المكينة اللي تسوي أرقام الجوال على الحجل ( الفتخة )

[المري]

السلام عليكم ...

اخواني الاعزاء ..

كلنا يعرف فضل الحجول ( الفتخه ) اللي تحط برجل الطير , وانها بأمر الله عز وجل اذا

طاح طيرك في يد واحد يخاف الله يتصل بك وين مايكون...


وحبيت استفسر منكم اخواني الاعزاء عن المكينة التي تسوي هذي الحجول, وين أقدر

أحصلها ؟؟

بعض صور الحجول:
http://www.mekshat.com/pix/upload03/images114/mk1168_20090513914.jpg


http://www.mekshat.com/pix/upload03/images114/mk1168_20090513916.jpg

وجزاكم الله خير

اخوكم - المري

[قرناس ارامكو]

وعليك السلام ورحمة الله وبركاتة
الحجول أهم شي في الطير, والطير أذا غدا وطاح في يد واحد يخاف الله دق عليك وبشرك بة .
مثل ماتعرف أنا غدى طيري ذياب في الرياض 1-3-2009 وطرحة أجودي في الكويت في 27-3-2009 وبشرني في نفس الوقت الله يجزاة خير ويكثر من أمثالة .
وبسبة للجهاز أتوقع أنة مثل القلم يكتب على شكل حفر والله أعلم
والله يعطيك العافية يبومعيض

[بن حويرب]

وعليكم السلام
عند محلات يلي يبيعون ادوات الخراطه بس مب متوفره عندهم عني ما خليت مكان فالامارات الا ورحتلهم مافي فايده لا وبعد ما يعطونك رقم المكينه علشان تطلبها عن طريق النت لازم عن طريقهم ذبحونا هالاجانب
دمت بود

[صقار هذيل]

انا اعلمك وين تحصل واحد يصلحها لك تعرف سوق الصقور الي في المعيقليه انا قد سوت حجول للطير عندي

[شواهين]

سلام عليكم
http://shorinternational.com/EngravingEquipment.htm

http://www.alibaba.com/product-free/101546358/M20PIX_Engraving_Machine.html

http://www.gravograph.com/Engraving%20Machines/IM4.php

عسى هالمواقع تسهل البحث او تعطيك فكرة
مرحبا

[عوق الخريش]

بسم الله الرحمن الرحيم
وعليكم السلام ورحمة الله وبركاتة
حياك الله أخوي المري
صراحة والله ماأدري لاكن أتوقع أنها
تنجاب من الصين حسب كلام واحد من الربع
وايضاّ لوتعرف واحد راعي مخرطة ممكن يسويهالك
تحياتي لك وشكراّ,,,

[سهم قحطان]

السلام عليكم ورحمة الله وبركاته... حياك الله أخوي أبو معيض... طبعا (الفتخه)أو الحجول صارت من الأولويات للطير وخصوصا فالسنين الأخيره بعد ما كثروا الصقارين ماشاء الله تبارك الله وبعد ما زاد عدد الهواه ... والعدد سنويا في إزدياد .. وإلا من أول طيرك لا ضاع تعلن عنه أو تخبر أهل العزب وتدعي ( اللهم رب الضاله رد الضاله ) وبحول الله وقوته ما تدري إلا والرجال شروا وجيهكم الطيبه يبشرونك بطيرك سواء كان بفتخه والا بدون.. لكن حب الخير والأمانه يلعبان دور كبيييييييييييير في هالموضوع لأن بعضهم يطرح طير ويلاقي فيه الحجل ولا كأنه شاف شي الا يجيب الزراديه وطقه!! والطير مجهول الهويه .... وغيره من المواقف اللي تقهر .. لكن الله يهدينا وجميع المسلمين... بالنسبه لأجهزة النقش.. الأخ شاهين بيض الله وجهه عطاك مواقع لشركات عملاقه في هذي المكاين وأنا موجود بكندا ورحت وشفتها بصراحه أجهزه خياليه وتقنيتها عاليه لكن حساسه جدا في الإستعمال ولها برامج كمبيوتر وشغل طويييييل والشغله الثانيه سعرها غااااالي طبعا بعد الضرايب وتكاليف الشحن اللي انت خابر .. لكن أنا إستعملت مكينه نقش صغيره بصراحه رهيبه ومتوفره بالسعوديه وحجمها مثل كف اليد يعني تمسكها مثل القلم ولها إستعمالات جباره وهذا موقع لأشهر شركه في هذا الحجم http://www.dremel.com/en-us/Pages/default.aspx

