حباري السودان

[الباهي]

السلام عليكم ورحمه الله وبركاته

كيف الحال يااخوان


عندي سؤال لمن قنص السودان او ان عنده خبر

عن الحباري هل يوجد بالسودان حباري مثل حبارينا لان اللي اعرفه من اللي

قنصو السودان لم يذكرو انهم حصلو حباري والبعض ذكر ان فيه حباري لكن

غير حبارينا تختلف وحصلو الحبرو بغيت اسأل اللي عنده خبر هل يوجد

بالسودان حباري مثل حبارينا لانه اكيد ان وقت العبور تمر عليهم

عطونا خبر ولا تبخلو علينا بالمعلومه

والله يجعلها في مييزان حسناتكم

اخوكم
الباهي

[مارشال]

ما ذكر في السودان حبارى مثل حبارى السعوديه من ناحيه اللون والعزم في الطيران والكوبره
ولو فيه كان ذكروها قبل مايذكرون اللي في اقصى غرب افريقيا وشمال اسيا
لأن مقناص السودان يعتبر اسهل على الأطلاق من تلك
وتقبل تحياتي
جراش

[الباهي]

تسلم اخوي جراش

الصراحه زعلتني:D

لكن لازم ان الحباري تمر على السودان يعني تصل الى نهايه القاره

الافريقيه غربا ومثل ذلك المغرب ومايمر شي منها على السودان

اتوقع ان كان فيه عبور على السودان يكون شمال السودان

والله اعلم وانا ودي احد من الاخوان يأكدلي الموضوع

ياشباب لاتخلوني عطوني خبر اكيد
:D

[تواق]

اخوي الباهي حباري السودان كبار وحمر وانا ذبحتها بندق بطير ماحصلي وتجي ادون
من الحبرو وتلقي في منطقه يقالها كسلا انا لقيته في منطقه يقاله حاطوب في وسط مزارع ذره مدري
دخن والله نسيت لاكن شباب اعرفهم رحوا للسودان وهدوا طيورهم واستانسوا

الباهي ترا التصاريح حاليا موقفه شيك عليهم يمكن تفك قريب انشالله


اخوك / تواق

[الباهي]

اخوي تواق

تسلم على المعلومه

بغيت اسئلك هل هي بكميات كبيره وهل الطير يهد عليها عادي

وهل هي تكوبر انت قلت انكم حصلتوها في الي جهه من السودان

[الباهي]

عندي سوال مهم

السنه بقنص السودان بالعربي ابي احسن مكان للمقناص وين

فيه صيد متنوع وكثير من ظبى الى ارانب وقطى في اي منطقه

اكثر صيد يعني ابي اروح انبسط ما ابي امشي الا في ارض

مليانه صيد ولا تخافون مااحب اسرف في الصيد


لاتخلوني ياشباب اروح على عماها واتوهق علموني لوسمحتو
وعطوني نصايح

اخوكم الباهي

[امير الرفيعه]

السلام عليكم ورحمة الله وبركاته
اخوي سلمك الله السودان فيها حباري وفيها الحبرو اكثر .
وانا شفت فلم مقناص حباري في السودان والحبرو مثل ماقلتلك اكثر شي .

[الباهي]

تسلم اخوي امير الرفيعه

لكن هل انها مثل حبارينا ولا نوع ثاني مثل ماذكرو الاخوان
وفي اي منطقه

واين احصل الشريط اللي قلت عنه

اخوك
الباهي

[سنافي]

البـــــــــــــــــاهي

الأكيد ان الحبـــــــــــــــــــــرو موجود في السودان وبكثرة والطيور ما تهد عليه بسبب كبره حيث انه في حجم الخروف وقليل جدا الطيور التي تهد على الحبرو.

ولن تجد من يفيدك اكثر من الأخ سلــــيمان اليحيي صاحب محل الصقر والصقار في الرياض فهو من الناس الأوائل الذين قنصوا السودان وصاد الحبارى التنزانية والحبـــــــــرو والظبي في السودان.



والسلام عليكم.

[كايد]

السلام عليكم ورحمة الله وبركاته.
فيه رجال عجمي اعرفه شايب عمره حوالي 60 يقول مقناص السودان بالطير خسارة لانه يقول ما فيها حباري وان عينت كلها الافريقية واحيان ما يحتال علاها الصقر وتلقا البعض يرميها عشان يكسرها ثم يهد الطير ؟؟؟؟؟؟؟؟؟؟؟؟؟هذا قنص ؟؟
الحباري تعينها في اقليم بلوشستان في باكستان (انتبه لا يخربها الطير ويعمر ويفقد عليك :D ترا العالم هناك عادي التعمير:D ))))الله يكفانا شرهم
عندك ايران ؟؟؟؟؟؟
وعندك ام الصيد على ما قالو(العراق)ولكن اين الراق
وعندك الجزاير والمغرب وغيرها ....................ولاتنسى الامارات ...........ويعجبوني الشعب الاماراتي شعب متفهم يقنصون وقته ولاهم مثل ربعنا الله يهديهم تعين معه طير يهدها على الخرب ويرمي اذا الطير تعب ................الله المستعان
لا ويقولون ليش ما يفتحون المحميات والله لو يفتحون المحميات ما تعين ولا شعره بعد شهر.........
من تركمانستان الى موريتانيا زلا شبر الى وتشهد السماء ةالارض بمقناص ربعنا .........انا لا اذمهم لكن لو فيه 30بالميه وعي كان شي .........طيب

[الصياد الليبي]

السلام عليكم ورحمة الله وبركاته
اريد ان اخبرك ان اكثر مكان فيه الحباري هو عندنا هنا في ليبيا لان مافي ناس كثير يعرفوا الصقور
وكمان الصيد" بالمقرون" الفشق علي قولكم , ممنوع
ممكن ما تصدق لو قتلك ممكن انك تتحصل علي عشرين طير في طلعه يومين
والسلام