الوالد وماطور الهواء يا مكشاتيه

[الآسيف2]

السلام عليكم ورحمة الله

خلال رحلة في اجازة منتصف العام مع الوالد والاخوان لعروس الشمال .. قلت للوالد تعال أوريك بعض الشغلات الحلوة واللي بتذكرك في شغلاتكم حق اول .. وفتحت له موقع مكشات وبدأت استعرض له بعض المواضيع المميزة في الموقع حسب اهتماماته .. انبسط الوالد .. وقال ياوليدي عندي ماطور هواء له سنة عندي عطلان وما ادري وين اصلحه .. قلت له خلنا نشاور شباب المنتدى .. قال وش لون ؟ قلت له نحط لك الحين موضوع عن ماطور الهواء والشباب بيردون علينا ولاهم مقصرين ان شاء الله ..

الماطور ماركة FIRE HORSE هذي صورته


http://lh6.ggpht.com/_TK1SL4D0aRs/ShVzU26VN0I/AAAAAAAAARA/y_6jnoLaanQ/s576/100_0524.JPG

وهذه من الجنب

http://lh6.ggpht.com/_TK1SL4D0aRs/ShVzOzPRcvI/AAAAAAAAAQ8/W9h7dl6WkSw/s576/100_0523.JPG

المشكلة في هذا الماطور احتراق الفيوز وشكل الفيوز حقه مثل فيوز السيارة وهذا صور لموقع الفيوز

http://lh5.ggpht.com/_TK1SL4D0aRs/ShVzdNfH1iI/AAAAAAAAARE/Q5OQb8fFesM/s576/100_0525.JPG

فيا أعضاء المنتدى الكرام
هل من احد يفيدنا من يستطيع اصلاح الخلل ولك الشكر

[رجل كريم]

وعليكم السلام ورحمة الله وبركاته

لدي مثل هذا الماطور والامر سهل جدا انزع الفيوز (الصهيرة) واستبدلها بأخرى من محلات الزينة او قطع الغيار فهي متوفرة بكثرة .

والله الله ببر الوالدين حفظ الله والدكم .
:)
تحياتي .,

[جزاء الشمري]

مادام أن العطل بالفيوز غيره بواحد جديد وراح يشتغل من جديد . سلملي على الشايب .

[راعي المجهم]

هل تقصد إنحراق الفيوز بشكل متكرر ؟

إذا كان اجواب بنعم فعندك مشكلة ألتماس بين الأسلاك حاول الكشف حتى تجدها

أو أن الفيوز الي تركبه أضعف من فيوزه الأصلي

يعني إذا كان فيوزه 30 وتركب له أقل منه راح يقص فيوز على طول

حاول تعرف نوع فيوز بلاده أو ركب فيوز أكبر من الي ينحرق حتى تصل للفيوز المناسب

[سطام vip]

اخوي ياليتك حددت المشكله

يعني مثل ما قال اخوي راعي المجهم

وضح والامر بسيط ان شاء الله

والله يحفظ لك الوالد ويطول بعمره

ودمت بحفظ المولى

[أبوسليم]

اذا يحترق الفيوز فورا عند التشغيل ربما كان هناك التماس أو ان الفيوز ضعيف حاول ان تركب اكبر مثلا اذا كان 20 ركب 25 واذا ما صلح زيد الى 30

وسلملي على الوالد الله يرزقك بره

[الآسيف2]

اشكر لكم تفاعلكم

نعم اخواني المكشاتية .. الفيوز كل ما حط فيوز احترق مباشرة

اشكركم مره اخرى

[سطام vip]

اوكي اخوي طالما الفيوز يحترق على طول هذا سببه التماس

ولا تركب فيوز اكبر مع احترامي لبعض الاراء لان هذا بيسبب التماس قوي

ويمكن يحترق الماطور

اخوي سؤال هل الماطور يركب في الولاعه؟؟

او له رؤووس ويركب على البطاريه؟

بعض الحلول السريعه

انت تتبع السلك وشوف هل فيه منطقه عريانه او ملتمسه

علبه الفيوز نفسها كاني اشوف سلك عريان طالع منها

انت حاول تربط السلك جيدا في علبه الفيوز لانه اذا يتحرك يسبب انقطاع الفيوز

جرب هالي قلت عنه وانا معك ان شاء الله لحد ما نلاقي حل بالتدريج

الله يوفقك ويسهل امرك

[الآسيف2]

