المساعد الشخصي الرقمي

مشاهدة النسخة كاملة : قدر الكاتم المغربي ( Inox ) رأيكم فيه وملاحظاتكم .. لاهنتم


أبونورة777
07/05/2009, 12:50 AM
http://www.mekshat.com/pix/upload02/images91/mk64536_1-1.gif


الأعضاء المبدعين الكرام .. في هذا الموقع الراقي ..


السلام عليكم ورحمة الله وبركاته .. وتحية طيبة للجميع


شباب ؟ أبي رأيكم بالكاتم المغربي ( INOX )


ملاحظاتكم ..


نصائحكم ..


الطريقة الصحيحة للطبخ فيه ..


<<<<< ( مكبر المسألة .. بس ما ينلام بعد الحادث اللي صار مع الكاتم السابق :j )



أنا قالو لي .. انه يجي بعد ( سب ) الفرنسي


رحت اشتريته بعد ما فقع بي الماخوذ ( السيف ) بعد عشرة دامت فوق 3 سنوات




هذي صورته
http://www.mekshat.com/pix/upload03/images111/mk64536_1111-1111.jpg





ومعه هالمشخالة .. قولو لي وش موقعها من الإعراب ؟


http://www.mekshat.com/pix/upload03/images111/mk64536_55-55.jpg


طبعاً الكاتم ( ستيل )


سعته 10 لتر


سعره 280 ريال



أتمنى إبداء الملاحظات عليه .. ورأيكم فيه .. ولامانع إذا فيه أحد ما أعجبه يقول .. أهم شي أشوف ردودكم



وجزاكم الله خير مقدماً



محبكم .. أبونورة
السهلى 1
07/05/2009, 01:06 AM
اخى الكريم بعد التحيه :

المشخال يستعمل ( للكسكس المغربى ) نوع من البرغل يطبخ على البخار ويتميز فيه دول المغرب العربى .
أبونورة777
07/05/2009, 01:13 AM
اخى الكريم بعد التحيه :

المشخال يستعمل ( للكسكس المغربى ) نوع من البرغل يطبخ على البخار ويتميز فيه دول المغرب العربى .


آهااا .. جزاك الله خير اخوي

لكن ما قلت رأيك بالكاتم ؟ ;)
abo sal7
07/05/2009, 01:38 AM
والله شكله وحده بوحده وانا ما جربته بس حلووه طريقة الطبخ على البخاار..

تقبل مروري...
ذgggق
07/05/2009, 02:03 AM
والله ودي ب كاتم بس مدري وش افضل شي خصوصا للطبخ على النار ؟
المبتكر1
07/05/2009, 01:08 PM
السلام عليكم
قدر ضغط التيربو ألماني ... الحقيقة لا أظن له منافس
غالي السعر بس يستاااااااهل فخم بكل ما تعنيه الكلمة .وشكرا
أبونورة777
07/05/2009, 01:49 PM
شكراً شباب .. على لطف المشاركة

والأخ المبتكر1 نعم اخوي فيه أفضل منه .. بس معقولة أشتري كاتم بـ 650 ولا 800 ريال

واخليه للأهل ولي ألعب فيه ؟ صعبه صراحة


هذا القدر ميزته سعره معقول .. وأصلي وتم تجربته .. صراح إبداع في إبداع وأنصح فيه بقوة :good:
ترهيم
08/05/2009, 04:56 AM
السلام عليكم

دامك شريته الله يعطيك من خيره ويكفيك شره ...

وعطنا اخباره سراحه اعجبني شكله وسعره معقول ..
واحد من الشباب الله يجزاه بالخير اشتري واحد على ماظن فرنسي ب600 او 700 ريال تقريباُ سراحه بنسبه لي استخسرها على قدر ضغط بستخدمه بالبر ولكل شخص وجهت نظر ..
عندي انا اثنين السيف وزي الحلاوه معي بس الاحظ الانواع الي بدت تنزل مو زي جودة اول زي مانزل ..

ياليت تجربه وتبلغنا كيفه وكيف الفتره لطبخ ... وبنسبه للمشخال جرب عليه الذره خار فله ...
وشكلي بثقل عليك شوي عطنا خبر وش صار معك مع السيف السابق لانك خوفني منه :)
راعي المجهم
08/05/2009, 05:12 AM
المشخال عشان تغسل الرز فيه
B A R E K
08/05/2009, 05:21 AM
هذا قدر اكسبرس مغربي والا <<< يا غبيه ها الولد ..


صراحة ها القدر له معي أكثر من سنتين وما شاء الله عليه قدر يبرد كبدك ..