وهذي صورة المكينه


http://www.arb-up.com/files/arb-up-2008-6/owh59071.jpg (http://www.arb-up.com/)

وفيه كثير غيرها وتجي مع طقم ريش متعدد الإستخدامات لكن يبيلها فن ومهاره وأكيد راح تفصل أحلى حجول .. إن شاء الله إني أفدتك .. وأي خدمه أخوك حاضر ... تحياتي لك.

[شواهين]

الله يعطيك العافية يا سهم قحطان
الرجال يقول مكينة !!!
يعني شغل سريع ويمكن تجاري
الجهاز الي انت حاطه شغل فن ورسم وسعه ويبي وقت طويل
العده الي في الصورة الي خبرناها من عرفنا القصة واعتقد انها اسرع
http://www.arb-up.com/files/arb-up-2008-6/Mpi63989.jpg

الموقع الاول فيه اغلب المكاين وادري غاليه بس منها الفكرة
الموقع الثاني صيني وما ادراك مالصيني
الموقع الثالث احسنهم
محاوله للمساعده لا اكثر ولا اقل
وعسى الله يوفق الجميع

[لعّاب المنايا]

والله اللي انا اعرفه يابو معييض إنها غاااليه وغير متوفره بالخليييج نهائيا ,,

أذكر واااحد من الربع عنده مربط وكل سنه يسوي 150 حجل ودور الجهاز هذا وماحصله ,,,

[سهم قحطان]

يا هلا بأخوي شاهين ....( الرجال يقول مكينه!! ) كلام صحيح وهذي الله يطول بعمرك كلها مكاين مع إختلاف الأحجام .... وأنا حطيت هالنوع حتى تعدد الخيارات للجميع .. يعني اللي يبيها تجاره الحل موجود واللي يبيها لإستعمال شخصي بعد الحل موجود والمكينه الصغيره هذي اللي كما ذكرت سابقا متعددة الأغراض وأنا شخصيا إستعملتها وسويت منها حجول... طبعا تكتب على المعادن والزجاج والخشب وعلى أي سطح ... لأن بعض المكاين الكبيره يبيلها سوفت وير وبرامج كمبيوتر عشان تكتب عربي وشغلها أبد مو سهل والله يوفق الجميع ... تحياتي للجميع

[طارق الحربي]

حاول بصاحب محل الصقر والصقار بالرياض يعلمك من وين يجيبها يابو معيض

[بدران123]

حياك الله يابو معيض وعساك انشالله تلقاها بكل يسر وسهوله...

سئلت بعض اخويانا ولالقيت جواب شافي لكن عسى الله يسهلها لك...

خابرن فيه ناس بالرياض بالسوق يعرفون هالمكاين اذا فيه احد من الرياض ويعرف سوق الطيور عساه يفيدنا..

بالتوفيق اخوك بدران

[فزااع]

السلام عليكم ورحمه وبركاته..

اخوي المري هذه وانا اخوك يسويها الصقر والصقار عندهم مكينه صغيره نفس الاله الكاتبه القديمه يسونها..

اتمنى اني افدتك..

[المري]

مرحبا بالاخواااان جميعا وعزالله انكم ماقصرتو ورايتكم بيضاء

اخوي سهم قحطان على جربت كتابة الارقام على الحجول؟؟ بهذه المكينه

[رامى السيد]

تسلموا على الموضوع وعلى التفاعل ............ الله يحفظكم اخوانى

[((السنياري))]

المري ابشر بعزك راسلني على الخاص عاشن تعطيني الرقم والاسم والباقي ازهله