.. للخبراء في ماكينة سنارة.. طلب مني لا تردوني الله يرفع قدركم قبل بكرة العصر

[النوخذة الأحسائي]

السلام عليكم

الله يمسيكم بالخير والمسرات ,,

لا أطيل غدا بإذن الله لي زيارة للدمام والعصر بمر بعض المحلات مثل الخريف والسنارة الذهبية والربان البحري وعالم البحريات ,,

راح أشري ماكينة للسنارة تتراوح مابين 350-450 ريال ..

بس ودي بامكينة لما أرميها تروح وتمغط :) صح ..

ودي بنصيحتكم وش النوع اللي أشريه ..

بالعربي لما أروح للمحل أقوله عطني ماكينة كذا ..

طبعا راح أشري معها عصا صفقتين فقط 4 متر أو 5 متر و ما احب اللي تتدخل .. ما تجوز لي أبدا . .


أنتظركم قبل العصر بكرة .. .. بارك الله فيكم

[saber02]

الله يحييك اخوي
عرفت وين تسال فعلا انشاءالله الشباب ماراح يقصروا معاك

[AlFdda]

بسم الله
السؤال السنارة لاي نوع صيد تبيها
على العموم انك تبي سنارة ومكينة صيد من البر
السنارة تكون بطول ما يقل عن 5م ولينة لان السنارة كل ما تكون لينة تقدر ترمي بها مسافه ابعد واذا كنت مبتدئ خذ اي سنارة تكون طويلة ولينة ورخيصة لين تتعلم الرمي وتحترف وانوع اللي اسمة الارنب الابيض White Rabbit تراه رخيص وجيد
بالنسبة للمكينة... المكاين 3 انواع Spin-casting و Bait-casting و Fly-casting واللي يهمنا النوعين لااولين لان الثالث للصيد ف الانهر وشوف الوصلة ذي
http://wdfw.wa.gov/fish/youth/rodsandrells.htm
النوع الاول هو المشهور عندنا وسهل الاستخدام
افضل الانواع
Penn وDaiwa وShimano
وكلها انواع غالية وصعب تتحصل بالسعودية لكن سهلة الصيانة وتلقى لها قطع غيار من الشركة
وانا انصحك تشتري النوع الرخيص اللي بحدود 350 ريال والله ناسي اسمة
والقواعد اللي لازم تعرفها قبل انك تصيد هي اساس الرمية البعيدة الصيد الجيد
1- لا تحط خيط يزيد عن 60 باي حال من الاحوال وافضل مقاس 40 او 50... الا اذا كانت المكينة كبيرة ومخصصة للانواع ذي.. ومافية مكينة رمي تشيل الكثر من 60
2- الثقل اللي بترميبه... الناس يقولون لك كل ما كان اثقل يروح ابعد وهذا ماهو صحيح لكل سنارة ومكينة وخيط وزن وافضل وزن السنارة خمسة ونص متر لينة مع مكينة بن 250 متر مع خيط 40 حرير هو 2/1 4 يعني حول 45 ج
وعساني تجملت وافدتك بشي وحنا حاضرين للطيبين

[غسان]

اذا انت جديد خذ نوعيه قصبه ومكينه رخيصه او مستعمل بعد سنه ممكن تاخذ شيء افضل حتى تتكون عندك فكره عن المواصفات المطلوبه لانه افضل القصبات خفيفه وتنكسر اذا اسيء استعمالها وترىالقصبات الممتازه فوق الالف ريال

[النوخذة الأحسائي]

الله يرضى عليكم ..

جميعا ,,

أنا ولله الحمد لت مبتدأ ابد بل لي باع طويل وجيد في الصيد وطرق الرمي ..

أخوي الفدا..

الحين وش نوع المكينة اللي أشريها .. وكم سعرها ..

وكيف قوتها .. يعني في الرمي طيبه ولا لا ..

يعني نبي مواصافات

..

[هوا بحري]

هلا بك يالحساوي
خذ مكينة بانكس 5000 أو 7000 ولن تندم
مكينة عملية وصيانتها بسيطة وتتحمل الأوزان الثقيلة
وسعرها طيب لا تتجاوز 300 ريال وهذا من واقع تجربة
عندي واحدة لها حوالي اربع سنوات ولا يوم أشتكت من شي
واذا تبي شوري رح لمحل الربان البحري الفرع الثاني الي بالمحطة
على طريق الخليج يسار الدوار الكبير وأنت رايح لسيهات فيه واحد هندي
أسمه ابراهيم ... رجال ثقة وأسعاره طيبه ما تلقاها بالسوق كله وبضاعته طيبه
وعنده قصبات جيده وتراه رجال نصوح بالي يعرفه وأنت ما عليك مره ومر غيره وقارن
وأستخير والله يدبرك على الصالح

تحياتي

[النوخذة الأحسائي]

بعدي يا هوا بحري ..


طيب يمكن البانكس ال7000 انواع .. ولا نوع واحد .. وكم برينق .. وهل تساعد على الرمي البعيد ولا لا ..

