الهافمون .. و .... !!!!!!!

[النوخذة الأحسائي]

::














::













::

السلام عليكم

الله يمسيكم بالخير ..

حقيقة دهشت عندما رأيت صورة الاسبوع الماضي لأحد الصيادين وهو مطلع سبيطيتين يحبهم قلبك ..

العجيب في الأمر أنه قال لي من الهافمون ؟؟ !!!!


ولم يخبرني عن المكان ويقول الهافمون كله في خير ..


وش رايكم ..

وهل فعلا في أماكن معينة في صيد في الهافمون

[بورهف]

حيالله الحساوي
كثير يتكلمون عن الهافمون
واعرف رجال يقول انه صاد هوامير من هناك وانشالله انه صادق
والهافمون بحر حاله حال غيره لكن يبغاله صبر

[النوخذة الأحسائي]

تسلم يا بو رهف ..


وننتظر الشباب يفيدونا أكثر

[accentkool]

يقول خويي انة مطلع شعوم ودويلمي بالهافمون

[سماءk]

وين هذا المكككككككككككككككككككككان

[شاهين2007]

مثل ماقالو الشباب هافمون بحر حاله حال غيره
ومن السمك اللي صدتهم انا في هافمون
هوامير فيهم واحد وزنه مايقل عن 14 كيلو
جدود ( واكثر شي غوص)
ربيان ومعروف ربيان هافمون يضرب فيه المثل
سبيطيه عد واغلط وكان فيهم واحد مانساه طول عمري لانه اكبر سبيطي اصيده بحياتي
وكنت صايده بالمد ( شكه) وجيته حول الساعه 10 الصبح اشوف سواده من بعيد انا قلت يا سكن يا كنعده ويوم قربت والا هو سبيطي ظهره اسود من الكبر وعلى راسه نو
وصدت شعري وينم وفسكر وشقر وشعوم وبدح وقرقفان وصافي وهريري
وسياف واغرب صيده صدتها بهافمون كنعده عند المدخل قريب من الشاليهات الجديده اللي توها تنبنى

والحين بفضل الله طحت على مكان في سبيطيه جربته مغاوص وشفتهم من بعيد والمسدس اللي كان معاي ضغط هوا ومافيه شدة مسافات طويله
وانشاء الله بسوي لهم ترتيب على القمره الجايه :rolleyes:

وبالتوفيق

[النوخذة الأحسائي]

بارك الله فيكم ولا زلنا نطمع بالمزيد

[سواق شيوخ]

أخوي الشاهين اي شاليه جديد فيه كذا شاليه يبنا هناك ممكن تحدد الموقع بالضبط وينه فيه
مدخل عشرة اتوقع ان فيه شيئ ما يخلا بالذات اخر شيئ عند حدود سور الشاليهات

[النوخذة الأحسائي]

لازلنا نطمع بالمزيد

[شاهين2007]

أخوي الشاهين اي شاليه جديد فيه كذا شاليه يبنا هناك ممكن تحدد الموقع بالضبط وينه فيه
مدخل عشرة اتوقع ان فيه شيئ ما يخلا بالذات اخر شيئ عند حدود سور الشاليهات
اخوي مافيه الا شاليه واحد كبير يبنا عند مدخل هافمون
اتوقع اسم الشاليهات درة الخبر بالقرب من مبحر بن بطي الدوسري سابقا
المنطقه طينيه والعمق بحدود 13- 18 قدم
واللفاح بالطراد
والتوفيق من الله

[النوخذة الأحسائي]

بعدي وننتظر بعد المزيد من الخبرا .. والشرقاوية نحتريهم وبو شاهين شاد حيله ماشاء الله عليه ,, وينك يا هوا بحري وبو جود

[هوا بحري]

السلام عليكم ورحمة الله وبركاته
الحقيقة الهافمون مثله مثل أي شاطىء أخر يزخر بالخير
اذكر من زمان كان فيه جسر حديدي تصيد منه أحلى صيد
وخصوصاً البياض أحجام طيبة وبعد ذلك ازيل هذا الجسر بعد
تهالكه ... ولا يزال فيه ناس تصيد في الهافمون ومنهم واحد
من الربع يصيد بالشوارات صيد طيب وبالأخص الصافي
وقد اطلعنا بعض الأعضاء في هذا المنتدى بعدة تقارير عن
صيد الهافمون وخصوصاً الهوامير بواسطة الغطس ومثل ماتفضل
اخونا شاهين اللفاح في بعض مناطق الهافمون له نتائج طيبه ومرضيه

تقبلوا تحياتي

[المقنع666]

صيد هافمون طيب بالطراد

الله يالدنيا هوا بحري ذكرتني بالجسر الحديد الي في مدخل العزاب

زمان يازمن

[النوخذة الأحسائي]

بعدي يالبحري