الشور يااهل الطيور التفاريخ [الأرشيف]

مشاهدة النسخة كاملة : الشور يااهل الطيور التفاريخ

خيال الصبحا

22/05/2009, 09:26 PM

ذراع الذيب

22/05/2009, 10:06 PM

قصاف123

22/05/2009, 10:13 PM

السلام عليكم ورحمة الله وبركاته

اخوي خيال الصبحا:d نفس السوال الي في بالي من فتره

خصوصآ هل يكون(فرخ اووووووووبيتي)
وشكررررررآ

خيال الصبحا

22/05/2009, 10:14 PM

السلام عليكم ورحمة الله وبركاته

مسيت بالخير ياخوي ..الشطر الثاني ابي اكمله
يقطعون اوقاتهم بالتسايير...وشوف المقانيص القديمه بالافلام
تدري وش اللي نسويه هالايام انشوف المقانيص القديمه بالافلام هههه
انا مثلك محتار مابين هذي وهذي تدري لاجا وقتها ابشري فرخ

تقبل مروري

وعليكم السلام ورحمة الله وبركاته
هلا مساك الله بالنور ياذراع الذيب
وبيض الله وجهك على التكملة الي اكثر من رائعه
وكلنا نتفرج بالصور ونشوف مقانيص الشباب على النت
وبخصوص مشتراك عسى الله يوفقك ويبارك لك وانا لو اخذت
وحش وكاد اني راح اخذ فرخ الا لو عرض لي بيتي طيب وناسبني
اخذته، ولكن السالفة لو اخذت تفريخ وش اخذ(الخبرة بالتفاريخ قليلة)
لذلك ابي الشباب يشيرون علي بالشي الي يناسبني ، وهلا بك

خيال الصبحا

22/05/2009, 10:19 PM

السلام عليكم ورحمة الله وبركاته

اخوي خيال الصبحا:d نفس السوال الي في بالي من فتره

خصوصآ هل يكون(فرخ اووووووووبيتي)

وشكررررررآ

وعليكم السلام ورحمة الله وبركاته
الاخ قصاف123
الاخوان ان شاء الله مايقصرون
يفيدوني ويفيدونك ، وهلا بك

..@القناص@..

22/05/2009, 10:20 PM

الله يرزقك بالطير الطيب ..

خيال الصبحا

22/05/2009, 10:29 PM

الله يرزقك بالطير الطيب ..
الله يجزاك خير

محمد الشامان

22/05/2009, 10:55 PM

انا انصحك بالوحش بس اذاا كانك صامل
تبي تشتري تفريخ
خذلك جير شيانه
والله يرزقكـــ بالطير الطيب انشاء الله

مدماك

22/05/2009, 11:01 PM

هلا بك اخوي....والله انا ما اعرف للتفاريخ ولا قد صقرناها.....وان شاء الله اهل التفاريخ يفيدونك اكثر واكثر .......
هدوا معيـدً عوقهـا عقـب تذييـر...أصله وحش مطروح في ديرة ألغـام
مغتـر ولا طبعـه بطبـع المغاتيـر...من يوم رب ووالف الـدس ماحـام
مطلق عمد صافي وسيـع المناخيـر...كن دق صدره دقـة شمـاغ بسـام
عود ويخالى به على الفرخ والجيـر.. جسر وعلى المدخال في الجول عزام
هذي تكفي طالع عمرك.............والله يرزقك بالي تبيه............اخوك مدماك.....ارشح قرناس وحش ...او جير شاهين من فالكون سنتر هك..

خيال الصبحا

22/05/2009, 11:03 PM

انا انصحك بالوحش بس اذاا كانك صامل
تبي تشتري تفريخ
خذلك جير شيانه
والله يرزقكـــ بالطير الطيب انشاء الله
هلا بك يابو شقران
الوحش مامثله ولكن حب تجربة
اسمع ناس واجد تذم ، واشوف ناس واجد
فعلت طيورهم التفاريخ!!اصدق الي يذم والي الي
يمدح!!والصراحة سمعت عن طيور التفاريخ بلاوي ، يكفي
مقانيص ابو رداد يوم تشوفها بعد ماكانت طيوره كلها وحوش
وكان مايداني المفرخ(اذكر اني كنت اقرا له كلام من هالقبيل بالمواضيع
القديمه ههههههههه)المهم بعد ماكانت طيوره كلها وحوش الحين اغلب او
كل طيوره تفاريخ وش الي خلاه يبدل الان ويمدح التفاريخ؟؟على كل حال الله
لا يعوق بشر شاري شاري كان الاخوان نصحوني بذلك ونجرب ويااما فقر الذيب
والا غناته(النتيجة محسومه من الان وهي ان فعل الطير تمام وان مافعل اعتقد اني ماعرفت
اصقره مضبوط)على كل حال الله ييسر ، وشكرًا

