المساعد الشخصي الرقمي

مشاهدة النسخة كاملة : تكفون يالربع أبغي الفزعه منكم


دباس2007
21/05/2009, 02:05 AM
بسم الله الرحمن الرحيم

صبحكم الله بالخير مشرفين وكل الي موجودين

يالربع عندي طير كان فيه حفه ووديته أعلجه في مركز للصقور

قالي الدكتور خله عندنا أسبوع وبعدين يوم جيت لقيت الطير

على زوره في الأرض وقلت للدكتور ليش الطير على الأرض

قال الطير تطور معه من حفه الى سومار والحل قال لي

الطير معاد ينفع فيه شي وحتى مصار يكل

تكفون وش أسوي فيه
الطير سلطان
21/05/2009, 02:29 AM
صباح الخير اخوي
ود الطير لابو خلف العقيل
ببريدة وان شاء الله بتلقى الحل
وخذ رقم جواله 0504954495

وان شاء الله مايشوف شر


الطير سلطان
عوق الخريش
21/05/2009, 02:33 AM
بسم الله الرحمن الرحيم
وعليكم السلام ورحمة الله وبركاتة:
أخوي الغالي دباس 2009
هذي والله المصيبة والمستشفي كل مالة في رداء
لآكن المسمار علاجة حظ من الله عز وجل فيها يعتق
وفيها يموت لآكن أنشاء الله أنة مايشوف شر........ولآكن
ان حصك تودية لخونا الدكتورخالدالعويدي فى الرياض وأنشاء
الله انة يعالجة ويفعل السبب بعد الله عز وجل وخابر عندة اعلاج
للمسامر 100 %100 ومجرب هذا اللى اقدر افيدك فية طال عمرك
تحياتي لك ......وشكراّ,,,
عوق الخريش
21/05/2009, 02:35 AM
اوودة لبوخلف على كلام أخوي الغالي راعي سلطان
لعّاب المنايا
21/05/2009, 03:36 AM
ماقصروا الربع ,,,

وخابرن دكتور بالبحرين لعبته السومار ,,
قرناس ارامكو
21/05/2009, 06:21 AM
أنشاء الله أنة مايشوف شر
شواهين
21/05/2009, 06:44 AM
(Terramycin) مرهم مرتين فاليوم
بتلقاه عند الصيدليات البيطرية
استعمله لين تودية لدكتور بيطري
واسم المرهم كامل ( terramycin oxytetracycline hydrochloride )

والله يوفقك
دباس2007
21/05/2009, 07:52 AM
أخواني ( طير سلطان , وعوق الخريش , ولعاب المنايا , وقرناس ارامكو , وشواهين )

الله لايهينكم على الردود الطيبه يالنشامه والله ياجماعه الخير أن ذا الدكتور أنه حطمني

لكن بيضاء الله وجيهكم .......
صقار شياهين
21/05/2009, 11:28 AM
ماهي بعيدة على المستشفى الله من طيراً ذبحوه
طيب ساس
21/05/2009, 11:40 AM
جعله مايشوف شر ولا صاحبه
انا نصحك بالعويدي
ابوكميخ 911
21/05/2009, 12:38 PM
الله يشفيه
محمد الشامان
21/05/2009, 01:35 PM
انصحك وده لدكتور خالد العويدي برياض
والله يشفي طيركـــــ

دمتم بحفظـ الله ورعايته
مخاوي شيهانه
21/05/2009, 05:55 PM
فاله العافيه ان شاءالله-عجل على الطير وتلاحقه اشباب ماقصرو
GANAS
21/05/2009, 09:58 PM
فاله العافية ان شاء الله
دباس2007
21/05/2009, 10:22 PM
السلام عليكم ياخوان

