المساعد الشخصي الرقمي

مشاهدة النسخة كاملة : فزعتكم يامكشاتية جدة ؟


أبوعزوز
31/05/2009, 12:41 PM
السلام عليكم ورحمة الله وبركاتة
من يزودنا بإحداثيات جلب جنوب جدة ( مركز صروم)
تكفون والله إني أدخل البحر وما أعرف الا القطع أحوم حولها أو أشوف لي أحد أجنب عندة
فالذي عنده لا يبخل علينا مواقع ناجل وأحوات كبيرة وهوامير......
ماعليكم السمك كثير والرزق على الله

طلعاتي في الشهر مرتين فقط ،،

انتظر منكم فأنتم كرماء ونحن إن شاء الله نستاهل .
نهاد العسلى
31/05/2009, 12:46 PM
اخوي
مالك إلا جهاز gps مع الخريطه البحريه وجهاز اعماق
وتوكل على الله
accentkool
31/05/2009, 01:03 PM
يبيلك يطلع معك حوات خبرة

بالتوفيق بالطلعات القادمة
dbdob
31/05/2009, 02:54 PM
مساء الخير ابوعزوز
ممكن تقبل رايي
ليش ماتاخذمعك ثلاثه من الشباب عن طريق خيمة الصيد البحري اللي يعرفون المنطقه ولا معهم قارب منها تتعرف عليهم ومنها يخدمونك بالمواقع لان اكثرالمكشاتيه يساتجرون قوارب عشان ينزلون البحروالاالعكس استاجرانت قارب من نفس المنطقه لمدة خمس ساعات اعرف المناطق ارجو اني قدافدت
تقبل مروري
أتش
31/05/2009, 10:15 PM
وعليكم السلام
اخوي ابوعزوز عدة مرات وانا اطلع من صروم مع الاصدقاء او بقوارب ايجار لكن للاسف مافكرت يوم اني اخزن مطارح بالجوال وكان هذا بامكاني وللاسف اخوي لو اني طلبت لك احداثيات من اي شخص حيروغ باسلوب دبلماسي لان الاغلبيه لا يرغب بنشر مطارحه لاحد
ونصيحتي لك
ان يكون معاك جهاز جي بي اس بالخريطه والبحث عن مواقع تكتشفها بنفسك
واذا اردت نواجل وهامور ولواط اذهب شمال غرب الخسعه الكبيره على الشعب واذا اردت شعور جنوب الخسعه في الطين على غزر من 40 الى 50 متر وتوجد مطارح غزر في النهار وفيها خير وافضل اماكن الغزر من صروم شعاره
واسأل الله لك التوفيق
اخوك ابو خالد
متواضع2000
31/05/2009, 11:35 PM
يعطيك العافية يا اتش على النصائح الحلوة
مهووس بحر
01/06/2009, 04:34 AM
بالتوفيق انشاء الله
wl-wl
01/06/2009, 03:15 PM
موفق انشاء الله .. ماأقدر افيدكــ بس حبيت امر ..
أبوعزوز
03/06/2009, 12:23 AM
ربي يسعد مسساءكم جميعا
معاي جهاز gps من دار موجة وكذلك جهاز أعماق قارمن 140 ومثل ماقلتم أخذت حوات بحري قديم
وما قصر نذهب حول القطع الشمالية والحمد لله حصلنا لوطي بس الناجل ما لقينا
أما جهاز الاعماق لم أعرف استخامه ركبت الكمرة ولعبت فيه شوي وشلكلي جبت العيد فيعطيني ارقام من 80 الى 130 بس ما أعتقد أنها بالامتار يجي قدام الرقم حرف F ما ادري ما المقصود

وقلت اذا عند الاخوان مواقع يسير أخزنها وامشي ،
وأكرر شكري وتقديري لكم على المرور ،،
بـو بـدر
03/06/2009, 02:59 AM
ربي يسعد مسساءكم جميعا
معاي جهاز gps من دار موجة وكذلك جهاز أعماق قارمن 140 ومثل ماقلتم أخذت حوات بحري قديم
وما قصر نذهب حول القطع الشمالية والحمد لله حصلنا لوطي بس الناجل ما لقينا
أما جهاز الاعماق لم أعرف استخامه ركبت الكمرة ولعبت فيه شوي وشلكلي جبت العيد فيعطيني ارقام من 80 الى 130 بس ما أعتقد أنها بالامتار يجي قدام الرقم حرف F ما ادري ما المقصود

وقلت اذا عند الاخوان مواقع يسير أخزنها وامشي ،
وأكرر شكري وتقديري لكم على المرور ،،


السلام عليكم ورحمه الله وبركاته

اخي الكريم

نصيحه اخو ماعرفك ولكن حبيت افيدك

الصياد لاتساله عن مكان فيه صيد وفير ( وهاذي حقيقه )

لانه تعبان علي المكان لين حصله ( مع الوقت راح تحس بالشي هذا )