خيال الصبحا

22/05/2009, 11:12 PM

هلا بك اخوي....والله انا ما اعرف للتفاريخ ولا قد صقرناها.....وان شاء الله اهل التفاريخ يفيدونك اكثر واكثر .......

هلا بك يامدماك
والله يحييك ،وشاكر لك
مرورك وردك الكريم وبخصوص
القصيده على عين كل الي بها ولكن

هدوا معيـدً عوقهـا عقـب تذييـر...أصله وحش مطروح في ديرة ألغـام

السبق واللحق التفاريخ اثبتت جدارتها بقوة

مغتـر ولا طبعـه بطبـع المغاتيـر...من يوم رب ووالف الـدس ماحـام
مطلق عمد صافي وسيـع المناخيـر...كن دق صدره دقـة شمـاغ بسـام

واللون بكل 100 وحش واحد مزيون
والتفاريخ بكل 100 مفرخ 99 مزيون
وبخصوص الولف الولف كله بطيور التفاريخ

عود ويخالى به على الفرخ والجيـر.. جسر وعلى المدخال في الجول عزام
هذي تكفي طالع عمرك.............والله يرزقك بالي تبيه............اخوك مدماك.....ارشح قرناس وحش ...او جير شاهين من فالكون سنتر هك..
وبخصوص ترشيحك بيض الله وجهك
ان اخذت وحش 99%راح اخذ فرخ
وان اخذت مفرخ ماظني اخذ جير شاهين كامل
ان اخذت اخذ تبع لان بي طبيعه احب الطيور الصغار
اكثر من الكبار ، اولها الحرار احب الي مقاسه من 16
الى 16.5 ، وعسى الله ييسر لنا ولك ، وهلا بك

عوق الخريش

22/05/2009, 11:14 PM

بسم الله الرحمن الرحيم
وعليكم السلام ورحمة الله وبركاتة :
حياك الله أخوي الغالي :خيال الصبحا
صراحة شوقتنا لأول الوقت والوقت توة
هههههههه المولع دائم عجل على نقلة الطير
أخوي التجربة زينة والشور نوب يضيع ارجال
والشيخ شالح بن هدلآن الله يرحمة قولة في قصيدة لة
أنا اليا كثر الأشاوير ماشير....وحلفت ماتي بارزنٍ مادعاني
المهم التفريخ لة ناس تمدحة ولة ناس تسبة والأكثر المسبة على
كثر مانشوف ونسمع واذا صرت صامل على التغيير ولالك هواء في
فروخ الشياهين البحرية أوالقرانبس البكورالبحرية فنت حدرها على عطي
الله الجير السبيري الوحش والتام مرة اعتقد قيمتة غالية ولاهي مهونة فيك ياكحيلان
لآكن عليك بالي قيمتة مناسبة اللى مقاسة 17X17تكون قيمتة من الخمسن الف وجاي
هذا غناتك بعد الله سبحانة وتعالي ومجرب ومعروف واسال مجرب شايفة طبعاّ ولاصقر فية
سم وعوق الحباري المجانين وهو نفس طيرنا الحر المعروف بس انة جير وحش معنة قليلة لاكن
لآحرصة ووصية أهل الخبرة الشرطية يجيبونة لك والسنة الماضية جاء 7 وراحن على 40,و30 ,و50
هذا راي اذا كنت مقفي عن الحرار الوحوش المعروفة ولآكن اذا عندك رأي ثاني لآتعداء طيورنا المعروفة
اما فرخ ولى وحش ولآبيتي طيب ومعروف شي تعرفة ولاشي تجهلة لأن الوقت قصير والحباري تجي
فجات وتروح اخاف مايمديك تعوكس فى التفاريخ الآ الحباري جاية ورايحة وأنت ماسويت شي
والشاعريقول : فرخٍ خريشٍ عافر الصيدفى يران... مايلحقة فى السبق فرخ أبحرية
وأيضاّ قال: ولآوحـش عابـر أمعـدي شــبابيـك....أمرح وشــــافة من يفزع خويـــة
هذا راي من ضمن الاراء والردود ,,,,
تحياتي لك وشكراّ,,,

