المساعد الشخصي الرقمي

مشاهدة النسخة كاملة : مشكلتي بتثبيت الدربيل على الساكتون


mrkhald
11/05/2009, 01:26 AM
السلام عليكم و رحمة الله و بركاتة

يا أخوان أنا مشكلتي مع دربيل الساكتون علما بأنها فايروخ 80


المشكله انه كل ما اركب الدربيل و اثبته على البندق بعد كم رمية يتغير مكانه بالمجرى يعني يرجع مع أني شديت القواعد لآخر شي
هل المشكله بطريقة تركيبي للدربيل >>>>>>>> ما نستغني عن خبرتكم بهالموضوع


أو ان المشكلة بنفس القواعد نوعيتهن رديه او ما ادري وش السالفه بالضبط

فزعتكم بالحل يالنشاما
ابو سمسم
11/05/2009, 02:32 PM
ياطويل العمر والسلامه الدربيل قد ما تثبته مع الرمي راح يرجع لذلك روح المحل الي شريت منه الدربيل او الي محل اسلحه وقله اعطيني (( مصده للدربيل ))وتركبها خلف قواعد الدربيل والاحسن انك تاخذ ثنتين للي قدام والي ورا وتركبها وترتاح
أبوقزاز
12/05/2009, 09:10 AM
نصيحه من اخو مجرب وماعني من هالمشكله!!

اناا حاول مراااات ومرااااااااااات وعجزت يثبت الدربيل لازم يتغير!!

نصيحه خلكـ على النيشان الاصلي..

تحياتي/

فمان الله
mrkhald
12/05/2009, 12:11 PM
مساكم الله بالخير جميعاً

بيض الله وجهك أبو سمسم بركب المصدة و إن شاء الله يثبت,,,,,,,, الله لا يهينك

أخوي أبو قزاز مشكور على هالنصيحة شكلي برجع للنيشان الأصلي بس ياخوك الشوف ما يساعد:cool:

أنا بجرب المصدة اللي نصحني فيها أخوي أبوسمسم لو ما ضبطت الشكوى لله برجع للنيشان الاصلي

الله لايهينكم و يبيض وجيهكم مشكورين على تفاعلكم

لكم تحياتي

فمان الكريم
الجامح الطامح
12/05/2009, 07:39 PM
خلك من المصده أنا مجرب ولا نفع أخوك
أحسن تكون على قديمك نديمك يعني صر
على النيشان وسلامتكم ::::::.
قطر 550
13/05/2009, 04:38 PM
الله يجزاكم خير على النصايح الطيبه
الشمطري
13/05/2009, 04:47 PM
لا تتعب نفسك

الساكتون المقاس الكبير لانفع ولا جدوى

لكن جرب منت خسران شئ

للعلم تم تجربة اللحام البارد اضافة الى تدبيل القواعد واضافة قاعد بالخلف

ولم تنجح التجربة
االمهند
15/05/2009, 02:03 PM
ولله اخوي انا انظري ماهو بعيد عن انظرك لا ومسوي عمليتين ليزك بس مانفعت المهم,,,,,,,,,,,,,, نرجع الب الموضوع سئلت اهل الخبره بهل المجال قالولاتعب نفسك مايمكن تثبيت الدربيل على الهوائيه والسب يعود لهزتها بعد الرمي الي يتسبب في ارتجاج للبند قيه مما يخلف وزنييت الدربيل’’’’’’’’’’’ والنصيحه حاول تاخذ النيشان الي يجي بسكتون السبانيه الموجوده عند الرمايه يجي اخضر ورى واحمر قدام يساعد على تحديد الرمي وشف العين المناسبه وحاول ترمي من جهتها انا انفعت معي معني عانيت كثيــــــــــر..........
البانلي
15/05/2009, 08:38 PM
فيه قفيز لدربيل جسر فيه ست مسامير
ريكان
16/05/2009, 01:11 PM
السلام عليكم ورحمة الله اخواني فيه قواعد دربيل يجي فيها مسمار داخلي يدخل في فتح مخصصه للدربيل لتثبيت الدربيل حتي لا يتحرك للامام او للخلف لكن في بعض البنادق مايجي فيها الفتحه هاذي بانسبه للي عندهم اسبانيه مثل شدو الف راح يلقون الفتح المخصصة للدربيل ارجو اني افدتكم
حر الجوف
22/05/2009, 10:46 PM
ركب قواعذ للتثبيت تلقهن عند محلات الصيد انا عندي له اكثر من اربع شهور ما تغير