المهم خلينا بالمهم

اخوي الكريم

حرف الF اهو القياس بالفيت وصحيح وماعليه خلاف

اما اذا تبي مناطق فيها صيد الله يعينك

دور مكان يكون فيه بوت طارح وقاعد يصيد خليه علي راحته ووخر عنه بعيد شوي وطرح واقعد تحدق عنده وعينك عليه اذا مشي وتوكل علي الله روح لنفس المكان مع مراعات
النظر علي الفيش فايندر الي ان تقع علي القطعه وجرب نصيبك وثبت المكان
راح تلاحظ بالشاشه ارتفاع القاع ويمكن يعطيك بالفيت الي 70 60 50 ونت نازل خليك معاه الي اخر حد ترتفع فيها الارض وطرح ترزق الله

غيييييييييير هالطريقه اعتقد مابتلاقي

وسامحوني علي الطريقه البايخه

ولكن من له حيله فليحتال

تحـــياتـــي
أبوعزوز
03/06/2009, 11:10 PM
شكرا أخي الكريم بو بدر
ومعلومات خبرة ربي يجازيك خير عنها
وسوف اطبق هذه العملية والرزق على الله ،،
متواضع2000
03/06/2009, 11:20 PM
اخوي حبيت افيدك بخصوص الجارمن 140

انا عندي نفس الجهاز ويعطيني بالامتار مو بالفيت

اعتقد انك تقدر تغير في الخيارات على شان يعطيك بالمتر وهذا افضل لك
محآآآآآآآآآآر
07/06/2009, 03:55 PM
أخوي أبو عزوز أنا حبيت أعطيك بعض النصائح المهمة للصيد
أولاً :-
عليك بضبط الجهاز إما على القدم أو على المتر
(الباع أو القومه ) نسمعها كثير لكن كيف أعرفها ، إليك مقارنة بين الإثنين مع قياسات البحارة
كل 5 قدم تعادل ( باع أو قومه )
كل 1،50 متر ونص تعادل ( باع أو قومه )
يعني إذا سمعت أحد يقول بحر 60 مثلاً فأعلم إنه بالباع ويعادل (300 قدم ) أو (90 م )
ثانياً :-
عليك بالبحث بجهاز الأعماق عن العروق الغزيرة ( بغزر 150 قدم فما فوق )
وهذي الأعماق غالباً ماتكون غنييه بالأسماك
ثالثاً :-
عليك معرفة أسماك الشعب من أسماك الطينه
يعني إذا تبغى ناجل ، طرادي ، هامور ، شريفي ( هذا كله حوت شعب )
ندور عليه فوق الشعب ( على ظهر الشعب ) وإن كان هذا الشعب غزير يكون أفضل
وإذا تبغى الشعور فعليك إنك تطرح في الشعب وتعطي اللنش ربخ إلين تجي في طرفه ( الطينه )
رابعاً :-
تبغى الحوت ياكل عليك باللعف الجديد وكمان سوي تشكيله من اللعف
( رقطة ، سردين ، حبار ، أخطبوط ، جمبري )
وسوي موازنة يعني إذا كنت على الشعب حاول تكبر الجلب وتكبر اللعف وتحط أكثر من نوع
وإذا كنت فالطينة حاول تصغر الجلب (يعني مقاس معقول ) وكمان شكل اللعف
خامساً :-
سامر فالمجلب قبل أي شي وفيه طريقة مرة ممتازة ( طريقة الصقل أو البلاط )
وهذي الطريقة إسأل عنها البحارة وراح يدلوك عليها
لأني بصراحة ماراح أعرف أشرحها ولا أرسمها
سادساً :-
إذا لقيت مكان جيد وفيه حوت على طول خذ الجي بي إس وخزنه
أتمنى إني أكون قدمت ماهو مفيد لك وللجميع
وأي إستفسار أنا تحت الخدمة
أخوك،،،،،،
محآآآآآآآآآآر
urumba
07/06/2009, 05:42 PM
السلام عليكم
تراني غشيم بس ودي اقول اللي عندي والتجربة خير برهان
1- اول ماتطلع من المرسى بين اللمبتين تمشي شوي يجيك شعب غاطس تقريبا 15 متر امسك فيه غرب حتى ينتهى هنا وقف وجلب على الشعب او في الطينة اللي بعده مكان جميل
2- منطقة البريد شمال صروم من جهة البضيع بين القطعة والبرج اللي على الشط مكان ماترمي تلقى خير
كنت اطلع 2 ساعة ارجع بحق الغداء والعشاء
3- الشعب اللي جنوب المخرج حلو وقت الهواء واذا ماتريد تبعد
4- شعارة وهي منطقة مجهولة تعرفها في النهار لما برجي المرسلات تركب على بعضها في النظر من موقعك طبعا جنوب المخرج وهي غنية بلأحمر بأنواعه
وسامحونا ودمتم سالمين