رحت أشتري ساكتون وتفاجئت !!

[omar salman]

السلام عليكم ورحمة الله وبركاته
أبي لي ساكتون واحترت المررة هذه حيرة فوق العادة
والسبب يعود لإنقطاع كثير من الأنواع الشهيرة مثل
الماقنوم 350 والهنتر 1250 ولم أجد إلا الباتريوت
فهل أحد قد جربها مع الصتم 5,5 لأني سمعت ناس
ينصحون للبنادق القوية بهذا الحجم من الصتم , لكن
دخلوا علينا ناس في منتصف الطريق وحذرونا من
الأسباني بشكل عام وبعضهم عكس حذر من الألماني
الجديد وقال تغير فيه كل شيء ومشاكل وزنه من زمان
معروفة ولم يتطور أبداً وبعضهم على النقيض تماماً يقول
الجديد الألماني أفضل بمراحل حيث تم تعديل مشاكل
الميزانية وغيرها والبعض صرح بقوة يقول شادوا 1000
هي الأفضل وأقوى من الثمانين والخمسة وثمانين
الفاريروخ ولقيت صينيات موديلات جدد أول مررة ينزلن
السوق تصميمهن ألماني لكن ما أدري عنهن المهم
أبي لي بندق قوية وصتم 5,5 ولو ما لقيت شكلي
أباخذ الباتريوت مع اني حاس بثقل في كسرها بسبب
قوة ومتانة السستة وسبب بحثي عن ساكتون قوية
لأني عانيت من الثمانين والي بقوتها نص الحمام
يموتن بعيد مئة متر تقريباً وأما ما لاحظته وجعلني
أتفاجأ صراحتاً انقطاع بنادق كثيرة فئة 5,5 ولم أجد
إلا الباتريوت ! ولا أدري هل هي مؤامرة على هذا الحجم
من الصتم أم ماذا من يفيدنا ؟ وبماذا تنصحون .

[صفق الهوى]

اذكنت تبي من الدخل للقمري 28 دينا الامانيه
او 80 فايرخ من القمري وفوق

[omar salman]

يعطيك العافية صفق الهوى
وين ذالي يمرون ولا يردون
شكلهم ما عندهم وقت .

[abo.a]

والله اني مثلك بشري بس متحير اخذ فايروخ الماني والا اسباني

[الذيب مصلوخ]

شدو ألف ممتازة 100 بال 100 وما جاك علي.

[abo.a]

اخوي الذيب الشدو بكم سعره وش صناعه كم لك وهي معك لا هنت

[omar salman]

الذيب مصلوخ وأبو أ
أشكركم أنا فعلاً لافته انتباهي الشادو 1000 من قاموا
ولكني لم أجد من النوع الأخير المرغوب إلا نوع
تماتيك يا خذ عشر لها مخزن طويل بين الماصورة
وفرامل الدربيل وسألت عن العادي قال لي المصري
تقدر تشيله وتصير عادية وش رأيك ورحت طبعاً الكلام
هذا كله عند وكيل قاموا الرماية ودقينا على فرع لهم ثاني
من عندهم وأفادوا عندنا وحدة عادية في العرض لكن من
النوع القديم والموديل الأخير شبه منقطع وش الرأي ولا
ننتظر حتى الهنتر 1250 منقطعة الصتم 5,5 ولا نحول
على الفايروخ 85 بصراحة مترددين وشي محير وهل هي أقوى من الشادوا 1000.

[قانوص قديم]

السلام عليكم والله ياخوي الفايروخ من افضل الهوائياة على مستوى العالم جوده ومتانه واداء القامو اسبانيه وتاكد انه الالمانيه افضل واكثر من استخدم الهوائياة احبتنا اهل السعوديه والكل يمدح الفايروخ ال 80 واشور عليك بالفايروخ ال 80 اعتقد انها الافضل والعلم عند الله وتقبل مروري

[abo.a]

وش الفرق بين الاماني والاسباني ويقلون ان الاماني الجديد شين وين احصل قديم

[هايبر]

صباح الخير.
عندي باتريوت 5.5 شريتها قبل سنه . و صراحه انها تستاهل قيمتها . تبرز اهميتها بالنسبه لي في صيد الضبان يمكن ما تصدق لو اقول لك طلقه وحده في راس الضب و هو منتهي و اتوقع يدل على قوتها. الى حد الان ما صار لها اي عطل عيبها الثقل و صعوبة تعبئتها و سعرها .

[أمير الصيد]

اخي الصياد 90 والله انا سبق وان احترت بين الموديلات والانواع وفي الاخير اخذت فايروخ 80 صحيح انها ثقيله شوي لكنها مهيب شينه عيبها الميزانيه كل ما اضبطها ترجع تتغير .
مدري لها حل وإلا لحام وإلا وش الحل ؟؟
انشاء الله أحد يفيدك اخي الصياد90 وتجد ما تبحث عنه .
تحياتي لك وللجميع .