وبالنسبة للقصبة أبي اللي تجي قطعتين .. وتكون خفيفة وقوية وش النوع والطول المناسب ..

طبعا لصيد السبيطي والدويلمي والهامور .. وغيره ..

لا عدمناك

[بـو بـدر]

بعدي يا هوا بحري ..


طيب يمكن البانكس ال7000 انواع .. ولا نوع واحد .. وكم برينق .. وهل تساعد على الرمي البعيد ولا لا ..

وبالنسبة للقصبة أبي اللي تجي قطعتين .. وتكون خفيفة وقوية وش النوع والطول المناسب ..

طبعا لصيد السبيطي والدويلمي والهامور .. وغيره ..

لا عدمناك


السلام عليكم ورحمه الله

اثارني موضوعك بارك الله فيك

اخي الكريم

ذكرت انك تريد ماكينه ترميها لابعد مسافه

لادخل ابالماكينه برمي لابعد مسافه الماكينه مهمتها ان تستوعب اكبر قدر من الخيط وايضا قوه تحملها للسحب وسرعتها

اما الرمي ابعد مسافه
يجب ان تراعي ( حجم الخيط + حجم الثقل + قوه الرياح واتجاهها )

المفيد :-
قصبه اربع امتار او خمسه + ثقل رقم 3 او 4 + خيط 50 كافي لابعد مسافه

______________________

اما عن الماكينه

اعتقد النواخذه كفو ووفو

واي خدمه حاظرين

[الشمطري]

ابي اضيف نقطة واحدة

تأكيد على رائ الخبراء لايزيد الخيط عن 60


تقبل مروري

[عاشق الشعري]

بانكس 7000 جميله بكل انواعها واقل مكينه تحصل فيها بيرنقين وسعرها رائع وقويه وعمليه انا لها معاي 4 سنوات وماشيه صح وسعرها 160 ريال وبما أن ميزانيتك على اكثر انصحك تاخذ مكينةDaiwa رائعه جدا جدا وسعرها فوق 350 لونها ذهبي ارجو ان اكون قد افدتك ولك تحياتي

[ابو الحلول]

السلام عليكم ورحمة الله




معلوماتي المتواضعة تقول أنه افضل الماكنات هي دايوا


وميتشيل وانجلاند وبانكس 7000



بخصوص الرمي لمسافة بعيدة فهو يتعلق بحجم الخيط وفي


شغلة مهمة تساعد في الرمي لمسافة بعيدة وهي انه الخيط يكون


كامل على البكرة يعني مو ناقص ، لو كان الخيط قليل على


البكرة فهو يحتك بحواف البكرة حقت الخيط لحظة الرمي وهذا



يخفف الرمية ويخليها قريبة .






أرجوا أكون افدتك .

[النوخذة الأحسائي]

كفو بالنشاما..

أنا كتبت رد بعد أبو جود أمس الظهر أظن لكن مادري وين راح ..

المهم أنا شريت ولله الحمد بانكس 7000 si بــــــــــ6ــــــرينق ..

وباقي القصبة الله ييسر لنا بقصبة على الكيف ..


فيه سؤال مهم جدا ...

وش الفرق أو وش فايدة هالبرينق .. يعني اللي شريت بانكس 7000 الكل يمدحها . . . وهي 6 برينق ..

ونسيبي ماخذ له ماكينة اسمها لاين ويندر |.. 8 برينق ويقول انها أحسن مني

وش الفرق ..

ووين الأحسن البانكس ال6باريق .. ولا اللاين وندر

[هوا بحري]

هلا بك يالحساوي
مبروك عليك المكينة والله يعطيك خيرها ويكفيك شرها
وبخصوص البيرنق هو لسرعة السحب و زيادة دوران المكينة للف الخيط
يعني اذا لفيت الهندل حق المكينة لفه وحدة يعطيك عدد معين لدوران البكرة
حقت الخيط فكلما زادت البيرنقات (التروس الداخليه) كلما زاد عدد لفات البكرة
وبالتالي زادت سرعة لف الخيط وأفضل عدد للبيرنقات 12 بيرنق .
وبخصوص ردك الي وضعته الظاهر انه حذف بسبب خلل فني لسيرفر مكشات
وقد تم أعلان ذلك في الأعلان أعلى الصفحة على الرابط التالي

http://www.mekshat.com/vb/announcement.php?f=44

نجي حق القصبة .... أنت رحت للخريف في الخبر على طريق الكباري تلقى عنده
قصبات ممتازة بس الله يعينك على السعر ... مره لقيت عندهم في فرع الجبيل قصبة
سويدية وهي أفضل الانواع طولها 4 متر سعرها 800 ريال ثلاث قطع ... قال لي
الي بالمحل ان هذي أخر وحدة وكان عنده ثلاث وثنتين اخذوها اجانب وخذ هذي لا تفوتك
لكن ما أخذتها وبعد مدة رجعت له وقال لي راحت عليك وهذا وصفها مكتوب عليها صناعة
سويدية وشكل انبوب القصبة عليه زي الحسك مثل الخطوط ومشمعة حتى الحلقات حقت
الخيط مشمعة لحمايتها من الصدا هذا مالدي وإنشاء الله تجد الي يرضيك

تحياتي

[النوخذة الأحسائي]

بعدي يالذيب ..

