المساعد الشخصي الرقمي

مشاهدة النسخة كاملة : سؤال عن قربة الموية الشراعية .. اللي تحط على الصدام ..


isuzu.2007
08/05/2009, 06:30 PM
بالنسبة للقرب .. فيه عدة أنواع .. سؤالي .. ما هو أفضل نوع .. السنيدي .. أو حقت الكويت مدري وش اسمها .. أو الخضراء شفتها في الغرابي ..

و السؤال الثاني عن طريقة استعمالها و تنقيعها و بعد التنقيع أخط فيها سكر و الا دقيق لاني سمعت كلام واجد ..
فافيدونا ماجورين .. و عطونا تجاربكم ..
بدر الجديد
08/05/2009, 08:10 PM
انا جربت الالمانيه وارد الهدلق الكويت الصراحه بالنسبه لي لايعلى عليها جوده ومتانه وهي المعروفه في السوق من سنين
وطريقه استخدامها في البدايه تعبيها وتعلقها في مكان مكشوف وكل مانقصت تزيد المويه في البدايه راح يكون فيه تهريب مويه كثير وبعد 4-5 ايام راح تشد معك ويقل التهريب وتعمتد عليه وبالتوفيق
ترهيم
08/05/2009, 08:46 PM
السلام عليكم

انا جربت الهدلق اول ماخذيتها تهريب مو طبيعي جلست ثلاث ايام تهرب مو تهرب تصب صب .. انا شكيت في جودتها وواحد من الشباب الله يجزاه بالخير قالي حط سكر حطيت فيها بيالتين سكر وعبيتها فل مويه وبعدها جبت قدر اكبر منها ومليته مويه ونقعتها فيه يوم كامل ...
والحمد الله عال العال بلعكس ودي ان التنديه تزيد عشان تبرد اكثر لان التنديه صارت طفيفيه مادري هل هو من التنقيع والسكر او ان التنقيع لحاله يكفي مادري هو اقتراح واحد من الشباب وانا جربته ..

فيها عيب واحد الان مكان الفتحه الي يصب منها الماء فيه تهريب جنب اللولب حق الاغلاق تهرب مو بسيط يوم تجي تصب مويه واحد من الشباب يقولي(( الاسكافي ))يصلها يخيطها ...
ولا وديتها لان انا استخدمها في مخيم فتكون معلقه بالخيمه ولاتتحرك بس بسياره ممكن تهرب اكثر ..
سطام vip
08/05/2009, 09:16 PM
بسم الله الرحمن الرحيم

هلا بك اخوي انا طرحت نفس سؤالك ولحد الان ما لقينا اجابه كافيه وافيه

وهذا رابط الموضوع والاخوان ما قصروا طرحوا تجاربهم بس نبي شي مؤكد
والاغلبيه يمدحون الهدلق لاني جربت السنيدي تهريبها واجد شوف الرابط

http://www.mekshat.com/vb/showthread.php?t=196493

وان شاء الله يفيدك انا صراحه قربتي اخبر اني معلقها في شجره لها فوق 3 اسابيع هههههههههههه ناسيها في المزرعه

ذكرتنيها الله يذكرك الشهاده

دمت بحفظ المولى
isuzu.2007
08/05/2009, 09:38 PM
بيض الله وجيهكم ..

سطام .. قريت موضوعك .. من خلال التجربه وش اللي طلع معك ؟؟..
سطام vip
09/05/2009, 01:08 PM
هلا بك اخوي ايسوزو

يالغالي ما طلع معي شي اقولك خبري بها اني معبيها ماء

ومعلقها على شجره في المزرعه وناسيها من 3 اسابيع

شكلها تحنطت مو بس نقعت هههههههه

يعني نشفت واكيد مع هالغبار انقلب لونها

اذا انت في الرياض ابوصف لك محل تاخذها منه جاهزه

اسم المحل نوماس في مدخل الشفا ناوي امره واشتري منه وحده

واهو يمدح لي الهدلق والرجال صادق الله يجزاه خير
isuzu.2007
09/05/2009, 01:47 PM
وصف لي لا هنت .. أنا في شرق الرياض ..