ولا قد نقدت عليه شيء ابدا ..
لعّاب المنايا
08/05/2009, 06:01 AM
والله وانا أخوك

بالنسبه للسب ماشاء الله تبارك الله خدمه من عام 1422هـ وإلى يومك ولا ودي اغيره بسم الله عليه ,,
أبونورة777
08/05/2009, 02:33 PM
السلام عليكم

دامك شريته الله يعطيك من خيره ويكفيك شره ...

وعطنا اخباره سراحه اعجبني شكله وسعره معقول ..
واحد من الشباب الله يجزاه بالخير اشتري واحد على ماظن فرنسي ب600 او 700 ريال تقريباُ سراحه بنسبه لي استخسرها على قدر ضغط بستخدمه بالبر ولكل شخص وجهت نظر ..
عندي انا اثنين السيف وزي الحلاوه معي بس الاحظ الانواع الي بدت تنزل مو زي جودة اول زي مانزل ..

ياليت تجربه وتبلغنا كيفه وكيف الفتره لطبخ ... وبنسبه للمشخال جرب عليه الذره خار فله ...
وشكلي بثقل عليك شوي عطنا خبر وش صار معك مع السيف السابق لانك خوفني منه :)


آمين .. جزاك الله خير يالغالي

أخباره تسرك ان شاء الله .. بعد تجربتين حتى الآن ( وبكل أمانة ما في مقارنة بينه والسيف الله لا يعيده )

وبالنسبة لقدور السيف الجديدة .. خلك منها .. خلاص السيف الأول ما عاد يجي ( كل الباقي خرطي ) :no2:

وبخصوص .. فترة الطبخ .. طبعاً أقل بشوي من القدور الثانية .. لأنه ستيل ومعروف الستيل يحتمي بسرعة واللي بوسطه يروح فيها لو طولت عليه .. ( وهذي ميزة طيبة في هالقدر )


أما حكايتي مع القدر السابق ( السيف ) .. باختصار .. قلت للأهل جهزو كل شي علشان نبي نطبخ فيه ( طبعاً في البيت ) حطينا كل شي .. وشغلت عليه .. وطلعت .. رجعت بعد ما بدا ( ينسم ) سمعت صوت التنسيم غريب اليوم .. قربت منه حصلت فيه تنسيم مع الأطراف .. جيت بحاول أشد عليه شوي .... لكن وأنا أشد صارت الكارثة .. بس الحمد لله جت سليمة .. انفجر واليد لفة كم لفة من قوة الانفجار وطار شوي من الرز والموية طلعت وروشتنا شوي ... بس الحمد لله فكنا الله ( الغطا طلع شوي بس ما طار ) .. هذا كل شي

بعد كذا .. قلت للأهل .. هالقدر الوعد الزبالة ( الله يعزك ) ..

ورحت السوق وشفت هذا واعجبني وبما انه يجي بعد ( سب ) الفرنسي وسعره معقول .. اشتريته علاطول

وهذي كل الحكاية ..

طبعاً .. صراحة أنصح فيه


ولا أنسى اشكر الشباب اللي شاركو في الموضوع .. جزاهم الله خير
أبونورة777
08/05/2009, 02:41 PM
هذا قدر اكسبرس مغربي والا <<< يا غبيه ها الولد ..


صراحة ها القدر له معي أكثر من سنتين وما شاء الله عليه قدر يبرد كبدك ..


ولا قد نقدت عليه شيء ابدا ..


أخيراً حصلت واحد استخدمه ..

وشكراً لك اخوي .. شهادة نعتز فيها

اللي عندك كم لتر وبكم أخذته ؟

بالتوفيق
B A R E K
09/05/2009, 02:44 AM
أخيراً حصلت واحد استخدمه ..

وشكراً لك اخوي .. شهادة نعتز فيها

اللي عندك كم لتر وبكم أخذته ؟

بالتوفيق


والله وانا اخوك اللي عندي 7 لتر ..

ولا اذكر بالضبط كم قيمته لكنها حوالي 150 ريال تنقص شوي اوتزيد <<<< رفيقك نساي ..

والله يوفقك ان شاء الله ..
فهدالغيهب
09/05/2009, 05:18 AM
وعليكم السلام ورحمة الله وبركاته

الغالي : أبونورة [سلمك الله]

شكل الكاتم نشمي ودي بواحد وين أحصله وهل فيه مقاسات.

