شنو المجهول؟

[falcon 1]

السلام عليكم كيف حال الجمبع انشاءاالله بخير

بغيت اعرف وشو هو الطير الي مجهول بصيده او المجهول بكل شي ؟


تحياتي الاخ فالكون 1

[مدماك]

هلا اخوي المجهول الي ماله علوم يعني ما يعرفون صاد الحبارى ولا لا...عمره علوومه ..راعيه.....

[راعي غضبان]

وعليكم السلام زي ماقال اخوي مدماك المجهول الي ماله اعلوم لاصاد حباري ولا شيف اهدده لا على حمام ولا غيره ولا يندرى هو سبوق او صايد ولا ماصاد وتقبل مرورررررري راعي غضبان

[بو غازي]

صحيح اخوي مدماك ماقصر المجهول هو الطير الي تشتريه من شخص طير مدرب مصقور مهوب وحش مجهول من ناحية العلوم يعني مايدرون عنه هو صايد حبارى ولا وش صاد مايدري عن صيده؟ بس هذا المجهول . تقبل مروري

[falcon 1]

مرحبا اخواني....انا فاهم عليكم لكن واحد يقولي الطير مجهول وطيره شيهانه لكن صادت الحباري قدام عيني وتهد على الكنتيه..فهل لها معنى اخر؟

[صاحب نوماس]

هلا اخوي المجهول الي ماله علوم يعني ما يعرفون صاد الحبارى ولا لا...عمره علوومه ..راعيه.....
:good: :good: :good: :good: :good: :good: :good: :good: :good: :good:

[راعي غضبان]

شف اخوي مادام الشاهين صادت قدامك ماتعتبر مجهوله صايده واعلومها بينه والي يقول مجهوله ماعنده سالفه وشكرا للك راعي غضبان

[بوخالد الكعبي]

المجهول اللى ماينعرف عنه صايد ولا لا

وبعض الطيور اللى ماتصيد للاسف اهلها يبيعنها انها مجهوله

الله يهديهم ان شاءالله

[رامى السيد]

ماقصر مدماك والله يوفقك

[falcon 1]

مرحبا......اشكركم يالجماعه على معلوماتكم الطيبه ...تسلمون يالنشاما



تحياتي الاخ فالكون 1

[..@القناص@..]

الي ماله علوم مثل ماقالوا النشاما ..

[خيال الصبحا]

المجهول الي ماتوفق راعيه وهده على حبارى
ولكن البعض يستغلها استغلال سيء
مثلاً معه طير مافعل(شاف الحباري ولكن ماطلبها ابد او طلبها وافلس منها او او طلبها وداوسها ووطت ببطنه:d او غيرها من هالاشياء)فيقوم ويبيع الطير على انه مجهول وهذا خطا لان المتعارف عليه ان المجهول الي ماشاف شي ، اما دامه شافها
تذكر انه شاف حبارى وراحت عليه سبق او ماطلبها او غيره
كذلك البعض يجيب الطير به بعض العلل ويقول مجهول على شان يخلص من الطير
والحقيقه ان المريض لا يقال عنه مجهول والي به عيوب بالطبوع مايقال عنه مجهول
وشكرًا

[أبو رداد]

وعليكم السلام ورحمة الله وبركاته
ماقصروا الاخوان في التوضيح
أصل هذا المصطلح بسبب الاهداء
الطيور تنهدى بين اللحى الغانمه وهذا من طبايع العرب
ودائما في الهديه يصير أحراج
الي يهدي الطير يخجل يعطي علوم طيره علشان لايصير منه
والمهدى اليه يخجل من السؤال عن علوم الطير علشان لايصير متبطر او شراط
فلما يجي يريد يبيعه قبل لايشوف علومه يقول عنه طير مجهول
وهناك اسباب اخرى غير الهديه مثل الشراء على انه كوم ريش او يبيع طير مقبوض او او
ولكن مع الاسف في الاونه الاخيره صار هذا المصطلح لغش الناس !!!
يعرف علوم طيره الشينه ويخبيها بقولة مجهول
وهذا غــــــــــــــــــــــــــــــــــــش

[عوق الخريش]

المجهول الي ماتوفق راعيه وهده على حبارى

ولكن البعض يستغلها استغلال سيء
مثلاً معه طير مافعل(شاف الحباري ولكن ماطلبها ابد او طلبها وافلس منها او او طلبها وداوسها ووطت ببطنه:d او غيرها من هالاشياء)فيقوم ويبيع الطير على انه مجهول وهذا خطا لان المتعارف عليه ان المجهول الي ماشاف شي ، اما دامه شافها
تذكر انه شاف حبارى وراحت عليه سبق او ماطلبها او غيره
كذلك البعض يجيب الطير به بعض العلل ويقول مجهول على شان يخلص من الطير
والحقيقه ان المريض لا يقال عنه مجهول والي به عيوب بالطبوع مايقال عنه مجهول

وشكرًا



لالالا تعليق بيض الله وجهك على الاطراء والرد الوافي والكفي توضيح 100%100
ولايهونون الربع وضحوا التوضيح الطيب,,,,,

[راعي شوق]

الربع كفوا و وفوا

[h-m--d]

مشكورين واهنيكم على هالابداع وتمنياتي لكم بالتوفيق .واذا لكم طلعه ثانيه لي رغبه بان اكون معكم وخوتكم تنشرى.

[wwmfs]

افادوك الاخوان