اوكي اخوي طالما الفيوز يحترق على طول هذا سببه التماس

ولا تركب فيوز اكبر مع احترامي لبعض الاراء لان هذا بيسبب التماس قوي

ويمكن يحترق الماطور

اخوي سؤال هل الماطور يركب في الولاعه؟؟

او له رؤووس ويركب على البطاريه؟

بعض الحلول السريعه

انت تتبع السلك وشوف هل فيه منطقه عريانه او ملتمسه

علبه الفيوز نفسها كاني اشوف سلك عريان طالع منها

انت حاول تربط السلك جيدا في علبه الفيوز لانه اذا يتحرك يسبب انقطاع الفيوز

جرب هالي قلت عنه وانا معك ان شاء الله لحد ما نلاقي حل بالتدريج

الله يوفقك ويسهل امرك



اشكرك اخي والماطور يركب ع البطارية مباشرة
والحين ان شاء الله سأبدأ في الفحص واكون معكم اولا باول

[الآسيف2]

السلام عليكم مره أخرى ..

أشكر جميع من تفاعل مع هذا الموضوع وتابعه معي لحظة بلحظة
قمت بالاتصال بالوالد واطلعته على تفاعلكم مع الموضوع ودعا لكم جميعا .. وقلت لها انا قررت اني اقوم بتوجيهاتكم .....
راجعت كل شي وركتب فيوز ثاني 25امبير

http://lh4.ggpht.com/_TK1SL4D0aRs/ShpAPZBEx3I/AAAAAAAAASs/Tcesp91nrMg/s512/100_0530.JPG

بعد تغطية السلك الظاهر وتركيب فيوز 25امبير


ورحت الى السيارة لتجربة الماطور ولكن بدون فايده ما اشتغل نهائيا !!
فقلت خلني اتأكد من السلك هل يوصل كهرب او لا .. وتأكدت بأن السلك سليم وأيضا مفتاح التشغيل يعمل بشكل سليم والكهرباء واصل تمام !! فقلت مالي إلا ان اتشجع وافك الماطور واشوف وش السالفة
بدأت الفك بالطريقة التالية
فكيت الغطاء العلوي وكنت احسب انه من الحديد ولكن طلع بلاستيك


http://lh6.ggpht.com/_TK1SL4D0aRs/ShpAhpLJyVI/AAAAAAAAAS0/68Gda4whqk0/s512/100_0532.JPG




وبعدها فكيت الجنب الذي به مفتاح التشغيل


http://lh6.ggpht.com/_TK1SL4D0aRs/ShpAvjbNI7I/AAAAAAAAAS4/klbVgUlHub0/s512/100_0533.JPG

وبعد ما تأكدت من أن الكهرب والمفتاح يعمل كل منهما بشكل سليم فكيت الغطاء الحديدي وهذا اللي طلع لي ؟؟!!


http://lh6.ggpht.com/_TK1SL4D0aRs/ShpA4KTjEeI/AAAAAAAAAS8/OU_BamhADus/s512/100_0534.JPG

استغربت في البداية وبعد التفكر قلت بس هذي الحاجات مكسرة بس وش هي ؟ مدري .. وهذي شكلها
http://lh3.ggpht.com/_TK1SL4D0aRs/ShpBeF2EB0I/AAAAAAAAATI/VM28q5WslJs/s512/100_0536.JPG

قلت ياولد فك الجهة الثانية واعمل مقارنة

وبدأت الفك

http://lh4.ggpht.com/_TK1SL4D0aRs/ShpBtjMHObI/AAAAAAAAATQ/JvkBQOUg41Y/s512/100_0540.JPG
هذا الغطاء الحديدي وتتضح اثار الرمل ..

وبعد ان فتحت الغطاء الحديدي ظهر لي الشكل التالي

http://lh4.ggpht.com/_TK1SL4D0aRs/ShpB6BZVZoI/AAAAAAAAATU/32L8mS41r_w/s512/100_0541.JPG
من زاوية اخرى

http://lh5.ggpht.com/_TK1SL4D0aRs/ShpCB_lbB7I/AAAAAAAAATY/_0cGOF1pXFw/s512/100_0542.JPG

فعرفت ان العطل اكبر من انو فيوز والتماس كهربائي

اللي ظهر لي ان أحد البساتم مكسور واليك الصورة التي توضح القطع المستخرجة من الجهة الأولى

http://lh5.ggpht.com/_TK1SL4D0aRs/ShpBD0WXKII/AAAAAAAAATA/Adugcllymhc/s512/100_0535.JPG

