المساعد الشخصي الرقمي

مشاهدة النسخة كاملة : للبيع خيمه البيرق الشريطيه ممنوع دخولهم


ابو ناصر2020
20/05/2009, 05:08 PM
يوجد لدي خيمة البيرق من القاضي للخيام مقاس 5 × 5 مبطنة
كاملة باغراضها وفيه عيب واحد الي هو شق بسيط بالبلاستك الخارجي الي عند الطنب يعني مايضر ولا له لزمه
والخيمة معروفة بجودتها وعمليتها وكذلك دافية في الشتاء لانها مبطنة
والله يكتب اللي فيه الخير والصالح لنا ولكم
ونسمع سوماتكم
المكان الرياض
abo-lma
21/05/2009, 12:21 AM
يابوناصر

ودنا بصوره تكون على كيفك كيفك
ابو ناصر2020
21/05/2009, 10:15 AM
هذا بوه صوره على التوقيع واذا ناوي نطلع نتغداء جميع بالبر ونطقه لك تتفرج وتشوف بعينك


اذا عجبتك فكه انت وحمله واذا ماعجبتك ياويلك هههههه
abo-lma
21/05/2009, 06:42 PM
يابوناصر الله يحفظلك ناصر وأخوانه وباقي هله

ودي بكشته مع الرجال اليي مثلك وشرواك ... ومالك الا أزيلك هاك الغداء اليي يحبه قلبك

وعقبها تقول فك الخيمة وخذها <<<<<< تراني أمزح

ما أقول الا الله يرزقك الشاري الصامل ويفكك شر المرتزقه اليي هم ( الشريطيه)

موفق خير
majeeed
21/05/2009, 09:36 PM
السلام عليكم ورحمة الله وبركاته
اولاً انا لست بشريطي ولا كن صاحب الموضوع يقول ممنوع دخول الشريطيه وهل الشريطيه بياخذونه منك غصب عنك بياخذونه بفلوسهم ان جاز لك السوم ولا الله يرزق البايع والشاري وقال رسولنا الكريم صلى الله عليه وسلم البائعان بلخيار مالم يتفرقا ويقول المثل اللهم ارزقني وارزق مني وهذ بيع ومشترا مافيه شي والثاني يقول الله يكفيك شر الشريطيه وانا اقول الله من كربة فرجها الشريطيه لانك تكون بعض الأحيان محتاج تبيع سلعتك ويشترونها منك باسرع وقت لو نقص بعض الثمن ولاكن الحاجة بعض الأحيان تكون ضروره ولولا الله ثم الشريطيه كان سكرت الأسواق والمعارض ولازم يرى الإنسان بعين الإنصاف واكرر والله اني لست بشريطي وتقبلو فائق احترامي لكم وهذي وجهة نظر
abo-lma
22/05/2009, 12:15 AM
والله ما ادري وش طلابتك الله يسلمك

ولكن حياك لك نية شراء عطنا سومتك

وعلى فكرة انت الله يحييك متشتت تحلف بالله بانك لست شريطي يعني ان الشريطيه

فيهم عذاريب

واول كلامك تمدح في الشريطيه

حياك الله وبعد هذي وجهة نظر عساها ماتزعلك بس
ابو ناصر2020
22/05/2009, 04:15 AM
تعريف الشريطي : هو كسر السعر مهما كان الثمن على سبيل المثل فيه موضوع للاخ الي قبلي نفس الخيمه اول سوم كان 1000 ريال وبعده جاء شريطي يقول 500 ريال هذا بالله عليك قليل من الثمن الي تقول عنه هذا نصف الثمن حتى الورث الميت محد ينصف الا الانثى تاخذ نصف الذكر ولا بعد يعني مو نصف المبلغ

يعني انا بموضوعي طالب عدم حضور الشريطيه لانهم مالي حاجه معهم ولا ابي منهم حاجه كل وله درب ياصل به مايبي


ابو لمى خلاص شف عالنا يوم نكشت وابشر بعزك يابعدي
majeeed
22/05/2009, 04:50 PM
اولاً اضحك الله سنك اخوي ابوناصر بمسئلة الورث وحلالك الله يبارك لك فيه
اخوي ابو لمى انا مانيب مشتت ولا شي انا قلت في بداية كلامي انا مانيب شريطي واخر كلامي مانيب شريطي لكي لايُخذ كلامي على اني ادافع عن نفسي لكوني شريطي وهم منهم الصالح والطالح كا سائر المجتمع والله يرزق الجميع
والله يخلي لك لمى وتقبل فائق احترامي
ابو ناصر2020
23/05/2009, 10:43 AM
حياكم الله


ونسمع السوم

بسم الله
رحال الشرقية
24/05/2009, 01:37 AM
500/0504453715
ابو ناصر2020
24/05/2009, 01:57 AM
سومه طيبه من وجه طيب



بس بعدك
WAW
26/05/2009, 03:12 PM
تعريف الشريطي : هو كسر السعر مهما كان الثمن على سبيل المثل فيه موضوع للاخ الي قبلي نفس الخيمه اول سوم كان 1000 ريال وبعده جاء شريطي يقول 500 ريال هذا بالله عليك قليل من الثمن الي تقول عنه هذا نصف الثمن حتى الورث الميت محد ينصف الا الانثى تاخذ نصف الذكر ولا بعد يعني مو نصف المبلغ

يعني انا بموضوعي طالب عدم حضور الشريطيه لانهم مالي حاجه معهم ولا ابي منهم حاجه كل وله درب ياصل به مايبي


ابو لمى خلاص شف عالنا يوم نكشت وابشر بعزك يابعدي

==========================

بغض النظر عن الشخص المقصود والذي كتب لك بنفس الموضوع رأيه

نقول خيمتك الان

راحت بــ 600 ريال

قل تم

ولا تعصب ههههههههه

ترى جاد وربي
ابو ناصر2020
28/05/2009, 06:55 AM
تم بيع الخيمه خارج المنتدى بي 1100 الله يرزق الشراي يارب
خيال الغلبا
28/05/2009, 11:38 AM
لا يقربونك الشريطيه الله يكرم الملائكة والسامعين
كوماندز
12/06/2009, 02:59 AM
الله يرزقكم
ادولف هتلر
12/06/2009, 07:36 PM
لا يقربونك الشريطيه الله يكرم الملائكة والسامعين


اخوي خيال الغلبا استح على وجهك