مشاهدة النسخة كاملة : شوركم يااخوان في Z71 وارد بالبيد وهل يسوى سعره....؟
البيرق
25/05/2009, 08:42 AM
السلام عليكم ورحمة الله وبركاته
بناءً على رغبة احد الاخوان في طرح موضوعه عليكم للاستفادة من خبرتكم قبل ان يحجز السيارة اليكم بعض التساؤلات التي تشغل بال اخونا وبموجب اجابتكم يقرر ان يحجز السيارة او لا.
مواصفات السيارة
Z71 مقاعد جلد لونها اسود ما فيها تبريد ولا تسخين الديكور الداخلي اسود مطعم بكروم شاشة نفقيشن لمس فتحة سقف شاشة ديفي دي هذي اهم المواصفات
سعر السيارة شامل اللوحات والتامين 155000
الرجال محتار في لون السيارة المعروض عليه بين الفضي والذهبي ويسمونه فضي واللون الثاني اسود
هل تؤيدونه على شراء السيارة وهل تسوى السعر المذكور
هل السيارة قوية وعملية علما بأن طلعاته للبر قليلة
عرض عليه في الوكالة Lt2 بنفس المواصفات لكن بدون دي في دي( وهو مهم بالنسبة له حتى يفتك من هوشة البزران) وسعرة حول 153000الف لونه ابيض والداخل بيج
ننتظر شوركم وجزاكم الله خير
لن أمل من العطاء
25/05/2009, 12:47 PM
اولا السيارات كم موديلها لانك لم تذكر الموديل
وz71 افضل بكثير ويكون دفع رباعي
راعي المجهم
25/05/2009, 12:55 PM
السعر غاااااااااالي جداً قبل فترة مسوين عرض بــ 125 ألف ريال !!!!
والآن شافوا الناس أشترت رفعوا السعر مثل لعبة البس والفأر
البيرق
25/05/2009, 01:57 PM
شكرا لمن تفاعل مع الموضوع
اخوي لن أمل من العطاء السيارة مديل 2009
اخي راعي المجهم حد علمي ان السيارة سابقاً فوق 160 الف وبعد عرض خصم عشرة الاف وحسم 3000 عن طريق مندوب في الوكالة اصبحت ب 155 الف
وين لقيت هالسعر انت متأكد
الواعد63
25/05/2009, 06:05 PM
المواصفات التي ذكرتها يا أخوي تكون على z71 الدنالي فأذا كان كذلك فسعره الذي ذكرته ممتاز جدا وللعلم عندنا في قطر سعره بعد دق الخشوم 185000 نوط ينطح نوط لكن أذا تبي النصيحه خذ z71 سييرا العادي أبو سيت كامل من الأمام لأن المواصفات الزايده ما لها أي فائده أذا ما قارنا فرق السعر الكبير علما أن سعر العادي عندنا هو 112500 هذا أذا أنت تتكلم عن الجمسي البيك اب هذا وبالله التوفيق
البيرق
26/05/2009, 08:34 AM
اخوي الواعد مشكور على التجاوب مع الموضوع
الموتر تاهو z71 مصندق قصير الشاص مثل اليوكن وطقته ويبدو ان الرجال حجز الموتر بس محتار بين ثلاثة الوان فيه لون ابيض بس معروض في الصالة وخايف انه محيوس من كثر الزباين اللي تتفرج على السيارة وخاصة من الداخل
اللون الثاني اسود وله رغبة فيه لكنه خايف ان اللون يغثه
اللون الثالث فضي على ذهبي ويسمونه بالوكالة فضي لكن مشكلته ان واجهة السيارة ليست بجمال الابيض والاسود
نبي شوركم في اللون بارك الله فيكم
الربذي
26/05/2009, 10:45 AM
ابيض
او الذهبي والفضي..
الاسود ينحاش عنه غثيث وفي عز الصيف تسوي فشار على الكبوت او التندة الي يعجبك ؟؟؟؟؟؟؟؟؟؟؟؟؟؟؟؟؟؟كان معي اسود وطلعت الساعة 2.30 بيوم صائف وتصدق مطق اصبعي وصار كانه كوية جمرة او شي حاار..
البيرق
26/05/2009, 12:20 PM
مشكور يالربذي وهذا شوري لخويي لكن وش تقول
ابحاول احده على الابيض ولو انه معروض في صالة الوكالة
عريدان
26/05/2009, 12:34 PM
بـ 155 ألف خذه ولا تشاور وأكيد أن خويك ما أخذا المعلومات الصحيحه لأن سعرها بالوكالات لا يقل عن 160000 إلا إذا هو 2008 و لوحاته مطلعه(يعني ماخذ سعر مستخدم جديد) أو ما هو دفع رباعي لأن وارد بالبيد قليل عند الدفع الرباعي . وبرأيي الفضي والابيض أحلى الالوان وخاصة على التاهو z71...
الواعد63
26/05/2009, 01:16 PM
أخوي البيرق
التاهوz71 غير مرغوب فيه عندنا ولذلك الوكالة لم تستورد منه في 2009 لحد الآن علماً أن موديل 2008 كان سعره عندنا 170000
وعدم أقبال الناس عليه ربما يكون لأرتفاع سعره بما لايتناسب مع الكماليات التي فيه خصوصاً ألوانه الداخليه الغالب عليها الأسود وأنا أنصحك عدم أخذه لأنك سوف تطفش من الوساخه الظاهرة عليه من الداخل بسبب اللون الأسود وعليك بأللون الأبيض للتاهو العادي وركب له جنوط لماعية اذا أنت تحب الكشخة ولا تنسى أن يكون ذو الدفع الرباعي لأنه لامثيل له في الرمال لا الكروزر ولا الشاصي والله يوفقك
قرم العيال
26/05/2009, 01:24 PM
اسمع يالغالي
الاسود اقشر بالصيف هو والجلد
البيرق
26/05/2009, 01:42 PM
مشكور اخو عريدان على مشاركتك واللي اعرفه ان الموتر 2009 ابو 6سرعات والرجال حجز لون اسود لكني ابحالو انه يصرف نظر عن هاللون
اخوي الواعد تشكر على المشاركة وحد علمي ان Z71 هو نفس التاهو العادي الدفع الرباعي بس مزودينه بمساعادت وواجهة الموتر تختلف قليلا والباقي نفس الشيء ما تغير وانا اشاطرك الراي في مشكلة اللون الاسود
قرم العيال مشكور على المشاركة وهذا نفس رأيي وعسى الله يوفق راعي الموتر
استفسار لو المواصفات المذكور اعلاه في جيب تيوتا لند كروزر كم يسوى في الوكالة
Powered by vBulletin® Version 4.2.3 Copyright © 2024 vBulletin Solutions, Inc. All rights reserved, TranZ by Almuhajir