بالله يا اهل الطير في ضيعة الطير..كم عين صقار(ن) بكاها عماها

[*سرحان*]

السلام عليكم ورحمة الله وبركاته


هذه قصيده لسمو الشيخ حمدان بن محمد بن راشد ال مكتوم (فزاع)
ولي عهد أمارة دبي
في طيره الذي مات في مقناص السنه الماضيه
وهذه صورة القرموشه

http://www.mekshat.com/pix/upload03/images116/mk8675_234.jpg


بالله يا اهل الطير في ضيعة الطير..كم عين صقار(ن) بكاها عماها
هذي على الضيعة اجل ويش بيصير..في فقد من هو فارق(ن) مستواها
قرموشة(ن) جيرية وأصلها جير..لو شافت ألصيده تبعد مداها
قات وراها تغرف الريح وتغير..لو انها بين السحابه وماها
إلين تطرحا مثل طرحة الزير..في حرب جساس هو يلي بداها
تقصها قص الخشب بالمناشير..صقارها يضحك حجاجه أداها
لو إن تبع له على الطير ثأتير..اقول دمه مختلط مع دماها
وإن عرضت تشبه على راهب الدير.. لولا صوايدها وريش(ن) كساها
وإن أقبلت نجم(ن) هوت به مقادير..نازل على ارض البشر من سماها
وإن أجبلت جرت ورآها الاعاصير..من سبقها كأن الطريدة ورآها
يفرج هددها كل هم(ن) وتقدير..وتنومس إلي شلها واقتناها
يا بوي شبلك ما يحسب المخاسير..لولا غلاك إلها ولولا غلاها
لولا غلاها غير وفراقها غير..والله لأعاتب كل طرف(ن) بكاها
قرموشة(ن)تسوى طيور الصقاقير..لا تسألوني ليش ربي عطاها
الله يقدرنا على الطيب تقدير..ويعيضنا فيها ونقبل عزاها

[مدرس الصقاره]

معوض بأفضل منها

[مخاوي شيهانه]

صح السانك على القصيده-مثل ما قال اخوي-معوض بافضل منها

[الفيتو]

بسم الله الرحمن الرحيم
السلام عليكم ورحمة الله وبركاته
مساء الخير ياخوي / * سرحان *
ليتك حطيت صورتها وخليتنا نتعرف على القرموشه وش هي بالضبط ؟
والا ابو رداد يحط لنا صوره من خلال رده
قصيده جيده وتشكي شي شكوه اغلب الصقاقير ..


والله يعوضك يا عشير المناعير .. بفرخ خبير الفال سنتر غـذاها
قرموشة ٍ تنسيك عوق المحاذير .. اللي على ما قلت مابه كمـاها
لاقامت إتنوسك قدم الصقاقــــير .. سليت عن قرموشتك وإمغداها


مشكور
*
والسلام
الفيتو
الحجاز
1/6/1430هـ

[مدرس الصقاره]

يالفيتو انت تبي تزينها واعميتها

اشرح لي معاني هالكلمات إتنوسك هل تقصد تنومسك وكيف سنتر غـذاها !!!!
مابه كمـاها!!!!!

الفيتو والله عطنى شرح ووووووواتوقع انك بشويعر ولست بشاعر

العذر والسموحه

[الفيتو]

بسم الله الرحمن الرحيم
السلام عليكم ورحمة الله وبركاته
مساء الخير ياخوي / مدرس الصقاره
ههههه
انا حسب نفسي بسلم منك واثرك ما ترحم احد
تكفى لاتقول فسر ( هههه ) هم ابلش
سنتر (فالكون سنتر )(اتوسك)غلطه مطبعيه تنومسك .
(كماها ) مثلها
انت مدرس صقاره .. واملاء
*
والسلام
الفيتو
الحجاز
1/6/1430هـ

[بو غازي]

السلام عليكم
الله يعوضك باخير منها وعجبني هالبيت:
وإن أقبلت نجم(ن) هوتبه مقادير..نازل على ارض البشر من سماها
صح الله لسانك وتقبل مروري

[ابوخالد المطيري]

صح الله لسانك
وعاضك باخير منها
وصح الله لسانك يالفيتو

[*سرحان*]

يالربع هذه اخر قصايد (فزاع) الشيخ حمدان بن محمد ال مكتوم
سجلتها من الراديو وكتبتها هنا السموحه اذا فيها اخطاء
علمي علمكم قلت اكيد بو رداد يعرف وش سالفت هالقرموشه

[أبو رداد]