خيال الصبحا

22/05/2009, 11:47 PM

بسم الله الرحمن الرحيم

وعليكم السلام ورحمة الله وبركاتة :
حياك الله أخوي الغالي :خيال الصبحا
صراحة شوقتنا لأول الوقت والوقت توة
هههههههه المولع دائم عجل على نقلة الطير
أخوي التجربة زينة والشور نوب يضيع ارجال
والشيخ شالح بن هدلآن الله يرحمة قولة في قصيدة لة
أنا اليا كثر الأشاوير ماشير....وحلفت ماتي بارزنٍ مادعاني
المهم التفريخ لة ناس تمدحة ولة ناس تسبة والأكثر المسبة على
كثر مانشوف ونسمع واذا صرت صامل على التغيير ولالك هواء في
فروخ الشياهين البحرية أوالقرانبس البكورالبحرية فنت حدرها على عطي
الله الجير السبيري الوحش والتام مرة اعتقد قيمتة غالية ولاهي مهونة فيك ياكحيلان
لآكن عليك بالي قيمتة مناسبة اللى مقاسة 17X17تكون قيمتة من الخمسن الف وجاي
هذا غناتك بعد الله سبحانة وتعالي ومجرب ومعروف واسال مجرب شايفة طبعاّ ولاصقر فية
سم وعوق الحباري المجانين وهو نفس طيرنا الحر المعروف بس انة جير وحش معنة قليلة لاكن
لآحرصة ووصية أهل الخبرة الشرطية يجيبونة لك والسنة الماضية جاء 7 وراحن على 40,و30 ,و50
هذا راي اذا كنت مقفي عن الحرار الوحوش المعروفة ولآكن اذا عندك رأي ثاني لآتعداء طيورنا المعروفة
اما فرخ ولى وحش ولآبيتي طيب ومعروف شي تعرفة ولاشي تجهلة لأن الوقت قصير والحباري تجي
فجات وتروح اخاف مايمديك تعوكس فى التفاريخ الآ الحباري جاية ورايحة وأنت ماسويت شي
والشاعريقول : فرخٍ خريشٍ عافر الصيدفى يران... مايلحقة فى السبق فرخ أبحرية
وأيضاّ قال: ولآوحـش عابـر أمعـدي شــبابيـك....أمرح وشــــافة من يفزع خويـــة
هذا راي من ضمن الاراء والردود ,,,,

تحياتي لك وشكراّ,,,

هلا بك ياعوق الخريش
بخصوص الشور انا مااستشير
الا ان كنت مقتنع بالشغله اما اني
استشير بالتفاريخ وانا ماني مقتنع بها!!
ولاتنسى(ماخاب من استشار)وبخصوص الحرار
ساكنات بالقلب ولكن التجربة حلوة والتنويع حلو
والا الحر ساكن بالقلب ، واما البحريات مالله عطاني حبها
(الي حبيتها من البحريات وحده فقط الله يبارك لراعيها بها والسبب
انها تقرنس مع الحرار خلقه)غيره مااداني البحريات على شان قرنستها
على كل حال بيض الله وجهك وشاكر لك مرورك وردك الكريم ، وهلا بك
.
.
ملاحظة/تراي طالب جامعه يعني الخمسين الف نسمع بها ههههههه

دهام 50

23/05/2009, 12:00 AM

السلام عليكم ورحمة الله وبركاته
عليك بالوحش ونام طع شوري ياخيال الصبحا
بتوفيق اخوي

