يهمني دخولكم

[مخلف الهقوات]

مساكم الله با الخير .يهمني دخولكم

كيف حالكم يا الربع ان شاء الله انكم بخير فية موضوع ودي اني نتناقش فية بس الرجاء اخذ الموضوع باريحية . كلنا صقاقير وكلنا نملك طيور والحمد لله هذا ماهو عيب هذا فخر بس الي احب اسال عنة هل حنا وصلنا الى درجة انة يقال عنا انا حنا صقاقير بمعنى ثاني لما اقول فلان صقار ينطبق على كلامي معاني كثيرة منها اهتمامي با الطير سواء بقرناسة او با المقناص سواء بتخليصة اوتدهيلة او غيرها من الآمور ملاحظة اتمنى كل واحد يقراها (الصقاقير الغرب يقولون بنقاشهم اننا حنا مو صقاقير والسبب اننا حنا في الخليج والكلام ما ينطبق على كل الناس الواحد منا يروح يشتري الطير فاعل ساء لحاق او طلاع ويهد ويقول انا صقار) ولا فية احد احسن مني لاحد يزعل من كلامي هذا واقع وانا واجهتة الشي هذا وانا طبعا مع كلامهم بدون ما احد يزعل انا ما اقصد اسيء لائي شخص من في المنتدى بس موظوع حبيت اني اناقشه معكم لاننا كلنا تجمعنا هواية والبعض تجمعنا فية زمالة ؟؟؟ طبعا اكيد فية بعض الزملاء بيوجة سؤال لي بيقول ها انت تشوف نفسك انك صقار؟ طبعا الاجابة وبكل اريحية وبا اعتراف مني اقول نعم الى الحين ما وصلت الى درجة يقال عني اني صقار والسبب انو فية اخطاء تصير مني با المقناص ؟؟ اتمنى يا الربع ما احد يفهم كلامي بمعنى خطا واتمنى تكون اجابتنا واقعية مشكورين مقدما على دخولكم للموضوع

[المري]

مرحبا اخوي مخلف الهقوات..

-فيه صقار يصقر الطير صقارة راكدة وزينه وتحصله يدهل ويطبع الطير اطبوع زينه.
- وفيه صقار اصقارة محقا بس قنيص اغبر يحصل الصيدة واذا هد طيره تحصله عليه اقصور.
- وفيه صقار اصقارة حليوه وعرفه في الطيور بسيط ومقناصة مش حالك. مايتعب في المقناصز
-وفيه صقار خبير في الوان انواع الطيور في دهاله امحق وعجل على الطير.


المهم كل صقار له سلبيات وعسى الله يخارجنا..

وتسلم على الموضوع..
اخوك - المري

[سلطان 1]

انا اقول والله اعلم ان الشخص اللي يجمع هالنقطتين \..


1- شخص يصقر الطير صقارة راكدة وزينه وتحصله يدهل ويطبع الطير اطبوع زينه.


2- شخص خبير في الوان و انواع الطيور


يطلق عليه صقااااااااااااااااااار \ والصقااااااااااااااااااره بحر مالها حد 0


وابو معيض ما قصر والله يبيض وجهه 0



مخلف الهقوات لا هنت على الموضوع الرائع

[عوق الخريش]

وعليكم السلام ورحمة الله وبركاتة:

حياك الله أخوي الغالي وموضوعك صراحة جميل جداّ

الصقار وناخوك هو أللى يطبع ويدرب ويعالج الطيروخاصة الوحش

وأما الشباك هذا غير والقناص أيضاّغيرلهم ماأراب أخرا ....وممكن

تحصل واحد مجتمعة فية هذة الصفات يكون شباك وصقار وقناص ,,,

تحياتي لك ’’’’’’’

[مخاوي شيهانه]

:good: :good: :good:-اشباب مقصرو

انا اقول والله اعلم ان الشخص اللي يجمع هالنقطتين \..



1- شخص يصقر الطير صقارة راكدة وزينه وتحصله يدهل ويطبع الطير اطبوع زينه.


