المساعد الشخصي الرقمي

مشاهدة النسخة كاملة : ارجو الدخول يا صقارين


ابو عايد
09/06/2004, 02:28 PM
السلام عليكم ورحمة الله وبركاته

هل يعقل أن أحد الصقاره وهو ابراهيم البلوي يذكران طير الامير نايف (عباث) صايد 18 حبارى في يوم واحد

وفي الموسم التالي كان للأمير نايف صقران (بطاش)وصايد 20 حبارى

والآخر حواش وقد صاد { 21 } من الحباري :confused:
تواق
09/06/2004, 04:43 PM
اخوي ابو عايد انا شفت فلم ل الامير نايف وفيه الشاعر ابن عون يذكر كلامك في قصيده
له والكلام ذا من فتره طويله شفت الفلم فيه


اخوك / تواق
الفيتو
09/06/2004, 06:14 PM
بسم الله الرحمن الرحيم
السلام عليكم ورحمة الله وبركاته
مساء الخير يا بوعايد لا شك انا هذ ا العدد غريب عند اهل الطيور ولكن حصل فقد قال

احد الشعراء بيوت شعر تبين الشيء هذا
عباث صاد بيوم من غلب الأرواش ( ) عشر إوثمان أو زاد حواش ثنتين
ولا نا فسه في مركزه غــيــر بطاش ( ) اللي بيومه صــاد واحد وعشرين


وقد قال شاعر قصيده غزليه قبل اربعين عاما تقريبا وهو صقار مشهور
يا عيون اللي على الجول أمهدودي ( ) ذابحن في جول ثنتين أو ثماني

بعدين البلوي صقار قد يم وثقه ولا نزكيه .. وهذا ابو هلال لا قال قال

والسلام
الفيتو
ميراج
10/06/2004, 12:09 AM
حياك الله اخوى ابو عايد

العدد هذا سمعنا به من خلال القصيده التى القيت امام الامير نايف

تقبل تحياتى
سنافي
10/06/2004, 01:26 AM
السلام عليكم

أخوي ابو عايد
وش حالك و عساك طيب؟
من طرف عباث طير سموالأمير نايف.... فقصيدة الشاعر عبدالله بن عون تؤكد ان عباث صاد 18 حبارى في يوم واحد ولا تستغرب إذا صادة طيور طوال العمار أكثر.
فالحباري واجد بالآلاف والطيور مشاء الله طيور ( كف ومجلس وفعل ) وأهلها يستاهلون.
ابو عايد
11/06/2004, 12:14 AM
مشكوررين على مروركم وتوضيح المعلومات

فالبعض لا يصدق بذلك ... حتى يثبته الشريط الفديو والقصيده

مرحبا اخي سنافي ... والحمد الله على السلامه

ما نستغني عن خبرتك .... فلا تقطعنا من مشاركاتك الرائعه والمفيده

مع اجمل تحيه // العاشق الولهان
سنافي
11/06/2004, 02:32 PM
الأخ ابو عايد

الله يسلمك ويبارك فيك
ما عندنا إلا بعض مما عندكم وكلكم خير وبركة. ولكن ترى ما نسيت الوعد بالزيارة انت والإخوان بالوادي.
ابو عايد
12/06/2004, 11:06 PM
هلا والله بالصقار

مشكور اخوي وانشاء الله نزورك في وقت المقانيص

وانشاء بعت طيورك

مع الف سلامه وتحيه مني يالغالي
سنافي
12/06/2004, 11:27 PM
الله يحيك وأغلى من بيأتي يابو عايد

الطيور واجد تروح وتجي وابشرك الخير واجد ولله الحمد
أبو رداد
13/06/2004, 02:57 AM
بسم الله الرحمن الرحيم السلام عليكم ورحمة الله وبركاته عجلنا بالشريط يابو عايد جزاك الله خير
عاشق المغتر
16/06/2004, 06:52 PM
السلام عليكم ورحمة الله وبركاته
مساك الله باخير يابو عايد بنسبه لستغرابك عن عدد صيد عباث . ترا ماهي غريبه بطيور النادره وعلي سبيل المثال ثكر ديكسون المعتمد البريطاني في الكويت علي عهد الشيخ احمد الجابر بأن طير الشيخ واسمه بترول صاد في يوم واحد 13 حبارى. ولاهي غريبه الامير نايف صقار واحسن طيور عنده . والطير لالقا الصيد يستهد وبعضها يستغلث علي الهدد. وذكر الشاعر الكبير عبدالله بن عون وكان معى الامير نايف بالمقناص فعل عباث بقصيده. يقول بن عون

ياهل الطيور اللى تصيد الثلاثي = تحطيمكم لكبر عدد مثل البغاث
لاتجمعون ذكورهن والاناثي = اكبر عدد ماحطمه غير عباث
النادر اللى بالهدد مايثاثي = لفرعه راعيه ماهو بلثاث
عباث في زرق الغلب يوم عاثي= كنه عديمن له على الهوش حثاث
ادلي بربدن في غلبهن بغاثي = والريش من كفه على الروض بثاث
والحق ثمانيت العشر بالمعاثي= وصبح له التفضيل بالفعل ميراث
عذناه بالرحمن مشفي الغلاثي = عن كل شيطانن للسباب نفاث
طير الكريم الي جنابه دماثي = من حل فيه اسقاه ديمن وهثهاث
ليا قيل منهو قلت مدري وعاثي= نايف ملاذ الي له الوقت غثاث
المستجير ليا لجا وستغاثي = عنده يغاث وخير اساميه غياث
ابو عايد
22/06/2004, 10:24 PM
أخي ابو رداد وأخي عاشق المغتر
مشكورين على مروركم وابشروا انشاء الله بدور الشريط لين اجيبه ومشكور على القصيده وقد تم تنسيقها ولو ان التنسيق متأخر اعذرني اخي

مع اجمل تحيه // العاشق الولهان
الرماي
27/06/2004, 02:06 AM
شكرا على اثارة هذا الموضوع
ابو عايد
01/07/2004, 03:02 PM
لا شكر على واجب أخي الرماي

مع اجمل تحيه // العاشق الولهان