راعي غضبان

23/05/2009, 12:04 AM

وعليكم السلام ورحمة الله وبركاته شف اخوي انا اقول الوحش احسن لك وكانك ناوي تغير وتجرب التفاريخ اناجربت جيره شاهين مع وكري هذه دائما تكون ظفره اوساطيه ولااهي كبيره جد1 يمكن 16في 16وانا شفت مع ناس غيرها ونفس فصيلتها شاهين مع وكري بس وافيه ويمدحونها اما الي معي لاراحت حبارها فوق خيال نطلناها لحقتها فوق وحولتبها مقاضب ماتعطيها مجال وبعد طردها طرد وحش اتحدى احد واهي تطرد حمامتها يقول تفريخ ومن يشوفها يقول وهي تطرد فوق يقول هذه قرناسة وحش وترى نحرها كاشف اوراسها كاشف اوفيه حمره شوي وانا انصحك بها كان لابد تفريخ ولك مني جزيل الشكر وتقبل مرورررررري راعي غضبان

خيال الصبحا

23/05/2009, 12:07 AM

السلام عليكم ورحمة الله وبركاته

عليك بالوحش ونام طع شوري ياخيال الصبحا

بتوفيق اخوي

وعليكم السلام ورحمة الله وبركاته
الاخ دهام50نصيحتك طيبة وانت اطيب
وهلا بك

خيال الصبحا

23/05/2009, 12:09 AM

خيال الصبحا

23/05/2009, 12:10 AM

الاخوة الاعزاء
المعذرة راح اطلع الان
من النت ولكن الوعد بكرة
باذن الله ، وهلا بكم جميعًا مقدماً

راعي شوق

23/05/2009, 12:10 AM

اخوي خيال الصبحا السلام عليكم
ان بغيت شوري ما يشق الهوى كود الوحش
واما التفاريخ لا يفوتك جير الشاهين تراه دوا:good: :good:

أبو رداد

23/05/2009, 12:17 AM

يكفي
مقانيص ابو رداد يوم تشوفها بعد ماكانت طيوره كلها وحوش
وكان مايداني المفرخ(اذكر اني كنت اقرا له كلام من هالقبيل بالمواضيع
القديمه ههههههههه)المهم بعد ماكانت طيوره كلها وحوش الحين اغلب او
كل طيوره تفاريخ وش الي خلاه يبدل الان ويمدح

يابو نايف أترك خويك بحــــــاله .... يقرا خفوق الطير من رفت جناحينـه
أنقل وحش ترى نقله ســـــــهاله .... ماغير تلواح (ن) ويامكثر مدهلينه
التفريخ عله أن ماحصل رجـــاله .... هــــم يعذربوه وفالاخرسبوا مفرخينه
هههههههههههههههه
سامحني على هالبيوت المكسره
لكن اعرفك تحب الشعر وقلت خلني أرد بمايحب

ابوفارس 5350

23/05/2009, 12:36 AM

السلام عليكم ورحمة الله وبركاته
والله ياخوي خيال الصبحا عليك والله بالوحش وناخوك
شور ونت مستشير بتوفيق
اخوك : ابوفارس 5350

صياد ليبيا

23/05/2009, 01:15 AM

اخوى(خيال الصبحا) بالنسبة لرأى الخاص
انا ما اشيل الجير ولا اى نوع من الهجين او التفريخ
مع انى رافقت ناس تشيلها وشفت من طيورهم فعل طيب
لكن الحر يظل حر سواء صقر ولا شاهين عندى جدى
يقول على الطير الحر (هذا طير مدربته امه عا الصيد
مش انسان انت مهمتك تعلمه عا الحبارى وتخليها فريسته مش
تعلمه كيف يصيد) يعنى الحر يكيفنى بالمقناص اكثر لذكائه وفطرته
من العش وكل هدد تشوف منه شى جديد انا ما اتحيز للصقر
ولا الشاهين لانى شلت الاثنين وشفت منهم شى حلاوته فى ريقى
الى الان تاخذ نصيحتى خذ واحد منهم ولما يسلك يخليك سايب وراه
بالصحارى زى اخوك (صياد ليبيا) استغل الموسم بأكبر شكل
وما ارجع الا والطير مغارم حبارى

اسف للاطالة لكن اصر عا الحر اخوك (صياد ليبيا)

الفيتو

23/05/2009, 01:16 AM

بسم الله الرحمن الرحيم
السلام عليكم ورحمة الله وبركاته
صباح الخير ياجوه الخير اخوي خيال الصبحا
انا من رايي كان تبغى الكروان عليك بتبع جير شاهين
وكان تبغى الحباري جير شاهين وكلها فالكون سنتر
ما انصحك الا باللي انصح به نفسي
*
والسلام
الفيتو
الحجاز
28/5/1430هـ