صح لسان الشاعر
وسلمت ايدك يابو شهاب
القرموشه عند أهل الامارات هي المثلوث
والطير الي في القصيده هو قرموشة جير وحش
يعني مثلوث جير وحش
وهذا الطير كان متميز جدا في صيده (سبق وشجاعه)
ولهذا كان له نصيب كبير من القدر عند راعيه
وان شاء الله انزل صور الطير ومقاطع فديو لصيده

[طير الهقاوي]

الشيخ لاتبكيه يجيه بدال الطير طير وصح الله لسانه وبيض الله وجهك على النقل
تقبل مروري

[محمد الشامان]

الله يعطيك العافيه
وصح لسانك وقايل القصيد
تقبل مروري ابوشقران

[صياد ليبيا]

صح لسانك اخوى (سرحاان) ويعوضك الطير بأبرك منه

[عوق الخريش]

يعطيك العافية أخوي على القصيدة وصح الله السان الشيخ حمدان

[أبو رداد]

هذه صورة (القرموشه) الي يقصدها
سمو الشيخ حمدان بن محمد في قصيدته
في اول يوم وصلت دبي
http://www.mekshat.com/pix/upload03/images116/mk8675_234.jpg

[راعي مسكت]

الي يشوف هدد القرموشه يتلذذ بالهدد خاصه الى الحبارى متغلقه والله الي بتشوف جناح غريب وعجيب هذا التفريخ كيف عجل يالوحش !!!!!!!!! (والي مات طيره وهو مهوب حمدان بن محمد ويش يقول )ههههههه
الله يوفقه لما يحبه ويرضاه .

[صقرالشعلان]

الله يعطيك العافيه على القصيد وماقصرت ياابوصالح

[خيال الصبحا]

السلام عليكم ورحمة الله وبركاته


هذه قصيده لسمو الشيخ حمدان بن محمد بن راشد ال مكتوم (فزاع)
ولي عهد أمارة دبي
في طيره الذي مات في مقناص السنه الماضيه
وهذه صورة القرموشه

http://www.mekshat.com/pix/upload03/images116/mk8675_234.jpg

بالله يا اهل الطير في ضيعة الطير..كم عين صقار(ن) بكاها عماها
هذي على الضيعة اجل ويش بيصير..في فقد من هو فارق(ن) مستواها
قرموشة(ن) جيرية وأصلها جير..لو شافت ألصيده تبعد مداها
قات وراها تغرف الريح وتغير..لو انها بين السحابه وماها
إلين تطرحا مثل طرحة الزير..في حرب جساس هو يلي بداها
تقصها قص الخشب بالمناشير..صقارها يضحك حجاجه أداها
لو إن تبع له على الطير ثأتير..اقول دمه مختلط مع دماها
وإن عرضت تشبه على راهب الدير.. لولا صوايدها وريش(ن) كساها
وإن أقبلت نجم(ن) هوت به مقادير..نازل على ارض البشر من سماها
وإن أجبلت جرت ورآها الاعاصير..من سبقها كأن الطريدة ورآها
يفرج هددها كل هم(ن) وتقدير..وتنومس إلي شلها واقتناها
يا بوي شبلك ما يحسب المخاسير..لولا غلاك إلها ولولا غلاها
لولا غلاها غير وفراقها غير..والله لأعاتب كل طرف(ن) بكاها
قرموشة(ن)تسوى طيور الصقاقير..لا تسألوني ليش ربي عطاها

الله يقدرنا على الطيب تقدير..ويعيضنا فيها ونقبل عزاها

وعليكم السلام ورحمة الله وبركاته
الاخ سرحان
بيض الله وجهك
قصيده جزله حيل(بها
شطحات وبها كم بيت كل بيت
يسوى قصيده كامله)واما الطير عزالله
شوفته تبكي كيف نقله!!كيف الي يملكه!!كيف
الي تمتع بهدده!!بعد كذا وش يسوي راعيه بموته والا
ضياعه!!على كل حال مثل ماقال واحد من الاخوان(والي يموت
طيره وهو ماهو حمدان بن محمد وش يسوي)الموسم الماضي الله لا يخسر
طيرين الي يفدنكم يالربع(فرخ جبليه وقرناسه)والعوض على الله ، وشكرًا

[ذراع الذيب]

السلام عليكم ورحمة الله وبركاته
مسيت بالخير ياخوي ويعطيك العافيه لوماكتبت هالقصيده
ماكان عرفناها..صح لسانك ولسان فزاع

[*سرحان*]

مشكورين وجزاكم الله خير على مروركم
وشكر خاص للغالي بو رداد على الصوره وعلوم القرموشه

[ابوسعد 3]

يعطيك العافيه
وصح لسانك
مشكور ..

[دهمان]

يعطيك العافية ياخوي على هالقصيدة .

[هواي داورد]

مشكور اخوي

على القصيده

وابو رداد على الصوره