم الله بالخير الاخوان

انا اوافق الاخوان بالرأي ان الطيراللي نفسيته زينه ومــــــــــســــــــــتهد بنفس الوقت

انه ما يشنذر صراحة انا احكي من واقع تجربه لكن الطيور تختلف

العام الماضي ما شنذرت الطير وكان الطير ولله الحمد يطرد مطاريد خياليه ( يعني انه كان

يرتفع ارتفاعات خيالية ) ولله الحمد صاد معي اول حبارى وهو ما شنذر هالسنه هذي

بعد ما صاد الطير قمت وشنذرته قلت ابشوف كلام اكثر الصقاقير جلس الطير فتره وهو ما

يطرد زين وبعدها بفتره قاربت حوالي الشهر رجعت مطاريد الطير زي اول ولله الحمد

السؤال هنا كيف تعرف بأن الطير نفسيته زينه ؟؟؟؟

عندي طريقه تحكم على الطير بأنه جاهز وهي فكله حمامة قبل الظهر بشوي وشف مهده

( لكن احرص على المكان ) هنا تبين الطير

لأنك اذا فكيتله حمامه وقت العشى فمن الطبيعي ان يسخر الطير مره

فيه طريقه اخرى تغني عن الشناذره وهي انك تعلف الطير جربوع بجلده, لأن الجربوع يعتبر

منظف طبيعي للطير

هذا ما عندي وتقبلوا تحياتي

[@قرناص@]

رعي فاروق ماقصر قال الكلام الصحيح



>....................................<

[أبو رداد]

اقول ماهو كل طير يستاهل انك تشنذره

صادق اخوي
العرب تقول (اخر علاج الكي)
والشنذره (حبة الاخلاق) بمثابة الكي
لايجوز ظلم الطير (طيب النفس)
اما الاعراض الجانبيه بعد الشنذره فتحصل اغلب الاحيان
بسبب عدم أعطائها بشكل صحيح
(وجهة نظر)

[بن حويرب]

[quote=أبو رداد;2691326]صادق اخوي
العرب تقول (اخر علاج الكي)
والشنذره (حبة الاخلاق) بمثابة الكي
لايجوز ظلم الطير (طيب النفس)
اما الاعراض الجانبيه بعد الشنذره فتحصل اغلب الاحيان
بسبب عدم أعطائها بشكل صحيح
(وجهة نظر)


معاك100%

[عوق الخريش]

حياك الله أخوي

الربع ماقصروا ولاخلولنا مجال ماشاء الله عليهم عطوك العلم الوكاد.....ولآكن

الشناذر زي الكوي أخر طب لنفسية الطير لأانة مضر أكثر من نفع لطير ولآأنصحك فية أبد والطيراللي كل

موسم يشنذر لاتحرص علية دائم تكون نفسيتة تعبانة مرة وكثر الشناذر يتلف الكلاء والرئتين ومن أكبرمسببات

النهيتة هو الشناذر,,,,,,,,,

تحياتي لك ,,,,,,,

[((السنياري))]

عندي طير صار فيه عذروب بسيط من الشناذره

صار ماينحط على المركا ببرقع او بدون برقع وسبه خوفه من الشناذره ولا انحط يكفخ لو انه في برقعه

ولا طاوله يعني اي سطح يكون سيده راح يتخيل انه مركا وادعوه فيها تكتيف

[أبو أمين]

السلام عليكم ورحمه الله وبركاته

الشناذر من رأي مافيها اي عذروب والسالفه كلها هو حسن او سوء استخدام وكما اسلف قبل اخوي ابو رداد وسماها حبه الاخلاق هذا جواب شافي كافي لانه على حسب الطير نفسه زينه ما يشنذر والعكس صحيح

شاكر لك