ابي الحل؟؟؟؟؟؟؟؟؟؟

[قمـــــــــاع]

بسم الله الرحمن الرحيم
السلام عليكم ورحمة الله وبركاته
اخواني عندي طير شريته العام الطير حر تام المشكله انه يكرك((يصايح))
كل ماشاف احد سوا جايع اوشبعان ابي منكم الحل اوطريقة امنع فيها الطير
من هل عادة الشينه مع العلم اني توني بادي في الصقاره ولااملك المعرفه
عن بعض الامور ولكم مني جزيل الشكر000000

[تالي الاولين*]

.


هلا اخوي قماع

اول شي يالغالي يبيلك تقيم الطير بفعلة

يستاهل التعب او لا ....

عشان مايروح تعبك هباء ...

وهذا موضوع لمشرفنا العزيز ميراج

عن الصياح الطير وعلاجة ستجد فيه

ماتبحث عنه ....

http://www.mekshat.com/vb/showthread.php?s=&threadid=13721


تحياتي


.

[قمـــــــــاع]

لسلام عليكم ورحمة الله وبركاتة
اخوي تالي الاولين
الله لايهينك ومشكور على الموضوع ياغالي

[الكنهري]

الاخ قماع ,,,,,

بخصوص موضوع طيرك اللي يصيح اذا جاه أحد , اقترح عليك اقتراح بسيط الا وهو تدهيله اكثر وتعوده اكثر

على حركة الناس واصواتهم . وانشا الله مع مرور الوقت ماعاد يصيح .

وعلى قولة الاخ تالي الاولين اذا كان فعله طيب . فالله يعينك على الصبر عليه ..

[الباهي]

الأصل كُتب بواسطة الكنهري
الاخ قماع ,,,,,

بخصوص موضوع طيرك اللي يصيح اذا جاه أحد , اقترح عليك اقتراح بسيط الا وهو تدهيله اكثر وتعوده اكثر

على حركة الناس واصواتهم . وانشا الله مع مرور الوقت ماعاد يصيح .

وعلى قولة الاخ تالي الاولين اذا كان فعله طيب . فالله يعينك على الصبر عليه ..

[قمـــــــــاع]

اخواني الكنهري والباهلي
الله لايهينكم على الردود الطيبه وبيض الله وجيهكم

[سنافي]

الأخ قمــــاع
السلام عليكم

بالنسبة للطير اللي يكرك ...... فهذا ما هوب عذروب فالطيور اغلبها يكرك وقت المشابط ( التزاوج ) خلال الفترة من تقريبا آخر شهر فبراير الى بداية شهر ابريل بالنسبة للمناطق التي تقع في حدود خط العرض الموازي للجزيرة العربية هذا من ناحيه ومن ناحية اخرى بعض الطيور تكرك من خوفها وحرصها على الأحتفاظ بالصيدة او العلف. و صوت الكرك الذي يطلقه الطير هو صوت متقطع وبشكل سريع .
ومرة اخرى حاول ان تتجنب مسبباته مثل عزل الطير من صيده بدون نسير وتجويع الطير.

اما بالنسبة للطير الذي يصيح ( صوت متصل طويل بطول تنفس الطير ) فكما قال الأخوان موضوع الأخ ميراج خير دليل ومعين لعلاج الصياح.

آمل ان أكون قد افدتك

والسلام عليكم.

[اعقاب]

السلام عليكم ورحمة الله وبركاته

الاخ فماع اضم صوتي الى صوت الاخوه

وهناك تنبيه الاوهو ان بعض الطيور يكرك بل احيانا يصيح ولكن اذا نقلته بعد الربطه ودعيته يتلاشى هذا الصياح

[مارشال]

السلام عليكم ورحمة الله وبركاته
حسب ماعلمنا من اللي صقرو طيور صياحه ان هذا عذروب قل ما يجد له الصقار حلاً اما مسألة علاجه بالتدهيل فهي غالبا غير مجديه لأن الصيحه غالبا تكون صيحة ولف وليست من جوع او وحاشه,
ودليل عدم وجود حل مجدي لهذه المسأله نزول قيمة الطير الصياح في البيع نزولاً واضح وترك الناس له خوف من هذا الطبع
مع احترامي وتقديري لمشرفنا الفعال ميراج ان كثير من الطرق اتبعت لكثير من الطيور القرانيس ولم يظهر اهلها بنتيجه لأن مثل ما ذكرت ان المشكله صيحة ولف وليست من جوع او وحاشه فاصبحت طبع في الطير.
ارجو ان اكون افدتك يا قماع
وتقبل تحياتي .

[قمـــــــــاع]

السلا م عليكم اخوي سنافي واعقاب وجراش
الله يعطيكم العايه جميعأ على حرصكم على الرد وامل من الله ان
يوفقكم ويرحم والديكم ومشكورين وماقصرتم

[الباهي]

اسمي الباهي

وليس الباهلي

[امير الرفيعه]

اخوي قماع السلام عليكم ورحمة الله وبركاته
بالنسبه لطيرك فأقول خله على يدك دايم يعني دهله وعوده على الناس والصياح .
وعاقبه بالبرقع كل ماصايح وهو على يدك ويبيله اقل شي ساعتين على يدك وان شا الله مع مرور الوقت يتعود
على الناس . وادعلنا الله يوفقك.

[المنتظر]

الله لايهينك اخوي امير الرفيعه
على المعلومات والافاده والشكرك بعنف
وماتقصرررررررر0