هذه الجهة العطلانه ويتضح لنا الاجزاء الكسورة

http://lh4.ggpht.com/_TK1SL4D0aRs/ShpKAWXQ3LI/AAAAAAAAAT8/Wt_3xCI7DT8/s512/100_05.JPG

صورة توضح القطع المستخرجة من الجهة الاولى وهي عبارة عن ( رمان ، بستم ، ذراع بستم )

وهنا قمت بالاتصال على الوالد وقلت له اللي صار .. قال ايييه خلاص الظاهر مالنا إلا نشتري واحد جديد .. قلت له لاتستعجل خلنا نشوف المكشاتية وش يقولون .. تراني صورت شغلي كله وسوف انزله في الموضوع واشوف راي الشباب وش يقولون واعلمك .. قال خير ان شاء الله وعساك ع القوة

فيا اخواني وش الرأي

تقبلو تحياتي

الآسيف

[NOYEB]

اذا ماله قطع غيار اشر جديد

[سطام vip]

بسم الله الرحمن الرحيم

هلا بك اخوي وانتظرك ترد علي ما رديت

على العموم انت سويت الصح وكنت ناوي اقولك تفك الماطور في الخطوه الثانيه

علشان نتأكد من الفحمات والبساتم لانه لا بد شي يمنع دوران الماطور ويقطع الفيوز

المهم الحين اذا الماطور قوي ويستاهل وسعره غالي تدور له قطع وتشوف منهو الوكيل

حقه واذا ماله قطع ولا وكيل ابقولك عن شي بس ماني متأكد اذا بتنفع والا لا

بس هي خربانه خربانه البستم المكسور طلع كل القطع المكسوره ونظف المكان وركب الغطاء

وشغل الماطور على بستم واحد صحيح بيطلع ضعيف بس العوض ولا القطيعه

خله للسياكل والكور هههههههه

ويمكن الاخوان يفيدون اكثر مني

ودمت بحفظ المولى والله يحفظ لك الوالد وكل غالي عليك

[الآسيف2]

بسم الله الرحمن الرحيم

هلا بك اخوي وانتظرك ترد علي ما رديت

على العموم انت سويت الصح وكنت ناوي اقولك تفك الماطور في الخطوه الثانيه

علشان نتأكد من الفحمات والبساتم لانه لا بد شي يمنع دوران الماطور ويقطع الفيوز

المهم الحين اذا الماطور قوي ويستاهل وسعره غالي تدور له قطع وتشوف منهو الوكيل

حقه واذا ماله قطع ولا وكيل ابقولك عن شي بس ماني متأكد اذا بتنفع والا لا

بس هي خربانه خربانه البستم المكسور طلع كل القطع المكسوره ونظف المكان وركب الغطاء

وشغل الماطور على بستم واحد صحيح بيطلع ضعيف بس العوض ولا القطيعه

خله للسياكل والكور هههههههه

ويمكن الاخوان يفيدون اكثر مني

ودمت بحفظ المولى والله يحفظ لك الوالد وكل غالي عليك





اشكر متابعتك اخي سطام VIP

هذي الفكرة اللي بالي تشغيلة على بستم واحد .. بس قبل ما اطبق الماطور لقيت موضوعك حق تنظيف الماطور قلت ياولد نظف وبعدين شغل ..

فكيت البستم الثاني من فوق وللاسف لقيته قطعة صغيرة منكسرة من فوق البستم ... ماشفتها المرة الماضية لاني فكيته من الجنب .. فقلت لاحول ولا وقوة إلا بالله العلي العظيم شكل الوالد ماله الا يشتري واحد جديد .. بس قلت خلني اكمل .. نظفت الماطور وجربت تشغيله لكن دون فائدة تذكر .

لم يعمل نهائيا
وماللوالد الا شراء ماطور جديد والله يعوضه

اشكرك مره اخرى وجزاك الله خير

الآسيف

[abuziyad3]

موضوع مفيد
ألف شكر للجميع

[سطام vip]

الشكوى لله وانا اخوك

وبالي سويته انت ترتاح وتعرف انك سويت الي عليك

ويفداااااااااا الوالد مليون ماطور

خذ له هديه ماطور ابو جمل ووكيله الشراع ولا تاخذ بستمين

خذ ابو بستم واحد وسعره تقريباً 260 اذا ما صار ارخص الحين

والله يعوضك وتحياتي لك

ودمت بحفظ المولى

[برنامج]

أبو جمل معي له ست سنوات روعة ماشاء الله