أبوتركي

23/05/2009, 01:38 AM

بسم الله الرحمن الرحيم

السلام عليكم ورحمة الله وبركاته
كيف حالكم يااهل مكشات؟عساكم طيبين؟
العلم سلامتكم .. الي رابط طيره يعد الريش والايام
الله على الربطه يعين الصقاقير .. الي تعد الريش وتعد الايام
والي ماهو رابط طير(مثلي)يفكر وش راح ياخذ فرخ والا قرناس
وحش والا بيتي ، وش نوعه ... الخ من التفكير ، هذي الحالة تمر بالجميع
وبما فيهم أنا هههههههه ، على كل حال التفكير مازال تفكير لين نشري على خير
المهم اني قاعد افكر وش أخذ ؟ والبال على الوحوش طبعًا ولكن من تالي بديت افكر
اني اخذ طير من طيور التفاريخ ، لي فترة والنفس مايله لهن ولكن كنت متردد لقل خبرتي
بهن فقط لا غير ولكن من تالي قررت أخوض التجربه وعلى الله،لذلك وش تنصحوني به من هالانوع
1-تبع جير شاهين
2-تبع جير حر
3-تبع جير جبليه
4-تبع جير
كذلك هل تنصحوني اخذ قرناس بيتي او اخذ فرخ؟؟

اسف للاطالة، وجزاكم الله خير ، وشكرًا

وعليكم السلام ... هلا بك أخوي خيال الصبحا...

يبدو لي أن سؤالك واضح .. وحددت الخيارات .. ولم تذكر من ضمن الخيارات الأربعة ( الوحش ) لكن محبي الوحش يأبون الا أن يدلوا بدلوهم !!! ههههه رغم أنهم لم ينقلوا التفاريخ ... !! وعسى الله يكثرهم .. لأنه بيني وبينك لو طاحوا في التفاريخ راح ترتفع أسعارها ..

على العموم خير الكلام ماقل ودل ...

رقم 2 - تبع جير حر ... هذا يسمى قرموشة ... وأنصحك بالابتعاد عنها .. يعني شطب عليها ..

رقم 1- ورقم 4- يبدو لي ... أنهم نوع واحد ... لأن أغلب الخليجيين لما يقول لك ( تبع جير ) تراه يقصد تبع جير الشاهين ... فيختصرها بتبع جير ... الا اذا كنت تقصد تبع الجير البيور ... وهذا غالي ...

نرجع للموضوع .. فتكون المقارنة محصورة .. بين تبع الجير الشاهين وتبع الجير الجبلي ( الباربري أو الباريرا ) وبرأيي المتواضع أن تبع الجير الشاهين .. كايف ... جدا ... جدا ... وبينومسك وينسيك الحرار ...

وهل هو فرخ والا بيتي .؟ فهذا راجع لفضوتك وهوايتك .. فااذا كنت تحب التحدي والمغامرة فخذ لك فرخ تعلمه على كفك .. وتحس بطعم النجاح اذا صاد ...

واذا تبي شيء يبيض الوجه ولايخيب ان شاء الله .. خاصة اذا كانوا ربعك من محبي الوحوش.. فخذ لك بيتي علومه حقاق ... والوعد المدعى ...

واذا تبي رأيي الخاص .. مادام أنه أول طير تفريخ .. فخذ لك بيتي علومه معروفة عشان ماتعاف التفاريخ !!..

والسلام عليكم ..

سلطان 1

23/05/2009, 09:46 AM

هلا وغلا بخيال الصبحا وابرك الحزات يوم ارد على موضوعك \
من سب الجير فهو أما ما صقره ويسمع العالم تذمه ومع الخيل يا شقرا او انه صاقره ولا عرف يصقره او انه اخذ من مزرعه ماهيب معروفه وفاشله0
لكن من صقر الجير بانواعه ومن مزارع معروفه للجميع فوالله معاد ينقل الوحش الا كان من غلا له في النفس 0بس 0
انت تبي اليا هديت وقلبك على كراسيه عليك بالجير 0