الله لا يهينك

والله يرحم والديك
ديزب
09/05/2009, 05:35 AM
بسم الله توكلت على الله ..
القدر المغربي اكس برس ممتاز وانا مجربه من سنوات وعملي ولا عليه ملاحظات
سعره مناسب وشكله مقبول (صار شغالة ) ... وفيه منه مقاسات ..
واللي مكذب يجرب ..
سعود الحربي
09/05/2009, 07:53 AM
اولا الحمد لله على السلامه وبكل صراحه من يستخدم السيف اقول له من الافضل لك القدر العادي مليون مره من الزباله الله يكرمكم قدر السيف

قدر السيف ايها السعوديين يتحلل ويسبب امراض مع الزمن نصيحه لله اشتر صحتك واترك السيف الخايب

اما القدر المغربي انا استخدمت اكس برس المغربي 10سنوات والله انه ابداع في ابداع عندي الفرنسي والمغربي وبكل صراحه افضله على الفرنسي

والله يعطيك خيره ويكفيك شره

اخوك
أبونورة777
10/05/2009, 01:00 AM
والله وانا اخوك اللي عندي 7 لتر ..

ولا اذكر بالضبط كم قيمته لكنها حوالي 150 ريال تنقص شوي اوتزيد <<<< رفيقك نساي ..

والله يوفقك ان شاء الله ..

ما شاء الله .. والله يوفق الجميع .. والله الله بالهداوة عليه يالغالي تراه يستاهل كل خير :good:
أبونورة777
10/05/2009, 01:03 AM
وعليكم السلام ورحمة الله وبركاته

الغالي : أبونورة [سلمك الله]

شكل الكاتم نشمي ودي بواحد وين أحصله وهل فيه مقاسات.

الله لا يهينك

والله يرحم والديك


حياك الله اخوي ..

اي نعم الكاتم راح يعجبك .. وهذي شهادة الشباب فيه ( جزاهم الله خير ) تكفيك ..

تحصله إذا انت بالقصيم .. عند الفوزان ( للأواني المنزلية ) ببريدة ( اشتريته منهم لأني معاملهم وعندهم قسم للصيانة ولو خرب ولا صار له شي بعد عمر طويل .. أقدر ارجع لهم ويضبطونه لي ) ..

وفيه عدة مقاسات ..

وإذا انت بعيد وتبي أشتري لك واحد .. أبشر بسعدك يالغالي لا يردك إلا لسانك

تحياتي
أبونورة777
10/05/2009, 01:07 AM
بسم الله توكلت على الله ..
القدر المغربي اكس برس ممتاز وانا مجربه من سنوات وعملي ولا عليه ملاحظات
سعره مناسب وشكله مقبول (صار شغالة ) ... وفيه منه مقاسات ..
واللي مكذب يجرب ..


يعطيك العافية اخوي .. شهادة نعتز فيها .. وشكراً على الإفادة والمشاركة ..
أبونورة777
10/05/2009, 01:11 AM
اولا الحمد لله على السلامه وبكل صراحه من يستخدم السيف اقول له من الافضل لك القدر العادي مليون مره من الزباله الله يكرمكم قدر السيف

قدر السيف ايها السعوديين يتحلل ويسبب امراض مع الزمن نصيحه لله اشتر صحتك واترك السيف الخايب

اما القدر المغربي انا استخدمت اكس برس المغربي 10سنوات والله انه ابداع في ابداع عندي الفرنسي والمغربي وبكل صراحه افضله على الفرنسي

والله يعطيك خيره ويكفيك شره

اخوك

الله يسلمك يالغالي .. وكلامك عن السيف صحيح صراحة ..

وجزاك الله خير
فهدالغيهب
10/05/2009, 05:58 AM
حياك الله اخوي ..

اي نعم الكاتم راح يعجبك .. وهذي شهادة الشباب فيه ( جزاهم الله خير ) تكفيك ..

تحصله إذا انت بالقصيم .. عند الفوزان ( للأواني المنزلية ) ببريدة ( اشتريته منهم لأني معاملهم وعندهم قسم للصيانة ولو خرب ولا صار له شي بعد عمر طويل .. أقدر ارجع لهم ويضبطونه لي ) ..

وفيه عدة مقاسات ..

وإذا انت بعيد وتبي أشتري لك واحد .. أبشر بسعدك يالغالي لا يردك إلا لسانك

تحياتي





قل امين

الله يجزيك الجنة ووالديك ويحفظك من كل شر

معدنك ذهب أصيل .

لا أنا وأنا أخوك لقيته أمس في شارع السبالة في الرياض .


وأشكرك مرة أخرى وماقصرت الله يحفظك.
زايــ ابومحمد ــد
10/05/2009, 06:14 AM
اخوي00 انا الاكسبرس المغربي شاريه عام 1416
12 لتر بـ 270 ريال والحمد لله ماشفت منه الا كل خير00