2- شخص خبير في الوان و انواع الطيور


يطلق عليه صقااااااااااااااااااار \ والصقااااااااااااااااااره بحر مالها حد 0


وابو معيض ما قصر والله يبيض وجهه 0




مخلف الهقوات لا هنت على الموضوع الرائع

[أبو أمين]

مافي احد بالدنيا هذي ما عنده اخطاء والي يقول غير كذا ماعنده سالفه

طيب عشان كذا لو سويت خطأ اصير بقاااااار يعني لازم اصير كامل وخالي من العذاريب عشان اصير صقار عزالله لو انها تحسب كذا كان صارت علوووووم

[ابوخالد المطيري]

السلام عليكم
اويد اخونا مخلف الهقوات انه يوجد صقار ويوجد هاوى صقاره اما من ناحية الخطا كل يخطي الصقار وغيره هذا راى سواء صواب ام خطا
ولكم مني جزيل الشكر
والله يجيب المقناص وحنا بخير

[بو غازي]

السلام عليكم ورحمه الله وبركاته
انا اقول ان الي ياخذ له وحش ويصقره ويدهله ويطبعه ويهده ويصيد به
هذا صقار.

[خيال الصبحا]

حياك الله يامخلف الهقوات
فيه واحد من الشباب طلع مع صقاقير قانصين وهو مخاويهم يوم رجع قال صرت صقار!!!
حقيقة الصقارة كلمة تطلق على كل من نقل طير وهذا الدارج
ولكن لو قلت متى تعتبر نفسك صقار؟؟
بعضهم يقول : إذا دهلت الوحش وصدت به حبارى وقرنسته وعالجته إذا مرض فأنا بهالحالة صقار ، ولكن أنا مااقول هالشيء ، أنا أقول أصير صقار إذا تحداني شخص ورديت عليه مثل رد راعي فاروق ذاك الوقت أعتبر نفسي صقار أما قبل كذا فلا والف لا
..
بقى وش رد راعي فاروق ووش التحدي
...
التحدي كان عن صيد الطير للسوادية وهذا رد راعي فاروق
-
انا جاهز ولا ابيله حمامه نروح انا وياه للبر واليا عرضت سواديه من الخلا بعرضها طيري وان صادها ما بيله فلوس وان افلس وهي ما هيب رايحه سبق بتروح كان الله ما كتب ان الطير يصيدها بعطيه 5000
-
ياراعي فاروق عشت وعاشت علومك *** أنا أشهد أنك عطيت العلم راعيه
ذيك الحزة أصير صقار أما قبلها لو دهلت طير وصدت 1000حبارى فأنا ماني صقار ، والله أعلم

[هواي داورد]

السلام عليكم ورحمه الله وبركاته
انا اقول ان الي ياخذ له وحش ويصقره ويدهله ويطبعه ويهده ويصيد به
هذا صقار.

هذا الكلام

[عمرالعامر]

بيظ الله وجهك على الطرح الراقي

سؤلك وجيه جدأ

وجوابي الصقار الي يعرف أنواع وعمار الطيور الحرار والشواهين وجريء على معالجتها دون الجوءللطب

الحديث ويعرف مدارج الحباري والكراوين وثريها صبح ولا لليل ومنعس ومقام الكروان ولأرنب

ويعرف القيعان من خبرة ولا سوال أخبر مو يمشي على أحداثيات سبق حفظها ونسخها من الغير

ويعرف متى ملفى الحبارى والكروان وين القاع الي فيها أرنب.

من حق من يمتلك كل هذة الخبرة أن يطلق على نفسة صقار.

لست بأفقهكم علمأولا أكبركم سنأ ولاكن من باب خبرتي ومعايشتي لشيبان أجتازو ماسبق ذكرة

[بـــن خــتروش]

الله يمسيكم بالخير

في رايي انا ان كل من ينقل الطير للقنص ويعرف يصقره يقال عنه صقار ولكن الصقاره علم وله مراتب وتختلف الصقاره من شخص لآخر حسب الخبره والمهاره

[سفير الشهامه]

الله لايهينك على الموضوع يامخاوي ....... والشباب ماقصروا على الردود ..... وفعلا الصقاره تختلف من صقار لاخر مع احترامي لكل من يرتاد هذي الهوايه وانا واحد منكم....... ولالااوصيكم اللي يستطيع خوة الشيبان عليه بخوتهم ........................................ تحياتي

[دلوع الهوى]

كلام الاخوان كلة جيد ماعلية نقص وابيض وجة

[شبراق]