طرح السعودية

23/05/2009, 03:06 PM

هلا بك ياخيال الصبحا
انا عندي ثلاثة وحوش وفي بداية الربطة
اخذت لي جير وكري ناوي بإذن الله اصقره السنة الجاية
والتفاريخ ما أحد ينكر فعولها وفيه شيبان حولوا عليها بعد ماشافوا فعولها وطلقوا الوحوش
وقبل سنتين خويي أخذ له مثلوث جير بيور
من انتاج الإمارات وعلمناه وبعد يومين هديناه
بالصمان ما خلا الحبارى تقطع الروض وآخر بيعة له العام الماضي بيع بثلاثين الله يبارك لأهله ويبقى التوفيق من الله سواء بالتفاريخ أو الوحوش

خيال الصبحا

23/05/2009, 04:02 PM

الأخوة الأعزاء
حياكم الله جميعًا
.
.
الأخ راعي شوق
وعليكم السلام
وبالنسبة لشورك اقول
شور طيب من رجال اطيب
والوحش خابرينه وباقي التفريخ نبي
نجربه ، وهلا بك
.
.
الأخ ابو رداد
صح لسانك ههههه
وبيض الله وجهك وماشاء
الله عليك محاولتك جيدة وفالك
البيرق هههههه ، وصدقت بالي قلته
احب الشعر وبعد تراني احب الطير واحب
خوة مطاليق الرجال شرواك وشروى من يقرى

الطير معنا يالخوي حي فاله = عزيز قدره عندنا مانهينه
نتعب عليه ونكرمه ونعنا له = من دم قلبي يالخوي مشترينه
يالصاحب المطنوخ راعي الجماله = بالمنتدى شرواك قاد السفينه
بيني وبين الطير حب وزماله = وعز ووفا واخلاص بيني وبينه
مع ان به خمات لامن طرا له = تل السبوق وخلا نفسك حزينه
والطير لو روح نحصل بداله = ولو ان فقده لافقدته ياشينه
مير المصيبه فقد راعي الشكاله = الي على جور الزمن خابرينه

واسف جدًا يمكن تكون القصييدة تحت منحى ثاني ولكن هذا الي هاضت به القريحة
نرجع للقصيدة انت ماشاء الله عليك يابو رداد مثل ماذكرت(تقرا خفوق الطير من رفت جناحينه)وانا ماوصلت لمستوى صقارتك ولا لنصها على شان اقارن صقارتي بصقارتك ولكن مع ذلك تراني اعجبك ، لذلك لا يصير بالنفس شي يوم قلت عنك الي قلته بردي على الاخ(ابوشقران)ولكن كان ذكر الكلام السابق من باب الاستدلال،على كل حال الله ييسر وبخصوص شورك اقول شور طيب وانت اطيب ، وهلا بك
.
.
الاخ ابو فارس5350
وعليكم السلام ورحمة الله وبركاته
شورك طيب يابو فارس وانت اطيب ، وهلا بك
.
.
الأخ صياد ليبيا
بيض الله وجهك
وشاكر لك مرورك وردك
الكريم ، وعسى الله يعطي جدك
طولة العمر والسلامه ، وهلا بك
.
.
الأخ ابو صالح
وعليكم السلام ورحمة الله وبركاته
ابو صالح بيض الله وجهك على ردك الجميل
وبخصوص شورك مابها شكه ان شاء الله انك مانصحتني
الا بالانسب ، وشورك طيب وانت اطيب ، وهلا بك
.
.
الأخ ابو تركي
ردك أكثر من رائع
وبالنسبة لاهل الوحوش
(وانا مازلت منهم لهالحظة)عزيزين
وغالين علي ويمونون علي وعلى طيوري
وشورهم لا شك انه من باب انهم يحبون لي
مثل مايحبون لانفسهم ، نرجع لموضوعنا ، بالنسبة
لتبع جير حر ذكرت اني ابتعد عنه دون ماتذكر السبب
ولكنك محل ثقة باذن الله ، بالنسبة لتبع جير بيور شطبت عليه
بقى تبع جير الشاهين احتمال انه يكون هو الانسب لي ، وبيض الله
وجهك على ردك ، وانا ان طحت بالتفاريخ تأكد أنك أنت السبب،وهلا بك
.
.
الأخ راعي فاروق
ابرك الحزات يوم اقرا لك رد
او موضوع ، وبخصوص سب الجير
الناس واجد تسب وانا مقتنع بالكلام الي
انت قلته(اما ماصقره أو صقره خطأ أو من مزرعه
غير معروفه)واكثرهم من الي تعاملوا مع المزارع بأول
طلوعها واكيد المزرعه أول طلوعها تبي تكون عندها أخطاء
ومع الايام تتلافاها ، على كل حال بيض الله وجهك،وهلابك
.
.
الأخ طرح السعودية
بيض الله وجهك ، وشاكر
لك مرورك وردك الكريم ، وبخصوص
الجير وكري حقيقة ماعندي اي معلومات
عنه ، لذلك ماجعلته ضمن التصويت ، فحبذا
ولا عليك امر لو اتحفتني ببعض المعلومات او الصور
عنه ، وهلا بك
.
.