و إن حصل تمرني نروح أنا و إياك ..:)
معشي الذيبّ
09/05/2009, 08:42 PM
موضوع مهم
وكان مشغلني فتره
وطرحة أخوي سطام وكنت ابغى النتيجة النهائية علشان اشتري واتصرف على اساسها

الله يعطيك العافية



ومعلقها على شجره في المزرعه وناسيها من 3 اسابيع

شكلها تحنطت مو بس نقعت هههههههه

يعني نشفت واكيد مع هالغبار انقلب لونها

اذا انت في الرياض ابوصف لك محل تاخذها منه جاهزه

اسم المحل نوماس في مدخل الشفا ناوي امره واشتري منه وحده

واهو يمدح لي الهدلق والرجال صادق الله يجزاه خير




اخوي طام إذا جربت الهدلق عطنا رأيك فيها ومقارنه بين تجربتك في السنيدي والهدلق

وسعر الهدلق حالياً

الله بعطبكم العافية
سطام vip
09/05/2009, 09:03 PM
هلا بك اخوي ايسوزو

انا المحل ابروح له ان شاء الله يوم الثلاثاء لاني هاليومين مشغول

وتبينا نتواعد ونروح سوا ابشر ونتشرف بمعرفتك انا ساكن في السويدي

يعني المحل حولي وتوصيف المحل كانك عجل

وانت جاي من الشرق رايح للشفا اول ما تدخل طريق ديراب

امسك طريق الخدمه بتجيك محطه عقبها مشغل نسائي هو المحل الي بعده

اخوي معشي الذيب ابشر يالغالي ان شاء الله اني ابشتريها

وابعطيك العلم والرجال قالي اذا عزمت عليها بلغني وانا ابنقعها لك (اربصها)

تجي تستلمها جاهزه وكانك تبي وحده لا يردك الا لسانك واعتبرها وصلت عندك

دمتم بحفظ المولى
صقر نجد99
09/05/2009, 09:11 PM
شف طال عمر انا شريت الهدلق من عند برق الحيا واول ماعبيتها ماء صارت تهرب بشكل غير طبيعي ورجعت للمحل وقال حط فنجال سكر وعبها ماء لمدة 24 ساعة وبالفعل سويت مثل ماقال وصارت ممتازة وتبريدها روعة وسلامتكم
مخاوي قناص
09/05/2009, 10:26 PM
اخواني اسمحولي ادلي بدلوي جاي بير الأخ هههه


السلام عليكم


ياغالي هي اذا ما تهرب ماتنفع ولا تبرد انا شاري وحده من قديم عندي


اذا جاها الغبار واصبحت لا تهرب على طول اقوم بغسيلها وفركها حتى تعاود التهريب وتعود لها الحياه


من جديد وحذاري ان تعلقها في مراية السياره الجانبيه والله تصنفرلك البويه صنفره


ممتازه وتبي الصحيح خلك منها احسن لك


اذا انت من عشاق الماء البارد


موفق ياغالي وعليك بوارد الكويت سعرها 25 ريال
حبيب المساكين
09/05/2009, 11:08 PM
بعض الناس يقول اربصها اوانفعها بالماء ثم اضعها في الثلاجة وهي رطبه حتى تتماسك ثم يعبيها ويكفيها ساعة في الفريزر او في الثلاجة
alfawzan
10/05/2009, 05:05 PM
غير وارد الهدلق لا تدور معروفه وزينه وفي جيك ابو خيشه حلوووه عند السنيدي

بس انتبه تعلقها على المريات الجانبيه علشان ماتلع في الباب ولا تعلقها قدام تجمع الحشرات والغبار في الخط ازي شي علقها ور في الاستبنه ولا في الهوك ولا شفلك مكان زين اهم شي ورا