سؤال عن طريقة ادخال السلاح الى السعودية [الأرشيف]

ARABIANHUNTER

28/05/2009, 01:32 PM

اول شي السلام عليكم ورحمة الله وبركاتة

يا اخوان انا عندي سلاح مرخص في امريكا و ابي اعرف اذا فية طريقية قانونية اني اجيب السلاح معي للسعودية او ما فية امل

بصراحة ابي اشتري لي بندق ثانية (البنيلي الجديدة فينشي) لكن صراحة خايف اني ما اقدر اجيبها معي وابيعها بتراب الفلوس

و السلام خير الختام و الله يعينكم على الحر:d

ابوفهيدان

29/05/2009, 01:31 PM

مايحتاج فتوي السلاح ممنووع من الدخول اصلا حتي لو مصرح

العود&& الازرق

29/05/2009, 01:47 PM

لا تعليق؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

رماح7

29/05/2009, 01:50 PM

لا تعليق؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

عبدالسميع

29/05/2009, 01:59 PM

السلام عليكم ورحمة الله وبركاتة .
تقدر طال عمرك تجيب من برا سلاح بس لازم تستخرج أذن نقل وعبور من وزارة الداخلية السعودية .
وهذي تصير عندنا بالخليج لاكن بأمريكا ما اتدري عنها يمكن تمنعك امريكا ويمكن يسجنونك وتصير ارهابي .
على فكرة كم اسعار الشوازل عندكم ؟؟؟؟؟

mrayman

29/05/2009, 02:47 PM

لا تدخل نفسك في متاهات عشان سلاح ...وجهه نظر
بالنسبة للتصريح اضن يمكن نقله على ماسمعت ولكن الاجراءات تطول ...وانت خابر ربعك ماعمرهم عدوها بالساهل .

ARABIANHUNTER

30/05/2009, 12:48 PM

لاهنتوا الي رد او ما رد و إذا رجعت للسعودية إن شاء الله ابي استفسر من وزارة الداخلية

سعر الاسلحة يالحبيب البنلي و الاكستريما من 1100 الى 1400 دولار طبعا
الي انا شريت كانت رمنقتون G3 1100 ب 800 دولار اما دستة الفشق من 6 ال 20 دولار

قناص الطير

30/05/2009, 02:48 PM

ما ادري ولا عندي علم بس استفسار من الداخلية السعوديةوينحل موضوعك باذن الله .

ابوياسمين

01/06/2009, 01:00 AM

لااااااااااااااااااااأحد يسمعك

رحال نجد

03/06/2009, 05:59 PM

حبيبي ............... السلامة لا يعدلها شيئ :no2: أنت إذا جيت بالسلامة إن شاء الله اشتر لك وحدة من هنا لو بزود سعر وريييييييييييييح دماغك يا خلفهم

أبوراشد

04/06/2009, 12:18 AM

يااخوان الرجال مهوب شايلها بيده في الطياره
بيرسلها عن طريق البريد فيدكس وغيره بعد التصريح ... صح يالصياد

ARABIANHUNTER

04/06/2009, 11:28 AM

أبو راشد صح لسانك
في امريكا عادي انك تنقل البندق الى اي بلد لكن لازم تصريح من امريكا و البلد الي تبي تنقلة البندق بس كان سؤالي انة هل الحكومة السعودية تسمح بذلك او لا و هذا الي انا كنت استفسر عنة و إذا رجعت ابي اعطيكم خبر وش تقول وزارة الداخلية

رحال نجد
شكرا على الاهتمام انا عندي بندق في السعودية و لله الحمد بس اذا كان الواحد يقدر يجيب بندق من برى بطرقة قانونية ليش لا يعني ارخص و تكون قطعها كاملة مثلا البنلي تطلع بحول 4500 ريال

و الشكر موصول للجميع و دمتم بخير وسلامة

الشنه

04/06/2009, 04:51 PM

دخلت اخمص فيبر للشوزن حقتي
قسم بالله ادخوني
الجمارك يقولون عند الأسلحه والمتفجرات
اروح للأسلحه
يقولون اختصاص الجمارك

وفي النهايه
رحت للمطار وكلمت ولد حلال من افلراد الجمارك
قال لي
ماعندك مشكله اهم شي لا تجيب الجهاز ( القلب) او اي مجموعه متحركه وعادي تدخل

