المساعد الشخصي الرقمي

مشاهدة النسخة كاملة : عمر الطير والمقناص؟


falcon 1
13/05/2009, 10:02 PM
مساكم الله بالخير يالنشاما كيف حالكم شعلومكم انشاءالله كل بخير

عندي سؤال : الطير يهد لين متى في عمره؟ قرناس كم..بعدين خلاص ما يقدر يهد بعد او يحس بتعب ؟


يعطيكم العافيه

تحياتي فالكون 1
المري
13/05/2009, 10:33 PM
مرحبا اخوي وحياك الله يالغالي..

فهد العرادي الله يذكره بالخير كان عندي وكرية قرناس 22 سنه وعقب ماتت.. الله يعوضه بأبرك منها

أيضا شامخ الشمري ( ابو طلال ) الله يذكره بالخير معه حر قرناس 15 ويطلع قبل الطيور كلها ..

وواحد من الربع عندي جير شاهين فالكون سنتر قرناس 13 يطلع حتى على الكروان وهو مخمر ههههههه

هذا اللي عرفت ومتاكد من اعمار اطيورهم واتوقع تعيش الطيور فوق ال 22 سنة

والله اعلم..

اخوكم - المري
ريتني صقار
13/05/2009, 10:51 PM
مثـل ما قال اخونا ,, المـري

الله يوفق يالغآلـي

تحيـآتـي
وَسَام!
13/05/2009, 11:47 PM
طير حر قنص مع واحد من الامراء فرخ عام 1402
في العراق وقنصبه مدة 18 عام بعدها ضعف نظره
وريحه من المقانيص ياكل على وكره ويحلله في السنه
كم مره ومات عام 1426 يعني 24 سنه!
والطير اعرفه واعرف صاحبه شخصيا!
المري
15/05/2009, 03:05 AM
24 سنة انشهد انه رفقة بينهم

تسلم اخوي وسام على طرح هالسالفة وماقصرت

اخوك - المري
عوق الخريش
15/05/2009, 10:37 PM
بسم الله الرحمن الرحيم
وعليكم السلام ورحمة الله وبركاتة
يعطيك العافية أخوي الغالي ع الموضوع المميز,
الطير طال عمرك مثل ماقال أحد الاخوان طيرة العرادي
عاشة 22 سنة وأيضاّ في حر عند واحد من االربع عمرة ألآن
12 سنة ويردف فية عقب طيور أشباب وسباق ويلحق ويطرد طرد الفرخ
ماشاء الله علية وأعتقد أن الطير يعيش الى 27 سنة حسب كلام واحد من الربع
يسولف علية أحد شيوخ المملكة يقول فية طير عاش عند أحد أمراء المملكة 27 سنة
وهويطلع ويذبح ويلحق ومات للأسف يغلطة هدد كان يطرد حبارا وهد واحد من حملة ثانية
جير شاهين وروح يمة وخلا الحبارا وعلقة وحول فية وذكاة تذكاة حمامة الله يخلف
تحياتي لك وشكراّ,,,,
falcon 1
16/05/2009, 12:02 AM
الله يبارك فيك عوق الخريش وكلامك طبعا صح وانا اقول انه الطير لاكبر يصير نفس الشايب ...انه عظامه تتجبس و نظره يقل صح كلامي ولا لا؟
راعي غضبان
16/05/2009, 12:03 AM
وعليك السلام صدقوا اخوانا من العشرين الى خمس وعشرين وعلى ماقال اخوي عوق الخريش الى 27 والوالد معه طير انا لحقت عليه قبل الازمه اسمه جزاع اقلبت مخالبه بيض وريشه قام يطيح ولاطلع ريشه غدا طول الاصبع طاح ولاعاد يشوف وقعد حول عشرين سنه ومات وتراه مطروح وحش ثنو او ثالث وتقبلواتحياتي راعي غضبان
ابوالجازي
16/05/2009, 12:15 AM
الطيور تعمر اكثر من حمس وعشرين سنه
وعن تجربتي الخاصع عندي طير عام 1410 فرخ يعني عمره الان 20 سنه لكن عام 1424 انكسر جناح الطير وعيا يجبر وترقد في مركز الامير فهد بن سلطان اربع اشهر ولم يجبر فطلبت منهم قطع الجزء المكسور من الجناح وخياطة مكان القطع والطير الان موجود وله ست سنوات مكسور
لكن وهو عمره 14 يطر مطاريد ماتطردها الفروخ النشيطه
وقد سيم على هدد حمام 100 الف وهو ابو 14 سنه
مشكور على الموضوع الشيق يا falcon 1
falcon 1
16/05/2009, 12:22 AM
احسنتم اخواني بارك الله فيكم وصراحة انا الي لابد علي ان اشكركم فاقول شكرررررا على معلوماتكم ومروركم للموضوع تحياتي الاخ فالكون 1
دلوع الهوى
16/05/2009, 12:41 AM
نقس كلام الخوان ماقصرو وفادوك والسموحة
بدران123
16/05/2009, 05:35 AM
بيض الله وجهك اخوي فالكون..

فعلا الطيور تعمر فوق 20 سنه وبكثير بعد...

طير واحد من الربع عمره حوالي 20-19 سنه له 14 سنه معه لكن له سنه تقريبن متراخي الطير بالنظر والحال..

اخوك بدران