طرح السعودية

23/05/2009, 05:39 PM

خيال الصبحا

23/05/2009, 05:48 PM

اخوي خيال الصبحا

بالنسبة للجير وكري ماعندي معلومات تفصيلية عنه فأنا اول تجربة لي بالتفاريخ
والمعلومات الوافية عنه تلاقيها عند مشرفنا
ابو رداد وباقي الاعضاء اللي لهم خلفية بالتفاريخ
الاخ طرح السعودية
بيض الله وجهك وشاكر
لك متابعة الموضوع ، وعسى
الله يبارك بطيرك وتاكل من صيده
وهلا بك

أبوتركي

23/05/2009, 05:57 PM

الأخ ابو تركي
ردك أكثر من رائع
وبالنسبة لاهل الوحوش
(وانا مازلت منهم لهالحظة)عزيزين
وغالين علي ويمونون علي وعلى طيوري
وشورهم لا شك انه من باب انهم يحبون لي
مثل مايحبون لانفسهم ، نرجع لموضوعنا ، بالنسبة
لتبع جير حر ذكرت اني ابتعد عنه دون ماتذكر السبب
ولكنك محل ثقة باذن الله ، بالنسبة لتبع جير بيور شطبت عليه
بقى تبع جير الشاهين احتمال انه يكون هو الانسب لي ، وبيض الله
وجهك على ردك ، وانا ان طحت بالتفاريخ تأكد أنك أنت السبب،وهلا بك
.
.
.

هلا بك أخوي خيال الصبحا ... على فكرة تراني من أهل الوحوش .. وماأقنص الا معي وحش ..

ومشكور على الثقة .. اللي ان شاء الله في محلها .. واذا لك خاطر في البيتيات .. أبشر باللي يدلك على البيتي الطيب .... واذا لك خاطر في الفروخ بعد أبشر بالمعلومات والمزارع اللي سعرها معقول وتنومسك بإذن الله .. ويوصلك في محلك ..( على الخاص ..) ..

وانا ان طحت بالتفاريخ تأكد أنك أنت السبب

هذي إن شاء الله بتدعي لي فيها ... وتترحم على أيام الوحوش ..وطلبي منك اذا توفقت الدعاء وبس ..

خيال الصبحا

23/05/2009, 06:20 PM

هلا بك أخوي خيال الصبحا ... على فكرة تراني من أهل الوحوش .. وماأقنص الا معي وحش ..

ومشكور على الثقة .. اللي ان شاء الله في محلها .. واذا لك خاطر في البيتيات .. أبشر باللي يدلك على البيتي الطيب .... واذا لك خاطر في الفروخ بعد أبشر بالمعلومات والمزارع اللي سعرها معقول وتنومسك بإذن الله .. ويوصلك في محلك ..( على الخاص ..) ..

هذي إن شاء الله بتدعي لي فيها ... وتترحم على أيام الوحوش ..وطلبي منك اذا توفقت الدعاء وبس ..
الأخ ابو تركي
الله يجمعنا بالجنة قل امين
بخصوص الطيور بيننا رسالة على
الخاص ، وبيض الله وجهك ، وهلا بك

راعي غضبان

23/05/2009, 08:02 PM

اخوي خيال الصبحا مساء الخير انت تقول مااعرف الجيره الي كتبت لك ان امس انصحك بها تبي تشوف اصورها وفصيلتها وكلن يمدحها شف اخونا رضوان عارض صور شيهانته في المنتدى هذه الفصيله الي انصحك بها وتقبل مروري راعي غضبان

البرنس 10

23/05/2009, 10:52 PM

والله الصيد زين وماشاء الله تبارك الله انشاء الله تدربونهن

عتيج الصوف

24/05/2009, 12:46 PM

موفق خير ....

