يا اصحاب الخبره

[عاشق روز]

السلام عليكم
الاخوه الاعزاء هذه مشاركتي الاولى وارجوا من الله ثم منكم مساعدتي في معرفه افضل طعم وطريقه لصيد الضيراك ( الكنعد ) ومقاسات الخيط والسنانير
ارجوكم لاتهملوا الرد للي عنده معلومات وشكرا لكم سلفا

[الشمطري]

اتمنى انك تجد مطلوبك

وتوقعي الطعم الحي افضل شئ

باقي المعلومات يفيدونك فيها الحواتين والنواخذة

[غوااص رابغ]

والله ياخوي انا اصيده بالباغه وكمان بسردين الباحه الكبير واضع الاتريك بجانب الهوري ونزل حق 13 او16 متر واقعد هز في اللعفه خليها تصقل(تلمع)وبيجيك اللي يقطع يدك من السحب هههه وشكرا

[شاهين2007]

عليكم السلام و حياك الله
افضل طريقه طال عمرك هي اللفاح ...وهي عباره عن سمك صناعي مثل الربالا والستورم ينزل لعمق من 15 الى 30 قدم ويتم سحبه بالقارب على مسافه 40 - 50 متر ويكون اخر الخيط سيم
ويفضل انك ماتستعمل خيط سميك عشان مايخرب عليك سباحة السمكه ويقلل العمق
وكذلك حجم السمكه يكون مناسب
وسرعة القارب من 9-11 كيلو او من 5 - 6 عقده
والاهم اختيار المكان
وبالتوفيق

[محآآآآآآآآآآر]

والله ياخوي الضواريك لها أماكن معروفه تتواجد فيها إذا انت تعرفها فخذ عندك هالمعلومات اللي إنشاء الله تفيدك وتفيد الجميع .
أولاً :-
الصيد نهاراً :
إما إنك تستخدم الطريقه اللي قالك عليها أخونا شاهين ( المجرور أو اللفاح ) أو طريقة الصيد باللعف الحي ( التدجين ) خلينا نشرح هذي الطريقة
التدجين :
أول شي نعبي المحيى باللعف الحي وخذ في بالك إنك راح تحتاج كميه كبيرة من اللعف الحي ، بعد كذا نأخذ كمية طيبة من اللعف ونرشها فالبحر يمين ويسار ، وبعد كذا شك اللعف الحي فالجلب وارميه بعيد ( توشيّح ) بس الخيط يكون مقاس 70أو 80 وانا أفضل الـ 60 ولازم يكون في طرف الخيط مصفّر (سلك) لأن هذي الأسماك تمتاز بالأسنان الحادّه
ثانياً :-
الصيد ليلاً :-
مثل ماقالك أخونا غواص رابغ تولع الاتريك وتنزل خيطك بس هنا كبر المقاس مايهمك وكمان لا تنسى المصفّر .
أتمنى إني أكون قدمت ما فيه الفايده لك وللجميع
أخوك،،،،،
محآآآآآآآآآر

[عاشق روز]

شكرا لكم على المعلومات القيمه لكن عندي سؤال كيف احصل على اللعف الحي ؟

[محآآآآآآآآآآر]

أخوي فيه عدت طرق لصيد اللعف الحي ، وسوف أذكر أغلبها
الطريقة الأولى :-
صيد اللعف بالمخدجه سواءً (رقطة ، سردين ، فقيمه ، عنبره ، قاصه ، كشكوش ) أي شي ينفع يكون لعف حي
الطريقة الثانيه :-
صيد اللعف بشوار الجرف ( شوار تكون فتحاته صغيره جداً خاص باللعف )
الطريقة الثالثة :-
صيد اللعف بطريقة التوليع بالليل ، وتكون إما بإنزال شوار اللعف وهو غير اللي للجرف ، هذا شوار خاص للتوليع وللغزر ، وإما تكون بالخدج
الطريقة الرابعة :-
صيد العيده بالمخدجة ( وكثر ناس يستخدموا الدقيق لجلب العيدة ثم بعد خدجها تتم مراقبتها بالناظور إلى أن تعلق بالمخدجة )
الطريقة الخامسة :-
صيد الأسماك الصغيرة بواسطة الجلب ( قاصه ، حفار ، جعبول ، أبو مليص ، حبره ،أبوصقعه ،أبو بصيل ، أبو ونان ) وهذي كلها في حالت ماكان فيه لعف
أتمنى إني أكون قدمت ماهو مفيد لك وللجميع
تقبل مروري
أخوك،،،،،
محآآآآآآآآآر