إستفسار يأهل مكشات عن البطارية الإضافية

[راحة باال]

السلام عليكم ورحمة الله ،،،
يالله حيهم كلن باسمه يا مكشاتية الخير أنا عندي جيب لاند موديل 2003 وقبل سنتين تقربياً وديته لمحل وسلك لي الكهرب (كنود واللمبة و...و....و....) لكن جزاه الله خير حاسني:mad: إلى الحين وأنا أصلح في الكهرب إلتماسات وغيرت الظفيرة :( وبعد طول معناة وتفكير:cool: قلت أبلغي كل تسليكاته وأبركب بطارية إضافيه هل تنصحوني؟؟؟ والسؤال الثاني يالنشامى عند من أركب؟؟ وهل فيه محل مختص؟؟ لأني خايف أروح وأتعب وماسوينا شي:confused: تبقى الإلتماسات ويبقى الكهرب حوسه ياليت تنصحوني بمحل مختص بتسليك بطارية إضافية وأبيه يشيك على الكهرب ولا تبخلون بتجاربكم ونصايحكم.

[لاتكب البيالة]

حياك الله اخوي

انا يالغالي تخصصي كهرب وانا اجزم ان الكهرب هو اسهل شي بالسيارة ونفس الوقت هو اخطر شي
واكثر العمالة اللي تشتغل بالكهرب ما عنده ادنى معلومات عن هالشغلة يعني كل الدعوة تجربة على هالعالم
لكن اذا تبي نصيحتي ركب اللي تبي وسلك لكن دور لك واحد سعودي دارس دراسة
ثانيا خله يركب لكل شي فيوز وهذا يفكك من الالتماسات ان شاء الله
الكتاوت لا تاخذ الا الانواع الاصلية وليت تجيبة انت بنفسك وتكون التيار اللي تحمله يفوق التيار اللي يسحبه الجهاز اللي موصله عليه عشان ما تحتمي

صراحة ما اخبر لك واحد يعني انصحك تروح لمه لكن ان شاء الله الشباب يعلمونك

[ابو عود]

رح لسوافي في مخرج 18
اذا تعديت مخرج 17 خلك ماسك اليسار
الين تجيك محلات على اليمين
اذا انتهت المحلات لف بعدها يمين
بعدين 3 لفه يمين خش معها يجيك المحل علي يمينك

لا تنسانا من دعائك

[ملف علاقي]

تحياتي اخوي اكيد الي ركبلك الأول حط لك كلش دايركت وهذا اكبر مشكله وزين ما
احترقت عليك السياره انا رحت لم واحد سعودي مدحوه لي وزبط موتري بس الصراحه شغل نظيف مره كنه وكاله إذاتبي تروح له شوف شغله كل السيارات الي عنده جيوب وحقين ترهيم هو موجود بصناعية النسيم واسمه علي مااضن محمد الدغيري ابو صالح رقم جواله /0556424658
وإنشاالله يفيدك 00

[العرمه]

رح لسوافي في مخرج 18
اذا تعديت مخرج 17 خلك ماسك اليسار
الين تجيك محلات على اليمين
اذا انتهت المحلات لف بعدها يمين
بعدين 3 لفه يمين خش معها يجيك المحل علي يمينك

لا تنسانا من دعائك

الله يجزاك خير اعد الووصف اي مدينه اي صناعية

اذا قصدك صناعية الدائري بالرياض اذا مسكت يسار بعد 17 معناه اني ابي ادز للخرج

[ابو عود]

في الرياض اخوي العرمه مخرج 18

[راحة باال]

جزاكم الله خير
صدقت أخوي لاتكب البيالة العماله ماعندهم إلا التجربة(تعلم الحلاقة في رووس العميان )هههه.
ماقصرت يبو عود بس وشو هل المحل ودي تبين تخصصه وهل هاذي شغلته وتحملني جزاك ربي خير.
ملف علاقي مشكووور ألف شكر يالسنع وبيض الله وجهك.
وياخوي العرمه التفصيل زين وأشكر لك حرصك .وأتمنى من بقية المكشاتيه الي جربوا وركبوا بطارية إضافية لا يبخلون علينا بتجاربهم ونصايحهم والشكر للجميع ماقصروا

[khA]

والله ما عندي خبره لكن الأخوان بيفيدونك

[العائم بالصحر]

اول شيء الحمدلله على السلامة ولا يجعل شغل الكهربائي نقص عليك لكن أقول عليك بالسعودي تراه لو مايعرف ينصحك ويوصيلك احد يعرف فالله الله بالسعودي

[Nasser-ahah]

هلا بك ولله

شف أعرف كهربائي سعودي خبير وفاهم شغلته

ما شاء الله تبراك الله دائما محله زحمة

انا معي Gxr 97 وكان فيه ظفيرة كلها ملتمسه حقت الجير من تحت
هو اللي إكتشف الإلتماس لأنه كان يقطع الفيوز
وتراه يركب لك بطارية إضافية ويكشف لك على كل الإلتماسات اللي في السيارة من الصدام إلى الصدام 0531834606
ولله إنه فاهم ويخاف الله
وهذا رقمه

[مدمن فتك]

لو انك بالشرقيه لاتتعدى البتار ابو ابراهيم فعلا ماشاء الله وكااااااااله

[عز الدواسر]

هذي بعض النصايح:
1-السلك اللي طالع من الدقمة للبطاريتين يكون مثل كيبل الاشتراك.
2-الفيز من الدقمة للبطارية ليس له اهمية واذا انت ملزم خذ فوق 60.
3-اي سلك يخرج من البطاريه الاضافية ضع فيه فيز ويفضل 20فأقل.
4-ضع رصاص على اي وصلة بين الاسلاك.
5-لتكن الاسلاك الخارجة من البطارية الاضافية اقوى من اسلاك الاجهزة.
6-يفضل وضع الاسلاك في جرجور ليحميه من الحرارة.
اتمنى ان اكون قد افدتك.

[راحة باال]

أخوي Kha ما تقصر والاخوان مايقصرون موب غريب عليهم الفزعه عسى الله لايخلنا من مكشات
أخوي العائم بالصحر الله يسلمك ويحفظك وصدقت السعودي فيه أمانه موب مثل هالبنقال!!!
أخوي ناصر هلابك وبيض الله وجهكـ ما قصرت كفيت ووفيت
مدمن شروكي ماتقصر ياخوي فزوع
عز الدواسر أفدت وأجدت الله يرفع قدرك ويعزك ياعزيزي نصائح هامه وقيمة الله يكتب أجركـ وجميع من شاهد الموضوع ورد وعلق ،، شكراً لجميع أهل مكشات