طيب وين الأفضل البانكس ال6برينق ال7000 \si أو اللاين ويندر 8 برينق

[عاشق الشعري]

الفرق زي ما قال لك اخوي هوا بحري في اثناء الدوران وترى اللي اخذتها جدا ممتازه و بين السته بيرنق والثمانيه بيرنق فرق كبير مافي فرق تلاحظه في الدوران لاكن بين البيرنقين والسته بيرنق تلاحظ الفرق والراحه في السحب وبالنسبه للقصبه إذغ كنت من هواة القصبات اللينه فأنا انصحك بقصبه الآبو العنابيه (5) متر ولا تاخذ الصفرا حتى لو سعرها اقل من العنابيه انا مجرب الثنتين العنابيه ممتازه جدا واي خدمه تحت امرك

[النوخذة الأحسائي]

تسلم يا بو جود ..

الآبو العنابيه جزئين او تتدخل ..

وكيف الذراع اللي تحت الماكينةو طويل..

لو فيه صورة يكون احلى :)

[عاشق الشعري]

تسلم يا بو جود ..

الآبو العنابيه جزئين او تتدخل ..

وكيف الذراع اللي تحت الماكينةو طويل..

لو فيه صورة يكون احلى :)
الله يسلمك بالنسبه للابو تتدخل حجمه ممتاز وليس بطويل لأن الطويل مع الرمي قد يصك في البطن وهذا عيب GMC الزرقا الجديده ولك تحياتي

[النوخذة الأحسائي]

يال مال الغنيمة يا بو جود ..

وكم سعرها هالابو وهل هي خفيفة ومن اشريها لا هنت

[عاشق الشعري]

يال مال الغنيمة يا بو جود ..

وكم سعرها هالابو وهل هي خفيفة ومن اشريها لا هنت

اسمع يا غالي الخمسه متر رائعه جدا وخفيفه تذكرني بقصبة الشينا القديمه وسعرها 280 ريال هذي العنابيه ولا تاخذ الصفرا أبدا حتى لو ببلاش ويوم شريت العنابيه عاد تعرف الواحد في البدايه يكون موسوس من القصبه خاصة اني رميت بالصفرا وانكسرت علما بأن ما فيها ثقل نص اللي في العنابيه المهم حطيت علي العنابيه ثقل مقاس 5 والطعم سلس كبير ورميت بأقوى قوتي ووالله القصبه ممتازه جدا وطلعت عليها احجام كبيره وطبعا تحصلها عند الربان البحري اللي في شارع ال 18 وأول ما تاخذها ترى بيطلع فيها صوت من فوق القاعده لا تقلق هذي علشانها باقي جديده وما مسكت في مكانها صح وبعد فتره من الرمي بيروح الصوت وأنا حسب رأي أراها من أقوى القصبات المرنه ولك تحياتي

[النوخذة الأحسائي]

الله الله الله عليك ..

وافي الله يجعل أجرك وافي ..


الربوع رايح لم الدمام إن شاء الله وبسير عالربان البجري ..

الله يرحم شيبامك ولا يحرمك الأجر

[صياد شرقاوي]

انصحك يالحساوي بماكينة لاين ويندر Linewinder هاذي من افضل المكاين الموجوده حاليا بالسعودية اوكي يكفيك انها 8 بيل بيرنغ احم احم وتراها صنع كوري

وفقك الله

[النوخذة الأحسائي]

انصحك يالحساوي بماكينة لاين ويندر Linewinder هاذي من افضل المكاين الموجوده حاليا بالسعودية اوكي يكفيك انها 8 بيل بيرنغ احم احم وتراها صنع كوري

وفقك الله


هذا الموضوع يدل دلالة على قوة البانكس ال7000 si بشهادة الخبراء .. والبرينق لا يهم فأنا 6 برينق ودع عن الغرور ..

[النوخذة الأحسائي]

تم شراء يا بو جود الآبو العنابية 5 متر ب280 ريال .. وجربتها مرنه جدا .. والماكينة اللي عليها البانكس ال7000

لكن الخوف أنها تنكسر واموت قهر .. الله يستر ..

إن انكسرت مادري وس بيصير فيني .,. ركب عيها بلدين بحجم 2 و سمكة الباغة وماشاء الله ..

[عاشق الشعري]

الحساوي : الله يعطيك ويطعمك من خيرها ان شاء الله ....و بإذن الله انها ما راح تنكسر معاك ....بس اهم شي لا تنسى المكينه مقفله بعد ماترمي الطعم في البحر ..... وبالنسبه للبلد لا تخاف انا احط بلد مقاس 5 وفوقها سمكة الباغه وشووووووووووت لا تخاف بس مادامك خايف لا تنكسر وبما انها جديده خلك حنين عليها فتره بسيطه حتى تتمرن وانا والله ما ارحمها اسلخها سلخ وعقبال مانشوف تقاريرك من خير الابو ان شاء الله ولك تحياتي