[هارون97]

أضم صوتي ألى اخي قانوص قديم عن تجربة سنين طويلة

[abo.a]

اخوووووووووي امير الصيد العزيز الفايروخ حقتك اسباني ولا الماني وش الفرق ليتك تفيدنا تراي عليمي وبشري هذا الاسبوع انشاءالله

[أبوراشد]

شريت قامو أسبانيه 27 قبل سنه من الرمايه الحقيقه ممتازه جدا ووزنيتها ثابته
وكان عندي قبلها ألمانيه ممتازه أيضا
لايوجد فوارق تذكر الا الخفه في الأسبانيه وأقل سعر فقط

,,,

[abo.a]

هاه يالربع وش اخذ شورو على تكفون

[أمير الصيد]

اخوووووووووي امير الصيد العزيز الفايروخ حقتك اسباني ولا الماني وش الفرق ليتك تفيدنا تراي عليمي وبشري هذا الاسبوع انشاءالله

هلا اخوي abo.a
الفايروخ الماني والـ 80 والـ 85 نفس الشي تقريباً إلا ان الـ 85 اسهل في الكسر أو اخف من الـ 80 ،
واذا تبي تفاصيل أخرى انا حاضر .

[بن صنهات]

وش الفرق بين الاماني والاسباني ويقلون ان الاماني الجديد شين وين احصل قديم

[rolze]

عليك بالاماني ورح لهلك
واما الي يسال عن القديم اهل الرياض تلقونه بسوق الزل عند الشيبان
تلقون عندهم ساكتونات مستعمله فيها اخو الجديد وفيها استخدام وسط
وكل الاحجام موجوده ويفضل تروحون لسوق يوم الاربعاء والخميس بعد صلاة العصر
لانه يجي ناس يبون يبوعون سكاتوناتهم ويكسرون قيمتها الشيبان لين ياخذونها
بابخس الاثمان زودو فيها اذا لقيتوا مايناسبكم

[abo.a]

هلا اخوي abo.a
الفايروخ الماني والـ 80 والـ 85 نفس الشي تقريباً إلا ان الـ 85 اسهل في الكسر أو اخف من الـ 80 ،
واذا تبي تفاصيل أخرى انا حاضر .
وش الفرق بين 80و85 وكم يفرق السعر بينهم وهل 85 ترجف ولا لا وهل فيه فايروخ اسباني ولا بس الماني

الله يجزاك خير وتقبل طرحي الثقيل والله يعطيك مبتغاك ويوفقك بالدنياء والاخره

[شاص1988]

27 او 28 ديانا زيه وخفيفه لاكن المشكله الوزن

[abo.a]

اخوي شاص شورك اخذ دينا 27

[الكستنائي]

لاتستعجل وكثر من الاستشارات

[حان الرحيل]

السلام عليكم
ياخوي انا مجرب ال350الديانا والفايروخ ..وغيرهن كثير
لكن مثل الباتريوت الانجليزي 5.5ما فيه ابدا..ابدأ ولها عندي 4ستوات تقريبا
المميزات
1-الاقوى على الاطلاق
2-سرعة الطلقه الابتدائيه تعتبر الاولى في5:5
3-ابعد مدى للطلقه
4-قوة التحمل
5-سهوله الصيانه
----------------
العيوب
1-الوزن العالي4100جرام
2-تحتاج الى شد البراغي باستمرار نظرا للهز الشديد عند الاطلاق
3-السعر مرتفع
4-الاعطال في السدادة والشعيره مثل بقية الهوائيات

وانا حاضر لاي طلب
اخوووووووووووووووووكم......حان الرحيل

[رماح7]

مشكوووووور والله يعطيك الف عافيه

[راعي الطلعات]

انا صراحة عندي باتريوت 95 صتم 5.5 ماشاءالله عليها اخت الخرازه بشوي

صح انها تتعب في الكسر لكن لها طريقه في الكسر ان عرفة لها وتعلمت لها خلاص ما عاد تصير مشكله عندك

بس يبيلك مفك مربع علشان من قوت الضرب بعض المسامير تنحل شوي وعادي اربط وامش وابشر بالحمام

واذا كنت ناوي تركب عليها دربيل انصحك تختار قواعدها الاصلية لأنها هي الي تتحمل وتثبت بالبندق

والله يوفقك وييسر امرك ويرزقك من خير ما شريت

[الشاب]

من خبرتي 25 سنه وتجربتي بالساكتون شريت 80و85و35و27 فايروخ وديانا المانيات من الرميح
اولا الألماني افضل ساكتون
ثانيا صيد الصغير الدخل يلزم ساكتون خفيفه وسهلة الكسر ولذلك اقول افضل شي 27 الفيروخ
ثالثا طير الصغير يلزم المشي لمسافات بمعنى امسح من راسك الساكتون الكبار
رابعا الفرق بين الفايروخ والديانا الفايروخ مسمار الأخشاب تحت بالوسط بمعنى انهم تلافو مكان الضغط على المسمار حال الرمي. الديانا مسامير الاخشاب بالجنب ودائما ينفك بدون ماتدري الفيروخ تقدر تركب لها دربيل
خامسا ال 27 الفايروخ لو مر عليك صفار اوقميرية صدقني تجيبه والبواردي على اللأقل ينقشه مع الرائس
وتقبل مروري
للمعلومية الفرق بين ال80 و85 من الداخل ال80 سستة الظغط عريضه وقصيرة وال85 نحيلة وطويلة ممايسبب سرعة الكسر يعني 80 افضل

[abo.a]

الله يجزاكم خير والظاهر صفت على 80 ياخوان بس ابيكم تعلمونن اسعارهن تكفووووووووووون