انصحك بمراجعهة مدير جمارك مطار الملك خالد شخصياً
قدم عليه معروض وخله يشرح عليه اذا ما فيه مشكله

swat

05/06/2009, 09:20 PM

أخوي الأسلحه هنا لها مواصفات ومقاييس
عند الداخلية
ويفيدك فيها من يعمل في إدارة الأسلحة
هذاك وانا أخوك لو عندنا محلات تبيع الأسلحه النارية
صح تقدر تحجّهم
بس تخيّل لو واحد من الشباب في المطار والا في إدارة الأسلحة
أعجبه السلاح راح يقول لك "ممنوع ويصاااااادر"
يعني الشغل هجوله

خالد510

05/06/2009, 09:31 PM

خاطب السفارة السعودية في أمريكايفدونك أكثر

عنبري

06/06/2009, 05:28 PM

جب لنا معك وحده...................امزح ,

العين99

07/06/2009, 08:38 AM

سؤالك في محله وفعلا محتاج الواحد يعرف التفاصيل الي مثل كذا اشكرك على الطرح وخبرنا عن الامر الي بيصير معك وبالتوفيق انشاءالله,

ARABIANHUNTER

08/06/2009, 06:45 AM

والله ما جاء على بالي اني اخاطب السفارة السعودية في امريكا مع اني اشك ان عندهم علم لان ومع الاسف الشباب ما خذين معهم شيل وحط علشان يساعدوهم في نقل جثة واحد سعودي في احد الولايات الامريكية و يالله عطوهم وجه لكن شكل ما لها الا وزارة الداخلية و نشوف وش يقولون

غثران

10/06/2009, 01:55 AM

لوكانت كذا كل واحد بيرخص ويجيب ولكن يمكن فيها ان ابوريان بريطانيا

الشمطري

10/06/2009, 05:03 AM

ارجو ان جد جديد معكم عطونا الخبر الأكيد

eyeinthesky

16/06/2009, 09:02 PM

افضل شئ لما ترجع السعودية تاخذ رخصة امريكا معاك وتروح الداخلية ومعاك كتلوك السلاح توريهم الكتلوج مع الرخصة وتطلب رخصة للسعودية واذن استيراد ومابصير الله الخير

احسن قناص

16/06/2009, 11:38 PM

حبيبي ابلع العافيه واشتر راحتك
وبع سلاح اوباما وتعال ندبرك بديرتنا ترى راحة البال لها ثمن اكثر من فرق السعر ((الوضع ماهو على خبرك لاتروح ضحيه ثانيه بتهمه ماحسبت لها حساب))افرررررررررررررررك
وتقبل مروري

eyeinthesky

17/06/2009, 08:15 PM

ولو تبيعها بامريكا وتشتري عندنا يكون اريح من روح وتعال صج كلام اخوي احسن قناص ويعتمد حسب واسطتك بالمملكة والداخلية ومعارفك لو حبيت تجيبها بس الافضل بيعها لا بكرا يقولون عنك ارهابي وتروح جوانتنموووو هههه والسموحة يالغالي

قنوع

21/06/2009, 01:18 AM

السلام عليكم

تبي نصيحتي

شفلك اي شغله مسموح ادخالها وغير موجوده وجبها وبعها بمكسب واشتر من هنا ...........................

وابعد عن وجع الراس.....................

والبضايع عندكم بالهبل....................................

مثل واحد راح للكويت وشاف الاكستريما وانغبن من السعر.......................

شرا اقمشة رجالية بنفس قيمتها ودخل للسعودية وباع القماش بمكسب وشرا اكستريما هههههههههههههه

والظاهر باقي عنده قماش حق الفشق.......................................

قناص المخواه

23/06/2009, 03:27 PM

والله انا رايي من راي الاخوان
لاتعور راسك
الاوضاع مش ولا بد
تعال ديرتك وربك ييسرها

ARABIANHUNTER

25/06/2009, 02:58 AM

شكرا لكم على التفاعل مع الموضوع لكن انا وصلني كلام بس ماهو اكيد انة الواحد يجيب تصريح من الداخلية و يكون الاستلام عن طريق مورد اسلحة مثل الرميح او الرماية وبعدين تأخذها منهم بس والله ماني متأكد اذا رجعت ابي اجيب العلم الاكيد لكن شكل الشغلة صعبة شوي