بيضاء الله وجيهكم كلكم والله أنكم ريحتوني الله يرحم ولديكم
طرح السعودية
23/05/2009, 03:22 PM
انشاء الله مايشوف شر
صاحب نوماس
23/05/2009, 08:06 PM
اخوي ودة العويدي لان المستشفى لا الدرع ولا فهد بن سلطان والله انهم المتردية والنطيحة ذاك اليوم اجيبة لهم الطير اقول الطير مريض يقول وش بلاة قلت مدري امس اهدة مافية شي واليوم شوفت عينك قال وش رايك نعطية مغذي قلت تصرف لاتستشيرني شف الواجب وافعلة وبعد دقايق لقيتة يناديني ويقول تفضل طيرك لقيتة حاطة بكيس ولاف علية شرططون قلت مات قال اية قلت وكيف مات قال ابد عطيناه مغذي ومات قلت وش كان فية يوم يفحصونة قبل لايموت قال فالبداية قال قلاع قلت وين القلاع مانعرف القلاع حنا يوم تقول قلاع قال نفحصة دم ونعلمك قلت توكل على الله قال معة فيروس قلت وش فيروسة قال تبي الصراحة والله مابين معنا شي بس عطيناة مغذي ومات قلت لية ماتسمحون لراعي الطير يدخل يشوف وش اللي تسوونة لطيرة على شان يتطمن قال الادراة مانعة المهم انة مات الطير وكان من اطيب الطيور عندي طير طلع ولحق بس الله عوضني بخير منة ان شاء الله
NAWAFQ8
24/05/2009, 01:26 AM
السلام عليكم
الله يشفيه ان شاء الله
ومايشوف الشر لا هو ولا صاحبه
وانا اقول تماكن الطير وانا اخوك
منها لك اجر بعد
طير الهقاوي
24/05/2009, 05:42 PM
يالله قسمة خير انشالله وده للي يقولن ونشالله بيطرح الله البركه

ولا من ناحيتي بقولك خله على رمله ونشالله بيطيب فاله المقيض توه وبيسلم ان الله كتبله سلامه

تقبل مروري
GX-2010
24/05/2009, 07:45 PM
أخوي دباس2007
عليك بالعويدي وإنشاء الله بيعالجه والباقي على الله
أخوك Gx-2010
دباس2007
24/05/2009, 09:18 PM
السلام عليكم ياجماعة الخير

مشكورين على الردود بيض الله وجيهكم والله لا يهينكم

وصاحب نوماس الله يعوضك بطير ابرك منه كلهم المستشفيات

كذا
هدلالالالالان
25/05/2009, 02:09 PM
الله يشفيه بس اذا هو سده تعوض الله فيه.
ابوفارس 5350
26/05/2009, 06:46 PM
السلام عليكم ورحمه الله وبركاته


اخوي : دباس 2007
1ـ هل الطير وارمه رجله
2ـ هل الأصابع كله شغاله
3ـ اوفيها شي متوقف,,,,,,
4ـ هل الطير ياكل ويصرف العلف
5ـ هل عملو المستشفى له عمليه جراحيه
,,,,,,,,


شف اخوي اذا فيه من الأصابع شي متوقف مارايح يشتغل ثانيه
وممكن ان الجرح يطيب بس ياخذ وقت طويل
اما الأصابع المتوقفه مارايح يعملن لأن الأعصاب الي في رجل الطيرمتقطعه
واذا الأصابع سليمه فقط ورم والطير ياكل يصرف طبيعي يطيب ان شاء الله
بس نزله على الأرض مباشره وعطه مضاد ودهن رجله يوم وخله يوم وخفف الدخله عليه بس ادخل وقت العلف
عمرالعامر
27/05/2009, 01:10 PM
الله يشفية ويذوقك صيدة باالصفري
دهمان
28/05/2009, 12:50 AM
الله يشفيه ان شاء الله
دباس2007
28/05/2009, 11:13 PM
السلام عليكم

مشكورين على الردود كلكم وبيض الله وجيهكم

أبو فارس 5350

1: الطير كان فيه حافه وارمه ويوم وديته للمستشفاء صار سومار في كف الطير كله
2:مادري الطير مايوقف على ارجوله ولافين ارجوله

3:يقول الدكتور الطير ماعاد ياكل

4:اي سواو عمليه جراحيه لكن مافي فايده

والله يكتب الي فيه الخير ومشكور ......

أخوكم : دباس 2007
صفق الهواء
28/05/2009, 11:30 PM
ومايشوف الشر لا هو ولا صاحبه
دباس2007
29/05/2009, 12:39 AM
الشر مايجيك ياصفق الهواء
راعي صعيب111
29/05/2009, 03:29 AM
الله يشفيه بس انا عندي معلومه ان الطير المسومر صعبه يشفى

والله اعلم,,,,,,,,,,
دباس2007
30/05/2009, 12:01 AM
السلام عليكم ورحمة الله وبركاته

كيف الحال يا راعي صعيب 111والله اعلم انه يشفى او مايشفى بس

اذا كان السومار في بدايته يمكن يشفى الى اذا كان السومار لاحق

العصب بيقطعا وبعدين معديقبض بيده ولاعاد بينفع لا مستشفاء ولاغيره

وهذا والعلم عند الله سبحانه

ومشكور على مرورك ..........

أخوك : دباس 2007
دهام 50
30/05/2009, 10:08 PM
الله يشفيه ان شاء الله