المساعد الشخصي الرقمي

مشاهدة النسخة كاملة : استفسار ضروري عن التلسكوبات وفيديكس !!


ألفا قنطورس
23/05/2009, 06:15 PM
السلام عليكم ورحمة الله وبركاته


كيفكم يا اخوان ان شاء الله بخير ؟

انا ان شاء الله ناوي اشتري تلسكوب ولي قريب موظف في الجبيل وهو راح يشتريه من وكيل ميد ويرسله على الفيدييكس

طيب السؤال هو هل هو مضمون انه مايتكسر ؟؟
حتى ارسال بالبريد انا سمعت ان البريد العادي حق المستندات والفواتير ماينفع

تكفون يا اخوان ابي الرد باقرب وقت
ألفا قنطورس
24/05/2009, 02:17 PM
يا اخوان تكفون موب ذا العشم فيكم
محب المكشات1
28/05/2009, 02:20 AM
حياك الله اخوي

انا سبق وان طلبت واحد من خارج المملكة وجاني على اراامكس بكرتونه ممتاز وسليم

واذا تبي تشريه تراي بياع...........

وارى ان شركة ميد اسعارهم نار....

والشحن مافيه اي مشاكل
ألفا قنطورس
01/06/2009, 08:43 PM
ياهلا باالغالي

صحيح ميد غاليه بس حسنتها الوحيده انها قريب وتضمن ان التوصيل مايتأخر

زين فيديكس ماتضمن انه يجي سالم الا بعد التأمين والتأمين غالي وش اسوي ارسل عبر البريد السعودي والا كيف؟

طيب كم انش تلسكوبك ونوعه وشركته " ماركته " وكم طالب فيه ؟؟
بندر خلف
02/06/2009, 03:13 AM
يفيدونك الشباب
أبن القبلان
18/06/2009, 02:12 AM
اشكرك على الموضوع
هواي الصين
18/06/2009, 02:22 AM
يااخوي انتبه

فيه شي عندهم اسمه ضمان مدري تأمين

لان النقل ترى مايشمل ضمان عدم الكسر

لانهم قد نقلوا لي غرض ووصل مكسور قالوا انت ما سويت تأمين

ولله على مااقول شهيد
صلهامه
29/06/2009, 12:10 AM
اشتريت من وكيل ميد فى الجبيل تلسكوب نوع Etx 125 بخمسة الاف وسبعمائة ريال ولقيته فى مواقع على النت بربع هالقيمة وزود عليه الف او الف وخمسمية شحن يوصلك بلا منه

الضمان - من اول ما وصل شبكت محوله بالكهرباء خط 110 مثل ما هو مكتوب وطلع من حهاز الباحث اللى فى التلسكوب دخان وريحة بلاستيك
كلمت على وكيلهم قال هذى مشكلتك !
رحت لمنتدى فلكيين القطيف لانهم اقوى مجموعة فلكية بالسعويه ولقيتهم يشتكون من هالنوع ان فيه عيب مصنعى فى الباحث الالكترونى

الحين شغال يدوى على اكمل وجه
اللى يبى يشترى يروح اون لاين ويحسبها صح

الضمان عندنا ضمان اسمى ولرفع قيمة السلعه فقط
hrmla
10/07/2009, 04:48 PM
الله يكون في عونكم
ألفا قنطورس
14/07/2009, 05:50 PM
اخوي صلهامه

انا ماقدر اشتري من برا " من النت "
لكن الشكوى لله انا راضي بـ اسعار ميد رغم انها اغلى زي ماوضحت

بس السؤال هل ترى ان فيديكس شحنها سليم يعني بيوصلني التلسكوب قطعه وحده ؟؟!! والا مكسّر :(

الان انت تقول اشتريت Etx-125 هو نفسه اللي انا ابيه .. يشتغل على بطاريات عادي ؟ والا بس كهرباء؟

يعني انت تلسكوبك مايشتغل على الكهرباء بس على البطاريه ممتاز ؟


ياليت ترد باقرب فرصه
صلهامه
15/07/2009, 01:32 AM
نعم اخوى الـ Etx125 يشتغل على البطاريات لكن عيبه انه يستهلك بطاريات بالهبل عشان كذا فى يوم اشتريته علمونى ان الكهرباء احسن من البطارية لانه يستهلك البطاريات بسرعه ويحمل 8 بطاريات من نوع Aa ولا تقعد ساعه لانه يحرك الموتور والكمبيوتر اللى فيه .

وبعدين يا خوى حنا نطلب كميرات وطابعات وعطورات من امريكا ولا كد مره جتنا البضاعه وفيها كسر او مشاكل شحن فاشحن ولا تخاف وتوكل على الله
ألفا قنطورس
15/07/2009, 06:06 AM
الله يحفظك ياخوي صلهامه

والله انك ريحتني


الله يوفقك يالغالي وان شاء الله بشحن من عندهم

الله يطمنك دنيا وآخره


في حفظ الله
طلحة
15/07/2009, 10:05 AM
أخوي الفا قنطورس
اولا مبروك عليك التلسكوب
ثانيا لا تحتاج الى فيديكس ولا الى صديق ليشتريه. فقط اتصل او ارسل ايميل الى ميد في الجبيل وسيرسلونه لك بسيارتهم وعلى ضمانتهم وبعد ما يصلك الجهاز ادفع للسائق المبلغ المتفق عليه وخذ الفاتورة.
انا اشتريته بهذه الطريقة من 4 سنوات واستلمته في الرياض
وبالتوفيق
bdr.gps
16/07/2009, 12:06 AM
ان شالله يفيدونك الاعضاء
~ V T A C ~
17/07/2009, 03:44 PM
ان شالله يفيدونك الاعضاء
زيد السبيعي
20/07/2009, 05:59 AM
انشالله يفيدوك العضاء