مساكم الله با الخير .يهمني دخولكم

ملاحظة اتمنى كل واحد يقراها (الصقاقير الغرب يقولون بنقاشهم اننا حنا مو صقاقير والسبب اننا حنا في الخليج والكلام ما ينطبق على كل الناس الواحد منا يروح يشتري الطير فاعل ساء لحاق او طلاع ويهد ويقول انا صقار) ولا فية احد احسن مني



من متى صارو هم صقاقير عشان يعلمونن صقارتنى الغرب ويحددون الصقار من غيره



---------

انا بنظري الي يفرز الطير الطيب ويهقابه وهو وحش ويدهله ويصقره ويهده ويصيد هذا صقار رقم 1

والصقاره مراتب يعني الي مايصقر وحش مهب صقار مهب صحيح فيه ناس تشيل الطيور فاعله ولا تعرفله

ونا اقول كل هاوي وشال طير يسمى صقار لكن بمراتب فيه البخيص وفيه الاقل وهي تعتبر مراتب

[أبتسم دائما]

يا مخلف الهقوات

تحية لك ولكل الزملاء في المنتدى
ياسيدي

هي ثلاث صفات

شباك
صقار
وقناص

هذه الثلاث متى ما جتمعة في شخص واحد يعتبر هو الافضل...

اضف لها في وقتنا الحالي الشريطي الذي يعرف انواع الطيور وله اتصلات تساعده في جلب المكاسب وطرق لتسويق

لتوضيح
الشباك يستطيع شبك الصقر بسهوله
الصقار يدرب الصقر لصيد وللهدد
القناص هو الذي يبحث عن الصيد ويتمكن من مقبلة الصقر والطريده وحظه نصيبه

متى ماشبكت صقر وصقرته وقنصت وصاد فانت صقار مكتمل الصفات

ابتسم دائما

[نبع الدموع]

وعليكم السلام ورحمة الله وبركاتة:



حياك الله أخوي الغالي وموضوعك صراحة جميل جداّ


الصقار وناخوك هو أللى يطبع ويدرب ويعالج الطيروخاصة الوحش


وأما الشباك هذا غير والقناص أيضاّغيرلهم ماأراب أخرا ....وممكن


تحصل واحد مجتمعة فية هذة الصفات يكون شباك وصقار وقناص ,,,


تحياتي لك ’’’’’’’

رحم الله والدينك يا عوق الخريش و انا معك في كلامك الصقار الي متمرس في علوم الطير من قبل شبكة
لين الصيد و الخطاء مافينا الي ما يخطي





حياك الله يامخلف الهقوات

فيه واحد من الشباب طلع مع صقاقير قانصين وهو مخاويهم يوم رجع قال صرت صقار!!!
حقيقة الصقارة كلمة تطلق على كل من نقل طير وهذا الدارج
ولكن لو قلت متى تعتبر نفسك صقار؟؟
بعضهم يقول : إذا دهلت الوحش وصدت به حبارى وقرنسته وعالجته إذا مرض فأنا بهالحالة صقار ، ولكن أنا مااقول هالشيء ، أنا أقول أصير صقار إذا تحداني شخص ورديت عليه مثل رد راعي فاروق ذاك الوقت أعتبر نفسي صقار أما قبل كذا فلا والف لا
..
بقى وش رد راعي فاروق ووش التحدي
...
التحدي كان عن صيد الطير للسوادية وهذا رد راعي فاروق
-
انا جاهز ولا ابيله حمامه نروح انا وياه للبر واليا عرضت سواديه من الخلا بعرضها طيري وان صادها ما بيله فلوس وان افلس وهي ما هيب رايحه سبق بتروح كان الله ما كتب ان الطير يصيدها بعطيه 5000
-
ياراعي فاروق عشت وعاشت علومك *** أنا أشهد أنك عطيت العلم راعيه

ذيك الحزة أصير صقار أما قبلها لو دهلت طير وصدت 1000حبارى فأنا ماني صقار ، والله أعلم

اخوي خيال الصبحا ما من قصور في راعي فاروق
لاكن التحدي في طير ماهو في صقارة طير و الطير الفارط لا لقى جرد مضبوط بيصير فارط
مع اي انسان يعرف يجرد طير