خيال الصبحا

24/05/2009, 03:15 PM

الاخوة الاعزء
حياكم الله جميعًا
.
.
الأخ راعي غضباب
أشكر لك متابعتك للموضوع
بالنسبة للجير الي عرضه الاخ رضوان
نوعه جير شاهين هل هذا الي تقصده(انا
كاني فهمت من ردك الاول انك تنصحني بجير
شاهين وكري!!)لذلك قلت مااعرفه اما الجير شاهين
فهو معروف لدي تمام المعرفه ، وهلا بك
.
.
الاخ البرنس10
هلابك
.
.
الاخ عتيج الصوف
جزاك الله خير ، وهلا بك

راعي غضبان

24/05/2009, 04:28 PM

نعم هذه الي اقصد جير مع شاهين بس كل من قابلته ابشيهانتي الي معي يقولون هذي في راسها حمره زي شيهانة رضوان انها فيها عرق وكري والا هي اكيد جير شاهين والي يقولون فيها عرق وكري كل الي معهم تفاريخ ويبخصونها على كلامهم ومعهم الشاهين الي لونها لون شياهينا العاديه بس وافيات ومعهم مثل شيهانتي وشيهانت رضوان وانصحك ياخوي مثل شيهانت رضوان تراهن مسكتات ولك مني جزيل الشكر اخوك راعي غضبان

راعي سنار

24/05/2009, 06:37 PM

خذلك فرخ لك ولزمن

أبو أمين

25/05/2009, 04:29 PM

خيال الصبحا السلام عليكم ورحمه الله وبركاته

اولا الله يباركلك فيما قنيت سواء وحوش ولا تفاريخ وجعلها تونسك وتنومسك وتعين الصيد الوفير
ثانيا انا من عشاااااااق الجيره وصدقني مهوب تحيز والله ثم والله لا يصف جنبك لا وحش ولا غيره ان بغيت السبق ابشر به وان بغيت الشجاعه والصمله ابشربها ونصيحه لا تاخذ فرخ دامك اول مره تتعامل مع التفاريخ خذلك جير شاهين ولا جير حر بيتي علومه ثبت علي الطلاق وهذا انا طلقت وما بعد اتزوجت ههههههههه لتنطرب طرب خيالي والصيده اعتبرها في الخرج وبتدعيلي ان شاء الله بس لا تاخذ فرخ وتخطي معه ولا هوب قصور فيك انت عزالله تصقر الي ما ينصقر وتكره التفاريخ امل اني ما طولت عليك شااااكر لك

بو غازي

25/05/2009, 04:50 PM

السلام عليكم ورحمه الله وبركاته
خيال الصبحا عليك بجير الشاهين
يسمحلي اخوي سرحان تسلفت منه بيتين يقول:
وإن أقبلت نجم(ن) هوتبه مقادير..نازل على ارض البشر من سماها
وإن اجبرت جرت ورآها الاعاصير..من سبقها كأن الطريدة ورآها
يفرج هددها كل هم(ن) وتقدير..وتنومس إلي شلها واقتناها
صح الله لسان الشاعر العضو* سرحان*

خيال الصبحا

25/05/2009, 05:16 PM

الاخوة الاعزء
حياكم الله جميعًا
.
.
الاخ راعي غضبان
بيض الله وجهك
وشاكر لك متباعتك للموضوع
وبخصوص الجير شاهين مثل ماذكرت عنه
واظن النية عليه باذن الله ، وهلابك
.
.
الاخ راعي سنار
شاكر لك مرورك وردك
الكريم ، وهلا بك
.
.
الأخ ابو امين
وعليكم السلام ورحمة الله وبركاته
الله يحييك واشكر لك مرورك وردك الكريم
وبيض الله وجهك ، وان شاء الله تتزوج قل امين
وهلا بك
.
.
الاخ بو غازي
وعليكم السلام ورحمة الله وبركاته
حياك الله
وصح لسان القايل
وتسلم يدين الناقل ، والاخ
سرحان عز الله انه وصف يوم وصف
والله يعوض خير من طيرته ، وهلا بك

بو غازي

25/05/2009, 11:41 PM

السلام عليكم ورحمه الله وبركاته
تصحييح القصيدة مهيب للاخ سرحان القصيدة لفزاع
والاخ سرحان معليش اسمحلي اخوي :)