المساعد الشخصي الرقمي

مشاهدة النسخة كاملة : الفزعة يا صقاقير


GX-2010
23/05/2009, 02:18 PM
سلام عليكم ورحمة الله وبركاته
مساكم الله بالخير يالربع انا عندي طيرحر تأخر في القرناس العام وهذي السنة توه حاذف وحده و وحده
وش رايكم اعطيه كورس أيها افضل البودرة أو الحبوب وايها افضل حق الشياهين او حق الحرار وهل فيه فيتامين اعطيه إياه مع الكورس وهل الكورس يأثر في ريشه وطياره وين احصل الكورس فيه أنا في الرياض
أسف على الإطالة
تقبلوا تحيات أخوكم Gx-2010
حر ابوظبي
23/05/2009, 02:54 PM
مرحبا اخوي

دام الطير بدا يتوح الريش ما يتحتاج كورس

عليك بالفيتيمانات والفيران والعلف الطيب للطير وان شاء الله تنقل طيرك مع العرب

حسب ما سمعنا ان الكورس مرات يقتل الطير لو ما انعطى بكميه وطريقه صحيحه والغالبيه تستخدمه للشواهين علشان تتوح ريشها بدري وتجهز مع الحرار الكورس وظيفته يخلي الطير يحذف الريش قبل موعده لكن طيرك دامه بدا بالحذف امورك طيبه ان شاء الله
محمد الشامان
23/05/2009, 04:40 PM
مرحبا اخوي

دام الطير بدا يتوح الريش ما يتحتاج كورس

عليك بالفيتيمانات والفيران والعلف الطيب للطير وان شاء الله تنقل طيرك مع العرب

حسب ما سمعنا ان الكورس مرات يقتل الطير لو ما انعطى بكميه وطريقه صحيحه والغالبيه تستخدمه للشواهين علشان تتوح ريشها بدري وتجهز مع الحرار الكورس وظيفته يخلي الطير يحذف الريش قبل موعده لكن طيرك دامه بدا بالحذف امورك طيبه ان شاء الله
هذاا الكلام الصحيح
صاحب نوماس
23/05/2009, 05:19 PM
انا اقول دام الطير بدا يحذف لا تعطية كورس بس لاتقصر علية بالعلف لان الطير يتاخر من عدم الصنعة اي مقصور علية ممكن يعلف اليوم وبكرة مايعلف على شان كذا يتأخر الطير فالحذفة اما بالنسبة للكورس انا ما انصحك فية لانة احيانا يكون يتسبب في وفاة الطير. فيقرنس ويخلص في شهر 11 احسن من انك تفقدة .
فزااع
23/05/2009, 06:56 PM
اخوي الطير رابطه طلق ولا ارضي..

واحد من الربع طيره تاخر قبل العام يدريك انه ناقله في شهر 12 وتوه يسوق الموس والنايفه ودخله المربط بدايه رجعه الكراوين وربط ارضي واللي ربطه عنده بيض الله وجه ارهى عليه بفروخ الحمام والفياتمينات وتنويع العلف والحمد لله ظهر اول الطيور..

وتري يمكن طيرك عديد مره..

ان كانه عديد مره اقصر عليه شوي وارفعه..

اتمنى افدتك..
راعي غضبان
23/05/2009, 07:19 PM
وعليكم السلام ورحمة الله انا انصحك لا تعطيه كورس لان الكورس ان زاد عن وزنته يضر الطير في الريش يصير ادنى ماكسره وفي الرئه يضر تنفسه ويمكن يجيه التهاب في الاكياس الهوائيه ومادامه حذف ارك عليه الفيتامينات والعلف كان قدرت اتنوع احسن من فار الى جرذي او حمام فروخ ضغيره انشاء الله يتم مع الطيور وتقبل مروررررررري راعي غضبان
GX-2010
24/05/2009, 02:18 PM
انا اقول دام الطير بدا يحذف لا تعطية كورس بس لاتقصر علية بالعلف لان الطير يتاخر من عدم الصنعة اي مقصور علية ممكن يعلف اليوم وبكرة مايعلف على شان كذا يتأخر الطير فالحذفة اما بالنسبة للكورس انا ما انصحك فية لانة احيانا يكون يتسبب في وفاة الطير. فيقرنس ويخلص في شهر 11 احسن من انك تفقدة .
أخوي صاحب نوماس الطير عديد وكل يوم يعلف علف طيب وينوع له العلف بس مافيه فايده
GX-2010
24/05/2009, 02:25 PM
حر ابوظبي
ابو شقران
صاحب نوماس
فزاع
راعي غضبان
مشكورين جميعا على ردودكم الرائعه
عندي إستفسار بسيط وش أحسن فتامين ياليت توضحون لي لأاني ماعرف شي بالفتامين
تقبلوا تحيات أخوكم المحب Gx-2010
راعي سنار
24/05/2009, 06:47 PM
فية فيتامين اسمه مولتينق ايد سائل بمستشفى الطيور يستخدم مع الماء
GX-2010
24/05/2009, 07:40 PM
الله لايهينك أخوي راعي سنار
وبيض الله وجهك بس هل هذا الفتامين يساعد على حذف الريش
تقبل تحيات أخوك Gx-2010